Ek Mitha Ehsash, Part 4, 02/06 - Page 8

Bonai fantastically written. The whole episode very romantic.

Originally posted by: Bonai

Thanks Manalee for commenting, where r u nw a days? Don't see u in WG too? Though I also not present there everyday, missing Guru ji over there too.....

hey bonai i was aliitle busy with my college work they have suddenly preponed our exams and all you know and we need to complete our journals and all so it is really difficult to take some time out but still i came online now was really bored of all the study and journal completion😊ya missing guruji too

very romantic upadate Bonai waiting for your next update

me three missing guruji aur unke jokes soo much....

Originally posted by: Sri_Nidhi

Bonai fantastically written. The whole episode very romantic.

Update it soon yaar

thanks Sri for the comments, i m glad u like it.

Originally posted by: manalee

hey bonai i was aliitle busy with my college work they have suddenly preponed our exams and all you know and we need to complete our journals and all so it is really difficult to take some time out but still i came online now was really bored of all the study and journal completion😊ya missing guruji too

thanks for the pm manalee, exam to thik se dena hi parega no excuses 😊

Originally posted by: riyasri25

very romantic upadate Bonai waiting for your next update

me three missing guruji aur unke jokes soo much....

thanks riya tumko pasand aya... u can come to WG, all r there (guru ji ne bhi woha se join kar liya hai)

Sham ko Kranti beshabri se Raj ka intezaar kar rahi hai. Usne aaj achhe se taiar bhi ho liya hai Raj ke kaam se lautne ke pehle. Jitna samay bit raha hai woh beshabar ho rahi hai kyunke use nehi pata ke Raj thodi der se ayega aur jitna waqt gujar raha hai woh utni jyada bechayan ho rahi hai. Use yakeen ho chala hai ke Raj jaroor usse gussa hai isi liye nehi laut raha hai. Usi waqt BBR uske kamre me aayi, aur batoon hi batoon me yeah jatani lagi ke yeah patilogo ka koi bharosha nehi biwi intezar karti reh jati hai aur wohlog bahar maujmasti karte rehte hai, aur bhi bahat kuch kahe ja rahi thi par Kranti ke kano me koi bhi baat nehi ja rahi hai. Use aur chir ho rahi hai aapne aap se. BBR ne andaza lagaya ke aab sayad thodi der baad Raj lautega. Kranti ko ek anjani si dar khaye ja rahi thi. BBR Kranti ke kamre se chali gayi kyunke use aur bhi kam anjam dene the.

Shaam ho ne ke baad aajkal Babuji study me satranj khelte hai, BBR woha gayi aur baton hi baton me babuji se kehne lagi ke use laga ke Kranti sayad aaj thodi pareshan hai. Sayad kal jo bom fata hai use le kar pareshan hai. Kahi uske kisi krantikari sathi ko chot to nehi aayi yeah fir koi pakra to nehi gaya. Kulbhusan ne BBR ko dekha aur kaha subh subh bola kar puttar, jagat se bol ke Kranti ko yeha mere pas bula ke laye.

BBR: Ji bauji…. Abhi kehti hu

Yehi chahti thi woh ke jab Raj ghar laute to woh dono shanti se baat na kar payee. Aur thodi jyada der apni uljhan me pareshan rahe.

Kranti study me aayi. Kulbhusan Lal bare pyaar se usse baate karne lage par BBR soch rahi thi ki kaise Kranti ko kuch der ke liye yehi pe uljha ke rakhhe, tabhi uski najar satranj ke bishad ke taraf pari. Usne kaha kyun na baap beti me ek ek hath satranj ki baji ho jaye, Kulbhusan bahat khus hua aur Kranti ke pas khelne ke alava aur koi chara nehi hai. Woh chidchidi nazro se BBR ko dekh rahi thi. BBR ne kaha tum khelo devrani ji, devar ji aa jayenge to main dekh lungi. Waise bhi isse babuji aur tumhara dono ka man behel jayega.

Kul: ha ha puttar aja ek ek bazi ho jaye. Waise Raj aaj der se anewala hai keya?

K: Ji woh Bauji…..

BBR: Ise kyun puch rahe hai aap Bauji, devar ji thehre apne marji ke malik woh thori na apne biwi ko har baat bata ke jayenge.

