FF:Dil ne fir yaad kia Part 2,Page 1,23/12/08

1999,12th January,Patna

"What..?Kyaa keh rahe hain aap?Nahi..main yeh shaadi nahi kar sakta.."

"Humari Beti se chhedkhaani kar k ab bhaagna chaahte ho..Mumbai me hota hai yeh sab.. yeha nahi chalta..pure rishteydaaron me baat phail gayi hai..yeh shaadi toh aapko karni hi hai.."

"Pitajee..jaane dijiye..zabardasti se aap is tarha shaadi nahi kara sakte..main khud inse shaadi nahi karna chaahti.."

"Chup raho..chaar kitaab padh li tumne..aur hum se zubaan ladhati ho..Shaadi toh issi se hogi...duniyawalon k saamne humari hansi udha kar tum dono ko chain nahi aaya?"

"Pitajee...zara si baat kar li hai ..isse kaun si aafat aa gayi?Inke saath aap aisa nahi kar sakte..jaane dijiye inko..Jeejaajee..samjhaaiye Pitajee ko.."

"Hum kuchh nahi kahenge..Baosaab theek hi keh rahe hain..isko pahle sochna tha..tumse baat karne se pahle.."

"Baat karne ka matlab hai shaadi karna..yeh kaha ki samajhdaari hai?"

Bahes ka koi faaida nahi hua..Gun point me Samman ki shaadi kara di Om Shankarjee ne.. apni chhoti Beti Kakul k saath..Dono ki shakal latki hui thi..peechhli shaam ki baatein yaad aai..ek shaadi me Samman Baaraati ban kar aaya tha..Kakul bhi wahi par thi..Samman k dost Kakul ko hi dekh rahe the..Samman apni mangetar Vanshkia ko phone karne gaya tha..line nahi lagi..waapas aaya toh dekha dost Kakul ko le kar baatein kar rahe hain. Samman ne kaha , "Yaar..tum log kabhi nahi sudhroge naa..?"

"Nahi ..yaar..yehaan k bahut bade raees ki Beti hai yeh..dikhne me bhi mast hai.."

Samman--Toh..?

"Kyaa yaar..dekh ..izzat ka sawaal hai..koi jaa kar baat nahi kar paa raha hai usse..tu humara hero hai..jaa..baat kar k aa.."

Samman--Mujhe koi zaroorat nahi hai..

"Abe..baat hi karni hai..baat karne se thode hi teri shaadi ho jaayegi..jaa naa.."

"Nahi Samman..mat jaa..yaar..bakheda hoga..is ladki k Baap aur Jeejaa se pura Patna darrta hai..mat jaa..in logon ki baatein mat sun.."

Samman--Mujhe nahi jaana..ab mera sar khana bandh karo..

"Darr gaya kya?Abe..tu toh fattoo nikla..ek dum lappoo jhanna ban gaya ..khubsurat ladki se baat karne se ghabra raha hai.."

Samman--Shut up...main nahi darrta..

"Nahi darrta..toh jaa kar baat kar.."

"Nahi..Samman..inki baat mat sun..."

Samman--Nahi..ab toh izzat ka sawal hai..baat toh kar k rahoonga..

Samman Kakul ki taraf gaya...Kakul sharbat pee rahi thi..

Samman--Hello..I am Samman Chaudhury..

Kakul--Toh main kyaa karoon?Aur aapse kisne kaha..k aap hum se baat kare..jaaiye..varna mushkil me padenge aap..jaaiye..

Samman--Kyon..baat nahi kar sakta main aapse?

Kakul--Aap jaaiye yehaan se..

Yeh keh kar Kakul chali gayi waha se..

