Kuch Apne Kuch Paraye (Yuvraj-krishna) - Page 3

May 9th

Part 1

Krishna johpade ki bahar beth kar soch rahi thi kal raat ki bare me.

Krishna (apne aap se) 😲 : Yeh maine kya kar diya. Kya ho gaya tha muje. Kyun Yuvraj ko dekhkar main apne aap ko sambhal nahin sakti. Kya maine koi galti to nahin ki naa.

Aur Krishna isi khayal se ghabra gayi aur uski aankh se aanshu girne hi wale the ki yuvraj bahar aata hai.

Yuvraj (Krishna ke Aanshu apne hath me lekar) : Yeh kya. Tumne aaj muj se diya hua vaada hi tod dala. Tumhe pata hai ki main tumhari aankh me aanshu nahin dekh sakta. Aur baat kya hai ki tumhari aankh me aanshu.

Krishna (Yuvraj ki aur dekh ke) : Main bas kal raat ki baare me soch rahi thi. Maine kabhi nahin socha tha ki tum aur main is tarah.

Yuvraj (Krishna ke hath ko pakd ke) : Kuch galat nahin hua. Hum dono pati patni hai. Hum ne koi galti nahin ki.

Krishna (apne aanshu ponchti huyi) : Aaj maine tumhari patni hone ke sare farz nibha diye hai.

Yuvraj krishna ko apni bahon me leta hai.

Yuvraj (with smile) 😛: chale ab agar tumhara irada yahaan rukne ka hai to muje koi aitraaz nahin hai.

Krishna 😊: nahin ab hum e yahaan se jitni jaldi ho sake nikalna hoga. Shalaya hamara intazaar kar rahi hogi.

Yuvraj : Oh no, Main to Shalaya ko phone karna hi bhool gaya.

Yuvraj Shalaya ko phone lagata hai.

Shalaya: Bhaiyaa, aap thik to hai na mera matlab hai aap log kaha ho.

Yuvraj: hum log thik hai aur bas hum log yahaan se nikal hi rahe hai. teen char ghante me hum log wahaan pahonch jayenge.

Shalaya: thik hai per bhaiyaa sambhal ke drive karna.

Krishna aur Yuvraj dono apni car me bethkar wahaan se nikalte hai.

Kabir 😊: Tanya, ab tumhari tabiyat kaisi hai/

Tanya: 😒 Kabir, Tumhe meri chinta karne ki koi zaroorat nahin hai. main bilkul thik hoon. Tum office ja sakte ho.

Bua: Kabir, tum chaho to main Tanya ka khayal rakh sakti hoon jab tak tum offuce jao.

Kabir (Tanya ki aur dekhkar ): nahin buaji. is waqt business se jyada Tanya ko mere saath ki jyada zaroorat hai.

Kabir room se bahar chala jata hai tanya ko soch me chodke.

Part 2

Daksh Kabir se milne Raichand Empire jata hai per wahaan per jake use pata chalta hai ki Kabir office me nahin hai to woh Uday se milne uske cabin me jata hai.

Daksh : main yahaan per company ke pichle kuch saal ki finance reports dekhna chahta hoon.

Uday : Main sham tak ek copy aap ke ghar bhijwa doonga.

Daksh: 🤔 Tumhi the na jo Abhay ke bare me janne ke liye Australia gaye the. Kya tum muje bata sakte ho ki aisi kaun si wajah thi jise Abhay ko laga ki koi hai jo Raichands ko barbad karna chahta hai.

Uday : Yeh to pata nahin lekin main Bhaiyaa ke business partner or uske dost se mila aur unhone bataya ki Abhaybhiyaa Aman ke naam se business karte the. Ek din koi uske pass raichand empire ka project chinne ki baat lekar aaya aur tabi bhaiyaa India vapas aaye. Isse aage muje kuch pata nahin.

Daksh : Per tumhe waha kuch aisa mila jis se tum kisi pe shak kar sako.

