Inshi ff : Pyar to hona hi tha 2nd thread last c 56 pg 49 - Page 26

Chapter 50

The day before anniversary

At morning

Indira subah uthkar ready hoke aayneke samne khadi rehkar ek pure roomki taraf dekhti hain, "Bas do din aur, parso me iss ghar se chali jaungi" uski najar ek wall piece pe jati hain, use uss wall piece ko leke INSHI ka jhagda yaad aata hain, "Kaise jhagad rahe the hum tab iss wall piece ko lekar, tab shayad yeh bhi nahi socha tha ki insari batonko aise yaad karungi, tab yeh sab majak lag raha tha, tab har baat pe mujhe Rishipe gussa aata tha par ab wahi wo sare pal hain jo mujhe humesha yaad aayenge, iss pure ek saal me mujhe wo pyar mila hain jiske liye me kahina kahi tadapti thi" wo lambisi saans leti hain, "Lekin ab me chahkar bhi yeh sare pal wapas jee nahi sakti aur nahi me in sabke saath reh sakti hu, ab me in sari cheezonse bahot dur janewali hu" uski aankhome pani aata hain. Wo khudko sambhalkar kitchenme jati hain.

Rishi humeshake tarah uthkar Indirako awaj lagata hain par Indira nahi aati. Rishi uthkar AC off karta hain, Indira Rishika awaj sunkar waha aati hain, "Rishi uth gaye tum? Mujhe laga tumne mujhe awaj di isliye me yaha...

Rishi : Haan awaj toh di thi, par tabhi mujhe ehsaas hua ki ab aagese toh tum roj nahi aanewali ho toh isliye mujhehi mere kaam karne ki aadat dal leni chahiye, isliye mainehi... aur dono ek dusreke taraf dekhte hain. Rishi eye lock todkar me... me nahane jata hu aur wo washroom me jata hain. Indira washroom ke taraf dekhti hain, "Achhi baat hain Rishi, tum bhi apni aadatein badalo aur me bhi..." uski najar Rishike towel pe jati hain, wo towel lene jati hain tabhi Rishi waha aata hain, "Wo towel..." wo towel lekar chala jata hain, Indira fade smile deti hain.

Shamko Indira apna saman packing karna shuru karti hain. Rishi officese wapas aata hain, "Yeh kya kar rahi ho Indira?"

Indira : Wo me saman pack kar rahi hu.

Rishi : Itni jaldi kyun?

Indira : Itna sara packing karneme bahot time lage gana aur fir kal gharme party hain toh pura din usmehi chala jayega aur parson toh...

Rishi : Hmmm...sahi keh rahi ho. Yaadse sab achhese pack kar lena warna kuch reh gaya toh tumhe problem aayegi.

Indira : Haan aur mujhse jyada tumhe aayegi agar kuch reh gaya toh me tumhe phone karke pareshaan jo karungi, dono haste hain.

Rishi : Indira maine kabhi tumse kaha nahi par I will miss you, tumhe yeh baat sunkar pata nahi kaise lagega par me tumhe bahot miss karunga, pata hain tum wo ek aisi ladki ho jisse maine apne almost sare secrets share kiye hain, tumhari har baat mani hain, I will miss you a lot.

Indira : Me bhi tumhe bahot miss karungi Rishi. Tum apna achhese dhyan rakhna, barish me jyada bhigna mat, thandi cheezonse thoda durhi rehna, chhoti chhoti batonpe gussa mat hona aur haa sabse important baat kabhi bhi apne dil aur dimag ki batonme confused huye na toh dil ki baat bhi sunliya karna kyunki practically jeena galat nahi hain par uske sath dusronke emotions ka bhi khayal rakhna jaruri hota hain, samjhe? Rishi usse confuse look deta hain, Indira usse meaningfully smile dekar packing karne lagti hain.

