Shraman SS: Kyun Sumo Kyun?? Last part added on Page3! - Page 2

Preeti- "Theek hai Shravan. Waise bhi mai khud tumhe ye baat batana chahti thi. Par Di ne mana kar diya tha..To suno.."

"Shravan mai Di ko bachpan se jaanti hoon...mai bahut choti thi jab dadu di ko ghar lekar aye the...par phir bhi mujhe yaad hai..jab di ghar ayee thi tab ekdam chup chup si rehti thi...na theek se khana khati, na kisise baat karti..bas khidki se bahar dekhti rehti..jaise kisi ka intezaar kar rahi ho...maine dadu se poocha tha ki aisa kyun hai..to dadu ne kaha tha ki unke mummy papa unki duniya the, aur jab wo unhe chodke chale gaye tab unhe jeene ka koi reason hi nahi bacha tha..unhe samajh nahi aa raha tha ki wo kya kare, isliye wo chup chap hai...phir dadu di ke saath time spend karne lage...ghanto wo di se baate karte rehte, pehle pehle di jawab nahi deti thi, dadu phir bhi unase sawal poochte rehte, apni baatein batate rehte...phir dhire dhire di ne unse baat karna start kiya...phir di theek se khane lagi, dheere dheere bahar aake sabke sath baithne lagi, sabse thodi thodi baat karne lagi, phir school jana start kiya...di ko dadu ke roop me jeene ki nayi wajah mil gayee...apne andar ka dard, akelapan chupane wo school me ekdam dheet banke ghoomti...taki koi unse jyada emotional, personal baat kar hi na sake...wo mujhse kehti thi...apni image bana ke rakhni chahiye taaki sab aapse darr ke rahe, koi aapko chot pahuchane ki himmat na kare! Lekin phir unki zindagi me tum aye...aur di ko jaise jeene ki ek nayi wajah mil gayee...dadu ke alawa ek tum hi the, jisko unhone apne kareeb ane diya, apne dil ki baatein share ki...jab di aapke sath hoti thi na, ekdam khush rehti thi..andar se khush, jaise apne sare gham bhool gayee ho...lekin phir pata nahi kya hua aur tum London chale gaye...jab tum chale gaye the na, uske baad bhi di waisi hi udaas huye baithi thi...wapas unhone kisise jyada baat karna band kar diya tha...ek din mai unke kamre me gayee thi to mere samne bahut royee thi wo...phir maine unhe aapki Orkut profile dikhayi thi...aapne shayad unki request accept nahi ki thi lekin wo roj aapki profile open karke dekhti, aap kya kar rahe ho, kaha ho..Aapne jab Orkut band karke facebook khola tha tab maine di se poocha tha..kya aapne phir se Shravan ko request bheji? Kya aap wapas unki friend request accept karne ka intezaar kar rahe ho? Tab tak hum thode bade ho gaye the...baatein samajhne lage the...to Di ne kaha tha...Nahi preeti, iss baar mai nahi bhejoongi...iss baar Shravan khud bhejega, jab wo mujhse milne ayega...Request to nahi bheji, lekin roj aapke updates dekhna phir bhi chalu tha...tumhe nahi pata Shravan ki di ne tumhara kitna intezaar kiya hai...jaise roj ek ummeed laga ke baithi ho, tumhare aane ki ummeed, tumse milne ki ummeed, tum unhe apna lo ye ummeed...lekin phir tum aaye, I think cheeze waise nahi ho payi jaise di ne socha tha...isliye unhone tumse kuch nahi kaha...wo tumhare kuch kehne ka intezaar karti rahi...intezaar karti rahi ki tumhe Di ke pyaar ka, tumhare pyar ka ehsaas ho...lekin shayad phir kuch jyada hi der ho gayee...na chahte huye bhi unhe ek apne pyar ka sauda karne par majboor kiya gaya...aur apno ke liye, mere liye, Pushkar ke liye unhone chupchap apne pyar ki kurbani de di...meri aur pushkar ki shaadi hone ki condition rakhi gayee thi Shravan, ki Di tumhe bhool jaye, tumse door ho jaye...koi tha jo ye nahi chahta tha ki aap dono ke pyaar ko uski manzil mile...Di majboor thi...apni behen ki khushi ya apna pyaar...aur unhone badi behen hone ke farz ko apne dil se upar rakha...kisise bina kuch bole unhone aapse duriyaan banana shuru kiya...mujhe bhi iss baad ka andaza nahi tha...wo to Di ne jab Aditya se shadi karne ke liye haan kahi, tab mujhe dhakka laga...mai Di ke peeche unke kamre me gayee to unhe aapki photo, aap dono ka poorana saman dekhke rote huye dekha...maine baar baar poocha tab jake unhone ye sab bataya..mai chahti thi ki mai kuch karoon lekin tab tak bahut der ho gayee thi...meri-pushkar ki shadi ke liye saare mehman ane lage the aur dadu ki condition aisi nahi thi ki wo ye dhakka bardasht kar pate...isliye mujhe bhi chup rehna pada...lekin aaj, aaj jab tumhe iss baat ka ehsaas ho gaya hai ki kahin kuch galat hua hai, jab tumhe apne pyar ka ehsaas hua hai to tumhara ye jaanana bahut jaruri hai Shravan ke jabse pyar shabd ka matlab samajh aya hai...tabse Di ne tumse pyaar kiya hai...sirf tumse...tum dono ki choti choti cheeze unhone aaj tak samhalke rakhi hai, choti choti baat yaad rakhi hai...Aditya se shadi karna unki majboori thi Shhravan, tumse door jana unki majboori thi..."

