Part~3
In Priya's Room:
(Continuation from the previous part)
'Mein zaroori nahi samajhti aapko har baat batane ki. Che saal hue hain, itne saalon ke baad aapko lagta hai ki humari dosti waise ki waise hi rahegi? Please get out of my room, right now!' Priya shouted.
There was absolute pin drop silence for a while. Nobody said a word- and Priya didn't even dare to look at him.
'Theek hai'. Ram sighed and agreed, much to Priya's surprise. 'Mein chala jaaunga. Lekin jaane se pehle ek baat sun lo tum, hum dono ko pata hai ki tumhe aise dukh rehna, serious rehna, itni dark life, yeh sab tumhe khud accha nahi lag raha hoga. I know tumhe ek aisi zindagi chahiye jahan tum khush rahogi, independent banogi, and sab kuch aasan hota. Aur tum kya, har insaan toh yahi chaahta hai. Tumhe mauka mil raha hai, mein tumhe woh sab kuch dene ke liye tayyar hoon jo tum deserve karti ho, kyunki mujhe pata hai, tumhare saath na jaane kya hua hai inn che saalon mein, woh nahi hona chahiye tha. I'm there for you, Priya, just remember that'.
Saying this, Ram walked out of her room, closing the door behind him.
'Kya hua beta? Kuch kaha usne?' Sudhir asked, clearly concerned.
'Zyaada kuch nahi, lekin usne jo bhi kaha hai mujhse, usse toh yeh saaf saaf clear ho gaya ki jo bhi hua hai inn che saalon mein, woh chaahti hai ki mujhe pata na ho. Woh apni zidd se bas adi hui hai. Uncle, mujhe aap please batayiye ki hua kya hai'. Ram pleaded.
'Beta samjha karo. Mujhe khud chupaane ki koi interest nahi hai, lekin Priya ki khaatir mujhe aisa karna hai. Pagal ho gayi hai woh. Tumhari maa ko bhi sab pata hai, aur meine bataaya tha, aur jab Priya ko pata chala ki meine Krishna se sab kuch bol diya toh bohot gussa thi mujhpe. Bol rahi thi ki agar kissi aur ko bata diya meine toh woh apna jaan le legi. Tabse meine apna muh band rakha, aur Krishna ko bhi request kiya ki kissi ko bhi yeh baat pata na chalein'.
'Iss liye maa kal itni weird behave kar rahi thi kal'. Ram thought to himself.
'Ram tumse mein sab kuch bataana chaahta hoon, lekin Priya chaahti hai ki kissi ko pata na chalein ki uski condition aisi kyun hai. Usko madad hi nahi chahiye, ek dost bhi nahi chahiye usse. Naa chaahte hue bhi mujhe apna muh band rakhna padega, please mere liye yeh sab itna mushkil mat karwao'. Sudhir pleaded.
'Uncle, aap aisa mat boliye. Mujhe cheezein mushkil karne ki koi iraada nahi hai. Dekhiye uncle, she was very close to me. Mere liye bohot important hai woh. Agar mein usse mila nahi hota toh pata nahi ki mein kis haalat mein hota iss wakt. Meine Priya se bohot kuch seekha, bohot kuch dekha uske saath, jeene ki asli matlab mujhe Priya ne hi sikhaaya. Jab baaki sab log mujhe samajhte nahi the toh Priya samajhti thi, kabhi kabhi daanthti thi. Duniya ki sabse acchi dost hai, I am blessed to have a friend like her. Jab pehli baar usse mila tha toh mera kaam aur mera parivaar hi mere liye important the, and then she started to work under me, aur mujhe tab pata chala ki uski zindagi kitni khoobsurat thi. Uski tarah jeena chaahta tha mein, hamesha khush thi woh, aur mujhe bas wahi chahiye tha. Uske saath wakt bitaate-bitaate meine itna kuch seekha usse. Kahin na kahin mein Priya ki wajah se hi khush hoon ab. Mere liye bohot kuch kiya usne, dosti kitni acchi tarah se nibhaayi, toh mein uske liye itna bhi nahi kar saktha? Agar usne mujhe khushi di hai, toh mein bhi usse khushi de saktha hoon. Bas mujhe bata dijiye, kya hua hai? Mujhe samajh mein aa gaya hai ki kuch na kuch toh bohot bada hua hai, jiski wajah se Priya ko itna affect hua hai. Woh ziddi toh hamesha se thi, inn che saalon mein aur ziddi bann gayi hai, aap please mujhe batayiye. I really need your help'.
