Chapter 14
Next DayIndira Rishi-Jiyanako uthane room me aati hain. "Jiyu beta utho schoolka time ho raha hain". Jiyana side change karti hain,"Mumma sirf 5 min aur". Indira Rishike pass aati hain,"Rishi uth jao". Wo bhi usse 5 min bad batata hain. Indira 5 min bad wapas donoko awaj deti hain. Dono wapas 5 min kehte hain. Indira gussa hokar curtains kholti hain. Rishi chillata hain,"Kya hain yar, sone do na".
Indira : Time dekhiye Mr. Diwan, office jana nahi hain aapko?
Rishi : Ye office time bhi na, me aajhi Sanjayse keh kar time badal dunga. Kabhi bhi meri neend puri nahi ho pati. Wo uth jata hain. Indira Jiyanake pass aati hain,"Jiyu beta uth jao". Jiyana uth kar usse hug karti hain. Rishi Indirake taraf gusse se dekhta hain. "Kya hua tumhe? Itne gusse se kyun dekh rahe ho?"
Rishi : Toh aur kya bachhiko toh baksh do yar.
Indira : Lagta hain abhi tak neend puri nahi hui tumhari. Usse school jana hain toh use uthnahi padegana. School janeki baat suntehi Jiyana dar jati hain. "Nahi mumma, me school nahi jaungi waha wo gande uncle honge. Me nahi jaungi school".
Indira : Jiyu baby aisa nahi karte, wo gande uncle sapne me the na aur sapne kabhi sach nahi hote. Aap good girl ho na toh aisa nahi karte. Chalo jaldi me aapko achhese ready karti hu aur pata hain aaj dadine tiffinme aapke favourite cutlets diye hain. Jiyana nahi manti, wo Rishikepass aati hain,"Papa mujhe nahi jana school. Mujhe dar lagta hain".
Rishi : Achha thik hain, aap school mat jao.
Indira : Par Rishi... Rishi usse rokta hain,"Jiya beta hum ek kam karte hain, aaj papabhi tumhare sath school aayenge fir to tumhe dar nahi lagega na?" Jiyana man jati hain. Rishi officeme phone karke chutti leta hain aur Jiyana ke sath school aata hain. "Jiya beta tum classme jao me abhi aata hu". Jiyana classme jati hain. Rishi principal ke cabinme jata hain.
Principal : Mr. Diwan aap...aayiye bethiye. Rishi beth jata hain. Jiyanaki tabiyet kaisi hain ab?
Rishi : Wo thik hain mam. Thanks for your concern. Actually mam mujhe aapse kuch baat karni thi. Wo Jiyana aur uski friend ki baat batata hain aur peon ke bareme puchta hain.
Principal : Mr. Diwan humare staff me toh aisa koi bhi aadmi nahi hain.
Rishi : Par mam Jiya aur Alishane bataya tha ki wo aadmi schoolke andar garden me hi unhe mila tha.
Principal : Me abhi watchmanse puchati hu. Wo watchman ko bulati hain.
Watchman : Ji mam uss din ek aadmi aaya tha, uss aadmi ki badi muche aur dadhi bhi thi. Wo bar bar schoolke andar dekh raha tha. Maine jab usse pucha toh usne kaha ki Jiyana Diwanke papa Rishi Diwan ne usse bheja hain. Rishi ye sunkar shock hota hain,"Kya?? Maine??"
Principal : Agar tumhe uspe shak tha toh tumne usse andar liyahi kyu? Aur ek bar hume inform kar sakte the na tum?
Watchman : Mam maine usse roka tha, par usne sirki likhi hui chitthi dikhayi aur inse meri phonepe baat bhi karwayi thi. Rishi yeh sab sunkar aur shock hota hain,"Maine kisise baat nahi ki thi aur na hi maine kisiko yaha bheja tha".
Principal : Mr. Diwan lagta hain kisine yeh jan bujkar kiya hain. Tabhi waha ek peon bhagke aata hain,"Mam, mam wo Jiyana..." Jiyanaka nam suntehi Rishi khada hota hain,"Kya hua Jiyanako?"