Uday: Ek baat meri samaj me nahin aati ki woh project main aur Yuvraj handle kar rahe the aur uski details papa aur Arjununcle ke sivay kisi ko nahin thi to woh information bahar kaise gayi.

Daksh: Ab sabkuch mare samaj me aa raha hai. Bas hame kuch saboot mil jaye taki hum Arjun ko girftar kar sake.

Tabhi Daksh ke mobile pe kisika phone aata hai ki jo log is case me samil hai unhone use kisi hotel me dekha hai.

Daksh: Muje abhi abhi khabar mili hai ki jin logo ne Yuvraj pe hamla kiya woh kisi hotel me chupe huye hai.

Uday: main bhi aapke saath chalta hoon.

Uday aur Daksh dono Hotel ke kamre me pahunchte hai.

Uday us insaan ko pakdke marne hi wala tha tab daksh use rokta hai.

Daksh: ise marne se kuch nahin hoga. sab se pehle hume ise police station lejana hoga.

Daksh aur uday use police ke hawale karte hai.

Daksh : Tum kiske liye kam karte ho. Kya uska naam Arjun hai.

Gunda: muje nahin maloom saab, main sirf apne malik ke liye kaam karta hoon.

Daksh : thik hai bata kahan pe milega tera malik.

Gunda: Uska naam Sikandar hai aur woh station ki pichche wali basti me chupa hua hai.

Daksh : Uday humse pehle Arjun wahan per pahunche hume foran use pakdna hoga.

Daksh aur Uday basti pahunchte wahaan jakar pata chalta hai ki sikandar pichle teen dino se ghar nahin aaya. Aur uday aur Daksh dono ek dusre ko dekhte hi reh jate hai.

Part 3

Tanya apni Almari me kuch dundh rahi thi tabhi Kabir uske kamre me aata hai.

Kabir: 😕Tum kya kar rahi ho. maine tumhe aaram karne ko kahan tha na to phie kyun uthi.

Tanya 😒 : woh bas muje meri magazines chahiye thi.

Kabir: yeh kam to tum muje bhi bata sakti ho aur waise bhi main yahaan tumhari dekhbhal karne ke liye to hoon.

Kabir tanya ko bed tak lata hai aur phir use uski favorite magazine deta hai aur phir khidaki kholta hai.

Tanya : tumhe kaise jana ki main padhte samay muje khidaki khuli achchi lagti hai.

Kabir: ek waqt tha jab main tumhari choti si choti baatein notiice karta tha.

Tanya: Kya hum pehle ki tarah nahin reh sakte.

Kabir: ab tum padho, muje kuch kaam hai.

Tanya (apne aap se) : Krishna bhabhi thik hi keh rahi thi ki gujra hau waqt kabhi nahin aata aur gujra hua kal hamare aanewale kal ka faisa karta hai.

Yuvraj aur krishna car me drive kar rahe the tabhi yuvraj car kisi dhabe pe rukta hai.

Krishna: Yuvraj hum yahaan kyun ruke.

Yuvraj :😛 Tumhare haath ki chai to nahin mili lekin kam se kam yahaan per ek cup chai to milengi.

Krishna aur Yuvraj dono bete huye the tabi krishna Yuvraj se kehti hai ki woh bas ek minute me aati hai. Krishna dhabe wale ke pass jakar sardarji se gujarish kari hai ki kya woh apne pati ke liye ek cup chai bana sakti hai apne haath se. Sardarji use izazt deta hai aur kehta hai ki pyar ke liye to woh kuch bhi kar sakta hai. Krishna wapas aakar Yuvraj ke pass beth jati hai. Aur waiter aakar use chai deta hai.

Yuvraj (Chai ki pehli gooth pikar) : Krishna, tumne yeh chai.

Krishna (yuvraj ke hoth pe se chai ki bonde ponchti huyi) : aaj tak kabi aisa hua hai ki tum kuch chaho aur tumhe na mile.

Yuvraj (krishna ki aankhon me dekhkar) : thanks

Yuvraj aur krishna Dehradon pahonchte hai. Vp dono ko dekhkar bahot khush hote hai.

