Kuch Waqt Lagay Ga

First Previous

Page

Next Last

Frequent Posters

NASIR

@whoz_4who

Beginner

Posted: 15 years ago

#31

Kaash tum nay mujhey hansaya hotta
Kaash tum nay mujhey rulaya hotta

Kaash gussay main he apna bulaya hotta
Kaash mujhey yaad ker k apnay dil ko behlaya hotta

Kaash meri yaad satati tumhain
Kaash merray bina neend na atee tumhain

Kaash k tum meri mohabbat ko pehchaan patee
Kaash k tum mujhey apna hee bana patee

Kaash main tumhain apni bahoon main khilata
Kaash main tumhari zulfoon main so jata

Kaash k tum dil say chahtee mujhey
Kaash k apna saya banatee mujhey

Kaash main teri aankhoon ka kajol hotta
Kaash main iss barish ka badal hotta

Kaash tum merray sennay say lipat ker rotee
Kaash k merray bina teri subhoo na hotee

Kaash k hal-e-dil batata tumhain
Kaash k dil ka ghum batata tumhain

Kaash k apni jaaaan say bhee chahta
Kaash tumbin saas bhee lay na pata

Aay kaash yeeh Saab ghum na hottay
Aay kaash na tum hottay na hum hottay

Quote

NASIR

@whoz_4who

Beginner

Posted: 15 years ago

#32

Tum ko hum dil main basa lingay kabhi ao tu sahi
Sari duniya say chupha lingay kabhi ao tu sahi

Ik wada karo ab hum say na bichrro gay kabhi
Naaz hum saray utha linggay kabhi ao tu sahi

Rah tareek hai aur duur hai manzil laykin
Dard ki suma'ain jala lingay kabhi ao tu sahi

Quote

Looks like you are new here. Register for free, learn and contribute.

NASIR

@whoz_4who

Beginner

Posted: 15 years ago

#33

Kabhi hansna, kabhi Aansoo bahaana Yaad aaiey gaa
Tumhein woh Pyar ka guzra zamaana Yaad Aeiy Gaa

Tumhein phir yaad aaien gee humari shurmgeen nigaahein
Mera woh"Rooth" kur phir muskurana Yaad Aeiy Gaa

Chupey gaa Baadalon ki ott mein jub Chaand ka chehra
Dupattey se mera woh "Moonh" chupaana Yaad Aeiy Gaa

Barhey gee shaam jub aaiey Shafaq ki surkhiyaan le kur
Tu mera woh "Haath" pe Mehndi rachaana Yaad Aeiy Gaa

Buhut kuch yaad aaiey gaa tumhein meri judaai mein
Khanakti "Chooriyon" ka Gungunaana Yaad Aeiy Gaa

Jhuka paao gey jub tum kissi nazuk si daali ko
"Haiya" ke bojh se sar ko jhukaana Yaad Aeiy Gaa

Karakti Bijliyaan maazi ke afsaaney sunaaien gee
Woh darr ke "Baazu'on " mein Kapkapaana Yaad Aeiy Gaa

Dum-e-Rukhsat ki woh ghariyaan musalsal yaad aaien gee
"Lipatt" kar tum se woh Aansoo Bahaana Yaad Aeiy Gaa

Quote

NASIR

@whoz_4who

Beginner

Posted: 15 years ago

#34

Mujh ko mahsoos bhi na honay diya
Yun kahani ko tum nay maur diya
Milnay julnay may ki kami pahlay
Phir yun he rafta rafta chore deya.

Quote

NASIR

@whoz_4who

Beginner

Posted: 15 years ago

#35

Har khushi mein koi kami si hai
Hansti ankhon mein bhi nami si hai

Din mein chup chap sar jhukae tha
Raat ki nabz bhi thami si hai

Kis ko samjhaen kis ki baat nahi
Zehan aur dil mein phir thani si hai

Khuwab tha ya gubar tha koi
Garrd in palkon pe jami si hai

Keh gae hum kis se dil ki baat
Shaher mein ik sansani si hai

Quote

NASIR

@whoz_4who

Beginner

Posted: 15 years ago

#36

Jal Jatay Hain

Garmi-e-hasrate naam se jal jatay hain
hum charagho ki tarhan shaam se jal jatay hain

bach nikaltay hain aagar atish-e-sayyad say hum
shola atish-e-gulfam say jal jatay hain

hudh numai tu nahin shaywa arbab-e-wafa
jin ko jalna hu wo aaram say jal jatay hain

Shama jiss mein jalti hai numaish kay liyay
hum oosii aag may gumnaam say jal jatay hain

Quote

NASIR

@whoz_4who

Beginner

Posted: 15 years ago

#37

mujh ko ik baar to seene se lagaa lo jaanaaN
mujh ko is gardish-e-dauraaN se bachaa lo jaanaaN

mere guzre hue kal ne to mujhe luuT liyaa
mujh ko aate hue lamhoN se chhupaa lo jaanaaN!

meri naakaam umeedoN ki paRii hai jo laash
mere aage se kisii taur haTaa lo jaanaaN

gham-e-furqat meiN jhulastii huii raateiN beetiiN
ab to aaghosh-e-tavajjo meiN sulaa lo jaanaaN

is se pahle k muhabbat ho hamaarii rusvaa
aaj jaise bhi ho bas paas bulaa lo jaanaaN

ye taqaddus, ye rasoomaat-o-aqaaid kya haiN?
khud ko in "ghor andheroN" se nikaalo jaanaaN!

log haNste haiN jo mujh par to chalo yuuN hi sahii
meri haalat ka zaraa tum bhi mazaa lo jaanaaN!

haaye 'tanhaa' no vo din haiN, na vo raateiN baaqii
jab vo kahte the "mujhe apna banaa lo jaanaaN!"

Quote

NASIR

@whoz_4who

Beginner

Posted: 15 years ago

#38

Meri Zubaan sai meri dastaan suno to sahi
Yaqeen karo na karoo meharbaan- suno to sahi

Chal yeh maan liya hum mujreem-e-mohobat hai
Humery jurm ka hum sai baiyan suno to sahi

Quote

NASIR

@whoz_4who

Beginner

Posted: 15 years ago

#39

Teri yadoon ka maihel dil mai banaya mai ny
Arzooon ka dia us mai jalaya mai ny

Bhool ny walay tujhai meri qasam 'faiz'
Koi lamha woh bata jis mai bholaya mai ny

Quote

NASIR

@whoz_4who

Beginner

Posted: 15 years ago

#40

Aankhon ka rang, baat ka lehja badal gaya,
Woh shakhs aik shaam main kitna badal gaya,

Kuch din to mera aks raha aaine pe naqsh,
Phir youn huwa ke khud mera chehra badal gaya..

Jab apnay apnay haal pay hum tum na reh sakay,
To kiya huwa jo hum say zamana badal gaya,

Qadmon talay jo rait bichhi thi woh chal pardi,
Us nay chhuraya haath to sehra badal gaya..

Koi bhi cheez apni jagah par nahin rahi,
Jaaty hi aik shakhs ky, kiya kiya badal gaya,

Ek sarkhushi ki moj nay kaisa kiya kamal,
Wo bay-niaaz saara ka saara badal gaya

Quote

1 2 3 4 5

Kuch Waqt Lagay Ga - Page 4

Related Topics

Explore Topics