Par mulakat ka silsila yehi par khatam nahi hua..aur agli mulakat aur bhi badhia rahi.. Samman ka pair finsal gaya..aur Kakul saamne se aa rahi thi..Samman geerne hi wala tha..aur Kakul ne usko pakad lia..agar nahi pakadti toh Samman k sar par chot aa sakti thi..Samman aur Kakul ko ek saath ek video camera me kisine kaid kar lia..aur yeh video bahut logon ne dekha..aur Sujit ki nazar me bhi yeh baat aai..Sujit..Om Shankar Tripathi k Bade Damad hain.

Kakul se Samman ki uske baad mulakat bhi nahi hui..Samman Kakul ko thanks kehna chaahta tha.Par Kakul nahi mili.

Samman Mumbai k lia nikal hi rah tha k Sujit k admion ne usko pakad lia..aur Om Shankar k saamne haazir kia..Kakul ko pahle se daantt pad rahi thi...ghar ki izzat ko is tarha sare aam nilaam karne k lia..Kakul chup chaap sun rahi thi sab kuchh..par jab Samman se shaadi ki baat aai..tab Kakul bhi naraz ho gayi..par uski ek baat nahi suni kisine..

Shaadi ho gayi..Samman khud ko kos raha tha..k kyon woh is shaadi me aaya..Kakul khud ko kos rahi thi ..k kyon woh Samman ko bachane k lia aage aai...

Shaadi kar k Samman Kakul ko le kar Mumbai aaya..do din baad..uske ghar par hungama hua..Vanshika bhi aai..Kakul ko bhala bura kahne me kisine koi kasar nahi chhodi..Kakul ne kuchh nahi kaha..uska gussa dheere dheere jama ho raha tha.is tarha kisko beizzat koi kaise kar sakta hai?Aur Samman k Maa-Baap ko dekh kar bahut dukh hua..Kakul ki muhskil bhi koi nahi samajh raha hai..Amaranath aur Uttara Samman ko buri tarha se baatein suna rahe the..

Samman--Maine kuchh nahi kia..by chance usse do baatein ki...bas..yeh ho gaya...

Amar--Tumko baatein karne ki zaroorat kyaa thi?

Samman--Mujhe kaha malum tha..k yeh hoga..pakad k meri shaadi kara di..

Vanshika ne Samman ko do thappad maare..aur chali gayi mangni ki anghoothi lauta kar..

Pure maamle me sirf Samman k Bade Bhai ne kuchh nahi kaha...Kakul ko..Dr. Rishabh Chaudhury hai unka naam.Woh yehi keh rahe the "Jab shaadi ho gayi hai..tab Bahu ka swaagat kijiye..is ladki ka toh koi dosh nahi..isko is tarha beizzat nahi kijiye aap log.."

Uttara pahle se naraz thi Rishabh se..kyonki Rishabh ne ek Christian ladki se shaadi ki hai..naam hai Sylthia..

Kakul chup chaap khadi rahi..usko gussa aa raha tha..har insaan par..sab se zyada gussa aa raha tha apne Pitajee aur Jeejaajee par.

Uttara--Ek aise khandan ki ladki aai hai..jiske gharwale Mafia hain..main isko nahi apni Bahu maan sakti..kal ko kuchh bhi ho sakta hai..humari jaan par ban aayegi..Samman..tu kuchh bol..

Samman--Mere lia abhi tak yeh bura sapna sa hai..mere sar par gun rakha tha...aap log jo faisla karenge..mujhe manzoor hai..

Rishabh--Samman..kyaa bol rahe ho..woh tumhari Biwi hai..

Samman--My foot..Bhaiyya..mera dimaag waise bhi garam hai..ek Mafia ki Beti se shaadi ho gayi hai meri..izzat ki dhajia udh gayi hai..Vanshika gayi woh alag..

Rishabh--Jitna bhi suna hai..usse yehi baat pata chalti hai k..ladki ka koi dosh nahi..tu usko blame karna chhod..

Samman--Bhaiyya please...

Uttara aai Kakul k paas.. "Eei ladki..tere jaane ka kharcha hum denge..tu nikal yehan se..mere Bete ki shaadi kahle se hi tai hai..teri jagah yeha nahi hai..."