Rishi wardrobese do packets nikalta hain, "Indira". Indira uske taraf dekhkar, "Yeh kya hain Rishi?" Rishi usse packet dikhakar, "Yeh wo tumhare liye gift laya tha...wo kal humari wedding anniversary hain na toh uske liye...dekhna shayad tumhe pasand aaye.." Indira gift lekar, "Thank you so much. Par kal ke liye laye the na toh aaj kyun de rahe ho?"

Rishi : Wo maine socha abhi de deta hu isliye...kholke dekho na... Indira packet kholti hain, Rishi usse Indiraki DFke sath khichi hui sari pictures ki collage banayi hui frame deta hain. "Rishi yeh...yeh sab..."

Rishi : Tum pure gharwalonse bahot attatched huyi ho Indira, toh maine socha yahi sare momentsko ek frame me tumhe deta hu...kaisa laga?

Indira : I am speechless Rishi...thank you...thank you so much, yeh gift mere liye sabse kimti gift hain, thanks a lot Rishi...uski aankhome pani aata hain, Rishi wo pochta hain. Indiraki najar dusre packetpe jati hain, "Yeh kya hain?"

Rishi : Wo...yeh bhi ek... Indira packet leti hain, "Yeh bhi mere liye hain na..." wo packet kholti hain usme INSHI ke sare pics hote hain, "Yeh shayad tumhe achha na laga ho Indira...mera matlab ye hum dono..."

Indira : Kaisi baate kar rahe ho Rishi, tumhare sath bitaya hua har ek pal mere liye khass hain, thank you ye bhi kum hain in dono gifts ke liye aur wo usse hug karti hain, "Thanks a lot Rishi...tumhe nahi pata ki tumne mujhe kya gift diya hain, thanks" aur wo usse tightly hug karti hain. Rishi bhi usse hug karta hain aur dono ki aankhome pani aata hain.

Next Day

INSHI uthkar ek dusreko wish karte hain aur neeche poojake liye aate hain. Dadi aur Simmi INSHI ke anniversary ke din unki married life acchese chalne ke liye pooja rakhte hain. INSHI pooja karne bethate hain tabhi Priya ka dhyan Indirake forehead pe jata hain, "Are Indira yeh kya tumne sindoor nahi lagay?"

Indira : Ji wo didi me bhul gayi, abhi aati hu lagake.

Priya : Koi baat nahi yeh lo yahi lagalo wo usse bhagwanjike passse sindoor deti hain, ek kam karo dewarji aaj aaphi sindoor laga dijiye...

Rishi : Me... par bhabhi...

Priya : Kya baat hain dewarji? Sirf sindoor laganeke liye keh rahi hu.

Simmi : Kya baat hain Rishi? Bhar dena uski maang me sindoor. Rishi ek bar Indirake taraf dekhta hain, "Wo ma...me...me wo".

Dadi : Rishi itna kyun jhijak rahe ho? Jaldi se laga do na aur waise bhi aaj ki pooja tum dono ke liyehi hain na. Rishi wapas Indirake taraf dekhta hain aur Priyase sindoor ki dibbi le kar Indira ke maang me sindoor bharta hain, sindoor lagate waqt uske hath kapne lagte hain, Indira bhi apni aankhe band karti hain.

Poojake wakt panditji unko hawanke liye bithate hain aur bhagwanjise aashirwad leneke liye kehte hain.

Rishi apne man me : Bhagwanji aap toh sab jante ho na, yeh sab hum ne kyu kiya, kis liye kiya, hum dono ko maf kar dena bhagwanji.

Indira apne man me : Yeh sab humare saath kya ho raha hain? Maine kabhi nahi socha tha ki baat yaha tak aayegi. Bhagwanji aap bhi jante ho ki hum sare pariwarwalonko dhoka de rahe hain, humne sabse jhoot bolkar bahot bada paap kiya hain, hume maf kar dijiye aur humare pariwarwalonko sachhai swikar karneki takad dijiye... Pooja hone ke bad dono badonka aashirwad lete hain.

