Chapter 6
Font:
Text Size:
Theme:
SAFAR( THE JOURNEY)
PART 6
Jungle me ghoomte ghoomte Naina ko achanak kyaa soojh gayi..woh main road ki taraf chali gayi...ek Taxi hire kar lia usne.Jama Masjid tak,fir jab Jama Masjid pahuchi...tab usne kaha..Hanuman Mandir tak jana hai..Taxi Driver ne usko Jakhu Hill k neeche tak chhod dia.Naina hill k upar jaane lagi..pakdandi k raaste se.
Ab koi darr nahi,ab koi jhijhag nahi,ab sab theek ho jaayega.Raj jee paayega shaanti se.Naina ki wajah se Raj ko bahut mushkilon ka saamna karna pada ..ek baar Raj ne usko musibat se bachaya tha..ab Naina ka farz banta hai k woh Raj ki zindagi asaan kar de.Naina hai..isi lia Raj ki zindagi aaj aisi hai.. Raj ne toh koi gunaah nahi kia..fir usko yeh saza kyon?
Kuchh der chalne k baad Naina bahut thak gayi...aise waqt par..paidal pahad k upar jana..waise bhi theek nahi..Naina ki saanse bhaari hone lagi.Pakdandi k raaston par jo low height k gaurd wall jaise structure hote hain..jaha par Car rok kar baithte hain log..photo khinchte hain aas paas k nazaroon ki. Naina wahi par baith gayi..sar jhoonka kar...shaam k 7 baj chuke hain.. door se dikh raha hai..shaher roshni se bhara hua hai...
***************************************************
Raj pareshaan ho kar idhar udhar bhaag raha tha.Saw Mill k aas paas Naina ko dhoondh lia ..nahi mili..Raj jab apne Car ki taraf aaya..Car theek ho chuki thi..Mechanic theek kar chuka tha...Raj fir se main road ki taraf gaya..Raj ne assume kia..is raste se kaha kaha ja sakti hai..yeh rasta Lake bazaar ki taraf jaati hai..Raj gaya Lake bazaar...waha k taxi walon ko poochha..k ek ladki.. shadi shuda..kareeb 6 maheene ki pregnancy hai usko,..kisi ne usko dekha?
Par bina dekhe kaise koi batata?
Raj ko Jail se nikalte waqt apna purse waapas mila tha..yeh purse woh kabhi apne pocket se nahi nikaalta tha..isme Naina ki photo hai..Raj ne apna purse nikala..aur aas paas har admi se poochhne laga....
Ek chai ki dukaan par Raj ne poochha...waha par Ek Taxiwala chai pee raha tha..yeh wahi hai jisne Naina ko Jakhu Hill k raaste me chhoda tha...
Raj--aapne inko dekha hai?
"haa..yeh toh Maa bannewali hai.????"
Raj--haa..meri Biwi hai..dekha aapne??
"apne taxi me inko maine ..hmm..Hanuman Mandir k raaste me chhoda.."
Raj--waha par toh...
"jee..maine pahadi k raaste par hi chhoda hai...."
Raj--DON'T YOU HAVE ANY SENSE?AKELI ..EK PREGNANT LADKI..PAHADI K UPAR TAK JANA CHAAHTI HAI...SHAAM KA WAQT..AAPNE KAISE PAHUCHAYA USKO WAHA TAK..??
"arre,isme humari kyaa ghalati?unhone waha tak chhodne ki baat ki.. humne chhoda..aap hum par kyon bhadak rahe hain..??"
Raj ne ek minute bhi der nahi ki...woh chal pada usi raaste ki taraf..Raj k dil me darr baith gaya...woh achhi taraha se samajhne laga..k Naina kyon us taraf gayi hai..Naina kyaa karna chaahti hai.Ek dum se uske dimaag me yeh baat aai..k Naina ko pata hai Raj land slide me fansa tha..yes..this is the main reason..teen saal pahle..bhi Raj ko Police ne arrest kia tha..tab bhi..aur aaj bhi..Raj fansa hua tha..kya yehi baat hai jo Naina ko disturb kar rahi hai??
************************************************************************
Raj kamre me aya..Naina balcony se kamre k andar aai..
Raj--kaisi ho?
Naina ne jawab me sar hilaya..yeh samjhane k lia k woh theek hai..
Raj--tum mujhse milne kyon nahi aati...??
Naina ne jawab nahi dia..ulte paaon balcony ki taraf jaane lagi..Raj ne uska hath pakad lia...aur apni taraf khinch lia...
Naina--mujhe chhodo...
Raj chauk gaya..is tarha kabhi Naina ne usse baat nahi ki..Naina uske paas nahi ana chaahti...par Raj usse door nahi jana chaahta....jitne din hai ghar me..har pal woh Naina k saath rehna chaahta hai..
