Aaya saawan jhoom ke - Page 4

How do you manage to put these two same characters in different backgrounds? This is a nice one, I am curious abt what happens and thanks for making Kalyani different from the way we've seen her on the show and how she's also represented in most other FF: I like this career-minded persona.

Originally posted by: Kalma92

How do you manage to put these two same characters in different backgrounds? This is a nice one, I am curious abt what happens and thanks for making Kalyani different from the way we've seen her on the show and how she's also represented in most other FF: I like this career-minded persona.

Thanks a lot 😊

Wow yaar Pragya…🤩🤩🤩

The story moved to city from village…

Jis Malharji ko left-right nahi pata tha wo CEO ban gaye hai…

Kalyani got big surprise 😆

Moksh ko Malharji ne adopt kiya hai…

Kalyani ko jhatka lagega 😆

Malharji ka Sapna akashvani par song ki farmaish karna..😆

Kalyani ke dhoke ne Malharji ko bhi layak bana diya..

Shadi ke jaroor aana wali feeling aa gayi..

Bas yaha Malharji ki koi hard feeling nahi hai…

Waiting for next update..

Originally posted by: Priyapriyu

Wow yaar Pragya…🤩🤩🤩

The story moved to city from village…

Jis Malharji ko left-right nahi pata tha wo CEO ban gaye hai…

Kalyani got big surprise 😆

Moksh ko Malharji ne adopt kiya hai…

Kalyani ko jhatka lagega 😆

Malharji ka Sapna akashvani par song ki farmaish karna..😆

Kalyani ke dhoke ne Malharji ko bhi layak bana diya..

Shadi ke jaroor aana wali feeling aa gayi..

Bas yaha Malharji ki koi hard feeling nahi hai…

Waiting for next update..

Thanks a lot Priyu ❤️❤️❤️❤️

Vanshu Rani, dekh ab mujhse bilkul gussa mat hona.

Thanks Rekha for remembering this FF jiske baare me main khud bhool gayi thi.

Chapter-4

1997

Malhar subah 5 baje se hi khet nikal gaya tha kaam karne ke liye. Badi mushkil se to baarish Hui thi us par bhi usne yadi aaram ka socha to fasal barbaad. Malhar ki Aai ke paas zameen to zyada nahi thi par fir bhi akele hi saara kaam karna itna aasan to nahi tha. Gaon me barsaat ka haal itna bura tha ki Anupriya ne silaai kadhaai ka kaam shuru kar diya tha Malhar ke college ki fees bharne ke liye. Ab gaon walon ne silaai ke liye kapde diye the unhe chhorkar vo khet kaam karne ke liye bhi to nahi aa sakti thi.

Kaam karte karte bhari dopahri ho gayi thi. Malhar ke kapde paseene se tarbatar the. Kaam karte karte uska shareer akad gaya tha. Abhi tak khaana lekar uski aai kyon nahi aayi thi? Pakka Aau Saheb ne kisi kaam se rok liya hoga varna uski aai use kabhi bhookha nahi rehne deti.

Malhar kaam me jutaa raha tabhi use zoron se cheenkne ki aawaz aayi.

Malhar dekhne ke liye peeche muda.

"Tum?" Malhar chaunka. Magar sach poocha jaaye to Kalyani ka chehra uske liye ghani chhanv jaisa sukoon dene vaala tha. "Tum yahaan kya kar rahi ho?"

"Main yahan kya kar rahi hoon? Bhool gayi!" Kalyani ne maasoomiyat se kaha.

"Chalo vaapis jaao tum," Malhar bola.

"Accha yaad aaya. Anupriya kaki aapko khana Dene nahi aa paayi thi to maine unse kahaa main aapko khaana de doongi," Kalyani ne khaane ka dabba Malhar ko dete huye kahaa.

"Aai bhi na," Malhar ne man me khud se kaha, "Agar aau Saheb ko pata chal gaya unki poti mere liye khaana lekar aayi hai, to Aai ke saath jaane kya karegi?"

"Chalo tumne mujhe khaana de diya," Malhar bola, "Ab vaapis apne ghar jaao."

"Theek hai," Kalyani ne kandhe uchkakar kahaa. Kamaal hai! Itni aasani se kaise maan gayi ye. Bina behes kiye to isse saans lene ko bhi kaho to kahegi, "Kyon loon main saans? Ab aap ye tay karenge mujhe saans Lena chahiye ya nahi?"

Malhar ne pehla khaane ka Kaur khaya.

"Aah! Kya hai ye?" Malhar jor se cheekha, uske kaano se mirchi ke kaaran dhuaan nikalne laga tha aur aankhon se jhar jhar aansoo bahe jaa rahe the. "Aah!" Malhar apne saath laayi paani ki botal lene ke liye utha par vo to yahaan thi nahi. Tab Malhar ke dimaag ka bulb jalaa.

"Kalyaani! Aaj. Kitna teekha hai ye!" Kalyani ke peeche bhaagta hua Malhar bola.

Kalyani apni dhun me hi chali Jaa rahi thi.

"Are Kalyani ruko to!" Malhar ne Kalyani ki na chahte huye bhi Kalaai pakdi.

