Arjun aaj jaldi office se nikal gaya tha, pichle 1 hafte se woh Raj ko thoda sa bhi time nahi de pa raha tha. Arjun ko bohut takleef hoti hai, Raj ko dekhke, jab woh Arjun ke intezar mein hi Shefali ki goadh mein so jata hai.
Arjun koshish karta hai Raj ko waqt dene ki, usse kabhi apni maa ki kami mehsus na hone dene ki, lekin jab bhi Raj puchta ke, 'mom kab ayegi?' Tab Arjun ko ehsas ho jata ki woh haar chuka hai. Lekin woh kar bhi kya sakta hai, sab ussi ne to khatam kiya tha . . . 'kuch galtiya kabhi sudhari nehi ja sakti' . . . Arjun yehi sab soch soch ke ghar pahuncha.
Idhar Raj Shefali ko Arjun ke bare main puch puch ke pareshaan kar raha tha. "Bua, dad kab ayenge, mujhe unhe bahut badi baat kahni hai."
"Aa jayenge, tu mujhe bol kya baat hai, "Shefali ne kaha.
"Nahi, mujhe pehle dad ko hi batani hai woh baat."
"Kya baat hai Raj?" Arjun ne piche se aake pucha.
Raj bhagte hua Arjun ke paas gaya, Arjun ne usse gale laga liya. "Dad mujhe aapko bahot important baat kahni hai."
"Haan, bolo."
"Dad, aaj mere summer camp ke class mein mujhe ek friend mili."
"Ye to bohut acchi baat hai, " Arjun ne kaha.
"Woh bilkul mom jaisi dikhti hai dad."
Arjun ek pal ke liye ruk gaya, uske chehre se hasi gayab ho gayi thi, uska dil bas ek sawal kar raha tha . . . kya 'woh mumbai main hai?
Lekin Raj bol utha, "par woh mom nahi hai, woh mom ki tarah nose ring nahi pehenti, isliye mujhe pata chal gaya ki woh meri mom nehi hai."
Arjun ne ek lambi saans li, 'shayad Raj ne kisi aur ko dekha hoga.' Arjun ne socha. Fir Raj apne summer camp ke bare main batane laga, lekin Arjun jaise apni hi duniya main kho sa gaya. 'Agar woh sach main yahan hai,' usne socha par dusre hi pal uske dil ne kaha, 'to bhi tu kya karta, woh kahani to tune khud hi khatam ki thi.'
Arjun ne, Raj ko apne kamre main bheja, aur kuch der ek hi jagah khara raha aur fir bina kuch kahe apne kamre main chala gaya. Shefali, Arjun ke iss halat ko dekh kar pareshaan thi, kuch hi saal pehle tak, uska bhai, college ka sabse hasmukh ladka hua karta tha, aur aaj uski zindegi se jaise hasi chali gayi thi. Shefali ne phir Salil ko message kiya.
Kuch der baad Salil Arjun ke ghar pahuncha. Shefali se usse pata chala ke, Raj ne Arjun se kya kaha tha. Woh Arjun ke kamre ki aur chala gaya.
Arohi aaj khush thi, bohut dino ke baad woh dil se khushi ko mehsus kar rahi thi. Shayad Raj se mulakat, bacchon ke bich mein itna waqt bitana, sab kuch milake woh khush thi. Arohi apni NGO ki ek friend, Swati ke saath Jay ke mumbai ke flat pe pahuchi. Usne darwaja khola aur dekha sab jagah par dhul padi hui thi.
"Uff, ye Jay bhi na, jab rehna hi nehi tha to kharida kyo tha ise?" Arohi
ne apne aap se kaha. Swati aur woh dono milke ghar ko saaf karne mein lag gaye. Swati Jay ko nahi janti thi, bas ye pata tha ki Arohi ka dost hai. Asal mein Chandigarh ke kuch hi logo ko pata hai ke Jay aur Arohi ki
engagement ho chuki hai. Sab kuch saaf karke Arohi bed pe lait gayi, Swati kitchen main thi. Usi waqt Jay ka phone aya.
"Kaisa raha tumhara din? Ghar pasand aya?" Jay ne pucha.