Simmi : Khush raho bachho, tum dono apni jindagi aisehi hasi khushi ek dusre ke sath bitao. Indira Simmi ko hug karke roti hain. Kya hua Indira? Ro mat beta, me janti hu abhi tum kya mehsoos kar rahi ho, tumhe apni maa ki yaad aa rahi hain na par aise rote nahi hain me hu na aur wo uski aankhe pochti hain. Shekhar INSHI ko naye bunglow ke property papers deta hain as wedding gift.

INSHI dadi ke per chute hain,

Dadi : Sada khush raho bachho aur ab jaldise mujhe iss shaitan ki dadise pardadi bana do. INSHI embrass hokar khade rehte hain, sab log haste hain. Dadi dono ko diamond rings deti hain. Priya Sameer aakar INSHi ko hug karte hain aur gifts dete hain.

At INSHI's room

Indira : Rishi wo me...wo me ye puchna chahti hu ki hum sabko sachhai kab batayenge?

Rishi : Me bhi tumse yeh baat karnewala tha Indira, me soch raha hu hum kal hi sabko sach bata denge, waise bhi tum kal yahase jaogi aur sab sawal puchenge toh aur jhoot bolnese achha hain sabko hum sachhai bata dete hain. Indira apna sar hilati hain, "Pata nahi Rishi sab kaise react karenge?"

Rishi : Par Indira kabhi na kabhi unko sachhai accept karni padegi hi na. Kuch nahi hoga, hum dono sabse baat kar lenge. You don't worry... wo office jata hain.

At Evening

Rishi Indirake liye saree lata hain, "Indira yeh dekho me tumhare liye laya hu. Kya tum aaj partyme yeh saree pehnogi?"

Indira : Haan jarur pehnungi. Wo ek packet Rishiko deti hain Me yeh layi hu tumhare liye, wo usse suit aur wrist watch deti hain. Dono party ke liye ready hote hain.

Partyme Inder aur Dulari aate hain. INSHI unka aashirwad lete hain. Cake cut karneke bad sab log romantic song pe dance karte hain. Rishi Indirake samne hath karta hain, "Will you dance with me?" Indira apna hath uske hath me dekar sar hilati hain, dono dance karte hain.

Rishi uske kamarpe hath rakhta hain, Indira uske kandhe pe hath rakhti hain,

Hai dil ye mera
Mujhe hardum ye poochta:
Kyun hai mujhe tujhse itni wafaa..

Kyun teri hasrat
Hai har khwahish se badhkar mujhe
Kyun naam tera hi leti zubaan..

Rishi peechese usse hug karta hain, Indira apna sar uske chest pe rakhti hain aur dono apni aankhe band karte hain.

"Saathi tera bann jaaun"
Kyun hai yeh junoon!
Har aansun tera pee jaaun
Or de du sukoon
Har din tujhko chaahun
Teri raah takun
Apni baahon mein tujhko
Main salamat rakhun

Donoko unki pehli meeting, uske baad dono ne kaise shadi ka faisla liya aur unhone bitaye huye moments yaad aate hain...

Tere hi baare mein, hai ab har zikr mera
Huaa hai kaisa asar yeh tera
Koi naseehat, na chaahun main koi salaah
Jo rooh ne mere tujhe chun liya

Rishi uske samne aata hain aur dono ek dusre ke taraf dekhte hain. Indira usse hug karti hain, Rishi bhi usse tightly hug karta hain aur dono apni aankhe band karte hain

"Saathi tera ban jaaun"
Kyun hai yeh junoon!
Har aansun tera pee jaaun
Aur de du sukoon
Har din tujhko chaahun
Teri raah takun
Apni baahon mein tujhko
Main salaamat rakhun

Party ke bad sab log chale jate hain. Inder aur Dulari bhi jane lagte hain par Sameer unko rokta hain, "Rukiye uncleji, mujhe sabko ek baat batani hain.