Naina Raj ki taraf dekh bhi nahi rahi hai....Raj ne kuchh der intezar kia...aur fir dheere se Naina ko apni taraf modha usne..aur Naina ko gale laga lia..par Naina uski baahon me fir stiff ho gayi...Raj ne Naina ko kiss karna shuru kia.. Naina chup chaap khadi thi..jaise usko kuchh nahi ho raha hai..beech beech me Raj kuchh bolne laga..."Ohh..Nainaa.....".."I missed you so much.."..tum mujhse kyon nahi milne aai uske baad..??".."maine gusse me kuchh keh dia.. aur tum itna bura maan gayi..k dobara kabhi milne nahi aai!!kyon?"...."I love you Naina..tum ko malum nahi hai k main tumse kitna pyaar karta hoon.. bahut pahle se.Naina,main tumhare bina jee nahi sakta please,Naina, mujhse kabhi naraz mat hona.."..
yeh sab kahte kahte kab Raj Naina ko bistar ki taraf le gaya,kab kamra andhera ho gaya..kuchh pata hi nahi chala...Naina ko jab ehsaas hua k Raj uske bahut kareeb hai..tab Naina khud ko chhudane lagi..
Raj--Naina..kyaa kar rahi ho..Naina...yeh kyaa harkat hai?Mujhse kyon bhaag rahi ho..??NAINA...
Naina--leave me..
Raj--kyon?
Naina--mujhe chhodo...
Raj--I am sorry Naina..maine tumse woh sab baatein keh di usdin..par kya main itna sa bhi gussa nahi dikha sakta tum par?tum par gussa nahi dikhaoonga toh kis par dikhaoonga?Naina..please ..suno...
Naina--tumne is tarha mujhse baat ki...
Naina baat poori nahi kar paai...rone lagi....
Raj samajh gaya..mamla control me hai..fir se Saawan ki dhara bahne lagi.. sab theek hai...
Raj--I said I am sorry....ab please..suno...dekho.
Naina--kyaa ??
Raj--kuchh nahi..............
uske baad sab kuchh theek tha...sab kuchh...Raj itne din door tha Naina se.. itne dino tak uske mann ki jo pyaas thi..boojhane ki koshish karne laga Raj...
subha jab Naina ki neend khuli,Naina ne dekha night lamp k paas uska Mangalsutra aur haath k kangan pade hain...raat ko Raj ne utaara tha...
------------------------------------------------------------------------
shraddh ho gaya Chachajee ka..Raj ko jana pada waapas...
jaate waqt Naina se bol kar gaya.."Chinta mat karna..dukhi mat hona..zyada se zyada 5 maheene reh gaye hain...main bahut jald tumhare paas aa jaaoonga..."
Raj k jaane k baad..Naina ne apne aapko doosre kaamo me busy kar lia...
Rohinijee kuchh dino se Naina ko ghaur se dekh rahi hain...unko shak ho raha hai...Naina ki haalat kisi khaas baat ki taraf ishara kar rahi hai,..
Rohini--Naina..is baar tumhara sab time par hua?
Naina--Jee?
Rohini--samjha karo...sab theek hai?
Naina--woh..nahi.,..actually...peechhle maheene bhi..pata nahi..maine dhyaan nahi dia..
Rohini--Tum paagal ho?aisi baaton se dhyaan hat gaya?!!!
Naina--main theek hoon..
Rohini--malum hai..
Rohini Naina ko Hospital le gayi...Naina ka test karvaya gaya...
Is baat me koi shak nahi..k Naina is two months pregnant...
Rohini aur Arjun bahut khush hain.Raj bhi kuchh hi dino me aa jaayega ghar ...aur yeh khush khabri..Naina k Maaike me khabar gayi.Naveen Raj se milne gaya ...Raj ko khabar mili...Raj khushi se uchhal pada..
Naveen--Relax....saari khushi yehi par mat zaahir kar...ghar aaja..fir khushian manayenge..
par jiski wajah se yeh saari khushian thi..woh khud ghoom soom ho gayi...fir se wahi baat..pata nahi is baar kyaa hoga...nahi..aisa nahi ho sakta...
Raaton ko wahi nazara sapna ban kar aane laga...Ek khooni panja..yaa toh ek khoon se ranga hua haath..khanjar..khoon k chheente..koi ro raha hai..koi bachcha ro raha hai...khanjar bitha dia gaya hai uske seene me...
********************************************************
"NAAAHHHHHHHHHHHIIIIIIIIIIIIIIIIIIIIIIIIIIIIIIIIIIII..MUJHE MAT MAARO...NAHI...
DEKHO..NAHI..PLEASE..MAINE KYAA GUNAAH KIA HAI? NAHIIIIIIIIIIIIII .."
Naina k chehre par Car k head light ki roshni geeri thi..Naina ko aisa laga..k uski taraf woh Car badh rahi hai...usko maarne k lia..ek shaks nikla Car se.. Naina ki taraf badhne laga..Naina peechhe hatne lagi..uska pair agal fisal jaaye..toh geer sakti hai..ulat kar..shaayad geer bhi jaati..par us shaks ne uska haath thaam lia..woh Raj tha..
Raj ne Naina ko apne seene se laga lia...Naina behosh ho gayi..
10th October,2007..
Raat k 9 baje..Ripon Hospital..