Kul: aisa keya, main tere ko batau…. aaj ane do Raj ko main khabar leta hu uska, mere bahu ko pareshan karta hai.

BBR: hya ji bauji achhe se khabar lijiyega..

Dono khelne lage aur BBR woha se chali gayi.

Kuch der me hi Raj lauta aur apne kamre me gaya to dekha Kranti woha nehi hai. Raj aur Kranti dono ek dusre se jyada apne aap se gussa the. BBR Raj ke kamre me aayi aur

BBR: devar ji mu hath dho li jiye main nasta lati hu, kyunke devrani ji abhi nehi aa sakti hai na.

Raj BBR se kuch puch nehi pa raha tha, use aur gussa aa raha tha.

R: main kha ke aya hu kuch nehi chahiye.

BBR: keya hua devar ji fir se devrani ji aap pe gussa hai keya?

R: kyun usne aap se kuch kaha hai keya?

BBR: nehi woh subhe se dekh rahi hu ke devrani ji jan bujh ke aap se bhag rahi hai, isi liye puch baitha.

Raj ne gusse se BBR ki taraf dekha.

BBR: dekhiye na yeha aap uske liye itne pareshan ho rahe hai, aur woh maharani to aram se babuji ke sath gappe laga rahi hai, use to aap se baat hi nehi karni hai isi liye to babuji ke pas ja ke baithi hai. Nehi to aap hi boliye har roj is waqt baithti hai keya.

Raj ko pata hai yeah sari baaten bakwas hai par is waqt woh thande dimag se sochne ke halat me nehi hai.

R: Parjai ji aap chaliye mujhe thora kam hai.

BBR: arrey aap ka chehra dekh ke to lag raha hai ke aap ko mere baaton pe biswas hi nehi hai, sare gharwale to pehle se hi uski taraf ho gaye hai dekhiyega jarur usne bauji ke kan bhar diye honge aab tak.

R: kyun kan bharne jaisa to kuch bhi nehi hua hai aur aap yeah sab mujhe kyun bata rahe hai, maine aap se kuch bhi pucha keya.

BBR: lo bhai aajkal to kisi ka achha karne jao to bhi……

Raj ka dimag gusse se sun ho raha tha woh kamre se nikal gaya, BBR bi uske piche piche chal pari, use maja jo lutna tha.

Raj study me aya, tab bauji aur Kranti ke bich kal jo bare dhamake hue unko leke baat chal rahi thi. Aur hamesha ki tarha Kranti swadeshi o ke taraf se bol rahi thi. Raj ko laga ke Kranti ko bilkul hi uski parwah nehi hai kaise aram se desh ki baaten kar rahi hai. Par usne agar pehle Kranti ki ankhe dekhi hoti to uska yeah kheyal pal me badal jata

R: jo log apne ghar ko thik se nehi samhal sakte woh desh ko keya khak samhalenge.

Kranti chauk ke piche murke Raj ko dekhi, uska chehra dekhte hi use pata chal gaya tha ke Raj abhi bahat gusse me aur pareshan hai. Use andar hi andar dar lagne laga.

Kul: oye puttar tu kis ki baat kar raha hai?

R: main jin logo ki baat kar raha hu unlogo ko to kisi apne ka koi parwah hi nehi hai. Kisi ka keya haal ho raha hai inse unka dur ka bhi koi wasta hi nehi. (yeah sab kehte hue woh Kranti ke taraf dekh to raha hai lekin uske ankhe parne ki bilkul bhi koishis nehi kar raha hai)

Kranti ko sab samajh me aa raha hai Raj ki baaten par woh abhi bauji ke samne Raj se keya baat kare. Use un dono ke liye bahat bura lag raha tha.

Kul: arrey tu baki logo ki baate chhor, tu apne biwi ka kheyal rakhta hai keya?

Raj Kranti dono chauk pare is sawal se. Kranti apna sar jhukaye baithi thi. Raj Kranti ke taraf dekh raha tha.

Kul: main tere ko batau … tu bahu ki taraf keya dekh raha hai, mujh se baat kar, tujhe ane me itni der ho sakti hai yeah baat keh kar nehi ja sakta tha, bahu bechari kabse pareshan ho rahi thi.

