New diary entry!!! 16/09/11

Share
  • Page of 1 Go
Posted: 2011-09-16T06:44:17Z

Ahista Ahista main apne aap ko Mr. Kapoor ke ghar ke

taur tareekon se dhaalne ki koshish karoongi...


Posted at Sep 16 2011, 12:17 PM by Priya

Zindagi mein har kadam par kuch naya apnaana padta hai. Jab se Kapoor mansion mein aayi hoon tab se iss ghar ke taur tareeke samajhne ki koshish kar rahi hoon. Ab meri zindagi mere tareeke se nahi chalegi. Main naye ghar main aa gayi hoon. Magar is ghar ko main paraaya samjhoon ya apna? Agar yeh apna ghar hai toh kuch bhi karne ke pehle dus baar kyoon sochna padtaa hai?

Kitne saare badlaav aa gaye hain! Kitni saari nayee uljhanein! Aur iska ek zaaykaa tab mila jab maine Mr. Kapoor ka galat drawer khol diya aur unke underwear dekh liye. Oh god I was so embarrassed. Aur sabsi zyaada embarrassing baat toh yeh ki Mr. Kapoor ko America se hi pata chal gaya ke maine unke … Ab main unke cupboards ko kabhi haath nahi lagoongi. Meri hi galti thi ... sshhh!!!!

Phir agli subah mummy papa bahut yaad aaye ... wahaan toh sabhi kaam khud hi karne ki aadat thi … subah 5 baje doodhwaale se doodh lene se lekar raat ko dinner ke baad kitchen saaf karne tak …. Sab kaam main hi toh  karti thi … magar yahaan main who sab miss kartee hoon.

Maine pooja ke liye agarbaati jalayi aur fire alarm bajne shuru ho gaya … my god ittna chaos ho gaya. Humaare middle class gharon mein yeh ameeron ke chonchle nahin hote aur Mummy ne yeh baat jataane mein koi kasar bhi nahin rakh chhodi. Ahista Ahista main apne aap ko Mr. Kapoor ke ghar ke taur tareekon se dhaalne ki koshish karoongi … Isse apna ghar banaa loongi.

I got so bored by afternoon lekin thankfully Neha aa gayi aur hum gappein maarne lagey. Neha ne suggest kiya ki hum khaana banayein aur main maan gayi kyunki mujhe khaana banaana bahut pasand hai aur fir mera time pass bhi ho jayega. Lekin ek halka sa darr bhi tha ke Mr. Kapoor ko mere haath ka khaana pasand aayega bhi ya nahin … kyunki unko to non-veg ke alawa kuch chalta nahin aur main thhehree dal chaawal banane wali but Neha is so sweet, usne mutton banaya aur maine 'ghaas phoos' … hahaha! magar sach mein bahut mazaa aaya.

Mr. Kapoor late ho gaye aur Neha ki zidd par, mujhe jhooth-mooth Mr. Kapoor ko daantna pada. Unpar apna haq jatate waqt I was so rude but I had to do it.

Mr. Kapoor ghar aaye par unka mood kharaab tha isliye main unke liye khaana lekar gayi. Yeh sochkar ki America main 2 din rehke shaayad unhone ghar ka khaana miss kiya hoga, I insisted ke who mere haath ka bana hua khaana khaayein … par I was shocked jab Mr. Kapoor mujhpar aise chillane lage jaise ki pata nahin maine unhe khana nahin zeher de diya ho. He started telling me ki main unke liye yeh sab naa karoon … yeh apnanpan naa dikhaoon kyunki hum dono ki shaadi ek samjhaute ki shaadi hai …

Lekin main bhi unpar khoob chilaayi … aur maine bansi kaka se kehkar  khaana ek NGO main bhijwa diya … mujhe pata tha ki Mr. Kapoor is arrogant but he was so rude… so mean … hmmm but I was also mean!!!!

Lekin phir Mr. kapoor ke pet main choohe daudne lage aur raat ko mujhse chipte chipaate kitchen main khaana kha rahe the … aur maine unhe range haathon pakad liya. Bechaare, he was so embarrassed that I caught him eating. Aakhir hain to who typical chauvinist man … hahaha!!

18 Likes this
Posted: 2011-09-16T06:51:00Z
thanks for sharing...nice article
2 Likes this
Posted: 2011-09-16T07:18:45Z
thanks for sharing...sakshi rocksss
1 Likes this
Posted: 2011-09-16T09:53:49Z
Great diary entries. Wonder who actually writes it for the show? Thanz for sharing.
2 Likes this
Posted: 2011-09-17T00:23:07Z
thanks for sharing... loved the writing
1 Likes this
  • Page of 1 Go

Related Topics

Topics Author Replies Views Last Post Reply
Janilover 151 9734 2015-03-22T22:21:53Z Janilover
OS : The Diary of 2013

anjy957   13   2324

anjy957 13 2324 2013-06-22T09:52:49Z leena04
Priya's Diary -Setindia

shinell   16   2378

shinell 16 2378 2012-10-09T22:17:49Z Annthew
Ayesha Kapoor's Diary

mem1   34   3449

mem1 34 3449 2012-09-11T06:46:25Z Lumos
Rajat 'Anjaan' Kapur's Diary

mem1   22   2538

mem1 22 2538 2012-09-06T18:13:38Z balhfan4ever

Topic Info

  • 4 Replies
  • 1430Views

Topic started by shamma92

Last replied by -MariaMars-

FORUM QUICK JUMP

TOP