FF Tu Jaha Main Waha updt part 7, 8 - Page 5

Originally posted by: sakhisangni

Very well written, read all the parts at one go. The best thing is that you are updating really fast, keep writing and updating! 👏

thanks dear😛

Part -7

Megha – is ghar me jo bhi musibate aai hai uski wazah mohan hai. mohan ne is ghar ko siway dhuk or taklifo ke kuch nahi diya. Ye such hai ki usne amar ko begunah sabit kar diya per sirf ek acchai se uske saare gunah dhul to nahi jaate. Wo bhut bura insan hai bahut hi bura. Usne jo is ghar ke saath kiya hai uske liye main use kabhi maaf nahi kar sakti kabhi nahi.

Bus kijiye renu bhabhi bus kijiye. Roz roz wahi baatein krna band kijiye nahi sun sakti main mohan ke bare me ye sab.

Renu – are us lafange ne jo kiya hai to use galiya na doo to kya karoo.

Jiji – kiya to tumne or sanjay ne bhi hai to kya hum bhi tum logo ko roz roz kose.

Renu – aap mere or inki brabari us lafange se mat kijiye jiji.

Jiji – kyu? Mohan ne jo kiya wo gunah hai or tum dono ne jo kiya wo kya gunah nahi hai. are kum se kum usne apni galti maan to li per tum dono to apni galti maanane ke bajaye use chupane ke chakkar me or galtiya pe galtiya karte gaye. Or jab such khula to use kubul karne ke bajaye gharwalo ko hi dosh dene lage.

Renu – jiji aap……….

Papaji – renu bus karo. Galti ki hai to use kubul karna sikho. Main to us bechare mohan ko bura bhla kehta rha or mujhe kya pta tha ki mere khud ke ghar me sapola baitha hai jo ek din apne hi pareevar ko dus lega.

Renu – papa ji aap bhi jise dekho bus us mohan bhtnagar ke hi gun gata rehta hai.

(idhar mohan apne ghar me chup chap baitha hai. use chup chap baitha dekh kar guru uske paas aata hai.)

Guru – kya hua bhaiya aap to megha bhabhi ko lene gaye the na. fir akele kaise wapus aa gaye.

Mohan – wo ab meri zindagi me kabhi wapus nahi aayegi guru.

Guru – kyu? Kya hua hai bhaiya? Bataiye na.

Mohan – megha me mujhe maaf nahi kiya guru. Wo aaj bhi mujhse nafrat karti hai.

Guru – main maan hi nahi sakta bhaiya wo to aapse bahut pyaar karti hai na.

Mohan – humare bich pyaar kaise shuru hua tha pta hai tujhe bhrose se. usne pehle mujhpe bharosa kiya fir pyaar kiya. or maine us bharose ko hi tor diya. Bharose ke saath saath humara pyaar bhi khtam ho gaya guru. Megha kabhi maaf nahi karegi mujhe. Or such to ye hai ki ab himmat bhi nahi rahi uske saamne jaane ki. Use itna bara dhokha dene ke baad kis muh se uske paas jaau. Kya kehkar maafi maangu. Sari umeede tut gayi yaar. Or saath saath himaat bhi. Ab meri yahi saza hai ki saari zindgi megha ke pyar me uski yaado me tarpta rahoo. Yahi saza hai meri ki usase door rahoo. Or ye saza mujhe saari zindagi bhugtani paregi.

(In pyaaz niwaas megha apne kamre me mohan ki tasweer ke saath baithi hai tabhi jiji aati hai)

Jiji – megah tu fir rone lagi.

Megha – kya karoo jiji roz roz mohan ke baare me itni karwi baatein bardast nahi hoti mujhse. Usne jo bhi kiya usme uske akele ki galti to nahi thi na meri bhi thi. Maine apni khamoshi se use tor diya. Na maine use haa bolne me itna waqt lgati or na hi raddi uski zindgi me aati. Usne chahe jitni bhi galtiya ki hai jiji per uske iraade kabhi galat nahi the. Wo to humesha is ghar ka bhala karna chahata tha chahe tannu ka mamla ho ya nanhi aadu ka. Usne humesha sabke bare me socha. Usase galtiya ho jaati hai jiji wo jaan bhoojh kar nahi karta ye sab. Or in sabke beech sabse bara such ye hai ki wo mujhse bahut pyaar karta hai or usase bhi bra such ye hai ki main bhi usase bahut pyaar karti hoo. Jiji fir main kaise sun lu uske bare me ulti sidhi batein.

Jiji – main samjhti hoo megha. Tu bus himaat rakh jis bhgwan ne tujhe mohan se milwaya tha wahi bhgwan fir se tujhe usase milwayega.