Shravan is crying listening to all of this. He doesn't know what to say but he wants to know who was behind all of this. Angrily, he asks Preeti-

"Kisne majboor kiya Preeti? Kisne majboor kiya Sumo ko ye kurbani dene ke liye? Mai uss insaan ko kabhi maaf nahi karoonga..batao mujhe, kisne kiya ye? "

Preeti- "Is waqt wo important nahi hai Shravan...is waqt Di firse apni shell me chali gayee hai, depressed hai...unke jeene ki ek wajah- dadu- jinke liye wo Aditya se shadi karne ke liye haan kahi, wo unki wo wish poori nahi kar payi, aur dusri wajah- tum- jo unse naraz hai aur wo chah ke bhi uss bare me kuch nahi kar sakti...wo haar gayee hai Shravan, unhe jeene ki koi wajah nazar nahi aa rahi..iss waqt sirf tum hi ho, jo di ko iss halat se bahar nikal sakte ho...Di needs you Shravan..unke paas jao, unhe manao..."

Shravan- "Tum bilkul sahi keh rahi ho Preeti. Bilkul sahi. Lekin phir bhi, mera ye janana bahut jaroori hai ki wo kaun hai jisne Sumo ko iss mod pe lakar khada kar diya hai...kaun hai wo?"

Preeti- "Mujhe maaf karo Shravan...iss ghar ki bahu hone ke naate, wo mai tumhe nahi bata paungi...please..chodo uss baat ko..."

Shravan- "Nahi Preeti, batao mujhe...batao kaun hai wo jisne tumhari shadi ka, mere pyar ka sauda kiya?"

"Wo mai hoon Shravan. Jiska naam lene se Preeti katra rahi hai, wo mai hoon..."

To be continued...

Next part

"Wo mai hoon Shravan. Jiska naam lene se Preeti katra rahi hai, wo mai hoon..." Ramnath just listened to their conversation and owned up to his guilt.

Shravan is shocked.

"Papa aap? Aapne kiya ye sab? Aapne Sumo ko ye kaha ki preeti aur pushkar ki shadi hone ke liye use mujhse door jana padega??"

Ramnath- "Haan Shravan. Wo mai hoon. Mai hoon tumhara gunhegaar.."

Shravan still can't believe what he is hearing.

Shravan- "Papa aapne? Aapne aisa kiya kyun lekin? Maine apne aap se jyada aap pe bharosa kiya, hamesha aapki har baat suni, maani...aapne aisa kyun kiya? Aur wo bhi tab, jab maine khud aake aapko bataya tha ki mai Sumo se pyaar karta hoon...aap jante the mai use kitna chahta hoon...aur tab bhi maine aapse poocha tha...agar aapko itna hi aitraaz tha mere aur sumo ke rishte se, to aap mujhe usi waqt mana kar dete...ye sab karne ki kya jarurat thi? Arey aapke liye shayad mai sumo se door chala bhi jata...uske liye Sumo ko mohra banane ki kya jarurat thi papa? Mai to sochta tha ki chahe kuch bhi ho jaye...papa mere sath kabhi kuch galat nahi hone denge...aur yaha to aapne hi mere sath ye sab kiya? Kya samjhoon mai isase?"

