Thanks for the likes & comments for the previous part!
Part 126
*@ the Arrival gate of the Indira Gandhi International Airport*
Khushi: Jijaji se baat hui?
Arnav(wheeling the trolley): Maine usse call kiya tha but uss ka phone busy aa raha hai.
Khushi: Toh aap di ko phone kijiye na.
Buaji: Areh kauno ko phone milaane ki jarurat naahi hai, Nandkisore!
Arnav(shocked): Buaji?
Khushi(equally shocked): Amma, babuji?!
Buaji(smiles): Kaa hua babua? Humko hiyaan dekh k chaunk gaye na? (tries to remember) Oo.. ka kahte hain, Garima?
Amma(smiles): Surprise!
Khushi(hugs her): Aaplogone toh bahut hi achchha surprise de diya,amma!
Arnav(nods): Honestly, maine aaplogon ko yahaan expect nahi kiya tha, kyunki usually di aur Akash humein airport se lene aate hain.
Buaji: Jaanat hain,babua. Ae hi liye tau Anjali bitiya humse kahat rahi ki buaji, hum tau har bakhat oo ko lene hawai adde jaat hain. Tau aaj humre badle aaplog aapan bitiya aur daamaad ko lene chale jaiyye! Aapko huaan dekhenge tau oo ka bahutai khusi hogi!
Khushi(hugging buaji): Woh toh hui,buaji! (looking around)Waise, jijaji nazar nahi aa rahe hain..
Arnav: Aakash car me wait kar raha hoga.
Amma: Naahi bitwa. Hum tau driver babu k saath aaye hain. Aakas bitwa ko Payalia k saath ghar par hi rukna pada.
Khushi(anxious): Rukna pada matlab? Kya hua jiji ko?
Amma: Mausam k kaaran oo ki tabiyat sabere tanik kharaab rahi. Par Dr. saahab dekhkar gaye hain aur oo bole hain ki chinta ki kauno baat naahi hai!
Buaji: Ha Parmeswari. Bukhaar tau kab ka utar gawa par jaun Aakas babua oo k saathe rahenge taun oo ko chain padega, ee hai sochk hum ahi oo ko aane se rok diye.
Khushi: Aapne sahi kiya,buaji.
Babuji: Baaki ki baatein gaadi ma kar lijiyega, didi. Abhai hiyaan se naahi nikle tau Santiban pahuchne ma bahut der lagegi. Har jagah (traffic)jam lag jayega.
Buaji: Ha, ha babua. Chalo Sanka devi, aao Arnav babua..
<><><><><><><><><><><><><><><><><><>
Once the car leaves the airport, Buaji turns to Khushi and smiles.
Buaji: Waise tau tumhra chehra dekh k laagat hai ki Lucknow ma sab badhiya hi raha hoga! Phir bhi, bataaye do, kaisaa raha tumhra safar?
Khushi(smiles): Safar toh bahut achchha raha, buaji. Aur jamndin toh bahut hi badhiya raha! Bas, aaj thodi si.. gadbad ho gayi thi. Yoon samajhiye ki.. jab hum flight me pahuchein tab.. sab humein ghoor ghoor kar dekh rahe the!
Buaji(frowns): Kaahe?
Khushi: Hum sabse aakhir me jo pahuchein!
Amma: Par jab humri tohse baat hui thi tab tau tu kahe rahi thi ki tumlog samay se hawai adde pahunch jaoge. Phir kaa hui gawa?
Khushi: Ha amma, socha toh humne bhi yeh hi tha par humein hawaai adde pahuchne me bahut der ho gayi. Yeh toh achchha hua ki Arnavji ne phone par unhe itella kar diya, isiliye flight humare liye ruki rahi. Varna aaj toh humari flight chhoot hi jaati!
Amma: Par itni der kaahe hui,bitiya?
Khushi: woh.. Arnavji k bachpan k dost unse milne hotel aaye the.
As Khushi says that, the events of that afternoon flash before Arnav's eyes.
*************
Khushi(coming out of the lift): Virendraji ko aap pehechaanenge kaise? Aapne toh unhe itne barson se dekha hi nahi hai.
Arnav: But I'm sure usne mere photos media me dekhe honge toh woh mujhe pehchaan lega.
Khushi: Aur agar aisa nahi hua toh?
Arnav: Toh humare pass uska number hai na, baby? Jus' relax!
He leads her into the restaurant.
Arnav was about to enquire from one of the waiters when a bespectacled man walks upto him.
http://www.metromasti.com/tv/gossip/Pavitra-Rishta-Struggling-days-to-bring-Onir-and-Purvi-closer/27016
Arnav: Viren?
Viren(nods): Humein hairaani ho rahi hai.. Tumne humein kaise pehchana?
Arnav: Tumhari chaal aaj bhi waisi hi hai jaisi pehle thi.
Viren nods and then he proceeds to greet Khushi.
Viren(folds his hands): Namaste!
Khushi: Namaste Virendraji! Humein bahut khushi hui aaj aapko yahaan dekhkar!
Viren smiles while extending a box of sweets.
Viren: Yeh malaai ki gilori laaye hain aapk liye. Yeh bahut hi swaadisht mithaai hai!
Khushi: Hum jaante hain kyunki hum bhi Lucknow se hi hain! Par yeh laane ki kya zaroorat thi?
Viren: Yeh humari pehli mulaaqaat hai toh iss lihaaz se yeh lana toh banta hi tha. Le lijiye..
Khushi: Shukriya! a.. aap khana khaakar aaye hain?
Viren: Ji nahi.
Khushi: Toh aap bhi humare saath hi khana kha lijiye.
Viren: Ji, zaroor!
Khushi: Aaiyye na..
Viren(smiles): Pehle aap..
Khushi smiles as she walks up to a table.
Khushi(thinks): Hey Devi Maiyya! Yeh dono phone par toh batiyaa rahe the, Virendraji Arnavji ko daant bhi rahe the. Par ab milkar kuch keh kyun nahi rahe hain?
There were a few moments of awkward silence during which Khushi wondered whether she should initiate a conversation or not.
Luckily for her, Virendra spoke up the very next instant.
Viren: Humara number kahaan se mila tumhe?
