Abir and Mishti get their tea and walk to a tree nearby and sit down.
A - Thodi der pehle aate toh yahan pe kitne taare dekhne ko milte! Koi nahi, aaj raat dekhne ko milega (Looking at Mishti and grinning) Taare ginoge mere saath?
M (shaking her head) - Romance ke liye kya kya jagah chunte ho - chat pe, car mein aur ab aaj raat itne bachon aur Kuhu-Kunal ke samne. Wah!
A - Arre mujhe kuch toh karna padega. Maine socha tha maine ek liberated angry chorni se shaadi ki hai lekin woh toh...
M - Kya?
A - Angry chornia nahi, darpok morni nikli! Phone mein kuch bhi baat karti ho lekin paas ho toh...
M - Toh?
A - Toh 1950s ki heroine ban jati ho (starts singing in a falsetto) chod do aanchal zamana kya kahega…
M (laughing) - Idiot!
They are both quiet for a bit as they drink their tea.
Mishti is in deep thought.
A - Kya soch rahi ho Mishti?
M - Kuhu ke bare mein. Main aur Kuhu tum aur Kunal jaise nahi hain Abir. Tum dono ek dusre se bahut pyaar karte ho. Main toh Kuhu ke liye sirf woh ladki hoon jisne uske family mein aake sabka attention cheen liya. Usne kabhi accept hi nahi kiya ki main bhi usi family ka hissa hoon. Aur ab use lagta hai ki main uske sasural mein aake phir wohi kar rahi hoon.
A - Jab tumne kaha ki hamara alag rehna Kuhu-Kunal ke liye theek hoga, tum isi ki baat kar rahi thi na?
M - Haan, Kuhu ne baar baar mujhse kaha hai ki woh mere saath nahi reh sakti.
A - Aur tum? Kya tum uske saath reh sakti ho?
M - Main? I don’t know Abir. Main try toh karungi lekin tumein pata hai hamare beech kafi history hai, toh shayad dono taraf se lapses honge. Bahut pehle, jab mein apni dadi ke saath thi, toh hum friends the. Ab family hain par woh ye baat manti hi nahi. Sab badal gaya jab mein badi-maa aur bade-papa ke saath rehne aayi. Jasmeet Aunty aur Kuhu ke baatein sunkar mujhe hamesha aisa ehsaas hota hai ki yeh mera apna parivaar nahi hai. Jaise main ek bhoj hoon. Tumne hi mujhe ehsaan aur pyaar ke beech ka difference bataya, lekin jab bhi Kuhu mujhse kehti hai ki “main tumhe meri family ko hurt nahi karne doongi” toh mujhe chubti hai! Nishant ke waje se woh mujhse itni naraz hai, lekin usne bhi toh tum logon ko help kiya tha. Uska kya? Divorce wali baat meri waje se sabke samne aa gayi, uske liye sorry bola tha na? Woh nahi maani! Lekin jab woh bolti hai ki usse galti se haar toot gaya ya sleeping pills coffee mein gir gaye, toh mujhe manna chahiye!
A - Haan, I mean haar toota, rishta toota... jaise mami kehti hain, “same same different different” (laughing)
M (slaps his arm) - Tum sach much ajeeb ho. Tum jante ho mera matlab woh nahi tha. Main toh sirf uska help karna chahti thi lekin maine kabhi nahi chaha ki baat aise sab ke samne aa jaye. Maine socha ki woh sabse chupa rahi hai kyunki ghar mein shaadi ho rahi hai aur akele hi deal kar rahi hai. Main uske liye pareshan thi yaar!
A - Main jaanta hoon tumne jaan bujke nahi kiya. Actually, mujhe bhi ye tabhi pata chala ki un dono ki divorce ho rahi hai. Main Kunal ki madad kar raha tha Kuhu ho manane ke liye. Shayad Kuhu ka kuch alag plan tha aur phir sabke saamne yeh baat aa gayi and it was out of her control.
M - I know. Main jab bhi uski help karne ki try karti hoon toh kuch na kuch gadbad ho jati hai. Sabke samne aisi baat aa gayi, ye meri galti thi but woh toh uske shaadi, divorce sab ke liye mujhe blame kar rahi thi! Phir bhi meri waje se aur drama na ho isiliye maine shaadi ka mandap uske saath share kiya aur jab usne pehle shaadi karne ki zid ki, woh bhi maan liya aur humari shaadi ke liye alternative doond li.