Sensing that Shravan and Ramnath should sort out these things privately, Preeti leaves from there.

Ramnath- "Kyunki mai darr gaya tha Shravan. Mai maanta hoon maine jo bhi kiya, bahut galat kiya...aur mai maafi ke kabil bhi nahi...lekin please, mujhe ek baar meri baat batane ka mauka do, ek baar meri baat sun lo...uss din jab tumne mujhse kaha ki tum suman se pyaar karte ho, mai darr gaya...tumhare liye, apne liye...maine tumse kaha tha na ke mujhe suman me nirmala nazar ati hai...aur mai jaanta hoon ke tum mere bete ho, tumame mere goon hai aur meri khamiyaan bhi...mai darr gaya ki kahi tumhare sath bhi wo sab kuch na ho jo mere saath hua...kahi tum bhi usi galatfehmi ka shikar na bann jao jo mai ban gaya...lekin usase jyada mai iss baat se darr gaya ki kahi tumhe suman tumhare maa ke paas na le jaye...wo karne ki koshish kare jo maine jindagi bhar avoid kiya...kahi wo tumhe saara sach na bata de...kahi wo tumhari galat fehmi door karne me na lagg jaye...aur mujhe pata tha agar suman tumse wo baatein kehti, to tum jaroor uski baaton me aate, uski baat sunte...mai tumhe khone ke liye darr gaya tha Shravan..."

Shravan angrily- " Kaunsi baatein? Kaunsi galat fehmi? Aur kya kya chupaya hai aapne mujhse?"

Ramnath- "Haan Shravan maine tumse kuch baatein chupayi hai..mere aur tumhari maa ko lekar kuch baatein...shayad tumhari maa poori tarah se galat nahi thi Shravan...shayad mai apne insecurities, apne ego ki wajah se use kabhi samajh hi nahi paya...wo to sirf iss ghar ka, tumhara bhala chahti thi...chahti thi ki tumhe sabse best zindagi di jaye aur iske liye wo bhi iss ghar ke income me contribute karna chahti thi...isliye wo apna job rakhna chahti thi...lekin maine uske iss chah ko zidd mana aur usake galat matlab nikale...socha ke wo mujhe dikhane ke liye paise kamana chahti hai...usne tumhare saath kuch galat nahi kiya hai Shravan...jab maine use ghar chodne pe majboor kiya to wo tumhe saath lekar jana chahti thi...lekin maine use apne paiso aur rutbe ke adhar par daraya...kaha ki agar usne tumhare paas ane ki koshish bhi ki to mai ye poori duniya ko prove kar doonga ki wo ek giri huyee aurat hai...isiliye use tumse door jana pada...I made sure that she would never come back...lekin phir wo suman ke roop me ayee...aur jab mujhe pata chala ki Suman Nirmala ke contact me hai to mai aur darr gaya...mujhe laga ab tumhe saari sachchai pata chal jayegi...isiliye maine suman ko tumse door karne ki koshish ki Shravan...taki hamara rishta bana reh sake..."

Shravan- "Aur aap iss koshish me poori tarah se haar gaye papa...aapko kya laga tha? Jab mujhe saari sachchai pata chalegi to kya ye rishta bach payega? Aapne ye kaise soch liya papa ki mai kabhi sach tak nahi pahunchunga? Aapne na sirf Suman ko mujhse door kiya balki meri apni maa ko itne saal mujhse door rakha...mere mann me unke liye pata nahi kitna zeher ghol diya...wo aap hai papa, jinki wajah se mai saari duniya ki auraton ko aj tak galat samajhta raha, aapni maa se koi vaasta nahi rakha, Suman ke pyaar ko kabool nahi kiya...sab aapki wajah se hua hai papa...mai aapko kabhi maaf nahi kar paunga...bahut boori tarah se haar gaye aap ye rishta bachane me.."