Vp: 😊Yuvraj, ghar pe sab log kaise hai, sab kuch thik to hai.

Yuvraj ( krishna ki aur dekhkar) 😳: haa papa, sab kuch thik hai. in fact Aditya bhai aur Uday bhi laut aaye hai. Aur do din bad aapke dream project ki board meeting bhi hai. Ise liye to main yahaan aapko lene aaya hoon.

Vp: 😊Krishna, tumhari aur bachche ki tabiyat kaisi hai.

Episode ends on Krishna's confused 😕 face.


thanks

with help of softk 6

love kashish

May 11th

Part 1

Bua, Yash, Aditya, Uday, Kabir aur Tanya sabhi gharwale hall me bethkar intazar kar rahe the.

Bua (worried): Yash, Abhi tak to unhe aaja na chahiye. Kahi aisa to nahi ki raste me bhaiji ki tabiyat bigad gayi ho.

Yash : Bua, aap aisa kyun soch rahe ho. Meri Yuvraj se kareeban ek ghante pehle baat huyi thi aur usike bataye samay per woh log kisi bhi waqt aa akte hai. Bua, papa ke samne apne aap ko sambhalne ki koshish kariye ga.

Bua (roti huyi) : kab tak hum apne aap ko sambhalenge.

Tabhi Yuvraj, Krishna, VP aur shalaya ghar me dakhil hote hai. Vp gharwale ko dekhkar bahot khush hote hai. Sabhi log khush hone ka natak kar rahe the.

Vp: Are sab log yahaan hai. Tara kahaan hai.

Sabhi log kuch bolte nahin aur chup chap khade rehte hai.

Vp (gusse se) : Koi kuch bol kyun nahin raha. Yash me tumse kuch puch raha hoon. tara kahan hai. Tabhi Vp ki nazar Tara ki tasvir per padti hai jis pe phool ki mala chadi huyi hai. Vp shock lagne ki karan sofe pe beth jata hai.

Krishna Vp ke pass jakar bethti hai. Krishna dheere dheere rehkar Vp ko sab kuch batati hai.

Vp: Krishna, itna sab kuch ho gaya aur tumne muje kuch bataya bhi nahin. Main aap sab se yeh puchta hoon ki muje yeh bat batani aap logone sahi nahi samji. Main ek bar bhi apne beti Tara se nahin mil saka.

Yash : Papa, hum pehle hi bahot kuch kho chuke hai. Hum log aapko nahin khona chahte the aur Tara ki bhi yahi marzi thi ki aapko pareshan nahin kiya jaye.

Yash Vp ke gale lagkar rone lagta hai aur sabhi ki aankhon se aanshu behne lagte hai.

Vp : Yash. Kya Mille yeh sab kuch janti hai ya nahin.

Yash : Tara ne hum sab se vaada liya tha ki kabhi Mille ko Tara ke bare me khabar na lage.

Tabhi Mille aati hai.

Mille : Choti maa, Papa aur dadaji kyun ro rahe hai.

Vp : Kyun ki aaj kitne din ke bad tumhe aur apne parivaar se mila hona is liye aur woh mille ko gale lagakar rota hai.

Part 2

VP apne kamre me khursi pe bethkar apne parivar ke bare me soch raha hai.

Bua : Bhaiji, pata hai ki aap ko bahot bura laga hai yeh janke ke humne yeh sab kuch aapse chupaya. Per aap jante ho bhaiji aaj hamare bete ek dusre pe jaan dene ko taiyaar hai. kaise ek dusre ke kandhe se kandhe milakar ek dusre ki madad karte hai. lekin aap jante hai yeh sab kuch Krishna ki wajese hua hai. Aap hamesha se unke bare me sahi the. Hum hi Krishna ko pehchan nahin sake. Yuvraj ne jo faisla kiya tha Krishna se shadi karne ka woh bilkul sahi tha. Aaj Krishna aur Yuvraj ke hote huye koi bhi Raichand parivaar ko tutne nahin dega.

