Posted:
N ke pet mein chuhe disco dance kar rahe hai toh gang confused.
(soch rahe honge kahin pet se dimaag tak toh nahi pahonch gaye dance karte karte)
Sam said ki jo kuchh bhi hua uss mein tumhari galti nahi thi
( kyunki yeh duniya pittal di aur tum baby doll ho sone ki)
N boli ki haan woh toh hai ( aur mujh mein heere bhi toh jade huye hain na but tum log pittal de mat ban jao).Phir boli ki mera naam Naina Agrawal hai aur mujhe sirf ek cheez nahi aati, haar manna, bahot himmat hai mujh mein.
( Achchha! Toh yeh himmat breakup ke time pe lagta hai holiday pe gayi thi)
Preeti darling said ki Sam jaisa ladka pata liya koi kam himmat wali baat thodi hai. ( aur chhod bhi diya tha, yeh bhi kam himmat wali baat thodi thi)
Phir N Sam ka haath pakad ke boli ( dhai kilo ka toh nahi lagta kitne kilo ka haath hai, Sam said abhi weight kar ke batata hun)
"Ek baath gaanth baandh lo Jo ladki Sameer Maheshwari ko pata sakti hai woh kuchh bhi kar sakti hai."
Phir Sam ne bhi jawab diya ki Ek baat tum bhi gaanth baandh lo jis ladke ko tumne pataya hai na woh ladka hamesha tumhare saath hai, tumhare dukh mein tumhare sukh mein har waqt har samay.
( kahin iske paas Mr. India wali ghadi toh nahi aa gayi, khair bhavnao ko samjho)
N boli woh toh mujhe pata hai itni himmat kahan se aa rahi hai.
( aur Farq hai ke baad another cute gaath baandh lo de kar CVs ne baaki epi ko jhelne ki himmat de di. Lagta hai CVs ko pata hai SuKar gang ko jhelne ki himmat hamain kahan se aa rahi hai)
Phir CVs ne thanedar aur tamma tamma scene dikha kar hamain aur himmat di aur Swa ne JBR ka attention divert karke hint diye.
Mami ka usual tension aur D ki report kya aayegi iska humko tension but lagta hai tension ke naam pe isko phuski bomb bana ke pesh karne wale hain CVs, yeh alag tension.
N VO ne bhi Stress ka bolkar shayad hint diya ki kaise yeh track taayen taayen fish hone wala hai.
Arjun bhaiya ka job ka pehla din hai. ( Tauji meherbaan toh gadha pahelwaan)
Idhar college mein ek hi din chal raha hai aur udhar ghar pe Arjun bhaiya ka Monday aa bhi gaya. (Yeh time travel wale un dinon ki baat hai)
Canteen mein rival gang ki third class acting aur third class dialogues. Sam ne sahi jawab diya K ko ki tumhare nanaji trustee hain, yeh college khareeda nahi hai.
( and CVs did it again, K ke dadaji trustee the nanaji nahi. Waise agar woh SJM ko SDM bana sakte hain toh yeh phir bhi mamooli baat hai, haini haini)
Phir K ko hata ke Su aa gayi saamne ( aur K ko boli chal be kutte main baat karti hun)
Su ko Chup bolkar kya jawab diya Sam ne majja bole toh bhot hi majja aa gaya.
End mein Sam bola ki agar N ne Princi ko Navratri function ke liye mana liya toh tum log maan loge na N ko GS chunna galat nahi tha. They agreed toh Sam bola Navratri function hoga, ise N ka challenge aur mera promise samajhna.
( in sab ke beech Vicky ko SuKar ke isharon pe naachte dekhna weird lagta hai, kahan isne ishtyle se ragging li thi aur kahan ab ban gaya hai kutta)
N VO bhi confused ki Abhimanyu ki tarah chakraviv mein ghuse Sam ko bahar nikalna aata bhi tha ya nahi
( aur jitna hum Sam ko jaante hain yeh banda shart pehle lagata hai aur plan baad mein banata hai)
Precap of next week... N ki balcony pe Sam seedhi laga kar chhadte huye
( aur BG aaj rapat jaayen toh... Yeh waqai asanskari chuna hai CVs ne, hug ka hint toh nahi ya hamesha ki tarah kabhi nahi bajega epi mein)
Itti Si Khushi Sab TV
Udne Ki Aasha