Par Amarnath ko yeh baat achhi nahi lagi..unhone kaha.. "Uttara..humari bhi Beti hai..kisi aur ki Beti k saath aisa mat karo..Bahu hai..kyaa bol rahi ho?"

Kakul--Jo keh rahi hain theek hi keh rahi hain..yeh mere lia bhi zabardasti ki shaadi hai.. mujhe bhi shaadi nahi karni thi..mere Pitajee ne kara di..meri padhai bhi puri nahi hui hai abhi tak..

Bahes hone lagi..Uttara chillane lagi..Samman sar pakad k baitha raha..Sylthia kuchh nahi boli..Rishabh aur Amarnath Uttara ko samjhaane lage.Agle din subha hi Kakul chali gayi waha se..tab sab jaage bhi nahi the..Kakul drawing room k sofa par hi so gayi thi..Samman ne usko apne kamre me nahi aane dia..ghar me kisi ne uska haal nahi poochha...Kakul chali aai..waapas, Patna..

Udhar Sujit ne us camera-man ko pakda..Samman aur Kakul ki tasveer us tarha video me record kia..pata chala..Om Shankar k kisi dushman ne yeh harkat karvai hai usse..ladka sirf finsal raha tha..Kakul agar nahi pakadti toh ladke k sar par chot aa sakti thi..ladke ka koi dosh nahi hai.Jo hua sirf ek accident tha..ladka shareef hi tha.

Sujit--Baosaa..bahut bada bhool kar lia humne..ab kyaa kare?

Om Shankar--Ab shaadi ho gayi hai..ab kuchh nahi ho sakta..Kakul ka Pati hai woh..

Sujit--Humare bure bartav ka badla ladka agar Kakul se le..tab kyaa hoga?

Tabhi Kakul ghar me aai..

Sujit--Arre..Kakul..kyaa hua?

Kakul--Chali aai..us ghar me kisi ne mujhe sweekar nahi kia..is tarha ki shaadi ko koi nahi maanta..

Sujit--Hum dekh lenge usko..

Kakul--Please..ab aur tamasha mat kariye..bahut hua..aur Patna me jo karna tha..aap kar lie..par Mumbai me unka bhi bahut ruaab hai..Police ki madad bi lenge..beech me pad kar sirf meri beizzati hi honi hai..aap sab k saamne bheekh maangte hain hum..ab bandh kijiye..ab aur nahi..

Trisha--Par ab woh tera Pati hai..

Kakul--Uski shaadi pahle se kisi aur se tai thi..mere jaane se us parivar me bahut bada bawaal hua hai..ab aaplog shaant ho jaaiye..

Trisha--Par..tera kyaa hoga?Yehaan par sab ko pata hai..k teri shaadi hui hai..

Kakul--Jeejaajee aur Pitajee ko pahle sochna tha..k har koi unse darr kar chup nahi rahega..khair..bahut hua yeh shaadi shaadi khel..ab mujhe aaraam karna hai.

Kakul apne kamre me chali gayi..usko apni padhai fir se shuru karni hai..

************************************************

Samman ne yeh nahi socha tha k agle din subha woh Kakul se nahi dekhega..jab woh chali gayi..tab Samman ko bura laga..sach me..uska koi dosh nahi tha..Samman ko yaad aaya..k Kakul khud bol rahi thi usse door rahne ko.Uttara se pata chala..k Kakul chali gayi..Kakul k jaane k baad sab ko laga tha..k ab Om Shankar kuchh naa kuchh karenge.. apni Beti ki is tarha ki beizzati bardasht nahi karenge.Par aisa kuchh nahi hua. Rishabh ne phone kia Patna..Om Shankar ne maafi maang li.. "Aapke Bhai ko ghalat samjhe..aur yeh harkat kar baithe..hum maafi chaahte hain..aap logon ko takleef hui..jo hoga bhool jaaiyega..hum dil se maafi maangte hain."

