Saras Khush... toh Kumud Khush! ❤️

1) Saras-Kumud : Kumud ne Saras ko surprise diyaa. Cool! :) Dono kaa zagdaa bhi mit gayaa. :D Aur 'Kuchh naa kahe...' bhi ho gayaa! <3
2) Saras-Danny : Bharat-milaap! :) Inn dono kaa zagdaa bhi mit gayaa. Aur wo honaa hi thaa... Dono itne acchhe jo hai. Wo Saras kaa chintu saa slap bhi acchaa thaa! :) Aur wo dialogue... "Serious rehnaa meraa department hai!" :D :D :D
3) Pramaad-Kalika : Pramaad jiss tarah se Kumud ke baare me bol rahaa thaa, tab Kalika ke expressions dekhne chaahiye the. :P Aaye haaye... Girr gaye bhaav sone ke! ;) Jal kar raakh ho gayi Kalika! Kehte hai nafrat pyaar kaa dusraa naam hai... Aur 'mujhe' aisaa lag rahaa hai jaise Pramaad ussi raaste par chalne lagaa hai! :P
4) Kusum : Saras ne Kumud ko nahi bataayaa kyonki agar wo bataataa toh Kumud khud ko blame karti rehti ke ye sab meri wajah se ho rahaa hai. Mujhe maarnaa mat, par humaare Saraswatichandra thode se Panwati type hai... Kumud ne pyaar kiyaa tab usski zindagi narak ho gayi thi aur ab Kusum pyaar karne lagi toh wo kidnap ho gayi! (I know, maine bohot ghalat bolaa hai... :P ) Waise issme saari ghalti Kusum ki hai... Kisne kahaa thaa pyaar karne ko?! :/ Mujhe Kusum se zyaadaa Pramaad acchaa lagtaa hai. At least wo ye baat accept toh kartaa hai ke wo buraa hai.
5) Story : Pataa nahi, par mujhe dekhnaa hai ke aagey ye story kaise badhegi. Rishton ki ulat-pulat! Kumud... Ab officially Desai ho gayi hai aur usse Saras ki khushiyon ki aas hai. Saras... Usse jo mil rahaa hai, utne me wo khush hai. Kusum... Apni barbaadi ki or badh rahi hai. Kaisaa hogaa agar Saras Kusum ko apni chhoti behen maantaa hogaa toh? Kyaa hogaa jab Kumud ko Saras se phir pyaar hogaa toh? Seriously... Pataa nahi kyaa aur kaise hogaa. Dekhte hai...