Inder : Kya baat hain beta? Sab thik toh hain na?

Sameer : Uncleji aap please thodi der rukiye. Me sabko bataunga. Wo kisiko phone lagata hain aur jaldi aane ke liye kehta hain.

Priya : Kya hua Sameer?

Sameer : Priya tumhe yad hain tumnemujhe kaha tha ki tumhe bahot ajib si bechaini ho rahi thi, wo baichaini shayad issi baat ke sanket de rahi thi. thodi der wait karo sab pata chal jayega. Waha pe ek insaan aate hain, "Are aa gaye aap? Aayiye Advocate Chaudhari". Advocate Chaudhari ka nam suntehi INSHI shock hote hain. Indira ghabrakar Rishi ka hath tightly pakadti hain.

Shekhar : Sameer kya baat hain? Tumne inhe yaha itni raat ko kyun bulaya hain?

Sameer : Dad aap sab jan jayenge. Wo INSHI ke pass aata hain, Kya tum ldono abhi bhi chup rehnewale ho ya ab batane wale ho?

Simmi : Yeh sab kya ho raha hain Sameer? Rishi kya batanewale ho tum? Koi toh bolo.

Sameer : Maa, Dad, Uncleji me aapko kuch dikhana chahta hu, Mr. Chaudhari plzz wo papers dijiye... Advocate usse kuch papers deta hain, ye lijiye dad padh lijiye...

Shekhar papers padhke shock hota hain, Inder uske pass aakar papers padhta hain, uske hathse papers neeche girte hain. Simmi unke pass aati hain, kya hua hain aap dono aise kyun khade ho? Simmi papers leti hain aur wo padhti hain, Contract Papers... Yeh...yeh sab kya hain Rishi? Contract papers??? Ye sab sach hain? Rishi apna sar slightly hilata hain sab log unke taraf shock hokar dekhte hain.

Dont mind ek question puchu,ye aur kitna lamba hai?😕

pata chal gaya ghar walo ko...ab sab kya kaise react karenge inshi ke saath..
Overall nice update...n song is also nice

Originally posted by: -Paulomi-

Dont mind ek question puchu,ye aur kitna lamba hai?😕

btw nice update😊

Originally posted by: designersaini

pata chal gaya ghar walo ko...ab sab kya kaise react karenge inshi ke saath..
Overall nice update...n song is also nice

Originally posted by: sreevijayan

sad update dear..loved it...

Originally posted by: --Divya--

Nice update dear 👏

Chapter 51

Sab log INSHIke taraf shock hokar dekhte hain. Inder unke pass aakar Indirako samne bulata hain. Indira ghabrakar Rishike peeche jakar uska hath aur tightse pakadti hain. Inder gussese Rishike taraf dekhta hain. Rishi dheerese sideme hota hain. "Indira kya yeh sab sach hain?" Indira kuch nahi kehti. Inder thodasa awaj badhata hain, "Batao Indira, yeh sab sach hain?" Indira dheerese apna sar hilati hain. Inder usse thappad marta hain. Yeh dekh kar sab shock hote hain. Rishi Inderpe chillata hain, "Uncleji...yeh aap..." Inder gusse se usketaraf dekhta hain. Indira usse samjhaneki koshish karti hain, "Dad please meri baat..." Inder usse rokta hain, "Chup...ek shabd aur nahi Indira. Maine aaj tak tumhe koi bhi kam karnese roka nahi hain, tum humesha jo karna chahti thi wo maine karne diya, par aaj yeh sab..." Indira bolneki koshish karti hain, "Dad wo..." Inder usse rokta hain, "Wo kya Indira? Tumne ek bar bhi humare bareme nahi socha? Humare bareme chhod do apne bareme socha?"

Rishi : Uncleji humne yeh sab aap sabki khushike liyehi kiya tha. Aap sab log shadike liye humare peeche lage the isliye...

