Chapter 41

Acha kher phir subha hoti hai
Sujal aur Kashish office jaanay ki tayari ker rahe hotay hain
Veena un k room mein aati hain
Veena : aray tum donon kahan jaa rahe ho ???
Kashish : mama woh hum donon office jaa rahe hain
Veena : hain office ..!! aray aaj Karan Nandini ki shaadi hai aur tum log office
jaaa rahe ho
Sujal : mama hum ab ek haftay taq office nahin jaa paayein gay ..shaadi ki wajah se
is liyeh aaj hi sara kaam khtam kerna hoga..!!!
Veena : lekin Kashish beta tum tu ruk jao
Sujal : haan ager Kashish chahay tu woh na jaaye..!!
Kashish : mama plzz mujhay bhi jaanay dein ..aur ager hum donon jaayein gay tu
kaam jaldi khatam ho jaaye ga aur hum log jaldi ghar aa sakein gay...
Veena : acha theek hai ...woh meine Archie ko phone ker diya tha ..invitation ka
Kashish yeh sun ker ghabra jaati hai
Lekin Sujal muskuraata hai
Veena : tum muskura kyun rahe ho ???
Sujal : I am sure k us ne mana ker diya ho ga
Veena : tumhein kaisay pata
Sujal : aray ager itnee jaldi darr nikal jaata ..tu mera naam nahin kharab ho jaata
Veena : kya matlab
Kashish : kuch nahin mama yeh tu bas aisay hi kehta rehta hai ..acha ab hum chaltay hian
Veena : theek hai apna khayal rakhna tum donon ...khaas taur per Kashish tum...
Sujal : haan haan mein apna Kashish ka aur Khushi ka khayal rakh loon ga
Veena : Khushi ..!!! yeh Khushi kaun hai
Sujal : mere secretory..
Veena : kya???
Kashish : Sujal tum bhi ... mama wapis aa ker batayein gay Khushi kaun hai abhi
late ho rahe hain hum donon
Veena : acha theek hai jao tum log..!!!
Sujal : aur mama aap Archie ko mananay ki poori koshish kerna
yeh kehtay huay Sujal aur Kashish chalay jaatay hain
Sujal aur Kashish gaari mein baat ker rahe hotay hain
Sujal : kya daraya hai Archie ...ab pata chalay ga k doosron ko takleef
pauhanchana kya hota hai
Kashish : Sujal !! tumhein mama k saamnay Khushi ka naam lenay ki kya zaroorat thi
Sujal : kyun mein mama k saamnay apni beti ka naam nahin le sakhta kya ?
Kashish : nahin aisi baat nahin hai lekin phir bhi
Sujal : phir bhi kya
Kashish : kuch nahin ....
Sujal : acha batao wappsi mein kahan chalo gi
Kashish : kya matlab
Sujal : office se wapis aatay waqt aap kahann jaana pasand kerein gi Madam
Kashish : hum logon ko ghar jaaana hai ..shayad aap bhool gaye hain k aaj Karan Nandini
ki shaadi hai
Sujal : mujhay yaad hai ..lekin hamara kaam koi raat taq thori chalay ga ..!!! woh tu abhi 3
ghantay mein khatam ho jaaye ga..!!
Kashish : lekin tumne tu mama se kaha tha
Sujal : apni wife k saath akelay mein thora time guzaarnay k liyeh mein kuch bhi ker sakhta
hooon...waisay bhi aaj k baad tu aap bauhat buzy ho jaayein gi
Kashish : acha theek hai hum kisi restaurant mein jaayein gay
Sujal : theek hai ..
Phir woh log office pauhanch jaatay hain
Sujal aur Kashish apnay apnay kaam mein buzy hotay hain
Kher phir theek 3 ghantay baad donon k kaam complete ho jaatay hain
aur woh ek restaurant jaatay hain
Sujal : kya khaana pasand kerein gi aap ??
Kashish : hmm kuch bhi
Sujal : theek hai
Sujal order deta hai
Sujal : aur kuch khareedna hai ??
Kashish : kya baat hai aaj baray meharbaan oh rahe hain janab
Sujal : woh kya hai na ab tu aap k paas time nahin ho ga mere liyeh is liyeh
aaj ka din mein aap ki khidmat mein guzaarna chahata hooon
Kashish hansti hai
Kashish : aray aisi baat nahin hai ...sab se pehlay mera Sujal aata hai phir koi aur
aur ager koi beech mein aaye tu phir ...
Sujal : tu phir kya ??
Kashish : tu phir kuch nahin kyunki Sujal aur Kashish k beech mein aa hi nahin sakhta
right ?
Sujal : Right..!!! acha ab khana khaa lo ...mere beti bhooki hogi
Kashish : aray wah beti ki fiker hai biwi ki nahin
Sujal : kis ne kaha ..us ki tu sab se zyada fiker hai

*Baqi baad mein hamesha ki tarah ....waiting for ur comments *