Doctor ki ek team Naina ko observe kar rahi hai..
baahar saare gharwale hain...Raj chup chaap khada hai..Naveen ko jab Raj ne phone par bataya..k Naina mil gayi hai..aur usko lekar hospital jaa raha hai..tab Naveen ne apne ghar phone kia..aur Rohini aur Arjun ko le kar Ripon Hospital aa gaya..
30 minutes baad..
Doctor ne green signal dia..Naina theek hai..bas bahut zyada stress ..bahut zyada anxiety bhar gaya hai uske dimaag me..darr hai usko..Raj ne bataya..k pehla bachcha kis tarha mara...Doctor ne kaha.."yes..aisa hota hai..unka tajoorba itna bura raha..darrna normal baat hai..isi lia yeh sab kar rahi thi..but ab sab theek hai..aapko humesha unke saath rehna hai.."
Raj k dil se darr nikal gaya,is baar usne,Naina ko bacha lia..barbad hone se ..Naina ko humesha musibat se bachata aya hai Raj.Shaadi k mandap me.. Raj pahle se tha..aur Naina ko us paagal se bachaya usne...uske saath hi tha humseha..is baat ka khayaal rakhta tha k koi usko kuchh ghalat naa kahe ... par ek din Raj ne bahut der kar di..Naina k paas ane me..jiska harjana Raj ko bhi bhugatna pada...Naina ko bhi..aur poore parivar ko bhi..
Is baar bhi toh Raj ne der kar di...ghar par phone kia ..Naina se baat kar leta us waqt toh shaayad Naina ghar se baahar nahi jaati...yaa fir wahi hota.. peechhli baar bhi Raj ne phone kia tha,Naina ghar par hi thi aur woh hadsa...
Raj apne ulte sidhe soch k ghere me gheerta jaa raha hai..
Naina ko hosh aya..usne Raj ko apne saamne dekha..bahut zor se Raj ko gale laga lia Naina ne...teen saal pahle..isi tarha Naina ko hospital laya gaya tha...Raj tab nahi tha..aaj bhi Naina hospital me hi hai..par aaj Raj hai uske saamne..uske saath..
Raj--Pregnancy me Adventurous hona theek nahi..kaha kaha gayi thi tum? Adha Shimla ghoom lia maine..tumhare chakkar me...
Naina ne kuchh nahi kaha...aaj usko bahut sukoon mila..aisa laga..teen saal pahle..us raat ko ek bura sapna dekha tha usne..aaj us raat ka khatma hua.. subha ho gayi...Raj uske saath hai..
Doctor ne kaha,"You be careful..you are almost six months pregnant..."
Naina muskura kar boli.."Yes..I will..."
Raj k dil se bahut bada bojh utar gaya....
****************************************************************
18th August,2008...
Shekhawats' Residence naam ka ek Bunglow hai Shimla hai..us bunglow ka jo garden hai..bahut khubsurat hai..par kuchh saalon tak bahaar se is baagh ki kuchh bani nahi....bahaar yeha aane se hichkinchati rahi...par aaj ka nazara kuchh aur hi hai..
Aaj se theek chaar saal pahle jo baagh ujad gaya tha..woh baagh aaj fir se phoolon se bhar gaya hai..
Aaj is garden me party hai...sab log aaye hain..badhai dene...Naveen ne finally shaadi kar li..usko koi ladki pasand hi nahi aati thi..apni Biwi k saath woh aaya hai..apne Bahen k ghar me..
Is baagh k phoolon me do sab se achhe phool hain..jinke naam hain..Rahul aur Rimjhim....yeh inke ghar k naam hain.Raj aur Naina k armaan aur mohabbat k phool ban kar yeh dono khile hain...
18th February,2008..
yeh bachche is duniya me aaye..aaj pure 6 maheene k ho gaye hain..inke paida hone k baad Naina bahut bimaar pad gayi...isi lia koi bada celebration nahi ho paya..ab Naina theek hai..toh aaj yeh party hai ghar me..
Rohini aur Arjun mehmaano ko dekh rahe hain...unko bahut khushi hai aaj.. ek saath Pota aur Poti..dono mile hain..
Raj Naina ko dekh raha hai...usdin Raj ne der ki thi.Raj der se gaya tha Naina k paas..par der nahi hui thi..Raj der se pahucha..par waqt se pahucha tha ...
Naina Raj ko dekh rahi hai...Raj uske saamne khada tha..ek pal me usko lagne laga..ab tak jo hua..sirf ek bura sapna tha..bas..aur kuchh nahi...
Raj aur Naina ne ek doosre k dil tak ka Safar akhirkar pura kar hi lia..der se sahi..par sahi waqt k andar..ab koi darr nahi..sapne is baar pure ho gaye.
Zindagi aur bhi baaki hai...rishtey badle...naye log aaye..ab ek naye safar ki taiyyari hai...maza toh safar me hi hai..manzeel mil jana safar ka anth nahi hota..shuruat hoti hai..ek naye safar ki...
Raj aur Naina ka yeh naya safar..ab shuru hua....
THE END
Your reaction
Nice
Awesome
Loved
LOL
OMG
Cry
17 Comments