Shekhar : Isliye kya Rishi? Isliye tum logone yeh raasta apnaya? Iska matlab yahi hain na Rishi, hum logonko tumhari life ki fikar thi yeh galat hain, hum log chahte the humare bachhe unke lifeme settel ho jaye, yeh humari soch galat thi, are itni hi aap logonko shadise problem thi toh pehle kyun nahi bataya?

Rishi : Dad maine koshish ki thi aur Uncleji Indiranebhi koshish ki thi, par tab aap logonko humari shadi itnihi baat samajme aa rahi thi isliye hume yeh sab karna pada.

Shekhar : Ek bar samajke baremebhi nahi socha Rishi? Hum dono familyonki reputationke bareme nahi socha? Reputation ki chhodo par jab samaj ko tumhari shadike bareme pata chalega tab Indira aur uski familywalonpe kya bitegi iske bareme bhi nahi socha? Indira ek ladki hain, samajki najronme pehli gunhegar wo hogi, sab uske upar ungali uthayenge.

Rishi : Dad wo humne bas tab aap sabke baremehi socha tha aur Dad humdonoko samajse jyada aap logonki fikar thi.

Abhi tak dadi yeh sari bate shantise sun rahi thi, Simmi unkepass aakar kuch kehneko kehti hain. Dadi sabko shant honeke liye kehti hain. "Indira beta idhar aao mere pass". Indira Rishike taraf dekhti hain. Rishi blink karke uske hathpe patt karta hain. Indira dadike pass aati hain. "Beta abhitak jo sab Rishine kaha wo sab sach hain? Mera matlab tum donone milkar yeh faisla liya tha ya fir kisine jabardasti ki thi?" Indira Inderke taraf dekhti hain. "Ghabrao mat Indira, koi tumhe kuch nahi kahega, jo sach hain wahi batao". Indira apna sar hilati hain, "Haan dadi, abhi Rishine jo bhi kaha wo sab sach hain. Contract marriage karneka faisla hum dono ka tha". uski aankhome pani aata hain, "Dadi hum donone yeh sirf aap sabke liye kiya tha. Me shadi nahi karna chahti thi par Dad, bua, Bhaiya koi bhi meri baat sun nahi rahe the aur iss wajahse humne yeh sab kiya." Inder gusse se uske pass aata hain par Dadi usse rokti hain, "Sharmaji abhi kuch mat boliye, me janti hu aap Indirake pita hain par ussebhi toh apni baat kehneka hak hain na. Batao Indira".

Indira : Dadi, mana humse galti hui hain, par humara irada galat nahi tha. Dadi thodi der shant bethati hain. Wo Shekharse contractke papers leti hain, "Mr. Chaudhari ab kanoonan inke shadika aakhri din hain na toh jahirse baat hain ki ye dono ab saath nahi reh sakte, yahi hain na?" Chaudhari sar hilati hain. "Toh thik hain, Indira tum jakar apna saman pack karo". Sab log dadike taraf shock hokar dekhte hain. "Kya hua? Aap sab aise kyun dekh rahe ho?" Simmi unke pass aati hain, "Maaji aap yeh sab kya keh rahi hain? Hum aise kaise apne bahuko jane de sakte hain?"

Dadi : Simmi tumne abhi suna nahi vakilsaabne kya kaha? Indira ab iss gharki bahu nahi hain, wo Rishiki patni nahi hain, aur hum aise bina rishteke ek ladkiko apne gharme nahi rakh sakte. Sharmajiko bhi yeh baat achhi nahi lagegi.

Inder : Sahi kaha aapne. Ab Indira iss gharme ek pal bhi nahi rahegi. Jao Indira apna saman lekar aao.

Simmi : Nahi...yeh nahi ho sakta. Mujhe yeh sare kannonke niyamonke bareme nahi pata, me sirf itna janti hu, Indira pure ritiriwajonke sath humare gharme bahu bankar aayi thi, aap sab mano ya na mano par Indira iss gharki bahu thi aur rahegi.