Ramnath- "Please Shravan, aisa mat bolo...mai maanta hoon maine bahut galat kiya hai..lekin please ise ek buddhe baap ki majboori samajh lo...please mujhe maaf kar do...mujhe sach me apne kiye par pachtawa hai...balki mai khud tumhe abhi wahi baat batane aa raha tha...aaj kal maine jo dekha, jis tarah se tum behave kar rahe the...mujhe apna beta kahi khota hua nazar aya, tum jab uss din sharab pikar ghar aye the aur mujhse wo sab keh rahe the, tabse hi mujhe apni galti ka ehsaas hona shuru hua...mujhe tum me meri saari galtiyaan nazar ane lagi...mai nahi jaanta tha ki Suman ka tumhare zindagi me naa hona tumhe itna affect karega...warna mai kabhi wo nahi karta jo maine kiya...aur kal Suman ke saath jo hua uske baad to...uske baad to mujhe aur pachtawa hone laga...mai nahi chahta beta ki jo galtiyaan maine ki hai wo tum dohrao...isliye mai khud tumhe kehne wala tha ki jao Suman ko le aao...aur mujhe bhi jo saja deni hai tum de sakte ho...lekin please mujhse rishta matt tod dena..mai wo bardasht nahi kar paunga Shravan...please.."

Ramnath is crying with his head down..Shravan sees that his dad is really feeling bad for what he did. But, he still couldnt make his mind to forgive him. What about Sumo? What about all these years that he lived away from his mom thinking she doesn't care for him. What about what happened to Suman yesterday. What about all the things he said to Suman. But, he also realized that it was his fault as well. He should have never mis-trusted Sumo..he should have tried to look deeper into why Sumo was behaving the way she was. He let their friendship down, he let his Sumo down...A bit reluctantly, he says to Ramnath-

"Theek hai papa...aap yahi chahte hai na ki mai aapse rishta nahi todu, to theek hai...lekin aapne jo kiya uski saja to aapko milne chahiye...aap ki saja ye hogi ki aap meri maa se maafi mangoge, unhe iss ghar me le aaoge, poore samman ke sath wo haq doge jisase aapne unhe itne saalon tak door rakha...agar maa aapko maaf karti hai, tab hi aur to hi mai aapko maaf karunga...aur aapko Suman ko apnana hoga..mai abhi Tiwari kila jakar Sumo se maafi mangne wala hoon...aapko bhi Suman se maafi mangni hogi, aur hamare rishte ko accept karna hoga.."

Ramnath- "Theek hai Shravan. Jaisa tum chaho..mai tayyar hoon. I am sure Nirmala bhi abhi Tiwari kila me hi hongi...mai tumhare saath chalta hoon, mai Nirmala se maafi maangne ke liye tayyar hoon...aur Suman hi tumhare liye sahi ladki hai beta...tum jao aur use apne dil ki baat kaho...I am sure wo mana nahi karegi..chalo..."

Shravan and Ramnath leave for Tiwari kila..

To be continued..

Next part

Ramnath and Shravan arrive at Tiwari Kila. Nirmala is there to visit nanu and see Suman. Suman has still not come out of her room, has not talked to anyone. Nanu was able to feed her a tiny meal once but she hasn't talked to nanu also.

As soon as Nirmala sees Ramnath and Shravan entering, she starts to leave. Shravan stops her. He says-

Shravan- "Maa, I am sorry. Mai aapse kehna chahta hoon ke maine aapko bahut miss kiya...inn saare saalon me jab mai aapse nafrat karta aya hoon, andar se aapko hamesha miss kiya hai...hamesha aapki kami mehsoos ki hai...wo din yaad kiye hai jab aap mere sath thi, mera khayal rakhti thi, mujhe khana khilati thi, mere sath library aati thi...aj kisi ne mujhe bahut saalon baat kuch sach bataye hai...kisi ke wajah se hum itne saal dur rahe hai..kisi ke wajah se maine aapke liye bahut galat fehmiya paali hai, aapke sath bahut bura bartaw kiya hai...lekin ab mai wo saari galtiyaan sudharna chahta hoon...wo saare din aapke sath dobara jeena chahta hoon...please mujhe maaf kardo ma...aur ek baar mujhe gale laga lo, aur pyar se Shravan bula lo...bahut tarsa hoon maa aapke mooh se ye sunane ke liye...bahut tarsa hoon apki pyar bhari jhappi ke liye..."

Nirmala and everyone else has tears in their eyes...Nirmala extends her arms and calls lovingly "Shravan...mera bachcha...". Shravan goes and hugs her like a small kid and start crying...

