Sochti hu...

Dil aur dimaag mein uthta hai ek bhanwar

Soch ka bhawar…

Sochti hu ki aaj kuch nahi sochungi

Par kya khud ke hi soch se bhaag paoongi?

Kya aaj neend aayegi?

Ya subah aise hi aa jayegi?

Daee mudti hu, phir baae

Ulta letkar, takiye se sar dhak leti hu

Par main tab bhi sochti hu…

Sochti hu ki tum kya soch rahe hoge

Kya aaj bhi subah hone par so-ogey?

Ya Kuch meri ki tarah…

Koi kavita likgogey uss priyatam ko

Jise taro ke bech dhundhte ho?

Sochti hu neend lupa chupi kyun hai khelti?

Kya raat andhere se hai darti?

Khidke ke bahaar

Andheere mein kuch khojti tu

Uss kalay panney par

Khwabo se tasveerey rang deti hu

Phir iss pagal pan par aap hi hass deti hu

Aur sochti hu…

Ki kal jab tumse baat hogi

To tumse yeh kahungi, vo kahungi

Par shayad kal bhi main

Khudko shabd heen paoongi

Uss chuppi mein bhi ehsaas hai

Shayad 'aur' mein bhi kuch khaas hai!

Phir neend ke intezaar mein seedhi ginti karti hu

1,2,3 gintey gintey bhi sochney lagti hu

Ki aaj raat ginti mein bhi khot hai

Na jaane kya kehna chahte yeh hoti hai?

Phir main ram ram japti hu

Pujaran si lagti hu

Aur ram ram jab mara mara sunaiye padta hai

To ek baar aur hass deti hu

Sunti hu raat ki vichitra lori

Sannata, khokhlapan

Haan main bhi hu aduri

Sapno dwakr karti hu

Dur yeh duri

Subah uthkar, tin ke chatt par

Barish ke bunda bandi sunti hu

Aur takiye ho chukar

Usse bheega paati hu

Chamchamatey motiyon ka khet

Khushi key ya gham ke

Kya kar saktey hu bhed?

Aur sochti hu

Ki tumhe yaad karke main khus hu

Aur tumhe yaad na karkey hu

To apne hi hickiyon ki awaaz sunkar

Bhi Main khush hu

Aur sochti hu

Na chahkar bhi main

Kuch zyada hi sochti hu

Par kya bolkar bhi

Main kuch bol paati hu?

Aur main dobara sochti hu…

(c) Preeti datar

13 March 2008