Dadi : Simmi jid mat karo. Ek bar bachhonke bareme socho, humari jidki wajahsehi undonoko yeh faisla lena pada tha, ab hummese koi bhi unhe ek sath rehneki jid nahi karega. Waisebhi ab wo dono kanoonan pati patni nahi rahe. Jao Indira apna saman le aao. Sharmaji, aap Indiraki fikar mat kariye, usse aap nahi balki jo usse aajke din iss gharme le aaya tha wahi usse wapas uske gharme chhodne aayega. Rishi dadike taraf dekhta hain, "Dadi me?" Dadi uske taraf dekhti hain, "Haan tu. Kyu kya hua? Yeh shadi teh karnese, contract banate waqt, uspe sign karte waqt dono ek sath the na, toh aaj ab contract khatam hote waqt bhi dono ek sath raho. Tum usse aajke din ghar laye the na Rishi toh aajbhi tum hi usse uske ghar chhodne jaoge. Ab aur koi bhi iss batpe kuch nahi bolega. Jao Indira". Indira apne room me jati hain. "Rishi, jao packingme uski madad karo". Rishi bhi roomme jata hain.

Indira apna saman pack karti hain. Rishi uske pas aata hain, "Indira I am sorry. Mujhe nahi ppata bhaiko iss sabke bareme kaise pata chala.

Indira : Rishi tumhe sorry kehneki jarurat nahi hain. Waisebhi kal hum unko batane wale the na. Rishi sar hilata hain. Indira packing karti hain.

Rishi : Indira wo me tumse...wo me tumse kuch puchna chahta hu...hum dono dost toh rahenge na? Indira uske taraf ek bar dekhti hain, "Haan...rahenge na...dost..."

Rishi : Pakka na?

Indira :Haan... dono ek dusreko shake hand karke ek dusre ke taraf dekhte hain. Indira man me, "Rishi mujhe yahase nahi jana hain. Jee kar raha hain tumhe apni dilki baat keh du par nahi keh paa rahi hu me". Rishi apne man me, "Jee toh kar raha hain tumhe janese roklu par kis basis pe roku tumhe? Pata nahi kyun abhi jab Unclejine tumpe hath uthata tab mujhe bahot gussa aaya tha, aisa laga tumhe apne bahonme leke tumhe protect karu. Pata nahi par mujhe ajib lag raha hain, yeh baat me tumhe bata bhi nahi pa raha hu Indira kyunki tum kaise react karogi wo mujhe nahi pata. I am sorry Indira, I am very sorry". Donoke aankhome pani aata hain.

Tum Ko Bhi Hai Khabar
Mujhko Bhi Hai Pata
Ho Raha Hai Judaa
Dono Ka Raasta
Dur Jaake Bhi Mujhse Tum Meri Yaadon Main Rehna
Kabhi Alvida Naa Kehna...

Indira hath chhodke packing karne lagti hain. Rishi uski help karta hain. Indira ek bar uske taraf dekhti hain.

Tum Ko Bhi Hai Khabar
Mujhko Bhi Hai Pata
Ho Raha Hai Judaa
Dono Ka Raasta
Dur Jaake Bhi Mujhse Tum Meri Yaadon Main Rehna
Kabhi Alvida Naa Kehna...

Dono saman lekar roomke bahar aate hain. Indira ek bar pure roomko dekhti hain. Rishi uske taraf dekhta hain. Dono neeche aate hain. Indira hallme lagayi hui family photoko dekhti hain. Usse gharwalonke sath bitaye huye sare pal yaad aate hain.

Jitni Thi Khushiyaa
Sab Kho Chuki Hai
Bas Ek Gham Hai Ki Jaata Nahi

Rishi uske kandhepe hath rakhta hain, Indira sabka aashirwad leti hain.

