Future Track-OS Part-5 page 19(updated) - Page 10

Originally posted by: rabzonedge

Originally posted by: debaparna77

oye,itna maregi to phuchka kaun khilayega tujhe

tu theek ho jayegi phuchka ke liye..ye le..

Originally posted by: rabzonedge

tu theek ho jayegi phuchka ke liye..ye le..

Originally posted by: debaparna77

teri OS thread ko pura spam kar diya 😛 ab rehne de 😆

sahi hai..aage ka OS k liye rehne dete h...😃

Originally posted by: rabzonedge

lolz phuchka khawabi bal..anek likhbo tahale..😛

Originally posted by: niniborn2rule

phuchka khawabo toke chol aj akta update de...

Originally posted by: capricorn1967

Iske aagay ka kya hua...Kal se likh rahi ho...ab aur kitna time logi...

Nidhi Bina mude Chalti jaati hai'..Aankh se aansoo ruk hi nahi rahey they'.Wo jaldi se ek Taxi me baith jaati hai..Ashu bas dekhte reh jaata hai'Kuchh palon ke liye uska Dil o Dimaag sunn ho gaye they'.Ek dum sthir kuchh halchal nahi thi..jaise usne Dekha Nidhi Taxi me baith gayi hai..wo hosh me aaya'Seedhiyan daud ke chadh gaya'.Amar ke Room mein pahunch gaya'..

Amar chupchap gumsum baitha tha'.Ashu uske saamne khada ho gaya'"kyaa huaa mujhe batao'Nidhi yahaan kyu aayi thi??"

"Dr Ashutosh aapko ye sawaal pehle puchna chahiye tha..aapko aisa nahi lagta.??"..Amar ki awaz mein tanj tha'

Ashu ne mehsoos kiya'.par wo Khud Sharminda tha Amar sahi keh rahaa tha'.
"Amar mujhe batao'.."..Awaz kaanp rahi thi uski'..

"Dr Ashutosh'Mai aaj Kuchh samaan lene neeche gaya tha Kuchh gundo ne mujhe dekh liya aur mujhe Maarne lagey par wahaan public aa gayi to unhe bhaagna pada'.Main police complaint nahi kar paaya kyuki Mera Bhai iss line mein hai..wo bhi pakda jaayega'.Uski wajah se main fansa huaa hoon'Mujhe kuch samajh nahi aaya to maine Dr Nidhi ko phone kiya..wo bas mujhe dekne aa gayi kyuki Aap dekh rahein hai mere paon me chot lagi hai..mere chalne ki haalat nahi hai..wo mujhe samjha rahi thi ki main police protection loon aur police ko sab sach sach bata doon'..Dr Nidhi ne mujhe bata diya tha ki wo shaadishuda hai'bas yehi baat hai'."

Ashutosh Dhak se reh gaya..Bina pooche bina Jaane usne Kyaa kuchh keh diya Nidhi ko'.Wo usse Manane aaya tha par usse khud se aur door kar baitha'

Ab kyaa hogaaa'.Ab kyaa kare who'.wo baar baar apne baalon par ungliyaan fer rahaa tha'uska gala pura sukh gaya'.

"Pani chahiye'"

"Kitchen me hai..aapko lena hoga'"

Wo Kitchen me jaa ke paani peeta hai'.Chai ke bartan wahaan rakhe they..Nidhi ne banayi thi chai..kitne din huye usse Nidhi ke haath ki Adrak ki chai peeye..Wo Din yaad aa gaya jab Nidhi aakashi rang ki saari pehen ke uske ghar aayi thi..Dono ne mombatti mein andhere me Adrak ki chai pee thi'..wo ehsaas kitna naya tha'.wo din kahaan chale gaye..wo aisa kyu ho gaya'..unme doori kyu aa gayi'..Sab uski hi to galti thi'..

Wo pani pee kar Amar ke liye bhi Pani le kar jaata hai'.

"Thanks Dr Ashutosh'Mai ek baat bolta hoon sab galti aapki nahi hai'"

Ashu ko lagta hai..Amar uska Dil padh raha tha kyaa''

"Dekhiye galti aap dono ke beech ki khamoshi ki hai'Na aap bolte hai..na wo'.aap log Ek dusre ke bajay ek dusre ke bare mein auron se baat kar rahein hai'.halaaton ko ek dusre ki nazar se dekhne ke bajay..Ek tarfa nazariye se dek rahein hai..jiske kaaran aapke beech ye galat fehmiyaan ho rahi hai'agar aap khud ko Dr Nidhi ki jagah rakh ke sochte to sayad aap aaj aise maayus nahi kade hote mere saamne'mujhe maaf kijiyega main koi nahi hota aapki niji zindagi ke bare mein bolne wala..par Dr Nidhi ki main bahut izzat karta hoon'unki taqleef se vyatheeth tha..socha aapko sachchai bata doon'aage dekhiye aap dono ki zindagi hai'.Aap mujhse bade hai samajhdaar hai"

"Amar tum sach keh rahey ho..hum jab galat haalaton se guzarte hai..to dusra insaan humeh behtar samajh paata hai..hum khud ek uljhan mein rehte hai'..Thanks tumne ek naya pehlu dikhaya'Ab main samajh gaya hoon mujhe kyaa karna hai'"

Ashu Apne ghar laut aata hai'..Wo Ab shaant hai'.Man mein bahut saari baatein chal rahin hai uski'."Nidhi main tumhara saamna karne ke liye taiyaar hoon'.par tumhe khone ke liye bilkul taiyaar nahi hoon..tumhari har awhelna main she loonga'.par tumse doori nahi.."