Yuvraj: Papa, Bua bilkul thik keh rahi hai. Krishna ke hote huye yeh ghar kabhi tut nahin sakta.

VP :( Yuvraj ke sir pe hath rak ke) : Aaj muje tumpe garv hai ki tum meri beti krishna ke pati ho. Aaj me tumhara sukhriya karta hoon meri beti ko nayi zindagi dene ke liye. woh khoosiyaan jis ki woh hakdar thi woh umne use di hai. Aaj main bahot khush hoon.

Krishna : Yuvraj, Woh tumse milne woh Daksh aaya hai.

VP: kaun hai yeh daksh. Aur woh ghar pe kyun.

Yuvraj: Papa yeh Daksh private detective hai aur yeh hume Abhay bhai ke murder me madad karta hai. Main abhi usse milke aata hoon.

Krishna aur Yuvraj bahar daksh se milne jate hai.

Yuvraj : Kal Uday ka phone aaya ki woh aadmi pakda gaya hai aur gawahi dene ke liye taiyaar hai. Main aur Krishna bhi taiyaar hai.

Daksh: Ek buri khabar hai. Sikandar naam ka insaan jo arjun aur woh aadmi se judta tha kal uski laash talab se mili. Humne ek bar phir se saboot kho diya. Ab to pata nahin bhagwan hi jane ki kaun hamari madad kar sakta hai. Aur agar aap chahe to us aadmi se police station me mil sakte hai lekin muje nahin lagta ki ab usse milna koi kaam ka. Main sirf itna janta hoon ki aapko aur bhi apna aur apne parivar ka khayal rakhna padega. Filhal main chalta hoon agar koi baat ho to muje turant phone kijiye ga. Lagta hai yeh Arjun apni sari had par karke hi rahega.

Krishna : Aap kuch bhi karke jald se jald kuch kijiye. Main apne pati aur apne parivaar ko musibat me nahin dekh sakta.

Yuvraj : tum chinta mat karo kuch nahin hoga muje aur hamare parivaar ko. ab to jo bhi hoga woh Arjununcle ka hoga.

Daksh bahar nikalne hi wala tha ki woh Shalaya se takrata hai aur Shalaya ke haath me jo paint tha woh sab Daksh ki shirt pe gir jati hai.

Shalaya: Yeh maine kya kiya. Pata nahin mere saath hi aisa kyun hota hai. I am really really sorry ple papa ko mat kahiye ga. ple.

Shalaya uske shirt se paint ko pochne lagti hai per uske hath ke paint ki wajah se aur paint uske shirt pe lag jata hai/

Daksh : aap rehne dijiye. aap se kuch nahin hoga. aur ghabrayega mat main aapke papa se kuch nahin kahuga per shayad aapki bhabhi ne sab kuch dekh rahi hai. Aur daksh wahan se chala jata hai aur Shalaya use dekhti hi rehti just like love at first sight.

Krishna : Lagta hai muje yuvraj se baat karni hi hogi ki hamari choti si shalaya kitni badi ho gayi aur lagta hai uske haath peele karne ka samay aa gaya.

Shalaya: Woh bhabhi, aap bhi. Aise koi baat nahin aur woh sharmake apne kamre me chali jati hai.

Krishna (apne aap se) : Tum mano ya naa mano per tumhe pehli nazar main hi pyar ho gaya hai.

Part 3

Krishna Mille ke kamre me jati hai.

Krishna (Yuvraj ko chidane ke liye) : aaj hamari beti apni choti maa ke saath soyegi.

Mille : wow, tab to aap hume sari raat kahaniyaan sunayega.

Krishna mille ko apne kamre me lati hai. Yuvraj apne kamre me sofe pe bethkar kitab pad raha hota hai.

Krishna (yuvraj ki aur dekhkar) : To Milli, aaj rat aap kaun si kahaniyaan sunege.

Mille : pehle aap woh rajkumari ki aur phir kisi pari ki aur phir.