Samjha Ke Dekha Behla Ke Dekha
Dil Hai Ki Chain Isko Aata Nahi
Aata Nahi

Indira Simmike pas aakar aashirwad lene jhukti hain, Simmi wahase room me jati hain. Indira Rishike taraf dekh kar apni aankhe pochti hain.

Aasoo Hai Ki Hai Angarai
Aag Hai Ab Aankhon Se Behna
Kabhi Alvida Naa Kehna...

Indira sabka aashirwad lekar Rishike sath bahar aati hain. Rishi uska saman carme rakhta hain. Indira ek bar peeche mudkar gharko dekhti hain. Rishi usse awaj dekar carme bethneke liye kehta hain.

Indira aankhe band karke khidkike kaanchpe sar rakhti hain. Rishi silently car chalata hain. Thodi der bad Rishi CCme car rokkar Indirake taraf dekhta hain, "Indira... Indira..." Indira apni aankhe kholti hain, "Aagaye hum Rishi?"

Rishi : Haan, wo me saman nikalta hu. Indira carse bahar aati hain. Rishi saman lekar uske pass aata hain, Indira wo me...

Indira : Nahi Rishi tum mat aao. Me yahase akelehi jaungi. Wo saman uthati hain.

Rishi : Indira please peeche mudkar mat dekhna.

Indira : Kyun?

Rishi : Mushkil hogi Indira tumhe bhi aur...aur mujhe bhi...please... Indira apni aankhe pochti hain, "Tum bhi turant chale jana..." Wo jane lagti hain, Rishi uske taraf dekhta hain.

Tum Ko Bhi Hai Khabar
Mujhko Bhi Hai Pata
Ho Raha Hai Judaa
Dono Ka Raasta
Dur Jaake Bhi Mujhse Tum Meri Yaadon Main Rehna

Kabhi Alvida Naa Kehna...

Rishi man me : Me tumhe nahi jane de sakta Indira, jee kar raha hain tumhe abhi rok lu. Uski aankhome pani aata hain. Wo khudko sambhalkar gadime bethata hain. Indira SN ke pass jati hain. Wo khudko rok nahi pati aur peeche mudke dekhti hain. Rishi uske taraf dekhta hain.

Kabhi Alvida Naa Kehna...

Indira SNme aati hain. Inder hallme uske aaneka intezar karta hain. Usse dekhke wo apne room me jane lagta hain. Indira usse rokti hain, "Dad..."

Inder : Bahot raat ho chuki hain, mujhe neend aa rahi hain. Wo room me jata hain. Indira ek bar uske room ki taraf dekhkar apne roomme jati hain.

Rishi DM me aata hain. Sab log usse bina bat kiye apne room me jate hain. Rishi dadike pass aakar unhe hug karke rota hain. Dadi usse samjhati hain, "Rishi yeh kya tum ro rahe ho? Aise rote nahi hain beta, chup ho jao, Dekhna sab thik hoga, sab pehle jaisa hoga. Ab shant ho jao". Rishi hug todta hain. Dadi uske aansu pochti hain, "Ab jao jake fresh hokar so jao. Bahot raat ho chuki hain". Rishi apne room me jata hain.

Teen din bad

INSHIse koi bhi achhese baat nahi karta. Donoko apne apne gharome ajib treatment milti hain. DM me sirf dadi Rishise bat karti hain. SNme Indira Inderse baat karneki bahot koshish karti hain par wo uss se jaruri batonke alawa kuch baat nahi karta. Inmdira in sari batonse bahot frustrate hokar Kutumbki photose baat karti hain, "Maa tumhi batao na me kya karu? Me bahot akeli mehsus kar rahi hu. Dad, Vidhit bhaiya, bua koi bhi mujhse baat nahi kar raha. Maa me janti hu mujhse bahot badi galti hui hain par uss waqt jo mujhe sahi laga wahi maine kiya. Kash aaj yaha tum hoti toh tum mujhe jarur samjhti. I need you. I need you mom..." Wo photoko hug karke bahot roti hain.