Arnav: Rachanaa se..
Virendra turned to Khushi for a brief moment and then turned back to Arnav.
Khushi(thinks): Humein aisa kyun lagaa jaise Virendraji kuch kehna chah rahe the par.. humein dekhkar ruk gaye? Shaayad woh.. humare saamne Rachnaaji ki baat karne se jhijhak rahe hain.
Viren: Achchha. Toh iss ka matlab yeh hua ki agar.. Rachnaa ne tumhe humara number nahi diya hota toh tum.. kabhi humein contact karte hi nahi! Matlab.. aaj bhi tumhari nazar me humari koi ehmiyat nahi hai!
Arnav: Aisa nahi hai..
He stopped when the waiter approached them.
He turned to his friend after placing the order.
Viren: Aisa hi hai na? Humein toh bhula hi diya tha tumne! Agar.. Rachnaa ne yaad nahi karvaaya hota toh tum khud se humse baat karne ki ya milne ki koshish karte hi nahi na?
Arnav: Main zaroor karta, in due course of time. Jab maine.. Lucknow chhoda tha tab.. maine woh hi kiya tha jo mujhe sahi lagaa.
Viren: Nahi Arnav.. Tum uss waqt se lekar ab tak woh hi karte aaye ho jo tumhe sahi lagaa. Maana ki uss waqt tum sadme me the, humari umr kachhi thi toh chalo.. ek pal ko maan bhi lete hain ki jo tumhe sahi lagaa woh tumne kiya. Theek hai. Par bade hone k baad bhi, Lucknow aane k baad bhi, tumne humse sampark nahi kiya. Pichhle saal jab humne akhbaaron me padha ki tumne Sheesh mahal khareed liya hai tab humare man me aas jagi thi ki tum humse sampark karoge. Par.. tab aisa nahi hua aur iss baar bhi aisa nahi hota agar..
Arnav(interrupts): Toh agli baar hota! Bahut waqt k baad maine.. apne past ka samna kiya hai. Abhi tak mere kuch zakhm taazein hain..
Viren: Humne aise kaunse zakhm de diye tumhe?
Arnav: Tumne koi zakhm nahi diye.
Viren: Toh phir tumne humein sazaa kyun di? Ammu ko sazaa kyun di? hum.. sab ko sazaa di aur khud bhi bhugatte rahe. Dosti kya sirf aamne-saamne ya doston ki haazri me hi nibhaayi jaati hain? Dost ki gairhaazri me dosti khatm toh nahi ho jaati hai na?
Arnav: I understand, Viren. Par tab main yeh sab samajhne ki haalat me nahi tha.
Viren: Tum ab bhi tab ki baat kar rahe ho? Hum ab ki baat kar rahe hain,present ki! Sach bataao, agar, Rachnaa se tumhari mulaqat nahi hui hoti toh kya tum.. khud se.. humse sampark karte?
Arnav(admits): Iss bar nahi karta kyunki main sirf do dinon k liye Lucknow aaya hoon. Agli baar..
Viren(interrupts): Aur tumhe lagtaa hai ki phone pe baat-cheet karne k liye do din kam padte?
Arnav(sighs): I'm sorry Viren! I'm really sorry! Kya hum iss baat ko yaheen khatm kar saktein hain? As it is main tumse itne saalon baad mil raha hoon. Main nahi chahta hoon ki ab humare beechhh koi bhi misunderstanding ya koi bhi issue ho. I genuinely want to be your friend once again..
Viren: You've always been my friend, Arnav! Humne tumse dosti nahi todi thi! Agar aaj hum tumse naraz hain toh usk liye humare pass jaayaz wajah hai.
Arnav: I know that! Tumhare pass apne reasons hain and they're valid reasons. Par main sirf itna keh raha hoon ki kya tum sab kuch bhulaakar mujhe maaf nahi kar sakte? Cant we jus' bury the hatchet and start all ova' again as good friends?
Khushi(thinks): Hey Devi Maiyya! Virendraji ko manaa lijiye na.. Hum dil se chahtein hain ki unk aur Arnavji k beechhh sab kuch theek ho jaaye. Humari prathrna sun lijiye!
Viren: Hum tumhe maaf kar sakte hain agar tum humein bharosa dilao ki jo tumne tab kiya tha woh tum ab nahi karoge.. Humari bhaavnaaon ko thes nahi pahuchaaoge..
Arnav(places his hand on Viren's hand): Main aisa kuch nahi karunga,trust me.
Viren nods.
Arnav: Thanks a lot!
He extends his hand and is glad when Viren not only shakes his hand but he comes over to the other side of the table and gives him a hug.
Viren: Hum bhi apni taraf se tumhe niraash nahi karenge.
Arnav: I'm sure!
Khushi: Suniye..
Arnav(turns to her): Boliye?
Khushi: a.. aap toh yeh mithaai nahi kha sakte lekin Virendraji ko yeh khilaakar apni dosti ki nayi aur meethi shuruaat toh kar hi sakte hain na?
Arnav: Of course!
Viren: Arnav bhi yeh mithaai kha sakta hai, bhabhi, kyunki yeh sugarfree hai.
Khushi is glad when he addresses her as bhabhi.
Khushi: Aapko apne dost ki sehat ka khayaal raha yeh jaankar humein bahut achchha laga! Toh phir der kis baat ki, aap hi pehle Arnavji ka moonh meetha kar dijiye! Aur Arnavji, aap humein apna phone dijiye na, hum aap dono ki tasveer kheench lete hain.
Arnav: Thats fine, Khushi. Let it be. Woh sab hum phir kabhi karenge.
Khushi(relents): Achchha, theek hai.
They feed each other a sweet each before sitting together for lunch.
Khushi: Aap dono ko aise ek saath dekhkar humein bahut khushi ho rahi hai! Devi Maiyya kare ki aapki dosti hamesha salaamat rahe aur usse kisi ki nazar na lage!
Viren: Shukriya! Ab khana shuru kijiye..
Khushi: Aap humare mehmaan hain, toh pehle aap shuru kijiye..
Arnav: Tum dono aise pehle aap, pehle aap karte rahe toh humari flight miss ho jayegi!
