Kalma FF : Laut Aao (A Tujhse Hai Raabta fanfiction) : Chapter 1

  •  
  • Page of 1 Go
  •  
Posted: 3 years ago

Chapter 1

_________________________________________________________________________________________________________


Kash Kalyani ne Jaane se Pehle puch liya hota. Kash uss din Maine uska Haath thaam liya hota. Use jaane hi nahi diya hota. Shayad... Shayad phir wo Aaj yaha hoti. Mere paas. Meri bahomein. Dono ki muskaan ek hoti. Dil ki dhadhkan ek hoti. Khushiyon ki koi kami nahi hoti.

Jab wo thi mere paas. Uska khilta hua chehra tha. Pata hai uski ek bohhot bari talent thi. Khud chahe jitni bhi mushkile jhhel rahi ho, jabb bhi mujhe mayus dekhti thi, koi na koi ut patang harkat karke mujhe hasa deti thi. Ekdum pagli thi. Leken meri Pagli thi.

Mujhse apni jaan se zyada pyar karti thi. Itna pyar ki usi pyar ne... Aaj usse mujhse chhin liya. Shayad wo mujhse jitna pyar karti thi, uska aadha pyar bhi mai usse jatata, toh shayad aaj... Aaj dil itna bechain nahi hota... itna Akela mehsoos nahi karta. Dil itna khali nahi Lagta. Seene me ye ajeebsa dard nahi hota.

.

Kalyani,

Pata hai har jagah meri nazre sirf tumhe dhundhti hai. Tumhari muskaan dekhneko taras gaya hu. Har aahat me tumhari aawaaz ka intezaar rehta hai mujhe. Lagta hai abhi aangan se mujhe pukaro gi " Malhar ji". Har saas me tumhari khushboo ki intezaar me rehta hu. Dekhona kaise tumhari ehsaas ko mehsoos karne ke liye taras gaya main. Kaha chali gayi tum mujhe chhor ke?

Pata hai Kalyani tumne na mujhe ek buri aadat laga di, tumhari bewaja ki bakbak sunne ki. Leken Sorry na. Aaj ke baad pakka kabhi complain nahi karunga. promise. Accha baba chalo Moksh ki kasam. Ab to wapas aa jao.

.

Mujhe Saza de rahi ho na? Pata hai. Bohot pareshan kiya maine tumhe. kya karu? koi tha hi nahi jo mujhme jazbat ke rang bhar sake. Par jab tum aayi, ye patthar dil bhi pighal ne laga. Main Atom Bomb se Malhar ji Ban gaya. tumhara Malhar ji.

Is khokhle se dil me tumne Jazbaat ke rang to bhar diye, leken ye kambakht rang bhi tumhare bina berang si ho gayi.

.

Laut Aao na

Mere Liye. Moksh k liye. Apni aai ke liye. Us bechare Atharv ke liye. Pata bhi hai tumhare bina unki halat kya hui hai.

Moksh Bechara Paach saal ka chhota sa baccha pichle chhe mahino se, har roz mujhe puchta hai, ''Aai kaha hai Baba?" Har roz sirf mujhe pata hai ki mai kiss dard se guzarta hoon jab mai humara Moksh ko nahi bata paata hoon ki tum...

Maai to pichle chhe mahino me bejaan si ho gayi hai. Ajanak se jaise umar si ho gayi hai. Unki bejaan nazro se nazre nahi mila paata hoo main Kalyani. Nahi hota mujhse. Himmat hi nahi hoti.

Aur Atharv... dimaag se abhi bhi paach saal ka chhota Atharv hai leken pata hai Moksh ka bara bhai banne ka farz puri imandari se nibha ta hain. Saab ka Khyal bhi raakhta hai. Shayad mujhse zyada. Tumse vaada jo kia tha. Khamosh ho gaya hai. Har roz Darwaze ki saamne bahtke tumhari raah dekhta hai. Har roz Kalyani. Har roz. Inke masoom hasi ke liye to laut aao?

Apni Malhar ji ko itni Baari sazaa dogi kya?

Laut ao na.

please Kalyani. Please

Laut aao

Posted: 3 years ago

Interesting

Felt bad for Malhar ji😭

Thanks for writing 👍🏼

Posted: 3 years ago
This is beautiful baby ...💕🥺
Posted: 3 years ago

Very interesting. 

Thank you for writing.

Posted: 3 years ago

Very interesting

Thanks for writing here

Posted: 3 years ago

Originally posted by rekha_crm


Very interesting. 

Thank you for writing.

Thank you for liking it

Posted: 3 years ago

Originally posted by leelavathi845


Very interesting

Thanks for writing here

Thank you  Leelavathi

  1  


Related Topics

doc-text Topics pencil Author stackexchange Replies eye Views clock Last Post Reply
Raabta never ends 😭😭

pencil Sehreem1   stackexchange 1   eye 128

Sehreem1 1 128 1 months ago Sehreem1
KalMa FF - My Heart Is Not Mine Anymore Note pg 19

pencil rekha_crm   stackexchange 186   eye 18211

rekha_crm 186 18211 1 months ago shrutiberlia
KalMa FF - Married At First Sight Chapter 20 pg 52 updated 30/11/2023

pencil rekha_crm   stackexchange 415   eye 42205

rekha_crm 415 42205 2 months ago Sehreem1

Topic Info

5 Participants 6 Replies 1799Views

Topic started by Angelspearl_thr

Last replied by Angelspearl_thr

loader
loader
up-open TOP