A - Tumne toh humari shaadi hum dono ke liye bahut special bana diya. Tumne give-in bhi kiya aur jo tumhe chahiye tha woh bhi kar liya. Jab raaste do the, tumne teesra bana liya hamare liye. Ye sab ke bas ki baat nahi hai Mishti.
M - Main kisi ko hurt karna nahi chahti hoon par apna hak bhi nahi chodungi. Ab yeh ghar mera bhi hai. Main Kuhu ki jagah nahi lena chahti, balki apne liye jagah banana chahti hoon. Main jhagda nahi karna chahti hoon but main uski har baat pe give-in nahi kar sakti.
A - Mishti, tum aasani se give-in nahi karti isi waje se hum aaj saath hain. Lekin family ke liye kuch baton ko chod dena chahiye. Agar give-in karne se ghar mein shanti bani rahegi toh tumhe nahi lagta ki kabhi kabhi karni chahiye?
M - Jaise tum karte ho maa ke saath?
A - Yaar yahan meri aur maa ki baat kahan se aa gayi? Hum tumhare aur Kuhu ke bare mein baat kar rahe hain na. Main toh ye keh raha tha ki main bhi chahta hoon ki tum ghar mein sabke saath apna rishta banao. Aur maa ki baat aa hi gayi toh ab toh tumhe bhi clear ho gaya hoga ki maa ne tumhe accept nahi kiya hai. Tumhein kya lagta hai? Maa by chance kitchen mein sleeping pills leke gayi aur ye sab baatein karne lagi? Woh zaroor chahti hain ki tum aur Kuhu jhagda karen aur woh bol sake ki woh sahi thi.
M - Maa mujhe like nahi karti lekin family mein aisa jhagda kyun chahengi?
A - Maa ke liye sahi prove hona hi sabse important hai. Phir woh wohi baat ko baar baar use karke sabko control kar sakengi.
M - Hmmm
A - Suno, mujhe lagta hai ki agar hum chaar saath honge aur aapas mein sab share karenge without fighting toh maa kuch bhi kare, hum sab ek saath reh sakte hain. Tumhe hi sabke saath rehna hai. Maine tumse kaha tha ki hum alag rahenge but tum hi nahi maani.
M - Agar hum alag rehte tab toh maa definitely sahi nikalti na. Unka toh yahi manna hai ki mujhe ghar todna hi aata hai.
A - Maa ke ya kisi ke kehne se kuch sach nahi hota Mishti
M - Abir, ek hi cheez baar baar sunein toh kahin na kahin lagta hai ki shayad woh sach hi hai
A (hugging her close) - Toh main din mein sau baar tumse kahunga ki tum aisi bilkul nahi ho, OK? Mishti, maa ko sab ka weakness pata hai aur uska faida toh woh zaroor utayengi. Tum toh jaanti ho, unhone kaise kiya pehle Kunal ke saath, phir tumhare saath, aur mere saath bhi. Ab Kuhu ki baari hai. At least hum thoda understanding dikha sakte hain na?
M - Maine Kuhu se shaadi ke din hi baat kiya tha ki hum try karein get along karne ke liye lekin phir…
A - Toh phir in sab baton ko chod do na? Mishti, tumhein family se acceptance chahiye lekin tumhein ye bhi pata hai ki main tumhein har cheez mein support karunga. Aur main nahi karunga tab bhi tum khud itni strong ho. Kuhu aur Nanko ka rishta abhi abhi sab theek ho raha hai, aur ghar mein kya kum problems hain?
M - Theek hai. Lekin use samajhna hoga ki uski life barbaad karne mein mujhe kuch interest nahi hai.
A - Tumhara aur Kuhu ka soch kafi alag hai hain par tum dono hi chahte ho ki ghar mein sab khush hon. Iss trip ne humein thoda time diya hai sab sort karne ke liye aur...
M - Kya?