Krishna : bas bas pehle shuru to karon. Aur waise Mille kal subaah hum aap ko ek bahot hi special jagah pe leja na chahte hai. Haa yeh bat alag hai ki kuch logo ke pass dusro ke liye waqt hi nahin hota.

Mille : Choti maa, main to apna blanket apne kamre me hi chod aayi.

Yuvraj : Kya mille hamare saath sone wali hai. mera matlab.

Krishna (yuvraj ki aur haste huye) : haa agar humne puri raat kahaniyaan sunane ki baat ki hai to mille mere saath hi sonewali hai.

Tabhi Bua aati hai.

Bua : Lo yeh Mille yahaan hai aur main ise pure ghar me dhundh rahi thi. Tumhe jaldi nahin sona kal subaah uski music class hai. aur bua Mille ko lekar jati hai.

Krishna zor zor se hasnelagti hai.

Yuvraj : isme hasne wali kaun si baat hai.

Krishna : apni shakl dekhi hai. kaisi shakl bana rakhi thi. main sirf tumhe chida rahi thi. aur tum to serious ho gaye.

Yuvraj (naughty smile): main tumhe aakhri baar kehta hon. tum mujpe hasna bandh karti ho ya phir.

Krishna : To phir kya.

Yuvraj : Krishna ke nazdik aata hai.

Krishna : Yuvraj, main to sirf.

Yuvraj: ab haso aur haso.

Yuvraj krishna ki nazdik jata hai aur krishna pichche pichche apne kadam karti hai. Yuvraj krishna ki bahot hi kareeb aa jata hai. aur Krishna apni aankhen bandh kar deti hai aur jab woh apni aankh kholti hai to yuvraj uske kareeb padi magazine ko uthakar chala jata hai. Krishna bas use dekhti rehti hai.

Wahaan Dusari aur Abhay ab Niyati ki mada se chal sakta hai.

Niyati : Agar is tarah tum practice karoge to muje pura yakeen hai ki ek hafte me tum phir se chale ne lagoge. Ab tum yahaan betho main tumhare liye coffee banake lati hoon.

Abhay (apne aap se ): Niyati, maine tumhi se sikha hai ki kaise nayi zindagi shuru kare. Aur muje yeh kadam apne liye nahin balke Krishna aur Yuvraj ke liye uthana hoga aur phir me kitne dino se tumhe notice kar raha hoon ki tum mujse kuch kehna chahti ho lekin tum keh nahin pa rahi lekin muje hi lagta hai shuruaat karni hogi. Shayad aga zindagi me Krishna ko pata chale o use kabhi mere pass aane ke koi raste hi na dikhe kyunki main apne haath hi unhe bandh kar raha hoon.

Niyati : Yeh lo tumhari coffee.

Abhay (niyati ka hath pakd ke ): Sach sach batana. kyun karti ho meri itni parvah. Kyun muje nayi zindagi jine pe majboor kar rahi ho. Kis ke liye muje jine ko shikha rahi ho. kyun.

Niyati (looses her temper) : KYunki tumhe mere saath mere liye jina hai. kyunki main tumse pyar karti hoon.

Abhay : Yeh to m ain bhi janna chahta tha. Kya yeh sab janne ke bad bhi kya tum mere saath shaadi karogi.

Niyati (abhay ki aankhon me dekhkar) : Zaroor karongi lekin ek bar usse pehle tumhe apne gharwalon se milke Arjun ki sachai batani hogi kyunki main yu tumhe is tarah har waqt pareshan nahin dekh sakti.

Abhay : ek bar main thik ho jau phir tum jaisa kahogi waisa main karonga. thik hai.

episode ends on niyati's smiled face.

thanks

with help of softk 6

love kashish

😊
great part...can't wait for the next one

why did you finish writing. It is becoming more interesting. Please write some more. Pleeeeeeeeeeeeeeees.

sorrry I mean please finish the story. I really want to know what happens next. Thank you.

I really love your fan-fic yaar... please continue..brings the old memory of Kuch apne kuch paraye... 😳

please finish this story. I really want to know what happens next.