Khushi: Aisa kuch nahi hoga! Aap khaiyye aur Virendraji, aap humein apne bachpan k kuch kisse sunaaiyye na..
Viren: Ji, kyun nahi? Sabse pehle woh kissa yaad aata hai jab humlog Class III me the. Maths ka test tha aur humari taiyyari toh pukhta thi lekin Arnav ki khas taiyyari nahi hui thi. Us k yahaan bahut saare mehmaan the. Isiliye woh humare ghar aakar ek din k liye ruka tha. Waise toh woh padhaai karne aaya tha par uss raat padhaai kam aur ladaai zyaada hui thi!
Arnav: I remember! Aunty humse kitni naraaz ho gayi thi!
They keep talking to each other, recalling several incidents of their past.
Khushi stares at them with a smile on her face.
Khushi(thinks): Hey Devi Maiyya! Bas aise hi, Armaanji se bhi inki baat ho jaay aur woh bhi inhe maaf kar dein toh sone pe suhaga ho jaayega! Aisa hi kariyega, Devi Maiyya! Apna ashirwaad hamesha Arnavji, humare parivaar aur unk doston par banaaye rakhiyega!
<><><><><><><><><><><><><><><><><><>
*Some time later*
Viren: Hum maafi chahenge aapse! Hum Arnav k saath baat-cheet karne me itne masroof ho gaye ki humein aapka khayaal hi nahi raha! Aap yoon hi baithe-baithe bore ho rahi hongi.
Khushi: Nahi, aisi koi baat nahi hai. Hum toh aaplogo ki baatein sun rahe the aur sunne me bada maza aa raha tha humein!
Viren: Darasal, Arnav se bahut waqt k baad mil rahe hain isiliye..
Khushi: Hum samajh sakte hain. Jab do dost ek lambe arse k baad ek dusre se milte hain, tab unki baatein khatm hi nahi hoti hai! Duniya ko bhulaakar bas ek dusre ki baaton me kho jaatein hain! Yeh anubhav(experience) humare saath ho chuka hai isiliye hum samajhte hain aur aapko humse maafi maangne ki bilkul zaroorat nahi hain!
Viren: Agar Uma, humara matlab.. humari patni yahaan hoti toh aapko bhi company mil jaati. Par woh apne maayike me hain isiliye hum unhe saath nahi la paayein. Varna aapse milkar unhe bahut khushi hoti!
Khushi: Humein bhi unse milkar bahut khushi hoti! Koi baat nahi, ab toh..(turns to Arnav)aap dono sampark me rahenge *Arnav nods* aur.. humara bhi Lucknow aana-jaana hota rahega toh kisi aur din mil lenge Umaji se.
Viren: Bilkul! Aur agli baar aap humare ghar aaiyyega.
Khushi: Ji,zaroor!
Arnav: Tumlog abhi bhi uss hi ghar me reh rahe ho?
Viren: Nahi. Uss ghar ko chhodein huye saalon ho gaye.
Arnav: Thats great!
Khushi turns from Arnav to Viren to find both of them smiling.
Khushi: Aapne aisa kyun kaha?
Viren: Kyunki ab humare ghar aane se inke haath-pair nahi tootenge!
Khushi(frowns): Kya?
Arnav: Actually, Viren pehle jis ghar me rehta tha woh purane style ka tha. Uska room first floor pe tha aur seedhiyaan patthar ki thi. Bahut zyada slippery thi!
Viren: Aur yeh janaab saal me do baar toh un seedhiyon par phisalte hi the! (shakes his head)Ab tak humein iss baat se taajjub hota hai! Jabse humlog class II me the tabse tum humare ghar aate-jaate rahe, tumhe achchhe se pataa tha ki seedhiyaan kaisi hain magar phir bhi tum na jaane kitni baar gire ho unhi seedhiyon par!
Khushi: Apni dhun me rehte honge!
Viren: Haan,bilkul! Ek bar toh pair hi tod diya tha!
Khushi: oh ho!
Viren: Tabse jab bhi Arnav ghar aata tha, amma seedhiyon k pass khadi rehti thi tab tak, jab tak yeh humare kamre me daakhil nahi ho jaata! Aur waise hi, utarte samay hum amma ko aawaaz de dete the aur amma phir waheen seedhiyon par khadi ho jaati, refree ki tarah!
They share a laugh.
Arnav: Waise,aunty kaisi hain?
Viren: Theek hi hai. Waise toh babuji k jaane k baad hi woh murjha si gayi thi. Aur ab toh budhaapa bhi aa gaya hai. Isiliye kabhi bp toh kabhi jodon ka dard, kuch na kuch lagaa hi rehta hai. Yeh hi wajah thi humare U.S. se laut aane ki. Varna tauji toh humein waheen rokna chahte the.
Arnav: Employment opportunity bhi toh behtar hai wahaan.
Viren: Ha par wahaan amma toh nahi hain na? Aur woh wahaan humare kehne par shift ho bhi jaati tab bhi woh wahaan k mahaul me adjust nahi kar paati, yeh baat hum bahut achchhe se jaante the. Aur agar hum wahaan ruk jaate toh wahaan humein amma ki chinta sataati aur yahaan unhe humari chinta sataati. Chinta-chinta me tabiyat aur bigaad leti woh toh! Isiliye humne yaheen lautne ka faisla liya. Initially struggle karna padaa, apna clinic set up karna aur chalaana koi aasaan kaam toh hai nai! Par Bhagwan ki kripa se sab kuch achchha chalaa!
Khushi: Aapk vichaaron ki daad deni hogi, Virendraji! Aaj kal k zamaane me kam hi log iss tarah se sochte hain!
Viren: Aisi koi baat nahi. Hum unki aulaad hai iss naate yeh humara farz hai! Hum unk baare me nahi sochenge toh kaun sochega?
Khushi nods.
Viren: Bairhaal, humein chalnaa chahiye aur aaplogon ko bhi airport k liye nikalna chahiye.
Arnav(nods): I know. Waise hi hum kaafi late chal rahe hain. Abhi nahi nikle toh we'll probably miss the flight!
Khushi: Shubh shubh boliye, Arnavji!
