Chapter 5
Font:
Text Size:
Theme:
SAFAR (THE JOURNEY)
PART 5
2004,15th December..
"kyon aai tum yehaan??"
Raj k is sawal se Naina chauk gayi.Usko dekh kar Raj khush nahi??
Raj--kuchh poochh raha hoon..
Naina--Shaadi k baad ..yeh mera pehla janamdin hai..jab main tumhare saath nahi..
Raj--toh..?yeha par party karna mumkin toh nahi hai..kyon aai yeha?
Naina--RAJ..!!!
Raj--Naina..bahut mushkil se maine apne dil ko samjhaya hai..k mujhe 3 saal tumse door rehna hai..ab meri mushkilen aur mat badhao..
Naina ki ankho me ansoon bharne lage..
Raj--Humesha..yehi kar sakti ho..rone k ilava aur kuchh nahi ata tumko...
Naina--I am sorry...
Raj--Naina..yeha mat ana..3 saal dekhte dekhte guzar jaayenge..
Naina chali gayi...uske jaane k baad..Raj apna muh apne haathon se chhupa kar rone laga..
Naina ki utri hui shakal woh dekh nahi sakta..isi lia Naina ko jaane k lia kaha usne.Police Lock up me tha jab khabar mili thi,Naina ki mari hui bachchi k baare me..Raj ki bhi bachchi thi.Raj nahi jaa paya Naina k paas.Fir jab Court me Naina ko dekha..jis Naina k pyaar me Raj giraftar hua tha..woh Naina nahi thi..woh toh kahi kho gayi thi..Naina usko dekh kar ro rahi thi..buri tarha ro rahi thi..hospital se aaye hue kuchh hi din hue the usko..aur fir aisa jhatka..
Raj ne socha Naina se door rehna hi behtar hoga.Naina ki woh baat.. "shaam ko kaam khatam hua toh tabhi rawana hote..toh..raat tak pahuch jaate.."..Raj bar bar yaad karta hai.Sach me usdin Raj se bahut badi ghalati ho gayi thi.. kyon woh Kalka me rook gaya us shaam ko?Ghar lautne ki jaldi kyon nahi thi usko?Agar waqt par us din Raj pahuch jata..toh Naina k saath itna sab kuchh nahi hota.Apni is ghalati ko Raj maaf nahi kar pata,waqt par Raj pahuch nahi paya tha..Naina ki jaan toh bach gayi..par Naina jee nahi rahi hai ab..sirf zinda hai.Raj buzdil nahi tha..bas waqt ki keemat ko nahi samajh paya ..bahut der ho gayi thi..sab kuchh barbad ho chuka tha..Naina ki khushi..Raj ka sapna..sab kuchh..
Raj khud ko maaf nahi kar pata.Ritu ko kuchh ghalatfaimi toh hui thi jis wajah se usne samajh lia k Raj uski personal property hai..kahi naa kahi Raj bhi zimmedar hai is baat ka..Raj ko mauka mila tha Naina se shaadi karne ka.. varna yeh mumkin tha k Raj ki shaadi Ritu se hi hoti..aur shaayad Raj kar bhi leta usse shaadi..yeh toh Raj ki kismat achhi thi..aur Naina ki bhi..yeh ahen
mauke par pata chal gaya..k Naina ka honewala dulha paagal hai..Court me Raj ne apne dil ki baat keh di..k sach me woh chaahta tha k Ritu uske aur Naina k beech m naa rahe...
Par jab Naina rote hue chali gayi..tab Raj ko laga..k woh bahut kathor ban gaya tha..zyada hi bol dia Raj ne..aaj Naina ka janamdin bhi hai..peechhle janam par dono ne bahut aalishaan jashan manaye the..is bar sab kuchh barbad hai..achanak ek bawandar..aur mohabbat ka woh gulshan ujad gaya..