Megha – main bhi use din ka intzar kar rahi hoo jiji jab wo dubara mere saamne hoga is baar main use kahi nahi jaane dungi jiji. Use bataungi ki hume uski zaroorat hai addu ko nanhi ko or mujhe hum sabko uski kitni zaroorat hai. wo humari zindagi ka kitna important hissa hai.

Originally posted by: ankur281

Part-5 tak toh thik tha...But Last Part mein lagtahe tujhpar v JD ka asar pada hai...

For the previous parts...👍🏼..👍🏼..👍🏼

I would have kept Mohan's sister name as Maya...Looked for fitting...Aur Mr. India ko appearance dilane ke liye dhanyabad...🤗

Kash accident hone ke baad dono bichhar jaye..yaadash chali jane. ke karan...

aur fir ek doosre se milte hai kuchh alag aur interesting circumstance mein...😉

Puja dear...great going...👏👏

oye ankur kuch to drama hona chahiye tha na.😉

Originally posted by: Ishaqzaade

Nice part 6. Kya NBT mein judaai coz of accident and here coz of MU...😲

thanks dhwani😛

Originally posted by: manesha76

Pooja , very nice yaar

Bohot accha likha hai tumne I read 4-5-6 part together .

thanks Manesha😛

Part – 8

(Mohan apne ghar pe hall me chup chap khamosh baitha hai. tabhi piya aati hai.)

Piya – hello bhai aap yha itne kahmosh kyun baithe ho? Guru bata rha tha ki aap bhabhi ko lane gaye the. Lekar nahi aaye.

Mohan – abhi jaa yaha se.

Piya – maaf nahi kiya unhone. Accha kiya?

Mohan – kya? Tu meri behan hai ya dushman.

Piya – such kahoo bhai to unki jagah agar main bhi hoti na to main bhi aapko maaf nahi karti. Galti hi itni bari ki hai aapne.

Mohan – tum logo ko sirf galti dikhti hai uske piche ke halat nahi.

Piya – halat chahe kuch bhi ho per galti to galti hi hoti hai na. or koi bhi aurat ye kaise bardast karegi ki jise wo apna pati manti aai hai wo pehle se kisi or ka pati hai.

Mohan – tujhe pta hai na ki us Raddi ki shadi pehle se hi kisi or se ho gayi thi.

Piya – per is such se aapki galti to nahi kum ho jaati na. haa ye alag baat hai ki aapko apni galti ka pchtawa hai or shayad aapne apne aap ko saza bhi de di hai.

Mohan – shayad…. Are maine apne aap ko bahut bari saza de di hai tujhe pta bhi hai ki megah se door rehna mere liye fansi ki saza se bhi bari saza hai. lekin such kahoo ab ye saza or bardast nahi hoti.

Piya – to fir aise baithe rahenge kya? Uthiye or jakar bhabhi se maafi magiye.

Mohan – gaya tha mafi mangane per wo abhi bhi bahut naraz hai. maaf nahi karegi.

Piya – to haar maan kar baith gaye. Kosis kijiye. Unse haa bulwane ke liye bhi to aapne baar baar kosis ki thi na. kya kya nahi kiya thappar, chappal galiya sab khai per jab tak haa na bulwa liya haar nahi maani. Fir aaj kyun haar ke baithe hai.

Mohan – ek minut tujhe kaise pta ki maine megha se haa bulwane ke liye itna kuch kiya hai?

Piya – wo guru hai na usne mujhe aapki puri luv story suna di.

Mohan – ye guru bhi na……… bilkul aurato wali aadat hai usme chugalkhori ki. Koi bhi baat pet ke andar nahi rakh sakta. Sab kuch ugal diya.

Piya – accha to hua na bhai mujhe bhi pta chala ki pyaar se rooth chuke mere bhai ki zindagi me ek aisa insaan aaya jisne use fir se pyaar krna sikha diya. Or such kahoo bhai I just love ur love story. Maine aaj tak aisi prem khani nahi dekhi. Sabse alag sabse anokhi.

Mohan – or is prem kahani ki ending bhi to kitni sad hui na. main or megah mil ke bhi nahi mil sake.

Piya – bhai ye is prem kahani ka ending ho hi nahi sakta. Is pyaari si luv story ka end to bus aap dono ke Milan se hi hoga. Lekin aap agar aise himmat haar kar baith jayenge to kuch nahi hoga. Jaaiye or jakar manaiye bhabhi ko.

Mohan – such kahoo megha ke saath maine itna galat kiya hai ki mujhe nahi lagta ki wo ab meri shakal bhi dekhegi. Maaf karna to impossible hai.

Piya – impossible lekin bhooliye mat bhai is impossible me hi I am possible chupa hota hai. yani jo main chahu wo possible hai.