Viren: Relax! Hum aap dono ko airport drop kar dete hain.
Arnav: No,no, thats fine. Hotel ne arrangements kar diye hain. Main just airport par call kar k inform kar deta hoon, to be on the safer side.
Viren: Good idea!
Arnav: Khushi, kya tum tab tak manager se kahogi ki taxi bulva dein aur humara luggage usme rakhva dein?
Khushi: Ji,bilkul. (turns to Viren)Hum abhi aaye..
Viren nods.
He waits till Arnav is done with the phone call.
Then he gets up and envelopes Arnav in a tight hug.
Arnav reciprocates his gesture with a smile.
Viren: I hope ab hum touch me rahenge?
Arnav(nods): Absolutely! And once again, I'm sorry!
Viren nods.
Arnav: Jaane se pehle, mujhe Ammu k contact details de do.
Viren: Hum tumhe text kar denge.
Arnav(pats his back): Thanks!
Viren: Chalein?
Arnav: Sure!
Viren: Naniji, mama-mamiji ko mera namaste kehna. Aur Aakash ko yaad dena.
Arnav: Sure! Tum bhi aunty ko namaste kehna. Aur.. tumhari wife ko hi kehna.
Viren(smiles): Sure! Waise.. Aakash kaisa hai?
Arnav: He's fine. (proud smile) He's doing very well for himself.
Viren: Ab bhi tumhari har baat maanta hai?
Arnav: Woh ab bhi mujhe apna idol maanta hai.
Viren: Uski shaadi..?
Arnav: Ho gayi hai, Khushi ki behen Paayal se.
Viren: Waah bhai! Phir toh woh bhi Lucknow ka daamaad hua!
Arnav: Yeah.
Viren: Agli baar ho sake toh use bhi saath le aana.
Arnav: Sure!
Viren: Chalo toh phir.. hum chalein?
Arnav: Wait a minute. Khushi se mile bina mat jao varna mujhse naaraaz ho jaayegi.
Viren: Phir toh rukne me hi bhalaai hai! (smiles) Bhabhi bahut achchchi aur dil ki saaf lagti hain.
Arnav(nods): Woh toh hai!
Viren: Aur jitni der tum dono ko saath dena utni der me hi main samajh gaya ki tum dono ki equation zabardast hai! Tumse zyaada khush woh nazar aa rahi thi!
In the meantime he spots Khushi approaching them.
Viren: Aap sau saal jiyengi! Hum abhi aap hi ki baat kar rahe the!
Khushi: Shukriya!
Arnav: Kya kaha manager ne?
Khushi: Taxi aa chuki hai, humari hi rah dekh rahi thi.
Viren: Chaliye toh ab, humein ijaazat dijiye.. (looking at Arnav) Umeed karte hain ki jald mulaaqaat hogi..
Khushi: Bilkul hogi, Virendraji! Lekin tab sirf aapse hi nahi, auntyji aur Umaji se bhi humari mulaaqat ho jayegi!
Viren: Sirf unse hi nahi bhabhi, tab aapki mulaaqaat humari Pari se bhi ho jaayegi!
Khushi(guesses): Aapki beti?
Viren(smiles): Ji, 1 mahine ki hai.
Khushi: Oh ho! Aapko aur Umaji ko badhaai ho!
Arnav: Pehle kyun nahi bataya?(shakes his hand) Congratulations yaar!
Viren: Thank you so much!
Khushi: Yeh kya,Virendraji? Aapk yahaan Lakshmiji aayi aur aap mithaai ka sirf ek hi dibba lekar aaye humare liye?!
Arnav(confused): Lakshmi?
Khushi(whispers): Beti.
Viren: Woh toh isiliye ki humare yahaan bachchhe k sava mahine k hone k baad hi mithaaiyaan baati jaati hain. Agli baar aap aaiyyega na ghar, usse milne. Tab aap jin-jin mithaaiyon ki farmaaish karengi, hum aapko woh saari mithaiyaan khilaayenge! Aur saath me humari amma ki special kachoriyaan bhi khilayenge!
Khushi: Areh hum toh mazaak kar rahe the!
Arnav: Ab chalein? Varna raat k liye yeh hi hotel waapis book karvaana padega!
Khushi: Aisa kuch nahi hoga! Chaliye Virenji, phir milenge! Namaste!
**********
Arnav comes back to the present when he feels Khushi's hand on his shoulder.
He turns behind in the passenger's seat.
Arnav: Kya hua?
Khushi: Buaji kuch poochh rahi hain aapse.
Arnav: I'm sorry, buaji! Mera dhyaan kaheen aur tha.
Buaji: Kauno baat naahi, babua! Hum jaanat hai ki tumhra dhyaan kahaan raha. Dilli ma pair rakhte hain tumko aapan kaarobaar ki chinta sataavat hai!
Arnav: Nahi buaji, aisi koi baat nahi hai.
Buaji: Chinta naahi karo babua. Aur aaj ki raat kaam-kaaj bhulaai k bas aaraam karo! Kal se tau daud-bhaag suru huiyye jai hai, Nandkisore.
Arnav: Ji. a.. aap kuch poochh rahi thi?
Buaji: Ha babua. Ee hai poochh rahe the ki tum humri Parmeswari ko lai k humare ghar kab aaye rahe ho? Naniji kahat rahi ki aapk daamaad kuchh din aap sab k saath aap ahi k ghar ma bitaayenge..
Arnav: Ji buaji. Aana toh hai but NK aur Lavanya k jane k baad hi humlog aa paayenge.
Babuji: Oo tau hum samajhte hain, Arnav babu. Aap ko jab bhi samay miley kuch dinan ki khaatir aa jaiyyega. Hum sab ko bahut prasannatta hui hai!
Buaji: Aur saath maa humre padosiyan ko bhi! Oo log na jaane kabse aapan daamaadji ki raah dekhat hain, khaas kar taiji! Akhaade wale Kisan bhaiyya bhi poochhat rahe ki bahut din hui gaye damaadji najar naahi aaye!
Khushi: Un sab se kahiye thoda sa dheeraj rakhein. Phir toh hum aane hi waale hain! Aur iss bar 3-4 din aaraam se ruk kar jaayenge, hai na Arnavji?