Ramnath also walks ahead and says-

"Nirmala...galtiyaan to mujhse bhi kuch kum nahi huyee hai...balki ek maa-bete ko itne saal alag rakhne ka paap kiya hai maine...pata hai iske liye bhagwan bhi mujhe kabhi maaf nahi karenge...lekin ek tum hi ho, jo shayad meri saari galtiyon ke baad bhi mujhe maaf kar sakti ho...kyun ki mai jaanta hoon...tumhara dil maum ka hai...tum apno ke liye, unki khush ke liye kuch bhi kar sakti ho...kya please tum mujhe maaf kar dogi? Kya please mujhe, apne ghar ko apna logi? Hamara makan kabse tumhara intezaar kar raha hai ki tum aake use ghar bana lo..jaise tumne uss chote se ghar ko banaya tha jahan humne apni sukh aur shanti ki zindagi bitayi...kya tum aaj mere sath apne ghar chalogi?"

Nirmala nods with tears in her eyes...three of them share a family moment...

Nanu- "Achcha hua Ramnath ke tumhe tumhari galti ka ehsaas ho gaya...meri bachchi ko aj apni khoyi huyee zindagi wapas mil gayee!"

Shravan- "Nanu, mere ego ke aur misunderstandings ke chalte maine Sumo ke saath bhi bahut galat kiya hai...use bhi bahut dukh diye hai...lekin aaj mai wo saari galtiyaan sudharna chahta hoon...mai Suman se pyaar karta hoon nanu...aur aj mai pehli baar use apne dil ki baat batane wala hoon...I am sure wo mana nahi karegi...mai jab use wo saari khushiyaan doonga jo wo deserve karti hai, to hume apni Sumo wapas mil jayegi nanu...lekin uske liye mujhe aapka, aap sabhi ka ashirvaad chahiye...kya aap sab log iss rishte ke liye raazi hai?"

Nanu- "Shravan! Ye tum kya keh rahe ho beta? Itne saalon se, tum bachche mere saamne bade huye...mujhe kabhi iss baat ka andaza nahi tha beta...warna mai kabhi bhi...chalo chodo...jo hua so hua...mai bilkul raazi hoon beta...balki raazi kya, mai to khush hoon...mujhe pata hai tum Suman ka bahut dhyaan rakhoge, use khush rakhoge...use uska pyar mile, itna achcha ghar parivaar mile, usase jyada hume kya chahiye? Hum sab tumhare saath hai beta...jao...Suman se baat karo.."

Shravan smiles and goes towards Suman's room. He enters and locks the door behind him.

Suman is sitting there quietly, staring into nothing. His heart feels content seeing her...seeing sumo, HIS Sumo!!

He walks towards her, sits in front of her on his knees and takes her hand into his and speaks in a very soft voice.

"Sumo...maine tumhe bahut hurt kiya hai na Sumo? Bahut dard diye hai, bahut galat samjha hai...mujhse naraz ho na tum? Isiliye aise sabse ruth ke baithi ho na?? Bilkul hona chahiye tumhe mujhse naraz...lekin please...mere galtiyon ki saza apne aap ko mat do na...mai tumhe ek solution bataoon? Mujhe peeto tum, chillao, gussa karo...jaise hamesa karti ho...bass aise chup mat baitho..."

Suman has tears in her eyes...she is of course listening to everything but still doesn't have anything to say...

"Accha tumhe pata hai tumhari iss khamoshi ne kya kya kamal kiya...arey mujhe- socho mujhe apna gussa thukne par majboor kiya isne...mere jaise baddimag insaan ko sochne pe majboor kiya...tumhe khamosh dekhke pata nahi mere dil ko itni bechaini kyun huyee...phir mai tumse jo gussa tha na, wo sara gussa 1 minute me nikal gaya aur mai sochne laga ki aakhir meri Sumo ne aisa kiya kyun hoga...phir jab maine apna gussa, ego baju me rakhke sawalon ke jawab dhundhna shuru kiya to ek ke baad ek sach saamne aate gaye...mujhe sab pata chal gaya hai Sumo...sab..."

Suman shockingly looks at him. He can see a question in her eye- how much does he really know? Does he know everything?

