Kabhi Aana tu meri gali - Page 5

Originally posted by: Autumn09

Thank you so much, Rekha. Mask to ab climax me hi hatega. Abhi to Kallu madam ko Malharji ki value pata lagni hai, thoda Mallu ka dil tootna hai, thoda Kallu ka.

Haan... Donon ko ek dusre ki value pata Chalna zaroori hai.. 👍🏼

My god pragya.....kya story hai.....loved it yaar.....jaldi se furti m update krna

Kalyani ne eraser ke neele hisse ko scent vale kaagaz par itna ragda ki kaagaz hi fat gaya.

"Aur Kanchan kehti hai eraser ke neele vale hisse se ink mit jaati h," Kalyani chidchida rahi thi, "Aur ye scent vala kaagaz. Itna mehenga hone par bhi itni bekar quality. Maana dekhne mein sundar hai par agar zara sa eraser use karne se jo fat jaye, vo kaagaz kis kaam ka?"

Kalyani aaj badi vyast thi. Apna pehla love letter jo likh rahi thi. Aaj Aryan ka doosra din tha Sawantwadi mein aur jaane fir kab use Aryan se milne ka mauka mile. Apni badhiya si calligraphy me letter ka ek ek shabd bade jatan se likh rahi thi vo.

Jaise hi Kalyani green room pahunchi, usne Aryan ko letter thama diya.

"Ab ye kya hai?" Aryan ki uthi hui bhaven mask se nazar aa rahi thi.

"Aap khud hi padh lijiye," Kalyani chahkar bhi apni muskaan rok nahin paa rahi thi.

Aryan ne letter table par fenk diya, "Abhi main practice kar raha hoon. letter vetter padhne ka mere paas time nahin h."

"Aryan."

"Hoon...sun raha hoon main," Aryan guitar ko tune kar raha tha isliye usne nazar uthaye bina hi kaha."

"Mere ek dost...nahin dost to nahin..."Kalyani ne kucch hichkichate huye kaha, "To Malharji hain. Unko bhi kucch tips de do na. Bade seedhe saade hain bechare...koi ladki unko bhaav hi nahin deti. Kuch to unko sikhao jisse vo tumhare jaise kam se kam 10 percent to ban sakein aur badal jayein."

Aryan ne apna chehra guitar par tikakar kaha, "Agar pyaar ke liye kisi ko itna badalna pare ki vo khud bhi apne aap ko naa pehchan paye to vo pyaar kis baat ka Kalyani. Aur agar tumhe apne dost...oh, sorry...not your dost...kya naam bataya tha tumne...something Manohar...hmm...I remember now, Malhar, ki itni hi parwaah hai to tum khud kyon nahin kar leti usse shaadi?"

Kalyani gusse me uthkar khadi ho gayi, "Tumne dekha bhi hai Malharji ko? Dekhne se bhale hi jawaan lagein magar unka dimaag aur harkatein kisi sau saal ke boodhe ka hai. Koi ladki baat kare to jhenp jaate hain. College ke sabse strict lecturer se bhi zyaada rules follow karne wale hain. aur unki baatein itni boring hain ki..."

"Bas Kalyani, aur...aur kitni beizzati karogi uski...samajh gaya main...jo tum kehna chahti ho."

"Hai na?" Kalyani boli, "Letter zaroor padhna."

Tabhi Aryan ne Kalyani ko apni or kheenchkar kaha, "Aisa kya hai mujhme Kalyani jo us Malhar me nahin hai?"

Kalyani ke andar Aryan ke itne nazdeek aakar ek sihran sei daud gayi, "Ek to tumhari aankhon ka rang Hara hai...aur unka bhoora."

"Aur?"

"Aur tum itne dashing ho aur vo ekdum simple seedhe."

"Aur?"

"Tum bilkul boring nahi ho.  Tumhare saath har pal naya saa lagta hai aur unke saath..."

Iske baad Aryan ne Kalyani ka haath chhor diya.

Us din Kalyani ne pehli baar Aryan ko ladkiyon ke attention ka mazaa lete huye dekha aur ek khoobsurat ladki ki taraf usne flying kiss bhi diya. Malharji hote to aisa kabhi nahin karte. Usne unki kitni buraai ki...vo bhi kisi baahri ke saamne. Aryan to jaane ab Malharji ko kya samajh raha hoga...use kya pataa ki jab Malharji Saawantwadi chuttiyon me aaye hote aur Kalyani ki pareekshayein chal rahi hotin to Kalyani raat ko do baje bhi Physics ka koi sawaal poochne ke liye phone karti to phone par use poore do ghanton tak subject revise karwate the. Use kya pata hoga jab ek baar Kalyani college picnic se lautne me late ho gayi thi to Malharji apna job interview chhorkar uske baba ko bike ke peeche ki seat par bithakar poora sheher chhaan maara tha. Aur usne unki burai Aryan se ki thi jo dikhta kaisa hai use ye tak nahi pata tha. Magar na jaane kyon Aryan ki har choti cheez use Malhar ki hi yaad dilati thin. Jab uska autograph lene ke liye bheed umadti, to Kalyani ko dhakka na lage isliye bheed aur Kalyani ke beech apna haath laga dena, aur jab Kalyani ko bhookh lagi thi to apne manager se kehkar uske favourite Alphonso aam manga Dena apne khane ke liye jise Aryan ne haath Tak nahin lagaya aur manager ko saare aam Kalyani ko dene pare.