Arnav: Of course! Mere hote huye tum jitne dinon tak rehna chaho utne dino tak reh sakti ho! Koi tumhe kuch nahi keh paayega!
Buaji: Kaa matbal?
Khushi tries to stop Arnav but in vain.
Arnav: Matlab yeh buaji, ki Khushi ne aaplogon ki shiqaayat ki hai, mujhse. Uss k hisaab se aaplog usse kabhi bhi jab tak woh chaahe tab tak Lakshminagar me nahi rehne dete. Agar woh insist karti hai tab bhi nahi. Isiliye woh chahti hai ki main ussk saath aapk yahaan rahoon, kyunki aaplog mujhe refuse nahi kar paayenge.
Buaji: Achchha, tau ee maajra hai, Nandkisore?
Khushi hisses when buaji pulls her ear.
Buaji: Ab hum tumhri siqaayat kare babua se? Ki tum raat bhar sofe par padi TV dekhti rahti ho? Aur tumhri harkatein aisi hovat hain ki unse tang aakar hum aur tumhri amma tumko ghar se baahar nikaalne par majboor hui jaat hain?
Arnav(shocked): What the..!?
Khushi: Kaan chhodiye na buaji! Aur Arnavji, aap inki baaton me mat aaiyye. Hum aisa kuch bhi nahi karte hain! Hai na babuji?
Babuji: Ha, ha bitiya.
Buaji: Oo tau jaun Arnav babua huaan rahne aayenge na taun samajh hi jaayenge!
Babuji: Ab bas bhi kijiye, didi. Santiban pahuchne hi wale hain humlog.
Khushi: Haan! Aur wahaan par naniji,di, mamiji, Lavanyaji.. sab darwaaze par khade humari raah dekh rahe honge!
Arnav(thinks): Baki sab toh honge par di nahi hongi wahaan par.
<><><><><><><><><><><><><><><><><><>
True to his expectations, Arnav found everyone but Anjali near the main door of the Raizada Mansion.
A relieved Khushi hugged Paayal who smiled and patted her head.
Paayal: Chinta mat karo, Khushi. Ab hum bilkul theek hai!
Khushi: Tumne humare janmdin ko khaas banaane k liye jo bhi kiya uss k liye shukriya,jiji!
Paayal: Humari baatein hum kal itminaan se baithkar karenge. Filhaal tum dadiji ko intezaar karva rahi ho.
Khushi realized only then that naniji was waiting for her with the aarti ki thaali.
Khushi: Maaf kijiyega, naniji! Par.. aaj aap aarti utaarengi? (looking around) Di kahaan hai?
Nani: Oo.. saare din kaam ma byast rahi. Abhai taiyaar hone gayi hain. Kuch hi der maa aa jai hain. Hum soche ki pichhle saal aapk janmdin par hum aapki aarti utaare rahe tau ee saal bhi hum ahi utaar det hain!
Khushi: Achcha vichaar hai, naniji!
Once the aarti is over, Arnav makes an excuse of an important phone call and heads straight to Anjali's bedroom.
He finds Anjali near the door.
Arnav: Mujhe pataa tha ki aap meri raah dekh rahi hongi.
Anjali: Hum bhi jaante the ki tumhe pataa chal jaayega ki hum tum dono ka swaagat karne darwaaze par kyun nahi aaye.. Aur isiliye,tum khud hi humse milne yahaan aa jaoge.
Arnav blinks back his tears as he pulls her into his arms.
Anjali allows her tears to flow freely in her brother's embrace.
Anjali: Kitne saal ho gaye, Chhotey! Humne toh aas hi chhod di thi ki.. tum kabhi uss ghar me, apni marzi se jaaoge.
Arnav: Socha toh maine bhi nahi tha,di, ki main phir kabhi apne kamre me, maa.. k kamre me jaaunga.
Anjali(breaks the hug): Phir bhi tumne yeh kiya, Khushiji k liye hi sahi. Par iss hi bahaane tumne apne aap ko apne beete huye kal se milaaya toh sahi. Tumhare andar jo dard, jo gam tumne band kar k rakha tha woh baahar toh aaya. Phir kabhi tum uss ghar me jao ya na jao, kamaskam tumne ek pehel ki, hum iss hi baat se santusht hain.
Arnav: Main phir uss ghar me jaunga, di.
Anjali is overwhelmed upon hearing that.
Arnav: Aur agli baar main aapko bhi saath lekar jaaunga! (holds her hands) Meri wajah se aapko bhi uss ghar me jaane ka mauka nahi mila. Maine bhi, chachaji ki tarah, aapko apne ghar se door kar diye!
Anjali(shakes her head): Aisaa mat kaho,Chhotey! Yeh sach nahi hai. Hum jaante hain ki agar hum kabhi uss ghar me jaane ki ya wahaan rehne ki baat karte toh tum humein nahi rokte. Aur agar rokte bhi, toh humari bhalaai k bare me sochkar hi rokte. Humein jis cheez se bhi thes pahuchti ho uss cheez ko hamesha humse milon door rakhne ki koshish ki hai tumne.
Arnav(embarassed): Par main aisaa kar nahi paaya..
Anjali realizes that he's reffering to Shyam.
Anjali: Anjaane me galti har insaan se hoti hain.
Arnav: Aur jaan-bhoojkar ki gayi galtiyon ka kya,di? (gulps) Chachaji se us ghar ko haasil karne k baad bhi main uss ghar se door raha, kyunki main apne past se bhaag raha tha. Main itna self absorbed tha ki maine kabhi socha hi nahi ki mere alaava, aap ki, nani ki aur baaki sab ki bhi toh kitni yaadein judi huyi hain uss ghar se. Aur sabse zyaada aapki! Woh ghar toh aapk liye paradise tha! Main janta tha ki aapko uss ghar se, uss garden se, apne kamre se, uss jhhoole se kitna lagaav hai! Phir bhi maine aapko usse door rakha! (sobs)Main kitna selfish ho gaya tha,di.. Maine kabhi socha hi nahi ki aapka bhi toh uss ghar me jaane ka dil kartaa hoga. Par mujhe bura na lage isiliye aap uss raat k baad kabhi wahaan nahi gayi. Jaana toh door ki baat hai, jab-jab aapne uss ghar ki baat chhedi, maine baat avoid kar di ya wahaan se uthkar chalaa gaya. Aapko baat tak nahi karne di uss ghar ki! I'm.. so sorry di! Main..