Rishabh--Kakul se baat kara sakte hain?

Om--Jee nahi..woh ghar pe nahi hai..woh hostel chali gayi hai..apni padhai puri karne..

Rishabh--Humare ghar me uske saath kuchh achha sulook nahi kia gaya..woh..

Om--Woh sab kuchh bhool chuki hai..hum bhi sab kuchh bhool chuke hain..aap log bhi bhool jaaiye.Samman Babu ki shaadi kara dijiye..jahan par unki shaadi tai hui thi.. zaroorat padne par hum ladkiwalon ko samjhaayenge aur maafi maangenge..

Rishabh ne phone speaker mode par kar dia tha..ghar k sab logon ne suna..

Rishabh ne kaha sab se.. "Yeh aadmi Mafia hai..khair..apni ghalati ko jis tarha sudhara hai inhone..hum jaise so-called shareef logon me itna dum nahi hota..aur Samman ..tu befikar ho kar Vanshika se shaadi kar."

Par Vanshika se Samman ki shaadi nahi ho paai..business me problems thi..market crash.. sab mila kar Chaudhury & Sons. ki haalat kharab ho gayi thi..bahut bada crisis chal raha tha..Vanshika aur Samman ki shaadi ki date bhi fixed ho gayi thi..dono fir se pahle ki tarha milne lage..par Samman k is economical crisis ko Vanshika accept nahi kar paai,Shaadi k ek maheene pahle Vanshika ne yeh rishta tod dia..Vanshika ne ek NRI businessman se shaadi kar li.

Amarnath--Vanshika ne theek nahi kia..

Rishabh--Papa..usko sirf Samman nahi chahie tha..humari daulat bhi chahie thi usko..aur Kakul..uski jab Samman se shaadi hui tab bhi pata nahi tha usko k Samman ka social status kyaa hai..fir bhi woh aai..aa kar usne dekha k hum bahut raees hain..par jab uski beizzati ki gayi..woh chali gayi yeha se..usne mudh kar bhi nahi dekha..maanta hoon Om Shankarjee bhi raees hain..par Kakul toh Samman k baare me bina kuchh jaane uske saath aai thi..kyonki Samman se uski shaadi hui thi..khair..rahegi toh Mafia ki Beti..uske baare me baat hi nahi karni humen..

Par yeh crisis bahut dino tak nahi rahi..Samman ne waapas buisness ko usi mukaam par pahoochaya apne Dad k saath mil kar..do factory aur kholi Chaudhury & Sons. ne..sab kuchh pahle ki tarha ho gaya..wahi rootba..wahi status..par Samman himmat nahi juta paaya taa k woh ek baar Kakul ko phone kare..Kakul ko Mumbai aaye aur Mumbai se gaye hue 3 saal ho gaye the.Rishabh ne phone kia tha Patna me..par waha se pata chala..Kakul USA gayi hai..aage padhne..Samman ne jab suna Kakul k baare me thoda sa hairan hua..waise background se ho kar bhi woh US gayi padhne...Kakul k baare me kuchh bhi nahi jaanta hai Samman..usse dekh kar uske umar ka andaza lagaya tha Samman ne..jab shaadi hui thi tab kareeb 20 saal ki thi,tab Samman bhi 23 ka tha..aur Kakul kyaa padhti hai yeh bhi nahi jaanta hai Samman.Kuchh bhi nahi jaanta.Khair waqt guzarta gaya..teen saalon me ghar me kisine koi baat nahi ki..par ab Samman ki shaadi ki baat fir se uthai gayi..Samman ne keh dia , "Mujhe nahi karni shaadi.."...par Samman ki Maa Uttara bahut pareshaan hai..ladka 26 saal ka ho gaya hai..Uttara jaldi hi shaadi karana chahti hai Samman ki..humesha se..khaas kar jab Rishabh ne Sylthia se shaadi ki..tab se..socha tha..24-25 saal k andar hi Samman ki shaadi kara degi..par Samman ab kisi aur hi duniya me rehta hai.Ek baar ,bas ek bar Kakul se mil kar usse maafi zaroor maangni hai..