A - Ye decide karne ke liye ke hum maa se kaisa deal karenge. Parul maasi ko Nanko ne apna liya, maa ko bilkul accha nahi lagega. Woh toh mujhe iss baat se blackmail kar sakti hain lekin jab sab unke hisaab se nahi chal raha hai toh maa ab kuch na kuch drama karengi.
Now Abir is lost in his own thoughts.
M - Ab tum kahan kho gaye?
A - Uss blackmail ki waje se maine tumse break-up karke tumhara barosa toda...I’m sorry Mishti.
M - Tumhe toh kuch sochne ke liye bhi time nahi mila Abir. Mujhe pata hai, jab hamare dreams toot jate hain, toh bahut bura lagta hai. Tumne toh bachpan se apne baba ka intezaar kiya hai aur phir uke bare mein pata chala and mujhse bhi break-up karna pada…
A - Bahut bikhra bahut toota thapede seh nahi paya
Hawaon ke isharon pe magar main beh nahi paya
M - I’m sorry Abir. Aur yeh sab meri waje se hua. Tumhare baba ko maine laya tha …
A - Mere liye Mishti! Jo bhi hain, jaisa bhi hain, sab apne liye khud responsible hain. Baba aise nikle usme tumhari koi galti nahi hai. Anyway, tumhe jab shak hua toh khud detective ban gayi sach pata karne ke liye. Akeli gayi yaar, itni danger mein thi. Mujhe pata hai tumhare paas woh magenta belt hai…
M - Brown belt...
A - Haan whatever, phir bhi, kuch bhi ho sakta tha Mishti!
M - I know, I’m so sorry Abir! (Mishti holds on tight to Abir’s hand) Maine socha ki bina proof ke tumse aise kaise keh sakti hoon?
A - Aur maa ko sab bata diya?
M - Maine call kiya tha Abir, par tumhare phone se baba ne message kiya. Aur jab wapas aayi toh maa mujhe pehle mili thi, raste mein hi. Woh pareshan thi ki tumhein tumhare baba ka sach kaise dikhayen. Mere paas toh proof tha. Maine tab kaha maa se ki wapas aake sab ko bata dete hain, lekin maa…
A - Unka plan kuch aur tha. Unko kaise trust kiya tumne? Tumhe toh pata hai na maa kaisi hain? Phir kyun unke baaton mein aa gayi?
M - Jab mujhe tumhare baba ke bare mein sach pata chala tabhi mujhe maasi aur Kunal ke bare mein bhi pata chala tha. Mujhe laga maa ne itna kuch kiya hai, itni responsibility khud pe le li. Meri maa ne toh unki apni beti ki responsibility strangers pe chod diya tha!
A - Lekin unko ye use karke apna kaam karvane se koi problem nahi hai! Aur phir, Nanko ko apnaya, par maasi ko naukrani ki tarah rakha yaar, door ke rishtedar bhi bana sakti thi na?
M - Apne husband se aisa betrayal sehna aasaan nahi hai Abir. Hum kaise keh sakte hain ki unhe kaisa react karna chahiye tha? Unhone toh Kunal ko poore dil se apna beta maana hai aur maasi ko bhi usse door nahi kiya.
A - Maasi ke liye kitna difficult hua hoga itne saalon se apna beta kisi aur ko maa keh raha hai. Nanko abhi bhi maasi ko maa nahi keh raha hai.
M - Abhi abhi toh tumne kaha ki kisi ke kuch kehne se woh sach nahi ho jata. Toh kisi ko kuch na kehne se bhi kuch nahi hota. Kunal maasi ke liye kuch toh feel karta hai, isiliye toh unka insult seh nahi paaya. Tum kyun insist kar rahe ho ki woh unhe maa bulayen? Jab use sahi lagega tab woh kar lega.
They see Kuhu and Kunal walking up to them and wave.
A - Aao tum log bhi kuch le lo aur phir hum chalte hain.
Note: Shayari was from the internet by Dr. Kumar Vishwas (http://thelifewitheditings.blogspot.com/p/dr-kumar-vishwas.html)
THIS IS A FICTIONAL STORY BASED ON 2 CHARACTERS ASHWIN AND RHEA/ANVI ASHWIN ...
A widow, Gauri met her long lost friend Omkara in a family function, who still ...
Life Journey of two people poles apart in career, status and style. One is the ...
Comments (0)
View all