Peon : Wo bahot ro rahi hain. Wo bar bar keh rahi hain usse papake pass jana hain. Rishi turant Jiyanaki classme aata hain,"Jiyu beta...beta kya hua? Dekho papa tumhare passhi hain". Jiyana aur jorse rone lagti hain. Rishi usse godme uthata hain,"Jiyu beta, dekho papa tumhare passhi hain beta". Principal bachhonse puchti hain, Alisha batati hain,"Mam, me aur Jiyana abhi doorke pass khade the tab waha wo uss dinke uncle aaye the". Rishi ye sunkar shock hota hain,"Kya?? Par beta aapki miss kaha hain?" Tabhi waha class teacher aati hain. Rishi usspar chillata hain,"Kaha gayi thi aap? Aise bachhonko akela chhodkar aap kaise jaa sakti hain? Aap itni irresponsible kaise ho sakti hain?" Principal usse shant karti hain,"Mr. Diwan please shant ho jayiye". Wo teacherse puchti hain, teacher batati hain ki wo kisi kamse dusre classme gayi thi. Rishi Jiyanako shant karne lagta hain,"Jiya beta dekho papa hain na yaha, aankhe kholo apni".
Jiyana : Papa wo uncle bahot gande hain, wo aapko aur mummako le jayenge.
Rishi : Nahi beta, mumma papa tumhe chodkar kahi nahi jayenge. Ab tum shant ho jao. Wo usse thap thapane lagta hain. Principal Jiyanako shant karneko koshish karti hain par wo nahi manti. "Papa mujhe ghar jana hain dadi aur mumma ke pass".
Rishi : Haan beta, papa abhi tumhe ghar le jayenge.
Principal : Mr. Diwan aap abhi isse ghar le jayiye, hum badme baat karte hain. Rishi usse ghar le aata hain.
AT DM
Rishi Jiyanako room me lata hain. Simmiko dekhkar Jiyana usse hug karti hain. Simmi usse rota hua dekh kar confuse hoti hain. Wo Jiyanako shant karti hain. Jiyana thak kar so jati hain. Simmi usse sulakar Rishike pass aati hain,"Kya hua Rishi? Jiya aise ro kyu rahi thi?
Rishi : Indira kaha hain maa?
Simmi : Usse urgently bahar jana pada. Tu pehle yeh bata hua kya hain? Jiya aise ro kyu rahi thi? Rishi usse sari bat batata hain. Hey bhagwan yeh kya musibat hain? Kon hain ye aadmi jisne meri bachhiki ye halat banayi hain.
Rishi : Maa aap please shant ho jayiye me jaldise uska pata lagaunga. Jis aadmine meri bachhiko daraya hain, usse me maf nahi karunga.
Thori der bad Rishiko officese phone aata hain, usse urgent office jana padta hain. Jiyana thodi derme uth jati hain. Simmi usse soup pilati hain. Jiyana usse uss aadmike bareme batati hain. Indira aaneke bad Simmi usse sab batati hain. Indira Jiyanake pass aati hain,"Jiyu beta, aap thik hona beta?"
Jiyana : Mumma aap kaha gayi thi? Mujhe bahot dar lag raha tha.
Indira : Beta mummako kamse bahar jana pada tha, par ab me aapke passhi hu. Tum bilkul bhi mat darna. Tumne khana khaya?
Jiyana : Haa mumma, Dadine mera favourite soup banaya tha.
Indira : Are wa. Chalo ab tum hallme aao hum waha khelte hain. Dono hallme aati hain.
Shamko Rishi ghar aata hain. Jiyanako normal dekh kar wo bhagwanka shukar manta hain. Jiyanaka mind divert karne ke liye wo sabko dinnerme le janeka plan banata hain. "Jiya beta aaj hum wo rojki boaring roti aur sabji nahi khayenge, aaj papa aap sabko bahar le jayenge dinner karne". Jiyana yeh sunkar bahot khush hoti hain,"Papa aur ice cream bhi..."
Rishi : Haan ice cream bhi khayenge. Tum dadi aur mummase ready hone ke liye kaho aur tum bhi jaldi ready ho jao. Jiyana sabko dinnerka plan batati hain.
Sab log dinner karne jate hain. Rishi Jiyanake pas aur Indira SImmike pass bethati hain. Jiyana Indirake pass aati hain,"Mumma aap yaha bethona", wo usse Rishike pass bethane bulati hain.