2 comments and 83 views..friends..what is wrong??Is this fic is so unwanted to all??😭

Dadi--Dekh Beta..jo hua bhool jaa..Vanshika ko bhool jaa..

Samman--Vanshika ko main bahut pahle nikaal chuka hoon apne dil se..

Dadi--Toh kis baat ki pareshaani hai..?

Samman--Dadi..main sochta hoon..k main ladka hoon..aur Kakul k Pita ne zabardasti hum dono ki shaadi karai..issi lia..maine usko apni zindagi se nikaal dia..lekin agar yeh zabardasti ki shaadi mere Dad ne karai hoti..toh kya main us par apna hak nahi jatata?Kya is ghar k log is baat ko hazam kar lete k Kakul ne mujhe yaa..Kakul k gharwalon ne is shaadi ko sweekar nahi kia..main kuchh soch nahi paata..aur jo bhi ho..Kakul ka toh koi dosh nahi tha..pata nahi..kaisi hogi..kum se kum ek baar usse milna chaahta hoon main.. maafi maangna chaahta hoon..

Dadi--Ek baat bata..agar Kakul teri zindagi me waapas aaye..agar hum ko yeh pata chale.. k Kakul ki doosri shaadi nahi hui hai abhi tak..agar hum log fir se tum dono ki shaadi ki baat chalaaye..ek sahi kaide se..toh tu karega usse shaadi?Matlab,Kakul ko apnaayega?

Samman--Main is baat ki ummeed nahi karta..aur karni bhi nahi chahie..k woh ab tak shaadi nahi karegi..par haan..agar aisa hua hai..toh haan..main ek koshish zaroor karna chahoonga..usse rishta sudharna chahoonga..matlab isse zyada achhi baat kuchh nahi ho sakti..par aisa hoga..mujhe is baat ki ummeed nahi hai..

Dadi--Toh fir theek hai..jald hi hum Patna jaayenge..Kakul k Pita se baat karne..

Amarnath aur Uttara aaye.."Amar..Beta, Samman maan gaya..hum Patna chalenge.." Dadi ne kaha.

Amar--Chalo achha hai..par Samman agar waha se hum niraash ho kar laute..toh tu karega doosri shaadi?

Samman--Main sochoonga zaroor..

Sylthia ko Rishabh hospital le gaya tha..check up k lia..dono laute..aur yeh khabar mili.. Rishabh ne kuchh alag hi baat kahi ,"Chhodiyena..kyon gade murde ukhaad rahe hain.. Samman..tu kisi aur ko dhoondh..yeh bahut ..kuchh theek nahi hai.."

Sylthia--Agar woh ek mauka chaahta hai..toh tum kyon rokte ho?Samman..I am with you.. jo socha sahi socha tumne..

Samman--Thanks Bhabhi..

Uttara---Doctor ne kyaa kaha Rishabh?

Rishabh--Dr.Mehta mere hi saath kaam karte hain..agar kuchh complications hongi..toh aur Doctors se bhi consult karenge..darriye mat..

Uttara--Chalo achha hai..ab Samman ki pareshaani mit jaaye..main raahat ki saans loon..

*************************************

Rishabh ko rookna pada..Sylthia ki wajah se..aur Rishabh jaana nahi chaahta tha..16th January ko Uttara,Amarnath,Dadi aur Samman gaye Patna..Om Shankarjee k ghar ka raasta Samman ko thoda bahut yaad tha..socha raste me kisiko poochh lega..sab jaante hi honge Om Shankarjee ko..car chal padi...

Dadi--Samman..tujhe raasta yaad toh hai na..