Anjali: Hum jaante hain ki tumne kuch bhi jaan-bhoojkar nahi kiya, Chhotey! Tum khud apne beete huye kal k ghaavon se junj rahe the. Woh ghaanv jo itne saalon k baad bhi poori tarah se nahi bhare.. Un ki wajah se hi tum wahaan nahi gaye. Aur tumne humein bhi wahaan jaane se yaa uss ghar ki baatein karne se sirf isiliye roka kyunki tum nahi chaahte the ki humein koi aur chot pahuchein. Tum hamesha humare baare me socha hai aur humare liye kitne protective rahe ho tum. Humse chhote hokar bhi bade bhai ki tarah sambhaala hai tumne humein. (wipes his tears) Isiliye apneaap ko dosh mat do..
She cups his face and kisses his forehead.
Anjali: Ab haalat bhi badal gaye hain aur humare Chhotey bhi badal gaye hain. Isiliye ab hum zaroor jaayenge tumhare saath uss ghar me! Hum hi kyun, hum nani aur baaki sab ko bhi saath le chalenge! Sach keh rahe hain hum. Agar ab se pehle kabhi hum uss ghar me chale bhi jaatein na, tab bhi hum khush nahi hote, kyunki tum dukhi hote. Tumhe dukh pahuchakar hum khushi-khushi apne ghar me ya apne kamre me kaise reh sakte the, Chhotey?
Arnav(admits): Di I'm.. still not sure ki.. main phir kabhi uss ghar me reh paunga ya nahi.. Par agar aaplog wahaan kuch din rehna chaahein toh mujhe koi problem nahi hogi. Main wahaan aapk saath chalunga zaroor lekin.. wahaan reh paana..
Anjali: Hum samajhte hain. Tum wahaan chalne k liye taiyyar ho yeh kya kam hai? Humein aur kuch nahi chahiye! Tum bas kuch der humare saath uss ghar me rehna. Humlog phir se Phoophie k haath ka badhiya sa khana khaayenge! Tum gardening karna aur hum kamre k baahar baithe, jhooley par baithkar tumhe dekhenge! Ek bar phir hum nani, mamiji aur Deepa mausi k saath baithkar phool maalaayein banaayenge aur sab k saath Devi Maiyya ki aarti karenge. Bas.. Isse zyaada humein kuch nahi chahiye! Aur yeh bhi hum tab hi karenge agar tum raazi huye toh..
Arnav: Of course,di! (cups her cheek) Aapko jo-jo karnaa ho aap woh sab karna! Aur aap mujhse jo bhi karne k liye kahengi main woh sab karunga!
Anjali hugs him but breaks the hug very soon.
Anjali: Ab tum chalkar fresh ho jaao aur phir neeche chalo. Khushiji humari raah dekh rahi hongi.
Arnav(nods): Woh toh darwaaze par hi aapk baare me poochh rahi thi.
Anjali: Hum jaante the ki tumhe dekhte hi hum.. ro padenge. Aaj hum unka janmdin manaane wale hain isiliye hum unhe udaas nahi karna chahte the.
Arnav: Its okay. She'll understand..
Anjali: Tum chalo, hum moonh dhokar aur unka tohfa lekar aate hain.
Arnav: Di, I hope aaj aaplogone koi elaborate program nahi rakha hai, coz I'm very tired!
anjali: Koi program nahi hai. Bas ek badhiya si daawaat rakhi hai!
Arnav(relieved): Thank you so much!
Anjali: Ab jaldi jao. Neeche tumhare sasuraal waale aaye huye hain. Unhe aise intezar karvana achchha nahi lagtaa,hmm?
Arnav nods and leaves for his bedroom.
<><><><><><><><><><><><><><><><><><>
*10 minutes later*
Khushi walks to the foot of the staircase as she sees Anjali descending it.
Khushi(excited): Di!
Anjali(smiles): Khushiji!
Even before she could open her arms, Khushi surprises her by touching her feet.
Anjali(runs her hand over Khushi's head): Hamesha khush rahiye!
Once Khushi gets up, Anjali puts an arm around her.
Anjali: Mana ki hum aapki nanand hain, aapse umar se bade hain aur aaj aapk janmdin ki daawat hai lekin.. aap humare pair chhoone se pehle humein gale lagaa sakti hain! Sirf aaj nahi, kabhi bhi! Aur humare rishtey me itni gehraai hai ki agar aap humare pair nahi chhoengi na, toh bhi koi diqqat nahi hogi! (cups her face) kyunki humara aashirwaad, humari duaayein aur humari shubhechhhayein toh hamesha aapk
saath hi rahengi!
Khushi: Bahut, bahut shukriya di! Lekin jab hum apne janmdin par, saalgiraah par ya kisi bhi parv par apne se badon k pair chhootein hain toh usse humein bahut khushi milti hai. Par aapki baat bhi sahi hai. Abse hum iss baat ka khayaal rakhenge aur jab bhi kaheen baahar se ghar lautenge ya jab humara janmdin hoga tab hum pehle aapse gale milenge aur phir aapka aashirwaad lenge. Aur phir humare bade-buzurg bhi yeh hi kehte hain na ki ek ladki k sasural me usk pati k alaava uska sabse kareebi rishta apni nanand se hota hai, jo ladki k liye behen samaan hoti hai!
Anjali: Woh toh hai!
Khushi: Humari khushnaseebi toh dekhiye, humare sasuraal me na keval humari behen samaan nanand hai par humari behen bhi hai!
Anjali: Yeh baat toh aapki bilkul sahi hai, Khushiji! Lekin aapk saath-saath yeh humari aur humare bhai ki bhi khushkismati hai ki humein aap jaisi bhabhi mili aur unhe aap jaisi patni! (holds her hand)Aapne humare Chhotey k liye jo kuch bhi kiya hai uss k liye chaahe hum hazaar baar bhi aapse shukriya keh de na,woh phir bhi kam hi padega! Humein pura yaqeen hai ki aaj humare mumma-papa jahaan bhi honge na, woh wahaan se apni bahu aur bete ko dekhkar bahut khush honge! Aur aapk janmdin par aapko bhar-bhar k aashirwaad de rahe honge!