'Tum dono ki dosti bohot bohot bohot hi gehri thi. Bohot vishwas karte the tum dono ek doosre pe. Office mein ek doosre ke saath kaam karte the, uske baad bhi ek doosre ke saath hi rehte the tum dono. Chaar saal ke liye tum dono itna...itna close the, aur phir tum chale gaye US, aur che saal ke baad aa rahe ho. Ram lots of things have happened beta. Rishte ko banaane mein kitna wakt lagta hai, lekin tootne mein ek pal lagti hai. Das saal se tum dono ek doosre ko jaante ho, aadhe se zyaada tum toh US mein the, lekin listen to me, iss wakt tumhe lag raha hoga ki tum dono ki dosti mein kuch nahi baccha hai, lekin yeh dosti hai hi itni unique ki kuch nahi hua hai. Dooriyan hui hai tum dono ke beech mein, tumhari dosti ko kuch nahi hua hai'.
'Mein toh hamesha ussi position mein tha. Priya hi toh mujhse door hui hai. Chaar saal ki dosti bohot bohot bohot kam hai, inn che saalon mein uski tarah koi bhi friend hi nahi mili. She's my best friend, and she always will be. Chaahe kitni bhi dooriyan ho, jitni bhi ladayiyaan ho, sach toh yeh hai ki das saal se mein mein maanta aaya hoon ki yeh meri sabse acchi dost hai, and poori zindagi tak maanunga. Just please, aap bas bata dijiye ki kya ho raha hai. Usko aise dekhke mujhe bohot takleef ho raha hai, aise thodi hota hai uncle. Bete maante hai na aap mujhe, bharosa kijiye, please'. Ram said.
'Priya ki khaatir mujhe chup rehna pad raha hai. I can't tell you anything, Ram, please. Usne agar aisa ulti seedhi cheez kuch kiya toh mein apne aapko kabhi maaf nahi kar paaunga. Beti hai woh meri!'
'Uncle mein usse kuch bhi aisa karne nahi dunga, how can you think like that? Bharosa rakhiye mujhpe, please. Haan, beti hai woh aapki, aur aapki beti ko madad ki zaroorat hai. Woh jo bhi condition mein guzzar rahi hai iss wakt, woh apne aap theek nahi ho jaayegi. Agar woh mujhe madad kar sakthi hai toh mein bhi karoonga. Aap please bata dijiye ki hua kya hai'.
'Agar Priya nahi sunn rahi hai, meri baat tak nahi maan rahi hai toh mein kya karoon? Woh ab bacchi nahi hai, badi ho gayi hai woh! Ab woh kissi ki nahi sunegi, meri tak nahi'. Sudhir sighed.
'Ek mauka toh dijiye uncle. Mein yahan usse milne aaya hoon, aapko bataane ki zaroorat hai! Uss bechaari ki haalat dekhi hai aapne?' Ram shouted.
'Haan dekha hoon!' Sudhir shouted back. 'Pichle kahin saalon se toh mein dekhte aa raha hoon ki uski haalat kaisi hai. Arre tum toh aaj se usse dekh rahe ho, mein kahin saalon se dekhke aaya hoon. Mujhse bhi uski dard bardaasht nahi hoti, uski aansu mujhe bhi nahi acchi lagti. Lekin karoon toh kya karoon? Woh baat ko sunne ke liye hi tayyar nahi hai! Ram, she is not listening to anybody. I don't know what to do!'
Ram sighed in frustration. He also didn't know what to do.
'Dekhiye, uncle, mein haath jodta hoon, please batayiye mujhe. I have to know'. Ram pleaded.
'Tum ghar jaao Ram. Yahan kuch bhi nahi theek ho raha hai, aur woh kissi ki baat sunnewaali toh hai nahi. Tum ghar jaao'. Sudhir sighed.
'Lekin mein aise usse iss haal mein chodke kaise jaa saktha hoon? Mujhe usse iss haalat mein dekhkar bohot takleef ho rahi hai, che saal ke baad milne aaya hoon, that is a long damn time. I am shocked!'
'Ghar jaao Ram'. Sudhir repeated.
Ram gritted his teeth angrily. 'Aap apni beti ki zindagi barbaadt kar rahe hain, just remember that. Usse madad ki zaroorat hai aur aap usse door rakh rahe hain madad se'.
With that, Ram walked out of the house, slamming the door shut behind him.
In Kapoor Mansion:
'Maaa!!' Ram yelled at the top of his lungs, entering the house.
'Aa rahi hoon'. She called back, scurrying down the stairs.
'Mujhe aapse kuch zaroori baat karni hai'.
'Dekh, mujhe pata hai ki tu mujhse sawaal poochega aur jawab bhi expect karega. Mein kuch bhi nahi bol sakthi, mera koi hak nahi banta'. Krishna said. 'Sudhir ne phone kiya tha mujhe, sab kuch bataaya'.