Dusre Din subah saat baje..Maathur Niwas-

Ashu Baitha hai'Col verma aur wo saath subah ki chai pee rahein hai..DB puja kar rahi hai'

CS-Nidhi bibi So kar uth gayi hai'.

Ashu-Col Verma main usse milne jaata hoon..

CB-Ohh sure Dr Ashutosh'..

Nidhi apne kamre mein Bed par baithi hai..Ashu Andar jaata hai'.Nidhi ki peeth uski taraf hai..

Ashu-"Nidhi '.."

Nidhi-"Haan boliye'.."

"mujhe pata hai tum bahut naaraaz ho..Amar ne mujhe sachchai batayi..maine tumhe kya kya bol diya..mujhe maaf kar do"

Ashu ko laga usse ye baat bina kisi bhumika ke bolni hai..bas jaldi se bina ruke'

"Achcha agar Amar aapko nahi batata to aap kyaa karte mujhe Divorce de dete"

"Nidhiii Aisa main kabhi nahi soch saktaa'.."..bolte bolte wo Nidhi kea age aa kar uske palm ko apne hath mein le leta hai'.Nidhi dheere se apna palm uski haathon se hata kar khadi ho jaati hai'
"Dr Ashutosh sayad aap bhul gaye hai..main bhi ek insaan hoon mujhe bura lagta hai'.Ek din aapka man kare aap kuchh bhi bol dein..dusre din chahe ki main sab kuchh ek pal mein bhul jaaoon to ye to nahi ho sakta na'Main gudiya nahi hoon'"

Ashu Nidhi ke andar jame huye dard ko mehsoos kar rahaa tha..usse uss dard ko pighlaane ke liye pyaar ki aanch deni hogi bahut'..

"Nidhi Main tumhe Amar ke saath dekh kar darr gaya tha mujhe lagaa tum mujhse door chali jaogi..uss darr ne Jealousy ne mere soch par parda daal diya aur main aisi baat bol betha tumhe.."

"Mujhe bhi Dr Mallika ko le kar aisa mehsoos hona chahiye na..par mujhe aap par..apne pyaar par bharosa hai'aapko na mujhpe bharosa hai..na apne pyaar par.."

"Nahi Nidhi mujhe tum par bharosa hai..par khud par nahi..ye Umr ka itna gehra faasla mujhe darata hai Nidhi ki tum mujhse alag na ho jao'"

"Dr Ashutosh Umr ka faasle se nahi aapko pyaar ke faasle se darna chahiye jo aap mein aa jata hai..aap mujhse baat karne ke bajay..khud sab samajh ke ajeeb sa bartaw karte hai'.yaad hai jab aapko pata chala baba ke makaan ke bare mein..aapne mujhse baat nahi ki'.balki usse sach maan ke mujhse sabse door chale gaye'wo bhi pyaar ka faasla tha..Aaj bhi aap wahi kar rahein hai'..

Jab aap aur main saath nahi they uss waqt Rohan mere saath tha'.agar umr ke faasle ki baat hoti to main aaj Rohan ke saath hoti aur aap Dr Mallika ke sath'.."

Ashu chupp ho gaya'Nidhi ne sach hi kahaa hai..wo khud ko vyakt nahi kar paata..khud ko qile mein bandh karne ki aadat ab tak hai''

"Nidhi main jaanta hoon'.Tumne mujhe main jaisa hoon waise hi apnaya hai na'..Main samajh gaya hoon'.jo baat bol gaya usse palat nahi sakta'..sirf ye kehna chahta hoon'mujhe zindagi se tumhare siva kuchh bhi nahi chahiye..meri ghabrahat..mera darr sab tum tak pahunch ke tham jaate hai'..tumhare alawa mujhe kuchh nahi dikhta..meri bechaini'.Meri chintaaon ka hal tum ho sirf tum..tum rehti ho saath to main ek behtar insaan ban jaata hoon..tumhare naa rehne se ek Adhura insaan'..mujhe itna pata hai..tum meri wajood ho''aur main kuchh nahi keh paa rahaa'" Ashu ki awaz royi royi si thi'..aankh bhari huyi..wo jaa kar Nidhi ka haath pakad leta hai..Aansu behne lagte hai'..

Nidhi Bas Ashu ko dekhti rehti hai'..Wo haath badha ke Ashu ki Aansoo pochti hai..

"Dhut aap rote huye mujhe nahi pasand''Main sirf aapki hoon'..Mai aapse alag hoon hi nahi'.na ho sakti hoon..ruthna manana bhi pyaar hai..Achcha huya main Ruth gayi aap se itni pyaar bhari batein sunne ko mili'.."..wo Ashu ko aankh maarti hai'

"achcha to ye sab mujhse Romantic baatein sunne ke liye tha..Ghar chalo gin gin ke badla lunga'.."

"pehle hospital chaliye'."

Ashu usse peeche se pakad ke neck kiss dete huye'Aaj hospital se chutti le kar dono Bas ghar mein akele rehte hain na''

"yahaan aap pagal ho gaye hai'"

"Arre nahi apne ghar mein..Baba aur HK ko kahin bahar bhej dunga kisi bahane se'"

"Aapke mood bahut khatarnaak lag rahein hai'."'Nidhi usse door jaate huye bolti hai'
Ashu usse apni or khinch leta hai..uske baalon ko pakad ke bolta hai'.."haan wo to hai'..Ab ghar chalo ..jaldi.."

"intzaar kijiye itni bechaini theek nahi'"

Ashu usse naqli gussa dikhata hai'

Continue karoon ki nahi bata dijiyega'.😃😉