Raj ne socha parjai ji ne thik hi kaha tha Kranti to keya jarurat thi yeah sab baat bauji se kehne ki.

Kul: oye puttar apne biwi ko khush rakhega tabhi to ghar me sukh shanti ayegi na, aur fir yeah to kitni soni kudi hai main tere ko batau….

R: woh keya hai mujhe achhi tarha se pata hai…

Kranti ko Raj ka bolne ka andaz bahat bura laga.

Kul: matlab keya hai tera, ha……

R: matlab woh mere liye keya hai, yeah mujhe pata hai..

Kulbhusan ko laga ke use abhi woha se jana chahiye…

Kul: hya yeah hui na baat, achha aab ek kam kar, main bahat der se baitha hu zara ja ke thoda aram kar leta hu tab tak tu meri bazi khel le jara. Thik hai na.

Raj khada raha kuch nehi kaha.

Kul: Kranti puttar aaj ise hara kar hi dam lena… thik hai.

Kranti ne bejan mushkaraya. Kulbhusan jane laga, BBR jaldi se thoda piche ja ke chhup gayi aur bauji ke jate hi fir se darwaje ke pass aa kar khari ho gayi.

Kamre me abhi ek ajib sanatta chhaya hai. Raj Kranti dono nehi samajh pa rahe the ke keya baat kare. Kranti dukhi thi par sthiti ko samhalna chahti thi lekin Raj bahat gussa tha aur kamre me idhar udhar ghum raha hai.

R: bauji ne yeah baat bilkul sahi kahi….

Kranti Raj ko dekh rahi hai.

R: tum to hamesha se mujhe sirf jhukana chahti thi na? par main to tumse…….par tumhe to meri jasbaat ka koi kadar hi nehi hai, main hi hu jo hamesha tumhare piche piche...abhi bhi dekho main baat kiye ja raha hu aur tum bud ban ke baithi ho.

Raj chalte chalte hi baat kar raha tha.

K: Raj yeha baith jao.

R: nehi thik hai.

K: meri baat to suno

R: (chillake) kaha na main thik hu, aur aab tum meri baat suno.

K: ahista baat karo, aur tum abhi bahat gusse me ho apne kamre me chalo, hum baad me

R: (Kranti ki baat kat di) hya hya main gusse me hu… kyun ke main tumhari tarha pathhar dil nehi hu….

Kranti uth kar Raj ke hath pakarna chahti thi par Raj ne jhatak diya. Kranti ke rona aa raha tha. Kuch der chup rehne ke baad….

K: main to subha tumse sirf…

Raj ne fir se usko bich me hi rokh diya,

R: arrey arrey main tumhara kimti waqt barbad kar raha hu na chalo chalo jaldi se tumhari dil ki ek murad puri karte hai (usne Kranti ko pakar ke chair pe baithaya aur khud bhi baith gaya) , bolo kiski chal hai.

K: aisa nehi hone chahiye tha, mujhe kuch samajh nehi aa rahi hai, main to sirf… mujhe to laga tha, tum jab aaoge to main tumse baat karke sab thik kar dungi, par yeah keya ho raha hai, tum itne pareshan kyun ho?

R: hya tumhe to har baat pe meri hi galti dikhayi deti hai… kabhi tumne aapne aap ko dekha hai.

K: (use kuch samjh nehi aa raha hai) tumhe pata nehi tum keya keh rahe ho, tum thoda shant ho jayo, hum baad me baat….

Raj ne satranj ke bishad ko ulat diya (Kranti chauk gayi) aur kaha

R: main thik hu, bilkul aaj hi apne hosh me aya hu.

Yeah keh kar woha se ja raha tha, Kranti uske samne aa kar rasta rokh khadi ho gayi, aur kaha

K: tum mere sath majak karte ho na, main bhi subhe tumhare sath thora majak kar rahi thi, par mujhe nehi pata tha ke tumhe itna bura lag jayega, pata nehi kis ki galti hai par main tumse mafi mangti hu, is tarha se mat jao…

Lekin Raj kuch sochne samajh ne ke halat me nehi tha apna hath chhurake chala gaya, nikalte hue Raj ke nazre BBR pe bhi pari kyunke woh itne jaldi se kamre se nikla ke BBR chhup nehi payi.