Samman--Main..Dadi..yehi road tha..

Uttara--Us ladki se poochhte hain..woh jo aa rahi hai..chashma pehni hui hai..haan.. wahi.. usi taraf se aa rahi hai..

Ek ladki scooty me aa rahi thi...Amarnath ne bulaya, "Beti..zara rooko.." Ladki rook gayi...

Amarnath--Idhar aao..

Ladki paas aai...Amarnath ne poochha.."Beti..yeh Om Shankarjee ka ghar kidhar hai bata sakti ho?Hum log Mumbai se aaye hain..Sujit Babu unke bade Damad hain...."

Ladki apna chashma saaf karne lagi..aur poochha, "Aap logon ko Kakul k ghar jaana hai?"

Amar--Haan..tum jaanti ho Kakul ko?

"Haan jee bilkul..hum school me saath padhte the.."

Dadi ne dekha..ladki k scooty me rakha hai medical kit..aur stetho bhi rakha hai..

Dadi--Tum Doctor ho?

"Jee,main jaa rahi hoon,paas hi me medical camp hai,free me treatment hoga..ghareebon ka..wahi jaa rahi hoon..haan..Kakul k ghar jaana hai..haan..is road k end me..haan..woh pehli gali me..hai uska ghar..ghar k saamne name plate hai.Uske Baojee k naam ka.. waise aap logon ko maheene bhar pahle jo function hua..us ghar me..waha toh nahi dekha?"

Amarnath--Function?

"Jee..Kakul k Bete ka naam karan hua na..usi baat ka jashan tha..main gayi thi..abhi hafte bhar pahle main Kakul se milne gayi thi.."

Uttara--Kakul ka Beta..?

"Jee..haan jee..aap log chaliye..mujhe jaldi hai..medical camp me sab intezar kar rahe honge..main chalti hoon..namaste.."

Ladki jaldi me nikal gayi..Samman kuchh sochne k haalat me nahi tha..woh sab sunta raha..Kakul ki shaadi ho gayi?Usko ek Beta bhi hai?Usne shaadi kab ki?Padhne gayi thi USA..kab ki shaadi?

Amarnath bhi khamosh the...Uttara bhi chup thi.Dadi ne kaha , "Samman,dekh lia na Beta.. ab chal Mumbai..tere lia achhi si ladki dhoondhenge hum..Amar,Beta..Airport chal.. ab waha jaane ka koi faida nahi.."

Amar--Haan Amma..driver..

Samman--Papa ek minute..

Amar--Kyaa hua Beta?

Samman--Papa..yeha tak aa hi gaye hain..toh ek baar unlogon se mil lete hain..unhone apni harkat k lia maafi maang li..ab unki Beti k saath jo bura bartav hua..humen bhi..yeha tak aa hi gaye hain..Kakul se ek baar mil loon..usse main khud maafi maangna chaahta hoon..uski shaadi hui hai..usko ek Beta bhi hai..chaliye..main usse apne Good Wishes dena chaahta hoon..ek baar..please Papa..

Amar--Theek hai..par zyada der k lia nahi..

Samman--Dus minute..usse zyada nahi..

*************************************

Om Shankarjee pahle pehchaan nahi paa rahe the..Samman ne kaha , "Main Samman Chaudhury..aap bhool gaye mujhe?"

Om--Ohh..Samman Babu..aap..kaise hain aap?

Samman--Main achha hoon..yeh mere Mata-Pita..aur yeh Dadima..

Om--Arre..baahar kaahe khade hain..andar aaiye..arre..Trisha Beti..Bade Damadjee.. dekhiye..kaun aaye hain..

Sab ko bahut pyaar se Om Shankarjee ne bithaya..hall me..Sujit aaya..Samman ka gala sukh gaya..saat saal pahle yehi admi..Samman k sar pe bandook taane khada tha..Sujit ne poochha , "Kaise hain Samman Babu?Aur itne saalon baad kaahe aaye hain?"

