Chapter 9
Do din baad
At INSHI's Office
Rishi Indirake cabinme aata hain ,"Indira tum aaj sham ko free ho?"
Indira : Aaj sham ko haa. Par kyun?
Rishi : Wo darsal mujhe shopping karni thi to mujhe tumhari help chahiye thi. Tumhe to pata hain mera choice kaisa hain. Isliye puch raha hu. Sham ko aaogi mere saath? Aur haa me auntyjise permission le luna. Don't worry about that.
Indira : Agar maase permission mili toh mujhe koi problem nahi hain aur I know that ki maa tumhe mana nahi karegi aur dono haste hain. To sham ka programme fix.
Rishi : Haan done. Rishi apne cabin me aakar Kutumb ko phone karta hain.
Kutumb : Hello... Kon bol raha hain?
Rishi : Auntyji me Rishi bol raha hu.
Kutumb : Are Rishi beta tum... Bolo kaise ho?
Rishi : Ji auntyji me thik hu. Wo maine phone isliye kiya tha ki kya me aaj Indira ko leke market me shopping karneke liye le jau? I promise hum jyada late nahi karenge aur me khud aaunga usse ghar chodne.
Kutumb : Kya aaj sham ko?
Rishi : Haan par agar kuch problem hain toh thik hain auntyji hum nahi jayenge.
Kutumb : Are nahi beta koi problem nahi hain jao tum dono. Rishi beta tumse kuch puchna tha.
Rishi : Haan puchiye na auntyji.
Kutumb : Beta me yeh puchna chahti thi ki wo Aditya ke bareme...
Rishi do minute ke liye sochne lagta hain ki wo kya kahe par wo baat sambhal leta hain, "Haan..haan auntyji me uske bareme jankari nikal raha hu. Aap fikar mat kijiye. Jaisehi mujhe sab pata chalega me aapko bata dunga. Aap befikar rahiye auntyji me hu na ".
Kutumb : Haan beta mujhe tumpe pura yakeen hain. Thank you beta.
Rishi : Yeh kya auntyji aise thank you bolke mujhe paraya mat kijiye. Aap sirf mujhe apna aashirwad dijiye.
Kutumb : Aashirwad toh sada tumhare saath hi hain beta.
Rishi : Yeh hui na baat ! Achha auntyji ab me phone rakhta hu wo thoda kam hain na aur dono phone rakhte hain. Rishi ek bar apne phone ke taraf dekhta hain, "I am sorry auntyji maine aapse Adityake bareme kuch nahi bataya par agar me aapko kuch bhi batata toh aap ghabra jati aur Indirako bhi batati fir uskehi jaan ko khatra hota isliye abhi kuch nahi bataya. Lekin jaisehi Aditya ki sachhai Indirake samne launga tabhi aapko bhi bataunga ".
Sham ko Rishi aur Indira shopping karke ghar jaane lagte hain par raasteme Rishi gadi turn karta hain. Indira confused hoti hain , "Ye kya Rishi tumne gadi kyun turn kari? Hum kaha jaa rahe hain? "
Rishi : Are bas bas kitne sawal puch rahi ho? Bhaga ke le jaa raha hu tumhe... bhagogi kya mere saath? aur wo wink karta hain.
Indira : Dekhna me toh ready hu tumhare saath bhagne ke liye par tumhehi sab mehenga padega. Mere sare nakhre pure karenge agar kabool hainn to batao.
Rishi : To rehnehi do. Waise tumse koi bhi nahi jeet sakta na baatonme aur me toh bilkl bhi nahi. Indira iss baat pe hasti hain. "Ab bataoge bhi Rishi ki hum kaha jaa rahe hain?"
Rishi : Indira maine socha ki hum abhi Aditya ke ghar jaake usse surprise dete hain.
Indira : Kya Aditya ke ghar wo bhi abhi?
Rishi : Haan kyun kya hua? Kuch problem hain?
Indira : Nahi koi problem nahi hain. Ruko haa me usse phone karke puchti hu ki wo ghar hain bhi ya nahi warna khamkha humari chakkar ho jayegi aur wo phone karne lagti hain par Rishi usse phone leta hain , "Off oh Indira hum usse surprise dene jaa rahe hain na aur agar wo ghar pe nahi hua toh hum wapas chale jayenge na". Par Indira nahi manti, "Par Rishi aise kaise hum?"