"Haan Sumo...papa ne mujhe sab bata diya hai...aur mujhe iss baat ka ehsaas karwaya hai ki tum hamesha se hi sahi thi...meri maa ke baare me, mere baare me...aur mai hamesa se galat...kitni galtiyaan ki hai na maine aaj tak...tumne bachpan me ki nadaani ko tumhari khudgarzi samajhkar tumhe aaj tak uske liye saza deta raha...wo galti...tumhe itna intezaar karwaya...wo galti...tumhe galat samjha...wo galti...tumpe gussa kiya, sabke saamne tumpe chillaya...wo galti...sach me tumhe bahut intezaar karwaya hai na maine Sumo? Lekin tumhe ek baar bataoon? Tumse jyada intezaar maine kiya hai..apne pyaar ka izhaar karne ke liye...mere pyar ka, hamare pyar ka ehsaas to mujhe bachpan me hi ho gaya tha...shayad tumse bhi pehle...tab tumhe batane ke liye darta tha..lekin ab lagta hai, tabhi bata dena chahiye tha...aur tumhe kabhi mujhse door jane hi nahi dena chahiye tha...mujhe pata hai Sumo ki jab mai yaha se chala gaya tha na tab tumne mera bahut intezaar kiya hai...lekin kya tumhe ye pata hai ki unn 10 saalon me maine tumhe kitna miss kiya hai? ek din bhi aisa nahi tha jab tumhari yaad na ayee ho, tumse baat karne ke liye na tadpa hoon...Pushkar se phone pe baat karte karte school, college ka topic nikaltha tha taki kuch to tumhare baare me pata chale...roj ye sochta tha ki meri Sumo kaisi hogi, kya kar rahi hogi, kisase jhagad rahi hogi? kahi usne doosra dost to nahi bana liya hoga? kitni baar socha ki sab kuch chodke wapas aa jaoon...raaton ko neend nahi ati thi, hamesha ek bechaini si hoti thi,..jaise kuch peeche choot gaya ho...wo bechaini tab khatam huyee jab wapas aake tumhe dekha, tumhare aas paas hone ka ehsaas hua...lekin mere ego ke wajah se mai wo baat nahi bhool paya jo 10 saal pehle huyee thi, tumhari dil se maangi maafi ko mai kabhi dil se accept nahi kar paya..shayad isiliye tumhe aur khud ko tadpata raha...lekin aj mai wo saari takleef, wo saari bechaini khatam karna chahta hoon...tumse ye vaada karna chahta hoon ki mai hamari dosti ko, hamare pyaar ko age se kabhi suffer nahi hone dunga..tumhe khush rakhne ke liye mujhse jo ho sakta hai karunga...I Love you Sumo...batao...tum bhi mujhse pyaar karti ho na? Bolo?"

Suman, who was tearfully listening to Shravan till now, is suddenly bought back to reality by Shravan's question.

Suman says in lovingly angry tone- "Nahi...nahi karungi tumhe maaf...hamesha tum aisa hi karte ho..pehle mujhe satate ho, sabke saamne gussa karte ho aur phir aise akele mi roti huyee masoom si shakal bana ke mere saamne baith jate ho aur mai hamesha pighal jaati hoon...naa...iss baar mai nahi maaf karungi...sach me bahut takleef di hai tumne mujhe...bahut intezaar karwaya hai...bahut pareshaan kiya hai...uss din PCT aakar kitna gussa kiya tha tumne mujhpe yaad hai...kaise ajnabiyon ki tarah behave kar rahe the uske baad...naa...iss baar tum itni asani se bilkul nahi chootoge...iss baar to nanu se kehke badi saza dilwaoongi tumhe...dekhna tum.."

Shravan has a smile on his face. He naughtily says- "Haan...badi saza to milni hi chahiye...mai ek suggest karoon?...mujhse shaadi karlo...tumhara pati hone se badi saza aur koi ho sakti hai kya??"

Suman angrily- "Shravan...ruko tum..abhi dekhti hoon tumhe.." She gets up to beat him but he starts running away...they come out of Sumo's room...Shravan running ahead, Sumo behind him shouting at him...Shravan goes up the stairs, towards nanu's room and Suman follows him saying "Shravan ke bachche...mujhse shadi karna saza hai haan?"

Everyone downstairs is relieved to see Suman back to her normal self, they sigh thinking everything is sorted and then start laughing.

Upstairs, Sumo enters nanu's room but Shravan is nowhere to be seen...she is looking around while somebody holds her waist from behind...she closes her eyes, Shravan kisses her on her cheek from behind and softly whispers in her ear- "I Love you Sumo...Batao na...karti ho na mujhse pyaar? hmmm?"

Sumo's cheeks turn red..keeping her eyes closed, she turns to Shravan, Shravan's arms still holding her close...

"haan...I Love you Shravan...I have always loved you..." and rests her head on Shravan's shoulder. Both of them share a tight hug.

Akhir mil hi gaye wo dil, jo bane hai...Ek Duje Ke Vaaste! ❤️

*****THE BEGINNING******* 😳