World's best love letter
Adarsh, tumhari zindagi se jaana toh mere liye naamumkin hai. Par aaj iss ghar se jaana mere liye bahut zaroori tha.
Yeh koi zidd ya paagalpan nahi hai. Ek sach ko saamne laane ke liye itni saari kadwi sachaaiyon ka saamna karna padega, yeh mein nahi jaanti thi. Abhay aur Asad dono iss desh ke sache aur jahbaaz bete the. Is baat pe mera vishwas adig hota jaa raha hai. Ek ne apni jaan dekar apni shehar ki raksha ki, aur ek ki maut ek zariya bana iss system ki gandagi ko duniya ke saamne laane ka.
Mein toh sirf apne bhai pe lage iss kalank ko mitane chali thi Adarsh. Par uss raaste mein mujhe kuch aise sachiyaan mili jo hamare desh se, hamare system se judi hai. Aur woh sachiyoon ko mein kaise nakaar du? Sirf isliye kyon ki inn sachiyon ko duniya ke saamne laane ka matlab hoga kuch apnon ko benakaab karna?
Mein jaanti hu, ki jab woh saare sach sarkari Robinhood ke saamne aayange jinhe abhi sirf mein jaanti hu toh uska gussa ek dum thanda ho jaayega. Tab sab se pehle mera haat thamne waala woh Robinhood hi hoga. Par tab tak agar mujhe iss rah pe akele chalna hai toh wahi sahi. Mein ruk nahi sakti Adarsh. Mujhe chalte rehna hoga. Par meri aankein aur mera dil intezaar karange tumhara.
Edited by Soapoperasrfun - 9 years ago