Samman--Jee..hum log aap hi logon se milne aaye hain..par ab toh mauka kuchh alag hi hai..

Sujit--Matlab ?

Amar--Hum yeha aaye the..taa k apni Bahu ko ghar le jaa sake..par hum ne suna..k Kakul ko Beta hua hai..hum usse apna ashirwad dene aaye hain..humne apna haath uske sar par nahi rakha..par ab usko aur uske Bete ko dua dena chaahte hain..taa k unki zindagi me koi dukh naa rahe..itna toh hum ..

Om--Kaa keh rahe hain aap?Kakul ka Beta?Kab ..kaise?Usne saadi nahi ki uske baad.. haalaa k Bade Damadjee ne..koshish ki..par Kakul ne inkaar kia..humne bhi zor nahi dala.. ek baar zor daal k dekha..toh yeh anjaam hua..aage Kakul par faisla chhod die hum..usko saadi karni hogi toh karegi..par ee aapse kisne kaha..k Kakul ko Beta hua hai?Beta hua hai zaroor..par Trisha ka Beta hai..usika naam karan hua maheena bhar pahle..aapse ee bakwas baat ki kisne?

Sujit--Aap log Kakul se mile nahi?Woh toh abhi abhi nikli hai..apne scooter se..

Samman--Kakul Doctor hai?Kyonki jisne humen bataya yeh sab..woh ladki bhi Doctor hi thi..scooty me thi..isi raste se nikal rahi thi..Kakul Doctor hai?

Sujit--Haan..aapko pata nahi?Jab aapse uski saadi karaaye the..tab woh third year me thi.. MBBS ki student thi tab..uske baad aage padhne America gayi..woh toh tab jab Mumbai se laut aai thi..uske baad Doctory paas ki..fir gayi America..

Samman--Jab woh MBBS ki student thi..tab aaplogone us tarha uski shaadi kyon karai?

Sujit--Kaa karte?Jis tarha baat fail gaya tha..kaa karte?Log baatein karte..jeena durbhar ho jaata..jis tarha baat faila tha..kaun sa ladka aage aata usse saadi karne k lia?

Samman--Yeh soch kar aaplogone uski shaadi kara di..aaplogon ne uski zindagi barbad kar di..

Sujit--Aapko itna tension kaahe ho raha hai..nikaal chuke na usko apni jindagi se..ab yeha kyaa lene aaye hain?

Samman--Hum yeha aaye the ..usko lene..humare ghar..usse shaadi hui thi meri..

Sujit--Aapka toh saadi honewala tha..kisi aur se..

Samman--Woh mujhe chhod k chali gayi..us waqt jab humara business doob raha tha..meri usse shaadi hui nahi..

Sujit--Aap yeha kyon aaye?

Samman--Itne saalon tak apne doobte hue karobar ko bacha raha tha..ab jaa k tasalli hui hai..k sab theek hai..aur mujhe khabar mili thi k Kakul gayi hai America..main usike intezar me tha..par Kakul yehi par hai?

Sujit--Paas hi me medical camp ho raha hai..wahi jaane ka baat tha..

Samman--Kakul,chashma pahenti hai?

Sujit--Haan..

Sujit se jab Samman yeh sab poochhtaachh kar raha tha..tab Om Shankarjee se Amarnath baatein kar rahe the..Amarnath ne sab bataya..k kyaa kyaa hua..aur Samman ne kis tarha doobte hue business ko samhala.Aur itne saal..Samman akela hi tha..shaadi nahi ki usne.. jis waqt shaadi hui thi Samman bahut gusse me tha..Kakul k saath theek nahi hua..yehi sab baatein ho rahi thi.