Indira : Nahi beta agar me waha bethi to dadike pass kon bethega?
Jiyana : Me bethungi, par mumma aap yaha papa ke pass betho.
Simmi : Haan Indira jao betho Rishike pass. Rishi tumhe kuch problem nahi hain na?
Indira : Maa aap to please...
Simmi : Are kuch nahi, jao betho uske pass. Rishi hesitatingly side me hota hain. Indira uske pass bethati hain. Jiyana Indirake godme bethati hain,"Papa humari photo nikalo na". Rishi pehle mana karta hain par Jiyanake bar bar kehne pe photo nikalne lagta hain par Simmi usse rokti hain,"Ruko Rishi me hi nikalti hu, yaha aise samnese achhi aayegi". Wo phone leti hain aur muh banati hain. Rishi usse puchta hain,"Kya hua maa? Aap aise kyu muh bana rahi ho?"
Simmi : Pata nahi par kuch achha nahi lag raha, kuch toh kami hain. Rishi confusingly dekhta hain,"Kya kami hain maa?"
Simmi : Ek kam karo tum sab thode aur pass aao. INSHI, Jiyana aur pass aate hain. Beta abhi bhi sab thikse nahi aa rahe ho, tum achhese betho na, ek kam karo Indirake kandhe pe hath rakho taki sab achhese photome aa sakoge. Rishi usse mana karta hain, par Jiyanake wajahse usse karna padta hain wo hesitantly Indirake kandhepe hath rakhta hain, Simmi haskar unki family photo nikalti hain, Dekho kitni achhi photo aayi hain. INSHI haste hain.
Jiyana aur Indira hath dhone jati hain. Rasteme ek aurat Indirako pehchanti hain,"Aap...aap Indira Sharma ho na? Maine aapko TVpe dekha hain". Indira sar hilati hain. Wo aurat jorse chillati hain,"OMG...OMG...please madam mujhe aapke sath photo khichwani hain," Wo turant uski friendsko bulati hain. Sab auratein Indirake sath photo khichane aati hain. Ek aurat Jiyanako side honeke liye kehti hain. Jiyana gussa hoti hain,"Me kyu side hu? Mujhe mere mummake passhi rehna hain. Mumma me aapke passhi rahungi". Indira usse godime uthati hain. Ek aurat shock hokar Indirake taraf dekhti hain,"Indiraji yeh aapki beti hain?" Indira haa kehti hain. "Kitni cute bachhi hain ye..." Wo Jiyanake gal khichati hain. Jiyana iss batpe aur gussa hoti hain,"Mere gal mat khichona aunty, warna me papase aapki complaint karungi".
Indira, Jiyanako der honeki wajahse Rishi unhe dekhne waha aata hain. Waha bheed dekhkar wo dar jata hain, tab usse Jiyanaki awaj aati hain, wo logonko hatakar waha aata hain. Jiyana uske pass aati hain,"Papa dekhona iss auntyne mere itne jorse gal khiche..." Rishi usse godme uthata hain,"Indira yeh sab kya hain?" Rishiko dekh kar ek aurat,"Indiraji ye aapke husband hain?" Indira sar hilakar kuch bolne lagti hain lekin wo aurat Rishike pass aati hain,"Hayee..kitne handsome ho aap..." Wo Rishiko shake hand karti hain. Dusri aurat usse khichati hain,"Yeh kya kar rahi thi tu?"
Aurat : Are dekhna kitna handsome hain ye, warna mere pati ufff... sab log haste hain. Rishi awkward hota hain. Indira samaj jati hain aur wo wahase jane lagti hain, par wapas sab usse photo khichwane rokte hain par wo smartly mana karke wahase Rishike sath chali jati hain.
Aurat : Lagta bhi nahi na Indirajiki shadi hui hain aur unhe ek beti bhi hain.
Dusri aurat : Haan aur unke hubby bhi kitne handsome the na, sab auratein hasti hain.
INSHI Jiyanake sath apne tablepe aate hain. Simmi der honeki wajah puchati hain. Rishi sab batata hain. Sab khana kha kar Ice Cream khane Jiyanake favourite shopme jate hain.
comment:
p_commentcount