(mohan ko piya ki baat sunkar Nanhi ki yaad aa jati hai or wo smile karne lagta hai.)

Piya – bhai kha kho gaye. Maine aisa kya keh diya jo smile kar rahe ho.

Mohan – tujhe pta hai tu na bilkul chawanni ki tarah baat karti hai.

Piya – chawaani……… aa……… matlab wo …….. megha bhabhi ki beti nanhi.

Mohan – meri or megha ki beti nanhi. Choti si hai per baatien bilkul dadi amma ki tarah karti hai. I really miss her yaar.

Piya – isliye to keh rahi hoo apki saari khushiya waha hai jakar apni khushiya wapus samet lijiye bhai. Jakar bhabhi se baat to kijiye. Jyada se jyada kya hoga aapko thappar lga degi, ghar se nikal degi per aap haar mat manana lage rehna. Maan jayengi. Waise aapko ek baat batau hum ladkiyo ko na ladko ko apne piche ghumana bahut acha lagta hai hum chahte hai ki jab hum roothe to ladke hume manaye humare nakhre uthaye.

Mohan – accha.

Piya – haa maine bhi to jeet per yahi formule try kiye the. Bhai aksar hum ladkiyo ki naa me haa hoti hai bus samjhne ki deri hai.

Mohan – per mujhe kaise pta chalega ki ikraar wali naa kaun hai or inkaar wali naa kaun hai.

Piya – bhai…….. sab main hi batau. Aap apni luv story me khud se khuch karoge ki nahi. Ek ladki ko mana nahi sakte. Log to apni gf ko manane ke liye kuch bhi kar sakte hai.

Mohan – problem ye hai piya ki wo meri gf nahi hai biwi hai. or biwi or gf me bahut fark hota hai.

Piya – koi fark nahi hota aap bus kosis to karo.

Mohan- accha thik hai main sochunga kya karna hai abhi tu jaa. Shram nahi aati ek hafte me shadi hai or aise ghoom rahi hai. jakar thora rone ki practice kar le wrna log kya kahege. Bidaai me dulhan ro hi nahi rahi.

Piya – or aap aise muh bnake baithe rahoge to logo ko lagega ki bidaai meri nahi aapki ho rahi hai. kya kismat hai meri shadi ke pehle ladkiya shopping karti hai beautiparlor jati hai or main apni bhai ki luv story thik karne me lagi hoo.

Mohan – ehsaan ki zaroorat nahi hai ja jakar apna kaam kar.

(raat ko dinner table per sab khane baithe hai)

Indu – monu tu to megah lo lane gaya tha na. kya hua nahi aai wo. Mujhe pta tha ki wo itni aasani se tere saath thori aayegi. Use to tujhe apni isharo pe nachane ka shaukh hai. jab tak tujhe apne ghutno pe jhuka nahi legi maaf thori na karegi. Tu hi pagal hai jo uske piche piche lga rehta hai. tujhe kya kami hai ladkiyo ki.

Mohan – maa…….. main uske saamne gaya hi nahi himaat hi nahi hui.

SB – piya bete Kuch logo ko galtiyo se sabak lene ki aadat hi nahi hoti. Baar baar wahi galti karte hai.

Mohan – aap sidhe mujhse baatein kar sakte hai.

SB – hum bus itna kehna chahte hai ki pyaar krna asaan hota hai shadi krna usase bhi aasan hota hai per zimmedariya uthana utna hi muskil. Or jo insaan khud ki zimmedari nahi utha sakta wo apni zimeedariyo se bhagega hi na.

Mohan – aap kehna kya chahte hai ki main apne parivaar ki zimeedari nahi utha sakta isliye megah ke saamne nahi gaya.

SB – to usme galt kya kha humne. Aapne pyaar karke shadi to kar li per us shadi ke saath milne wali zimmedariya uthane ke kabil nahi hai aap. Isliye apni zimmedariyo se bhag rahe hai.

Mohan – ji nahi mr, bhtnagar ye such nahi hai. maine pyaar kiya hai shadi ki hai to apni zimmedariya bhi ache se samjhta hoo. Apni biwi apne baccho ke liye meri jo zimmedariya hai main unhe nibhana acche se janta hoo. main aapko galat sabit karke dikhaunga. Megha or apne baccho ko apni zindgi me wapus launga or unki saari zimmedariya acche se uthaunga. Or jab tak main ye kar nahi leta na tab tak main chain se nahi baitunga.

(mohan itna kehkar waha se chla jata hai. indu SB ki traf bare ajeeb nazro se dekhti hai unke chehre pe halki si smile hai.)

Bahaat achha update hai Puja,chal tune mera mood aaj thik kar diya...

Achhha likha hai - ek suljhee hui story without any drama, Loved it. 😊😊