Kranti ke ankho ke agge jaise andhera chhane laga tha. Raj ke jane ke baad….

BBR: arrey mujhe to itni bari jhagre ki umeed hi nehi thi, wah bhai aaj to maja aa gaya.

Kranti ko to pura sach pata nehi tha lekin woh apne man ko samjha chuki thi ke fir se Raj se baat karegi aur jo bhi galatfaimi hai dur kar legi. Kyunke woh abhi uski aur Raj ki riste ki kadar karti hai aur dil se Raj ko apnana chahti hai. Par jab bhi sab kuch thik hota nazar ata hai tab hi na jane kaha se keya ho jata hai aur fir se uski jung suru ho jati hai. Par pehle is waqt use bahat rona aa raha hai.

Raj club me baitha tha, pehle to uske dimag me kuch nehi aa raha tha. Fir thoda waqt gujarne ke baad uska gussa shant hua. Tab uske man me Kranti ke kahi hui baante ghumne lagi aur use samajh me aa gaya ke subhe Kranti bhi usko jalana chahti thi isi liye uske samne nehi aayi, aur woh apne man ke Kranti ko khone ke dar ke wajah se aapne aap se chidne laga tha, aur bewaje hi gussa ho raha tha. Aur fir kaise usne parjai ji ke baton ko itna mahatwa de diya, keya use pata nehi hai ke parjai ji ko to un dono ko sata ke hi maja ata hai. Khamokha usne bechari Kranti pe apna bekar ka gussa nikala, use tab yaad aya ke Kranti aaj kitni sundar se taiar bhi hui thi, lekin usne fir se uska dil tor diya. Ghar jate hi jaise bhi ho Kranti se baat kar ke sari galatfaimi dur karni paregi. Lekin yeah bhi hai use Kranti ke samne jane ki himmat nehi ho rahi thi isi liye ghar ane me bhi der ho gayi.

Rat ko sab ka khana ho chuka tha, Chaiji ne Raj ke bare me pucha to Kranti ne jhuth keh diya ke use koi kam hai ate ate der ho jayegi. BBR ka hausla aur bar gayi thi aaj. Woh man hi man Kranti ko aur satane ki tarqueeb soch rahi thi.

Kranti table pe Raj ka khana le kar baithe baithe hi so gayi thi, Raj jab andar aya to dekha Kranti table par hatho ke upar sar rakhke soyi hai, uske chehre se saaf pata chal raha hai ke woh khub royi hai aur bahat thak chuki hai. Raj koi awaz kiye bina khara khara Kranti ko dekh raha tha. Use apne aap pe fir se gussa aa raha tha ke undono ka rista itni mushkil aur pareshanio ke baad jo bhi thoda sudhar raha tha usne apne hatho se sab barbad kar diya. Kranti ne jab ankh kholi use ek bahat achhi si khusbu aa rahi thi, Raj uske samne baitha use dekh raha tha, uski ankhe nam thi, aur chehre me dur dur tak gusse ka nam o nishan nehi tha. Kranti jhat se chair se uth gayi aur kaha tum jaldi se kapde badal lo main khana garam karti hu. Raj ne uska hath pakar ke use bithaya,

R: pata nehi kaise lekin fir se na chahte hue bhi maine tumhara dil tora.

K: hum yeah baante baad me bhi kar sakte hai na, pehle khana kha lo.

R: nehi, baat abhi karni jaruri hai, I am sorry Kranti, dil se keh raha hu I am sorry.

Kranti gardan jhukaye baithi thi.

R: mujhe laga ke main tumhe kho dunga, aur hum dono ke itne koishis ke baad aaj hamara rishta jaha bhi hai, fir se tut jayega, aur mera dil ghabra gaya aur dimag me ulti sidhi baat ghumne lagi, main aapne aape se bahar ho gaya.

K: thik hai , koi baat nehi…

R: mujhe bahat bura lag raha hai, hum dono ko ek dusre ko aur achhi tarha se pehchanna hoga, biswas karna hoga

K: maine to biswas kiya tha….

R: agge se kheyal rakhunga ke fir se tumhara biswas na tute.

Dono kuch der waise hi baithe rahe.

K: tum jao, main khana garam karti hu.