"Kya hua Malharji? Khaane me namak ya mirch kucch kam hai kya?" Kalyani ne bade bholepan se poocha.

Malhar ne Kalyani ko apni or kheencha. Uff! Malhar ki vo gehri aankhein. Jaane ek ajeeb sa khinchhav sa hota tha Kalyani ko unki taraf. Malhar aur Kalyani kucch der ke liye ek doosre me khoye rahe, tab Malhar ne Kalyani se paani ki bottle chupke si Li aur poori bottle khaali kar gaya.

"Aah!" Malhar ki gardan aur kandhon ka dard bahut badh gaya tha. Pata nahi vo din ka baaki kaam kaise karega?

Jaise hi usne Kalyani ko apni or badhte huye dekha, usne zor se kahaa, "Sochna bhi mat!"

"Theek hai to aapko poora din koi kaam nahi karna to koi baat nahi," Kalyani ne kaha.

Malhar ke paas ab koi chaara nahi tha. Kalyani ne apne haathon se Malhar ke kandhon ki massage karna shuru kiya. Pehli baar Malhar ko aisa laga jaise uski jimmedariyon ke bhaar ko kisi ne pal bhar ke liye hi kisi ne uske kandhon se uthaa diya ho. Kalyani! Kitni alag thi vo Malhar ki chhoti si duniya se magar fir bhi na jaane kaise Malhar ki zarooratein Bina kahe samajh leti hai?

2007

Kaam karte karte Malhar bahut thak gaya tha. Koi ye samajh nahi paa raha tha par Kalyani jaanti thi ki Malhar jimmedariyon ke bojh se dabaa jaa raha tha. 10 saal pehle ka samay hota to Kalyani daudkar jaati aur Malhar ki saari pareshaaniyaan apne sar le leti. Par chalo office me executives ke saath uske lunch ka time ho gaya tha.

"Sir, aap lunch nahi karenge?" Ek executive Malhar se bolaa.

"Nahi, Pratik," Malhar bola, "Tum jaate ho is time mujhe Moksh se Milne jaana hota hai." Fir Kalyani ko ignore karke Malhar sabse bola, "You all continue." Aur vahaan se chalaa gaya.

Kalyani ne pehle apne juniors ka lunch start karne ka wait kiya. Fir jaise hi usne khaane ka pehla Kaur khaaya, uske muh se cheekh nikli, "Kya hai ye? Itna teekha!"

"Nahi ma'am," Kalyani ka junior bola, "Mirch to isme hai hi nahi ma'am."

"Haan Kalyani. Bilkul teekha nahi hai ye to."

"To fir?"

Tabhi Malhar vahaan laut ke aaya aur bola, "Aur haan ek baat main kehna bhool gaya tha, Ms. Deshmukh. I hope yahaan ka lunch aapko pasand aaya hoga." Aur bhale hi kisi aur ne notice na kiya ho, Kalyani jaanti thi ki Malhar ke chehre par tairti vo rehasyamayi muskurahat kis liye thi.

Ohhh meri jaan main maan gaaayi thankkkk youuu for updating ..iss story ko to main bilkul bhool gayi thi 🤗🤗😳

Malhar kitna kaam karta hai ree par phir bhi apni aai ki maddat karta hai

Ohh kalyaniji khaana leke aayi uskein liye ..kitna badhiya tha yeeee scene aur usko kitna sataya inki nok jhokkkk ye kabhi nhi sudharene wale ..par that shoulder massage uff Inka har small scene bhi hot ho jata hai 😳

Abb 10 saal baad bhi kalyani ko malhar kein liye vahin chinta hai par akdu hai dono aur Malhar nein apna badla le liya uff the two small kiddos even smaller than moksh 🤣

Can't wait for more details... although I have not understood much about where this is going, but it promises to be a fun ride!

Originally posted by: Phlo004

Ohhh meri jaan main maan gaaayi thankkkk youuu for updating ..iss story ko to main bilkul bhool gayi thi 🤗🤗😳

Malhar kitna kaam karta hai ree par phir bhi apni aai ki maddat karta hai

Ohh kalyaniji khaana leke aayi uskein liye ..kitna badhiya tha yeeee scene aur usko kitna sataya inki nok jhokkkk ye kabhi nhi sudharene wale ..par that shoulder massage uff Inka har small scene bhi hot ho jata hai 😳

Abb 10 saal baad bhi kalyani ko malhar kein liye vahin chinta hai par akdu hai dono aur Malhar nein apna badla le liya uff the two small kiddos even smaller than moksh 🤣

Thank you so much Vanshu. Tere paas kucch ideas hon to batana please.

Originally posted by: Kalma92

Can't wait for more details... although I have not understood much about where this is going, but it promises to be a fun ride!

Thanks a lot Riya.

Wowiee... I'm so happy you continued this.. ❤️❤️

Mujhe bada pasand hai ye story..

1997 me Kalyani ne Malhar ko teekha khana khilaya aur 2007 me kallu ko mila teekha khana..

Kallu aaj bhi Malhar ke kaam ki thakan mehsus kar sakti hai..

Aage kya hoga...

Moksh kaise aaya Malhar ke jeevan me..

Waiting for more..