Rishi : Haan... haan ab tum meri kaha sunogi? Ab tum meri dost kaha rahi ho? Ab toh tumhe meri company bhi boar ho rahi hain. Samaj gaya me aur wo apna muh banata hain. Indira hasne lagti hain , "Are tum to bura man gaye Rishi. Ok chalo Adi ke ghar chalte hain". Rishi uske taraf dekhta hain , "Sachhi?" Indira hasti hain , "Haan Muchhi , chalo ab".
Dono Adike ghar aate hain. Rishi door bell bajata hain , "Dekhna Indira tumhara Adi kaise surprise hota hain. Ek minute tum yaha aana " aur wo Indirako darwaje ke samne khada karta hain. Unko darwaja kholneki awaj aati hain. Indira bahot excite hoti hain aur surprise karke chillati hain par uske shockse darwaja Adi nahi balki ek ladki kholti hain. Indira shock hoti hain , "Tum...tum kon ho?"
Ladki : Are oye khud mere gharme aake mujhse puch rahi ho ki me kon hu?
Indira : Tumhara ghar? What do you mean tumhara ghar? wo ladki ko side me karke andar aati hain. "Adi kaha hain?"
Ladki : Adi???
Indira : Haan Adi. Iss ghar ka maalik Mr. Aditya Kapoor wo kaha hain?
Ladki : Oh achha Adi... wo toh andar hain. Ruko abhi bulati hoon aur wo andar jaane lagti hain par Indira usse rokti hain , "Par tum kon ho?" Ussi time Aditya aata hain, "Kon hain darling? aur Indirako dekh kar shock hota hain. "In...Indira tum...tum yaha? Iss waqt?"
Indira : Haan me. Adi mujhe pehle yeh batao ki ye ladki kon hain? Wo idhar udhar dekhti hain, "Ye apne ghar ka kya haal bana ke rakha hain?"
Aditya : Wo... wo Indira... Indira ye...
"Are ye behen hain na tumhari?" Sab log peeche dekhte hain Rishi waha uski killer smile deke darwajepe khada hota hain. "Kya hua Aditya ye tumhari US wali behen hain na?"
Indira : Kya tumhari US wali behen? Par Adi tumne toh kaha tha ki tumhara iss duniya me koi nahi hain toh yeh...
Aditya : Haan... wo...wo...Indira
Rishi : Are Indira yeh iski durke rishtese lagniwali behen hain. Yeh abhi kuch din pehle US se aayi hain. Hain na Adi?
Aditya : Haan... haan sahi kaha Rishi ne. Indira isse milo yeh hain meri behen Rubby aur Rubby yeh hain Indira. Indira Sharma aur wo Rubby ko meaning full look deta hain. Rubby turant aake Indira ko hug karti hain , "Oh Indira Sharma matlab meri honewali bhabhi..." Rubby apne aankko konese Adityake taraf dekhti hain. Aditya apna sar neeche jhukata hain. Indira Rubbyko side me karti hain aur apne naak pe haath rakhti hain ," Hmmm thik hain. Hi... Rubby".
Aditya : Aap dono aise khade kyun ho aao na betho.
Rishi : Haan yar me toh bahot thak gaya hu par hum baithe kaha? Yaha bahot saman pada hua hain. Indira gusse se Rishi ke taraf dekhti hain. I ... I mean to say ki kaise baithe yaha? Aditya turant saman hatata hain , "Betho ab" aur wo unke liye pani le aata hain. "To aap log aise yaha achanak se..."
Rishi : Haan wo hum shopping karne gaye the tab raasteme socha ki tumhe surprise dete hain isliye yaha aaye. Par yaha aake Indira ko hi surprise mila Rubby ko dekh kar , Hain na Indira?
Indira : Haan sahi kaha. Par Adi me tumse bahot naraj hu tumne mujhe Rubbyke bareme pehle kyun nahi bataya? Aditya kuch sochne lagta hain par Rishi bolta hain ,"Are Indira wo shayad tumhe batanehi wala hoga par usse time nahi mila hoga aur fir usse kya pata tha ki hum aise uske hosh udane ke liyeaanewale hain..." Aditya Rishi ke taraf dekhta hain , "Ji..." Rishi baat sambhalta hain , "Mera matlab tha ki hum aise surprise dene aanewale hain yeh tumhe kya pata tha?" Aditya iss baat pe hasta hain. "Me coffee banakar lata hu aap dono yahi betho haan" aur wo chala jata hain.