Raj apne kamre me gaya aur Kranti rasoi me. BBR isi waqt ke liye baithi thi. Raj Kranti khane pe baith ne hi wale the ke BBR ne upar se Kranti ko awaz lagayi.

Raj ne kaha pehle khana kha lo baad me dekh lena, lekin BBR fir se bulane lagi, Kranti Raj ko khane ke liye keh kar upar gayi, Raj bhi piche piche gaya.

BBR ke pao ke liye ek badbudar tel hai jisse woh jyadatar Kranti ke khane ke pehle us se malish karwati hai, tel to itna badbudar hai ke uske baad der do ghante tak us hath se khana namumkin hai. Ek din Raj ne dekha tha rat ko Chaijee ko Kranti ko apne hath se khilate hue isi tel ke wajah se.

BBR: devrani ji bahat joro ka dard ho raha hai pair o me jara us tel se malish kar dijiye na.

K: ji…

Raj ko pata hai ke BBR jan bujh kar aisa kar rahi hai, woh BBR ke kamre me ghus gaya.

R: parjai ji Kranti ne aab tak khana nehi khaya, thodi der baad akar tel laga degi.

BBR: arrey aap bhi chale aaye biwi ke piche piche, hai hai main to dard se mari ja rahi hu, devrani ji tum khud hi to keh sakti thi na agar malish nehi karna tha to, devar ji se bulwane ki keya jarurat thi.

R: aap samajh nehi rahe hai, yeah tel…

BBR: (thora jor se) hya hya kisiko meri parwah kyun hogi bhala

Kranti aaj aur kuch nehi jhel sakti hai waise hi aaj uske man ki halat thik nehi hai aur use achhi tarha pata hai parjai ji ke nautanki ka, par abhi usme kuch taquat nehi bachi hai.

K: Raj tum ja ke khana kha lo, nehi to fir se khana garam karni paregi, main parjai ji ko tel laga ke ati hu.

R: par fir to tum abhi nehi kha paogi.

K: meri baat mano aaj ke liye kafi ho gaya hai, aur ek din nehi khaungi to mar nehi jaungi

Raj ka chehra utar gaya. Uska chehra dekh ke Kranti ko bura laga.

K: achha tum ja ko kha lo, main pakka kha lungi.

BBR: hai hai devrani ji , tel lagana ho to jaldi lagaye na, bahat dard ho raha hai.

Raj gusse se BBR ko dekhte hue kamre se nikal gaya aur BBR bhi Raj ko aur gussa dilane wale nazro se dekh rahi thi. Kranti aa kar malish karne lagi. Aaj woh bahat thak chuki hai bus abhi use sirf aram karna hai. Waise dimag ki uljhan to kam ho gayi hai par use sochna hai kaise bina koi thos wajah ke unka rishta itna kaise dagmaga sakta hai. Use fir se woh mithi si khusbu aayi.

Raj aaj ghar ate waqt ful le kar aya tha yeah usi ki khusbu thi, Raj woh guldasta le kar BBR ke kamre me aya, aur use table pe rakhha aur chala gaya, Kranti aur BBR dono ko kuch samajh nehi aaya, fir Raj apna plate aur glass le kar woha aa gaya. Ek chair le kar Kranti ke pass baith gaya, aur BBR ke taraf BBR ko chidane wali ek mushkan di.

R: dekha parjai ji mujhe aap ki kitni parwah hai.

BBR: (kuch samajh nehi aa rahi thi) ji?

R: aap ko is badbudar tel ke gandh se pareshani to jarur ho rahi thi, hai na, isi liye maine yeah ful yeha pe rakhhe hai. Aur fir aap Kranti se khane ke thik pehle is tel se malish jab karwate hai to aap ko to bahat bura lagta hoga ke fir Kranti ko khana khane me kitni der ho jati hai, hai na? aur aaj to Chaijee bhi so gayi hai to koi use jaldi khana to nehi khila sakta hoga na, to yeah soch soch aap fir se Kranti ke bhalai ke liye pareshan na ho jaye isi liye main khana le kar upar hi aa gaya.

BBR ka muh dekh ne layek tha & Raj ko pura maja aa raha tha, use thora dar sirf is baat ka hai ke Kranti khana khane se inkar kar de to fir BBR ko sukun na mil jaye. Lekin use Kranti pe bharosa karna achha lagta hai.