"Kalyani tu paagal hai paagal!" Kalyani ne sir par marte huye kaha, "Kya kya soch leti hai tu? Malharji aur Aryan...dono bilkul alag hain. Kahaan vo sharmeele, seedhe saade Malharji kahaan vo confident, Hindustan ki har ladki ke dil ka rajkumar Aryan."

Subah chaar baje aasman par taare Kalyani ki kurti par tanke buttonon ki tarah tanke huye the. Lighthouse se Saawantwadi kitna alag lag raha tha...bilkul kisi bulbule jaise sapne ki tarah...ki kisi ne choone ki koshish ki nahi ki chhoo... Samundar ki lehrein ek udaas geet ki tarah goonj rahin thi.

"Kalyani," Lighthouse ki itni seedhiyan chadhte huye Malhar haanfne laga tha, "Kya pagalpan laga rakha hai tumne? Aur Atul Kaka ko kya note likhkar aai ho? Ki Tum Morning walk par Jaa rahi ho? Subah chaar baje? Sabko apni tarah paagal samajh rakha hai? Bhoot pret karte hain is samay Morning walk."

Kalyani ne Malhar ko kucch der dekha fir daudkar uske gale lag gayi aur foot footkar rone lagi.

"Kalyani, kya hua," Malhar ne Kalyani ke baalon par haath ferte huye poocha, "Kisi ne tumhe kucch kaha kya? Kucch hua kya? Are Atul Kaka ko nahin, to kam se kam mujhe to batati..."

"Vo...vo..." Kalyani ne hichkiyon ke beech kaha, "Vo main kabhi aapko chhorkar nahin Jana chahti."

Malhar ne Kalyani ke chehre ko haathon ke beech rakhkar poocha, "To tum jaa kahaan rahi ho?"

"Bambai," Kalyani aansoo ponchte huye boli, "Aryan se shaadi karne ke baad."

"Shaadi kab hone lagi tumhari?" Malhar hakka Bakka reh gaya, "Khud Aryan ko bhi pata hai tum dono ki is shaadi ke baare. Kalyani meri baat suno mujhe tumhe kucch batana hai..."

"Baad me Malharji, Abhi mujhe Aryan se milne jaana hai," Kehkar Kalyani fir Malhar ko lehron ke shor ke saath akela chhor gayi.

https://youtu.be/dWqb-WqbGh8

Originally posted by: PRAKRITI_12

My god pragya.....kya story hai.....loved it yaar.....jaldi se furti m update krna

Thank you Prakriti.

It’s amazingly beautiful Pragya…

Kalyani ki mulakat ho hi gayi Aryan se..

Aryan kallu ko bhaav nahi deta..

Kallu Malharji ko bhaav nhi deti..

Aryan ki baaton se shayad kallu ko kuch samajh aa jaye…

Malharji….. Baba aadam k zamane k 

😆😆 


Loved it…

Wow yaar Pragya 

Main ek padhkar comment bhi nahi kar payi tune dusra update de diya…

Bullet Rani 😘😘😘😘

Abhi padhkar aati hu…

Super se bahut bahut bahut bahut upar….

Awesome yaar 🤩🤩🤩🤩🤩

Kalyani ko Malharji ki fikr hai isliye Aryan se unko kuch tips dene bol rahi.😆

Kallu ne Malharji ki buraai ki Aryan k saamne aur ab use bura lag rha hai..

Aryan ne bhi kya sahi kaha..

Pyar k liye badalna pade wo sachha pyaar nahi 😍 



Kalyani Malharji ko chodkar Aryan k paas jaa rahi hai 

Just loved it Yaar 😘😘

Ye raaz par se parda kab uthega ki Malharji aur Aryan ek hi hai…

Originally posted by: Priyapriyu

It’s amazingly beautiful Pragya…

Kalyani ki mulakat ho hi gayi Aryan se..

Aryan kallu ko bhaav nahi deta..

Kallu Malharji ko bhaav nhi deti..

Aryan ki baaton se shayad kallu ko kuch samajh aa jaye…

Malharji….. Baba aadam k zamane k 

😆😆 


Loved it…

Thank you so much Priyu. Is Wale concept me I was afraid cos ye thoda unrealistic and cheesy tha and I didn't know whether you all will like this because ye rockstar wala concept TV shows ne bilkul cliche bana diya hai.

Originally posted by: Priyapriyu

Super se bahut bahut bahut bahut upar….

Awesome yaar 🤩🤩🤩🤩🤩

Kalyani ko Malharji ki fikr hai isliye Aryan se unko kuch tips dene bol rahi.😆

Kallu ne Malharji ki buraai ki Aryan k saamne aur ab use bura lag rha hai..

Aryan ne bhi kya sahi kaha..

Pyar k liye badalna pade wo sachha pyaar nahi 😍 



Kalyani Malharji ko chodkar Aryan k paas jaa rahi hai 

Just loved it Yaar 😘😘

Ye raaz par se parda kab uthega ki Malharji aur Aryan ek hi hai…

Thank you so much Priyu. Bas tere hi aane ka wait kar rahi thi main.

Originally posted by: Autumn09

Thank you so much Priyu. Is Wale concept me I was afraid cos ye thoda unrealistic and cheesy tha and I didn't know whether you all will like this because ye rockstar wala concept TV shows ne bilkul cliche bana diya hai.

Unki to baat hi mat karo