Om--Humari ghalati ka phal hai..jo humari Beti bhugat rahi hai..yeha saadi ki baat sab jaante the..humne usko yeh bhi kaha..k America me kisi se saadi kar le..usne nahi ki..saadi ka naam sunte hi bhaag jaati hai..aur hum bhi kuchh bol nahi paate..Samman Babu se jab saadi kara rahe the..tab bhi Kakul ne aitraaj kia..hum nahi maane..humare kisi dusman ne waisa ghatia harkat kia..k waisa video banaya..

Amar--Dekhiye..jo beet gaya..bhool jaate hain usse..ab..dono ko ek kar dete hain..mera Beta shaadi se bhaagta hai..aapki Beti bhi shaadi ka naam sunte hi bhaag jaati hai..

Uttara ne deewaron par saji tasveeren dekhi..Kakul ki tasveeren..Convocation Day,USA ki tasveeren..apne doston k saath..

Uttara--Arre...yehi ladki thi ..Kakul ne humse jhoot bola..Kakul khud hi..par usne aisa kyon kia?

Sujit--Ho sakta hai..usne aaplogon ko pehchaan lia tha...aur aaplog ulte paaon laut jaaye..

Om--Jo faisla hoga Kakul ka hoga..hum kuchh nahi keh sakte..faisla Samman Babu ne kia k unko Kakul ko le jaana hai..theek hai..ab Kakul ko agar jaana manzoor ho inke saath.. toh hum khush hai..agar woh raazi nahi toh hum kuchh nahi kar sakte.

*****************************************

Trisha Kakul k mobile par phone kar rahi hai..phone lag nahi raha hai..subha Amarnath aaye the sab k saath..shaam ho gayi hai..andhera bhi hua hai..Kakul ka kuchh pata nahi..

Om--Arre..Bade Damadjee..Kakul ka phone nahi laga..?

Sujit--Wahi toh try kar rahe hain Baosaa..kuchh der aur..fir hum niklenge,apne admion k saath..sardi ka mausam hai..kohra chhaaya hai..raaste me fans toh nahi gayi?Hum dekhte hain..

Aise me Kakul ki scooty le kar ek ladka aaya..ladka paas hi rehta hai..Medical student hi hai..

Om--Arre..tum..Kakul ka scooter hai ee toh..

"Jee ,Uncle..unhone kaha,mujhe yeh scooty yeha pahoochana hai.."

Sujit--Woh kaha hai?

"Woh toh taxi lekar gayi Airport ki taraf..bol rahi thi Delhi jaana hai.."

Om--Uska Delhi jaane ka program kab bana?

"Pata nahi..kuchh ulta seedha keh rahi thi..k unki shaamat aai hai..unko bhaagna hai..keh gayi hain k kab lautengi pata nahi..unke paas unka ATM card aur Credit card hai..isi lia aap chinta naa kare.."

Ladka chala gaya..

Sujit--Delhi jaane ki taiyyari karte hain..

Trisha--Woh Delhi nahi gayi hai..agar gayi hoti toh batati nahi..woh bhaag gayi hai..laut aayegi..jab usko yakeen ho jaayega k inlogon se hum aur koi talluk nahi rakh rahe hain. Par woh bhaagi kyon?Usko toh pata tha k usne inko jhoot kaha hai..aur yeh log chale jaayenge..usko yeh khabar kaise lagi..k yeh log yeha par hain?

Ek naukrani kitchen me kaam kar rahi thi..ussise pata chala,Kakul ne apne bedroom k number pe phone kia ..aur ussine phone uthaya..Kakul ko pata chala..k Mumbai se kuchh log aaye hain.

Kakul issi lia bhag gayi..

Samman aur uske gharwalon k lia alag kamre taiyyar kar die gaye...guest room me Samman apni Dadi k saath tha..

Samman--Bahu pasand aai aapko?

Dadi--Mujhe pasand hai..aaj achhe se dekh lia..bahut achhi hai..ab isko ghar kaise laayega..

Samman--Kuchh toh karna padega..

Dadi--Jaldi kar..

Samman--Jee Dadi..