shayari

Rah guzar, saaye, shajar, manzil-o-dar, halqa-e-
baam
Baam par seena-e-mahtaab khula, aahistaa
Jis tarah khole koi band-e-qabaa, aahistaa
Halqa-e-baam tale, saayon ka thehra hua neel
Neel ki jheel
Jheel mein chupke se taira kisi patte ka hubaab
Ek pal taira, chala, phoot gayaa, aahistaa
Bauhut aahistaa, bahut halqa, khunak rang-e-
sharaab
Mere sheeshe main dhala, aahistaa
Sheesha-o-jaam, suraahi, tere haathon ke gulaab
Jis tarah door kisi khwaab ka naqsh
Aap hi aap bana aur mitaa aahistaa
Dil ne dohraayaa koi harf-e-wafaa aahistaa
Tum ne kahaa- aahistaa'
Chaand ne jhuk ke kahaa
Aur zaraa aahistaa!'
faiz