"Haan, ghar thik hai. Aur din to bahot acha gaya."
"Main India aa raha hu," Jay ne kaha.
Arohi ko pata nahi ke iss baat ka sahi reaction kya hona chahiye. Who kuch bolti usse pehle Jay ne kaha, "tum tension mat lo, ghar main kisiko pata nahi chalega. Maine to keh diya hai agle 1 saal tak shaadi ka khayal bhi na laye koi"
Arohi ke paas bolne ke liye kuch bhi nahi tha, to woh chup rahi. Jay ko iss chuppi ki aadat ho chuki thi. Usne kaha, "chalo abhi mai phone rakhta hun, bye," Jay ne phone cut kar diya.
Arohi ko pata tha ke Jay aisa kyun kar raha tha. Jay janta tha 3 saal baad
bhi Arohi shaadi ke liye taiyaar nahi thi. Engagement main bhi Arohi ne
left hath main chot lagne ka bahana banane ke right hand ki ungli pe
ring pehni thi.
Arohi ko khud pata nehi tha woh aisa kyo karti hai, bas woh wahi karti
thi jo uska dil kahta tha. Arjun ko wapas pane ki koi umeed na hone
ke bawajud woh kissi aur ko uski jagah dene ko taiyaar nahi thi.
~*~*~
Salil ne Arjun ke andhere kamre ki lights on kar di. Achanak roshni hone se Arjun chid gaya. Arjun apne bed pe jaise bejaan pada hua tha. Salil ko apne dost ki halat pe taras bhi aya aur gussa bhi. Usse abhi bhi yaad hai, jab 2 saal pehle woh Arjun ke office mein hi job ka interview dene gaya tha, usne Arjun ko dekhte hi use thapad maara tha. Salil ko behad gussa aya tha Arjun pe, usne Arohi ki halat dekhi thi jab Arjun sab kuch khatam karke chale gaya tha.
"Salil, tu abhi yahan kya kar raha hai?" Arjun ne bed se bina uthe hi pucha.
"Teri halat pe taras kha raha hun," Salil ne kaha.
"Huh . . . tune clients se meeting kari?"
"Yes boss, aur abhi mujhe aap se meeting karni hai, so get up," Salil ne kaha.
Arjun utha, aur Salil uske paas jaake baith gaya.
"Kyun iss tarah saza de raha hai khudko?" Salil ne pucha.
"Main kahaan kuch kar raha hun. I'm perfectly alright," Arjun ne kaha.
Salil ko pata chal gaya ki Arjun nashe main tha. "Haan, woh to dikh raha hai ki kitna theek hai tu. Arjun abhi bhi waqt hai jaa, jaake sab kuch sach sach bata de Arohi ko."
"Waqt? Huh, wohi to badal gaya, abhi main chahu bhi to kuch nehi hoga, maine jo uske saath kiya uske baad main kaise uss se maafi ki umeed kar sakta hun?" Arjun khara ho gaya.
"Mujhe abb bhi yakin hai Arjun, ke Arohi tujhse abhi bhi pyaar karti hai," Salil ne kaha.
"Pyaar, nahi nafrat karti hogi woh mujhse. Mere khayal se, meri yaadon
se. Tujhe to pata hai na meri galti ki koi mafi nahi. Meri ek pal ki
nadani, ek pal ke frustration ne mujhse meri Arohi ko chin liya. Abb who kissi aur ki ho chuki hai Salil. Meri Arohi kisi aur ki ho chuki hai," Arjun is bar apne aasuon ko rok nahi paya. Arohi ke kisi aur ke ho
jane ka ehsaas Arjun ko andar se jala raha tha.
Salil ne Arjun ko sambhala, aur use bed pe sula diya. "Kaash tune mujhe apni kasam na di hoti to Arjun, toh aaj sab kuch badal
chuka hota," Salil ne Arjun ki taraf dekh ke kaha, ye jante hue ki woh tab tak so chuka tha.
~*~*~
I hope you all like the update... please give your precious comments and hit the like button...
Iss Pyaar Ko Kya Naam Doon
Jodha Akbar
Cricket