Khushi(closes her eyes): Devi Maiyya kare aisa hi ho!
Anjali: Aur isiliye aaj hum bhi aapko tohfe me koi nayi cheez dene k bajaay ek purani cheez dena chahte hain.
Here Khushi opens her eyes to find a jewellery box in front of her.
Anjali: Lijiye, yeh tohfa aapki di ki taraf se apni pyaari si bhabhi k liye!
Khushi opens the box to find a pair of antique kundan chaandbaalis in it.
https://www.pinterest.com/pin/373728469051502049/
Khushi: Areh waah! Yeh toh bahut hi sundar hai! Aur.. inki kaarigari toh Lucknowi lagti hai.
Anjali: Sahi pehchaana aapne! Yeh chaandbaaliyaan mumma ne Aminabad se khareedi thi, humare liye.
Khushi: Toh di aap.. inhe humein kyun de rahi hain.
Anjali: Kyunki aaj hum aapse bahut khush hain, Khushiji! Aapne Chhotey k liye jo kuch bhi kiya hai usse dekhkar agar aaj humari mumma yahaan hoti na, toh unhone jitne zevar pehne hote woh sab aapko de deti! Kyunki woh yahaan nahi hain isiliye humara farz banta hai ki aapko hum kuch aisa de jisme aapki saans aur nanand dono k aashirwaad ho! Jaise hi humein Sheesh mahal wali baat pataa chali, hum inn chaandbaaliyon ko polish karva laayein. Humein lagaa ki isse behtar shaayad hi koi aur tohfa de paayenge hum aapko. Isiliye please manaa mat kariye.
Khushi: Hum toh bas isiliye manaa kar rahe the di, kyunki humein lagaa ki iss k saath aapki aur maaji ki anmol yaadein judi huyi hongi. Aur hum nahi chaahtein the ki humare liye aapko apni maa ki nishaani se door hona pade. Kyunki maa ki nishaani ki ehmiyat kya hoti hai yeh hum.. bahut achchhe se samajhte hain. Par ab aapne itna kuch keh diya toh hum manaa kaise kar sakte hain bhalaa? Isse hum aapka aur maaji ka aashirwaad swaroop samajhkar sweekaar karte hain! Bahut, bahut shukriya!
She gives her a warm hug.
Khushi: Hum na inhe Nanheji ki shaadi par pehenenge!
Anjali: Zaroor peheniyega! Hum aapko NKbhai ki shaadi par ek aisi saree pehenne k liye denge jis k saath kundan k zevar bahut jachenge!
Khushi: Phir toh hum unk saath woh kangan bhi pehenenge jo mamiji ne humein shagun me diye the.
Anjali(approves): Haan, woh bhi perfectly jaayenge uss k saath!
Nani(approaching them): Khushi bitiya, dekhiye toh.. humri Lachchmi kabse aapki raah dekhat hain. Aapko badhaai deve k waaste..
Khushi bends down and gives Lakshmi a bear hug who in turn licks Khushi's face delightedly.
Khushi: Bahut, bahut shukriya, Lakshmiji! Hum Lucknow se aapk liye bhi tohfa laaye hain. Kal subha Arnavji k office jaane k baad aap humare kjamre me aa jaiyyega, tab hum aapko woh tohfa pehena denge.
Lakshmi bleats immediately.
Khushi: Arnavji se yaad aaya, aapko pataa hai, Lucknow me bhi woh aapko yaad kar rahe the!
Anjali(amused): Kya!?
Nani(shocked): Chhotey.. aur humri Lachchmi ko yaad karat rahe?
Khushi smiles as she gets up.
Khushi: Ha naniji. Jaise hi woh kaheen bhi Lakshmiji ka naam sunte, unk kaan khade ho jaate! Maano humari Lakshmiji ki hi baat chal rahi ho!
Anjali: Hum kuch samjhe nahi..
Khushi: Hum bataate hain, di. Jab hum Gomtinagar k mohalle me gaye the na, toh wahaan ek mausaji ne humari taareef me kaha ki "Khushibitiya k toh pag me Lakshmi aur kanth me Saraswati ka vaas hai!" tab Arnavji ko lagaa jaise woh humari Lakshmiji ki baat kar rahe the!
Nani(shakes her head): Ee Chhotey bhi na!
Khushi: Aur toh aur,unk dost ko beti huyi toh humne unse kaha ki aapk ghar Lakshmiji aayi hain..
Anjali(interrupts): Aur Chhotey ko lagaa ki aap humari Lakshmi ki baat kar rahi thi?
Khushi: Ji haan! Tab hi toh hum kehte hain ki Angrez chale gaye aur aapk bhai ko chhod gaye! Seedhe-saade se munhaavron ka bhi koi gyaan nahi hain unhe!
Anjali: Toh kya ho gaya? Aap hain na! Sikha dijiyega unhe saare muhaavrein! Waise bhi, humare Chhotey ko seekhne me zyaada samay nahi lagta hai! Iss maamle me kaafi tez hain woh!
Khushi: Iss baat se hum sehmat hain,di!
Nani: Aapk saath rehte-rehte Chhotey ki Hindi pehle se tanik behtar hui gayi hai, bitiya.
Khushi: Aur unk saath rehte-rehte humari Angrezi bhi behtar ho gayi hai aur.. humara.. gyaan bhi badh gayaa hai!
Anjali does not fail to notice the color rising on Khushi's cheeks.
Anjali: Kis maamle me aapka gyaan badh gaya hai?
Khushi: Pos.. (checks herself) a.. woh.. vides k maamle me, duniya aur duniyadaari k maamle me!(changes the topic) Yeh sari baatein chhodiye na di! Sablog humari raah dekh rahe honge.
Aakash(approaching the ladies): Sahi kaha, Khushiji. Aapka cake bhi aa gaya hai. Chaliye, cake kaat lijiye..