'Maa I know aapne promise kiya ki aap kissi ko nahi batayengi lekin mujhe jaana zaroori hai. Priya ki khaatir, maa aap usse beti ki tarah maanti hain, please uske liye aap mujhe bata dijiye'.
'Ram you have to respect her decision. Agar woh chaahti hai ki kissi ko pata na chalein, toh wahin pe baat khatam. Tu baat ko kyun khamaka kheech raha hai? Tu kaisa dost hai? Usse force kar raha hai tu bataane ke liye. Uppar se Sudhir ko bhi pata nahi kya bolkar aaya hai tu. Agar tujhe Priya ko support karna hai toh bina jaane bhi support kar saktha hai, issi ka matlab hota hai accha dost. Jaane ki kya zaroorat hai? Itna toh pata hai tujhe ki Priya ne kuch bhi galat nahi kiya, toh bas. Nahi bataana chaahti hai woh, tu samajh kyun nahi raha hai? Bechaari ko ek dost ki zaroorat hai iss wakt!' Krishna exclaimed.
'Oh my goodness, maa tum sabke sab pagal ho gaye ho! Are you serious? Mein aaj usse milne ke liye gaya tha, woh mujhse milna nahi chaahti thi, lekin phir bhi mila meine usse, aur uski baaton se mujhe saaf-saaf pata lag gaya hai ki bohot kuch hua hai inn che saalon mein jo woh mujhe bataana nahi chaahti! Aap log mujhe kyun nahi bata sakthe, I need to know!'
'You need to know or you want to know? Beta yeh 'need' or 'want' mein bohot farak hoti hai, samjha kar. Jab Priya ko sahi lagta hai woh khud aakar bata degi tujhe! Bohot kuch sehena hai usne, aur iss wakt bas usse ek dost ki zaroorat hai. She needs you now'.
'Goddammit koi mujhe bata kyun nahi raha hai ki ho kya raha hai?!' Ram fumed in anger and stormed up the stairs like a teenager.
In Sharma House (Priya's Room):
'Tu kya pagal ho gayi hai? Ram se kis tarah ki baatein kar rahi thi tu! Woh sirf tera madad karna chaahta hai Priya, yeh tu samajh kyun nahi rahi hai? Dosti nibhaana chaahta hai woh!' Sudhir blasted at Priya.
'Papa please! Aap unko defend karna band kijiye! Mein nahi maanti hoon usse ek dost. Mein kissi pe bharosa hi nahi karti toh mein koi relationship hi nahi rakh rahi hoon kissi ke saath!' Priya got just as angry.
'Ram pe tu bharosa kar sakthi hai! Tere liye kuch bhi karne ke liye tayyar hai, itna matter karti hai tu uske liye! Tujhe kissi ki parvah hi nahi hai, na apni parvah karti hai, na apnon ki! Tu usse kitna dard de rahi hai, tujhe ehsaas nahi ho rahi hai! Tere dil mein kissi ke liye jagah hai nahi, na bharosa, na pyaar, na kuch bhi!'
'Kiske liye jagah banaun mein? Kispe bharosa karoon mein? Kisse pyaar karoon mein? Aapko pata hai ki meri zindagi mein bohot kuch hua hai, uske bawajood bhi aap mujhse expect karte hain ki mein aise rahoon jaise kuch hua hi nahi? Are you serious?' Priya shouted.
'Tere papa hone ki naatir mein tere liye fikar karta hoon! Haan, mein maanta hoon ki teri zindagi mein bohot kuch hua jo bilkul bhi nahi hona chahiye tha, lekin ek naya mauka mil raha hai tujhe. Tu sab kuch bhoolkar ek nayi shuruat kar sakthi hai, lekin tu issi condition mein rehna chaahti hai. Kyun? What are you doing with your life, Priya?'
'Yeh MERI zindagi hai. Mere hisaab se jeeyungi, aur koi nahi bataayega mujhe ki karna kya chahiye. My past cannot be forgotten, do you understand that papa? Itni aasani se bhool nahi sakthi sab kuch, koi mujhe samajhne ke liye tayyar kyun nahi hai? Just leave me alone, goddammit!' Priya screamed. 'Mujhe kuch nahi chahiye, na aap, anyone!'
Priya's voice was raging with anger, frustration, disturbance, and every negative feeling in this world. She had never ever talked to anyone that way, let alone her father, and she never imagined in a million years that she would ever talk to anyone that way.
And that very next second, pain and regret stabbed her heart endless number of times, and everything froze around her for a while...
Hope you all liked this chapter :) Please comment and let me know what you think!
Sanjana
Marathi TV