Indira : Rishi kya kar rahe ho tum? Aur tumhe iss Rubby ke bareme itna sab kaise pata haan?
Rishi : Kyun ki me isse pehle mil chuka hu aur wo kaise Adike ghar pehle aaya tha wo sab batata hain. Indira iss baatse gussa hoti hain , "Kya tum pehle yaha aa chuke ho aur tumne mujhe bataya bhi nahi aur naa Adi ne bataya".
Rishi : Tum naraj ho jati isliye nahi bataya par ab to bata diya na. Tum bhi na turant gussa hoti ho. Please Adi pe ab gussa mat hona. Indira kuch bolne lagti hain par Rishi uske muh pe haath rakhta hain , "Shhh... bas ab aur nahi haan" aur dono ek dusre ke taraf dekhte hain. Tabhi waha Aditya coffee le ke aata hain , "Excuse me..." Rishi turant Indirake muh se hath nikalta hain , "I am sorry haan wo toh bas aisehi... aur sab coffee pine lagte hain. Coffee pite waqt thoda chit chat karke INSHI ghar jate hain.
Rubby Adityake pass aati hain ,"Waise yeh laundha kon hain? Bahot chikna hain aur hoshiyaar bhi".
Aditya : Ye Indira ka dost hain Mr. Rishi Kumar bahot maaldaar hain.
Rubby : Haan wo shakalse hi lag raha tha par haa tumhe iss chiknese bachke rehna hoga kyunki laundha hain bahot hi smart.
Aditya : Are uski fikar mat kar. Wo aisa waisa kuch nahi karega aur kiya bhi toh hum hain na sambhalne ke liye aur wo dono haste hain.
Kuch din bad
Rishi Adityaki ek aur deal flop karta hain aur iss baatse unka loss 5 carorse jyada hota hain. Aditya ka boss iss baatse bahot gussa hota hain aur usse apne adde pe bulata hain.
Adi : Bhai...bhai wo me...
Boss : Aao...aao barkurdar...aapne jo kaam kiya hain uske liye toh aapka swagat bahot jorse hona chahiye tha.
Adi : Bhai...bhai wo maaf kardo bhai...ab aagese aise koi galti nahi hogi.
Boss : Galti nahi hogi nahi...galti hone bhi nahi chahiye samjhe na. Tum already mera bahot nuksaan kar chuke ho par ab yaad rakhna agar iss baar wapas galti hui toh... aur wo revolver ke taraf dekhta hain.
Adi : Haan bhai ab me aapko yakeen dilata hu ki iss bar koi bhi galti nahi hogi aur wo dono dealing ka plan discuss karte hain.
At Adi's home
Adi hall me apne sar pe hath rakh kar baithta hain. Rubby uske liye pani lati hain , "Kya hua chikne? Bahot pareshaan hain tu".
Adi : Haan, kya karu kuch samaj nahi aa raha. Ek toh ye log jinse maine paise liye hain wo bhi ab bar bar paisonke liye phone kar rahe hain aur uparse already do deals flop hui hain aur iss wajahse bhai bhi bahot gusseme hain. Pata nahi ye sab kya aur kaise ho raha hain. Humesha humare deal ki baat police ko kaise pata chal rahi hain kuch nahi samaj raha ". Rubby usse peechese hug karti hain , "Tu un logonka itna tension kyu le raha hain? Tune toh apne jaalme sone ki chidiyako fasaya hain na toh kyun tension le raha hain? " Aditya uske taraf confused hoke dekhta hain, "Sone ki chidiya?" Rubby usse meaningful look deti hain ,"Haan sone ki chidiyaa bhul gaya usse? " Aditya usse smile deta hain, "Are haa wo meri bholo bhali sone ki chidiyaa, usse kaise bhul sakta hu" aur wo apne pocketse Indira ki photo nikal kar rone ki acting karta hain , "Indira... Indira mujhe... mujhe paisonki sakt jarurat hain... please meri madad kardo...please..." aur wo rone lagta hain. Rubby iss baat pe khush hoti hain , "Are waah kya acting ki hain boss!! manana padega... aisi shakal banayega toh koi bhi ladki aise chutkionme fas jayegi aur yeh toh hain hi tumhare so called pyar me pagal" aur wo dono Indira ki photo ko dekh kar haste hain.
Anupamaa
Current Affairs
Sports
Bade Achhe Lagte Hain