Khushi: woh.. jijaji..
Aakash(understands): Ha Khushiji. Cake aur sabhi mithaiyyaan sugar free hain!
Khushi(satisfied): Bahut badhiya!
Nani: Toh cake ka sabse pehla niwala Chhotey ko hi khilaiyyega, bitiya! Aur chahe toh har vyanjan ka pehla niwaala unhe khila dijiyega!
Khushi(blushes): a.. aaplog chaliye. Hum haath dhokar aate hain.
Anjali and nani smile as they join the rest of the family.
<><><><><><><><><><><><><><><><><><>
*Later that night @ Arshi's bedroom*
Khushi enters the room,with her hands full of gifts, followed by Om Prakash.
Khushi: Usse mez par rakh dijiye, Om Prakashji.
OP: Ji Khusi bhabhi. Aur kuch laana hai neeche se?
Khushi: Ji nahi. Bas aap ek chhota sa kaam kar dijiyega.
OP: Ji boliye?
Khushi: 3 cup kaale chane bhigo dijiyega. Hum kal subha poori aur chane bana denge.
OP: Theek hai.
Khushi bolts the door once he leaves.
She turns around to find Arnav leaning towards her, one of his hands resting behind her on the closed door.
Khushi: Kya hua?
Arnav: Saare kaam ho gaye?
Khushi: Haan.
Arnav: Toh kapde badal lo. Phir hum..
Khushi(interrupts him): Tohfe kholenge?
Arnav: Nahi! Tohfe tum kal khol lena, mere office jaane k baad.
Khushi: Achchha. Toh hum kapde badalkar so jaate hain.
Arnav: What the..!?
Khushi: Haan! Neeche aap hi toh sabse keh rahe the na ki aap bahut thak gaye hain? Aur sach kahein, toh humein bhi safar ki thakaan mehsoos ho rahi hai. Safar ki hi kyun, humein toh poore din ki thakaan mehsoos ho rahi hai!
Arnav: Alright.
He removes his hand from the door, still leaning towards her.
Arnav: Toh humlog filhaal so jaate hain. Aur main 4 baje ka alarm set kar deta hoon.
Khushi: Kyun? Kal aap utni jaldi daud lagaane jaayenge kya? Ya phir office jaldi jaana hai?
Arnav: None of that!
Khushi: Phir utni jaldi uthkar kya karenge?
Arnav: Mornin sex!
Khushi: Kya?!
Arnav(shrugs): Haan!
Khushi: Achchha! Matlab kuch bhi ho jaay, aap yawn sambandh banaaye bina toh maanenge nahi! Agar abhi nahi toh subha hi sahi, hai na?
Arnav: Of course!
Khushi(smacks his arm): Badmaash lard governer kahin k! Koi zaroorat nahi hai 4 baje ka alarm lagaane ki! Aap jaakar letiye, hum kapde badalkar aa rahe hain.
Arnav: Dont bother!
He lifts her without saying anything further.
Khushi: What the..!? Humein kapde toh badalne dijiye!
Arnav(walking towards the bed): I'll manage, Khushi.
Khushi: Areh par humne gehne bhi nahi utaare ab tak.
Arnav: I said I'll manage,Khushi!
Khushi: Theek hai par agar humari ek bhi choodi tedhi ho gayi ya humari bindi aapne yahaan-wahaan phenk di na toh dekhiyega phir!
Arnav(placing her on the bed): Okay, I'll be careful. Now will you relax?
Khushi: hmm. Achchha yeh toh bataiyye, baithe-baithe ya lete-lete?
Arnav(switching off the lamps): Jaise tum chaho..
Khushi: Humari favorite position!
"I should've known!" exclaimed Arnav as he lay on top of her.
They spent the night in each other's arms and woke up the next morning, only when the door was knocked rather
loudly.
Khushi(glances at her phone): Hey Devi Maiyya! 8 baj gaye?!
Meanwhile the door was knocked again.
OP: Arnav bhaiyya..
Arnav: Kya hua?..
OP: Raay babu aaye hain aapse milne..
Arnav: Unhe bithaao aur kaho ki main kuch hi der me aa raha hoon..
OP: Ji..
Khushi(tensed): Kya baat hai, Arnavji? Mr. Roy itni subha-subha kyun aaye hain? Sab.. theek toh hai?
Arnav: Sab theek hai. Dont worry! Maine hi unhe bulaya hai.
Khushi: Par.. Itni jaldi?
Arnav: I'll explain everythin later. Pehle tum taiyyar ho jao aur mere saath neeche chalo. Main abhi aata hoon.
Khushi keeps staring at him as he disappears into the washroom.
Khushi(thinks): Hey Devi Maiyya! Iss waqt Mr. Roy ko bulaane k peechhe kya kaaran ho sakta hai?
She wonders about it while getting dressed.
<><><><><><><><><><><><><><><><><><>
Precap:
Khushi(spreads the saree on the bed): Yeh dekhiye Lavanyaji, hum aapk liye yeh chikankaari wali saree lai hain.
Pasand aayi?
Lavanya(nods with a smile): Its beautiful! a.. Chamkeeli..
Khushi(interrupts): Ha,ha jaante hain ki aap saareyaan bahut kam hi pehenti hain. Par shaadi k baad toh aap kisi prasang ya tyohaar par saree pehenengi na? Tab yeh aap k kaam aayegi! Kyunki iss ka kapda suti(cotton) ka hai.
Isiliye isse pehenne me aaraam rahega aur chiffon ya net k muqaable iss me aapko thand bhi kam lagegi.
Lavanya: Thank you so much, Chamkeeli! Par main tumse kuch aur kehna chahti thi..
Khushi: Kya?
Lavanya: Aaj subha jab main aur NK usk outfits select kar rahe the tab.. ASR humse milne aaya tha.
Khushi(thinks): Aakhirkaar, Arnavji ne Lavanyaji se baat kar hi li!
Kindly ignore typos & mistakes.PMs will be sent later tonight. Translation will be up on Friday. Next update on Saturday,20th May,2017.
Pics used for illustrative purpose only. Credit goes to Google and respective websites.
Edited by ..Smita.. - 8 years ago
Hindi TV Shows
193