Rishi bhi in sari batonse bahot upset hota hain. Usse har bar Indiraka khayal aata hain. Wo usse phone karta hain, "Hello...Indira..."

Indira : Haan Rishi bolo

Rishi : Are you alright? Waha sab thik hain?

Indira : Haa sab thik hain.

Rishi : Kya hua Indira tum ro rahi ho?

Indira : Nahi Rishi, kuch bhi nahi hua, tum batao wahape sab kaise hain?

Rishi : Sab thik hain, par sabne mujhse bat karna choda hain, Dadi aur bachhonke alawa koi bhi mujhse baat nahi kar raha. Officemebhi Dad aur bhai kamki hi baat karte hain. Maane ro rokar apna hal bigad liya hain.

Indira : Yaha bhi waisahi haal hain. Dad toh mujhse seedha muh baat nahi karte. Tumhare pass kumse kum dadi toh hain Rishi par yaha mere pass koi nahi hain. Kash maa yaha hoti toh wo mujhe jarur samajti. Ab toh aisa lag raha hain ki mera iss duniyame koi nahi hain. Wo rone lagti hain.

Rishi : Indira ro mat, shant ho jao. Tum fikar mat karo me hu na. Me aakar Unclejise baat karta hu.

Indira : Nahi Rishi tum mat aana. Dad tumhe gusseme kuch bhi keh sakte hain. Me manage kar lungi Rishi don't worry. Wo phone rakhti hain. Rishi turant SN jata hain.

Rishi ko dekhkar Indira shock hoti hain, "Rishi tum yaha?"

Rishi : haan me khudko rok nahi paya Indira isliye yaha chala aaya. Uncleji kaha hain?

Indira : Wo room me hain. Rishi please tum yahase chale jao warna pata nahi Dad tumhe dekh kar kaise react karenge. Tabhi waha Inder aata hain. Wo gusse se Rishike taraf dekhta hain, "Tum? Tum yaha kyun aaye ho?"

Rishi : Uncleji wo me aapse kuch kehna chahta hu.

Inder : Mujhe kuch nahi sunana. Tum chale jao yahase.

Rishi : Uncleji ek bar toh meri baat sun lijiye.

Inder : Tumhe sunayi nahi deta? Chale jao yahase warna mujhe tumhe dhakke marke nikalna hoga. Waise bhi me ajnabionse baat nahi karta isliye behtar yahi hoga tum khud yahase chale jao. Apne Dad ki bate sunkar Indira bahot gussa hoti hain, "Dad yeh kis tarahse baat kar rahe ho aap Rishise?

Inder : Oh toh ab kise kaise bat karni hain ye tum mujhe sikhaogi? Waise bhi jisne meri betiki jindagi bigadi hain usse me bat nahi karunga.

Indira : Usne meri jindagi nahi bigadi hain Dad.

Inder : Achha toh yeh contract karneka idea kiska tha? Yeh tumhara idea toh nahi ho sakta Indira.

Indira : Mana ki yeh idea Rishiki thi par usne mujhse koi jabardasti nahi ki thi, maine khudne papers sign kiye the. Aap sara ilzam Rishipe nahi dal sakte. Aur ek baat Rishi koi ajnabi nahi hain, wo abhi bhi mera pati hain, iss ghar ka damad hain, humara divorce abhi nahi hua hain. Isliye aap mere patise aise baat nahi kar sakte Dad. Chalo Rishi yahase. Wo Rishika hath pakadke usse bahar le jati hain. Inder shock hokar unke taraf dekhta hain.

Aur 10-12😲

Originally posted by: -Paulomi-

Aur 10-12😲

Main tere jagah hoti na to isko 30 mein hi lapet deti

khair nice update,kamsekam song daal deti khair koi nehi main hu na😃

<h1></h1>

par me nahi kar sakti waise bhi ab sirf 9 11 hi rahe h
thanks. ganeki link nahi aa rahi thi