R: (ek niwala le kar Kranti ke taraf hath baraya, Kranti ko samajh nehi aa raha tha keya kare), jaldi kha lo parjai se keya sharmana, aur fir tum unko aur pareshan karna chahti ho keya, kha lo, arrey parjai ji aap hi bolo na apne pyaare devrani se.

BBR: hya khalo khalo devrani ji.

Raj sidha Kranti ko dekh raha tha, uske ankhe dekh Kranti ne aur kuch nehi kaha chupchap kahne lagi Raj ke hath se, use achha bhi lag raha tha aur rona bhi aa raha tha. Raj bhi kha raha tha, usne bich me pani bhi piya. BBR ko dekh kar Raj ne Kranti se kaha

R: Kranti hath nehi rukhne chahiye, parjai ji tumhara itna kheyal rakhte hai, achhi tarha se malish karo.

Yeah sun Kranti ko hasi aa gayi aur khana atak gaya to khas pari, to BBR ne kaha arrey devar ji aap to Kranti ke liye pani layi hi nehi,

K: nehi nehi thik hai abhi, pani nehi chahiye.

BBR: arrey jaiye devar ji yeah glass to jhuta hai aap aur ek glass laiye jaldi, Kranti jhute glass se pani piyegi keya?

Raj thali rakh kar jane laga tha ke Kranti aur jor se khasne lagi aur Raj ke glass ki taraf ishara kiya, Raj ne glass Kranti ke hontho se lagaya, Kranti pani pi rahi thi, fir kuch der baad Raj wohi se pani pi raha tha Kranti ko dikha dikha kar. BBR ko laga aab gusse se uska sar fat jayega.

R: achha parjai ji woh keya kehte hai jhuta khane se….?

BBR: (ajeeb si muskurate hue) pyar barta hai.

R: ji jarur kyun nehi, bus isi tarha aap ka ashirbad chahiye.

BBR: bus bus ho gaya devrani ji aab aap aram kar lo, aur devar ji tijori wale kamre se jara apne bhai sahab ko bula dena.

R: ji parjai ji, chalo Kranti unko aram karne do.

Bahar aa kar…

K: tum hamesha unke piche kyun pare rehte ho.

R: kyunke woh hamesha tumhare piche pari rehti hai.

Dono sone gaye to Raj ko pata nehi tha keya kare, Kranti thak kar so chuki thi aur Raj use dekhne laga.

Usi ke do tin baad mamaji aaye the un dono ko khane pe bulane ke liye, waise to woh

Sabko hi bulane aaye the, lekin Chaijee ne kaha ke bauji aur BBR ke tabiyaat jyada thik nehi hai toh sirf Kranti aur Raj hi aa jayega. Toh sanibar ki sham ko unlogo ko jana tha khane pe mamaji ke woha.

Us din ki baat yaad ate hi Kranti ko yakin nehi hota ke Raj itna plan bana kar badmashi kar sakta hai lekin us waqt Kranti ko uski badmashi pe bhi bahat pyaar aa raha tha.

hi Bonai, Ek Mitha ehsash mein kha sa BBR Bitter gourd
aya gjeeeeeee
Pl BBR ko mitha ehsash remove her from script
but it was fun reading
what happen on saturday night think fast
in supersonic bus & update quick
but thanks for updating the story inspite of your
busy schedule.

Thanks Bonai. Wonderful update. As always waiting for the next part.

Originally posted by: sasha722

hi Bonai, Ek Mitha ehsash mein kha sa BBR Bitter gourd
aya gjeeeeeee
Pl BBR ko mitha ehsash remove her from script
but it was fun reading
what happen on saturday night think fast
in supersonic bus & update quick
but thanks for updating the story inspite of your
busy schedule.

Arrey sab kuch meetha hoga to story kaise agge jayegi, that's why needed the misunderstanding part, aur who else is perfect to create misunderstanding than BBR, par u hv to agree that I clear the thing very soon, as I think aise issues jaldi hi solve ho jate hai,

Now something good to share this weekend my sis is coming after an yr, I m so very happy, yahooooo, I m taking leave also,

Tum bhi meri tarha WG me jyada dikhti nehi ho…. I cant but they r going in supersonic speed I guess, shall update asap