**************************************
Naina ne ghar aakar khud ko kamre me bandh kar lia..aaj Raj ne jo kaha..sahi kaha..shaayad..Naina ko dekhega aur Raj disturbed hoga..Raj ki yeh haalat Naina ki wajah se hai..Naina hi nahi ladh paai haalaat se..usko ladhna chahie tha..paas bahut se flower vase the..night lamp tha..ek bhi chees agar utha kar Ritu ko maarti toh aaj yeh sab nahi hota..par us pal me Naina k haath paaon thande pad gaye the..kuchh nahi kar paai Naina..
Waqt beet raha tha..apne hisaab se,par Raj k lia ek ek din jaise ek ek yug the.. aur Naina k lia..usko waqt ka koi hosh hi nahi tha.Ritu k Parents Shimla chhod kar jaa chuke hain.
Rohini ne kaha.."Raj ki ghairhaziri me kaam kaaj kyon nahi dekhti?"
Naina--Jee...
Par Naina ka dil hi nahi lagta..log baatein karte hain..Ritu mar chuki hai..har koi usike bare me baat karta hai..aur Naina kabhi Raj k bare me baat nahi karti..sab baatein karte hain..k kaisi patthar-dil ladki hai?Bachcha mar gaya.. Pati jail me hain..isko dekh kar pata hi nahi chalta..aur Pati se milne bhi nahi jaati..dil hai k patthar???!!!!!!!!
Naina sab kuchh sunti hai..chup chaap...Raj ne khud hi usko milne se mana kar dia hai..yeh baat kisise nahi kehti Naina ..Rohini bhi jab Raj se milne jaati hain..tab Naina ko chalne ko kehti hain,,par Naina nahi jaati..Rohini naraz ho jaati hai..Naina kuchh nahi kehti....
***************************************
Udhar Raj bhi intezar me rehta hai..sochta hai..aaj Naina milne aayegi..par Naina nahi aati.,..Rohini jab batati hai..k Naina ne aane se inkaar kar dia..tab Raj kuchh nahi kehta..woh jaanta hai ..Naina kyon nahi aai..Naina se ek baar milna chaahta hai Raj..bas ek baar...
*****************************************
Jailer ne bulaya..Raj ko..usko 15 din k Parol me chhoda jaa raha hai...Chachu k antim sanskar aur shraddh k lia..
24th May,2007
Raj ghar aaya...aur aate hi usko shamshaan jana pada..antim sanskar k lia.. Raj k Vakilon ne pahle se intezaam kar lia tha..Chachu ki tabiyat k bare me Doctors ne bata dia tha..k unke paas zyada waqt nahi hai..isi lia Vakilon ne Parol ki application pahle hi kar dia thi Court me..application granted ho gayi.
Antim sanskar ho gaya....
Raj ghar aaya..Naina se mila...ab tak dono me koi baat nahi hui thi...raat ho chuki thi...shamshaan me zyada waqt lag gaya..Raj ko Naina se bat karni thi...
raat k 11 baje....
Naina chup chaap balcony me baithi thi..achanak darwaza bandh hone ki awaz suni usne..Raj kamre me aa chuka tha..aur darwaza bhi bandh kar lia tha andar se...dono ko koi disturb nahi karega..
----------------------------------------------------------------------------------------------------------------
Raj ki Car ki tyre puncture ho gayi...jungle k saamne...mazdoor waapas jaa rahe hain..lakdi kaat kar..andhera ho chuka hai..Raj ko aisa laga..k Naina jungle ki taraf jaa sakti hai..Naina pahle bhi jaa chuki hai..par doosre pal me yeh khayaal aya..k is haalat me Naina nahi jaayegi..andhere me..jungle k andar..
par aise waqt par..is mushkil waqt par..jis chees ki ummeed nahi hoti..asal me usi chees ka mumkin hona zyada mumkin lagta hai..Raj Saw Mill ki taraf gaya..uska shak sahi nikla...Naina aai thi..par uske baad uska koi pata nahi chala..
Your reaction
Nice
Awesome
Loved
LOL
OMG
Cry
14 Comments