Chapter 9

Kashish kitchen me jakar dekhti hai jaha pe Maya khana bana rahi hoti hai......

Kashish: Mama .......aap yeh sab kya kar rahi hai......

Maya: kuch nahi beta............woh aaj Abhay bhaisaab aa rahe Angad ke saath tumhari shadi ki tarikh tai karne..........isi khushi me meetha bana rahi hoon.........

Kashish: main aap ki kuch madad kar doon........

Maya: nahi tum jake taiyaar ho jao..........

Kashish: mama........aap yeh gaajar ka kya kar rahi hai........

Maya: kuch bhi to nahi............aur waise tu kyun puch rahi hai tuje to gajjar achche nahi lagte........

Kashish: nahi ab aisa nahi hai.......ab muje gajjar achche lagte hai.....kya main unka halwa bana sakti hoon.........

Maya: Kashish.......kya baat hai......tumhe to kabhi kuch bhi banana achcha nahi lagta tha to aaj achanak is tarah.........aisa kuch to nahi jo muje pata na ho..............

Kashish: main ab badi ho gayi hoon..........aur kal main aapki jagah hogi.........aur ek patni ko khana banana to aana hi chahiye.....to soch rahi hoon ki abhi se practice kyun na kar doon..........

Maya: baat to sahi hai.........tum shuru karo main dekh rahi hoon.......

Thodi dair bad mahek aati hai........

Mehek: Mama yeh khusboo kaha se aa rahi hai...mere muh me pani aa raha hai...........

Maya: kuch nahi..........aaj Kashish gajjar ka halwa bana rahi hai........

Mehek: halwa aur woh bhi Gajjar ka aur woh bhi Dii bana rahi hai........

Maya: tu na hamesha mazak hi karti hai.........tu yaha pe sab kuch thik kar de main zara puja ki thali taiyaar karke aati hoon.......

Mehek: ok mama......

Maya waha se chali jati hai.......

Mehek: Dii jaha tak muje pata hai Angadjiju ko to Halwa bilkul pasand nahi........aur gajjar aapko pasand nahi.....to meri yeh samaj me nahi aata ki aap Gajjar ka halwa kyun bana rahe ho.........

Kashish: Kyunki Sujal ko bahot pasand tha.......

Mehek: kise....

Kashish: kisi ko bhi nahi........aur tuje kya her waqt waje batani zaroori hai........

Mehek: lekin waje to hai..........aur is bar waje yeh hai ki aap unse pyaar karne lagi hai........aur isi liye aap apne dil ko behlane ke liye yeh halwa bana rahi hai........yahi hai na waje.......

Kashish: Mehek...woh.........

Jab maya aake unhe batati hai ki bahar woh log aa gaye hai.......

************************************************************ ****************************

Kashish aur Mehek sab nasta aur meetha leke bahar aate hai.........Kashish jake Abhay ke pair chuti hai.........

Abhay: jiti raho.........kaisi rahi tumhari padhai......

Kashish: bahot achchi...........aap kaise ho......aapki tabiyat........

Abhay: main to bilkul thik hoon........aakhir meri beti mere ghar bahu jo banke aa rahi hai......abhi to muje Angad ki shaadi me bhangra karna hai.....

Maya: woh sab to thik hai lekin yeh Panditjee jab muhurat nikale tab na........

Panditjee: Mayajee..........ek bahot hi achcha muhurat hai aaj se thik 21 din baad.........

Maya: 21 din to bahot kam hai koi dusra nahi.........

Panditjee: che mahine ke bad dusra muhurat hai.......

Abhay: main itna intzaar nahi kar sakta...............Mayajee aap pareshan kyun ho rahi hai.............hum sab milke taiyariyaan kar lenge.........kyun Mehek......

Mehek: ji Uncle..........

Maya: Kashish.....sab ka muh meetha karao beta........

Kashish sabhi ko halwa deti hai.......

Angad: kashish muje nahi.....muje bilkul achcha nahi lagta.......

Maya: beta.....aaj Kashish ne khud banaya hai.......

Angad: Ple kashish.......tumhe to pata hi hai ki I Hate Halwa......

Kashish: koi baat nahi main samaj sakti hoon........

Abhay: waise kashish kya shaadi ke baad muje roz aisa halwa mil sakta hai........

Kashish: aur aap ki sugar problem ka kya......

Angad: dad aap bahu nahi apne liye doctor la rahe ho........

Abhay: bahu nahi beti aa rahi hai.......

Kashish baki ka halwa leke Kitchen me chali jati hai jaha unke piche Mehek jati hai........

************************************************************ ****************************

Mehek: Dii.....aap yaha kya kar rahi hai.......

Kashish: kuch bhi to nahi.......

Mehek: Dii aapke aankhoin me yeh aanshu........

Kashish: khushi ke aanshu hai......

Mehek: nahi yeh khushi ke nahi hai.........aapko bura laga na ........

Kashish: nahi to muje kyun bura lagega............main to janti thi ki Angad ko halwa pasand nahi phir bhi maine banaya......shayad meri hi galti hai........

Mehek: aap ki galti yeh hai ki aap Angadjiju me Sujal ko thundhne ki koshish kar rahi hai........lekin aap bhool rahi hai ki kabhi aasmaan aur zameen ek nahi hote.........waise hi Angadjiju aapke dost hai aur Sujal aapka pyaar...............

Kashish: tu bhi na kya baatein leke beth gayi.........yeh le halwa khake to dekh kaisa bana hai......

Mehek halwa khati hai.......

Mehek: halwa to bahot hi achcha hai kyun ki inme aapka pyaar jo dikh raha hai.........aap ne yeh halwa dil se Sujal ke liye banaya hai lekin afsoos yeh hai ki aaj woh hamare saath nahi........

Kashish: ab in sab baatoin ka kya matlab.........21 din bad meri shaadi hai..........aur tuje to khush hona chahiye tha.......

Mehek: dii maine hum dono ke liye ek sapna dekha tha.........maine hamesha se chaha tha ki aap jaisa rajkumar chahti hai waisa aapko aapki ki zindagi me mile.........aur aapki ankhoin me main aaapke Rajkumar ka pyaar dekh sakti hoon lekin woh pyaar Angadjiju ke liye nahi hai.........aap sab se jooth bol sakti hai lekin mujse nahi.........aaj sabke samne khush hone ka dhong kar sakti hai lekin mere samne to ek bar sach kahiye..........ek bar mujse apne dil me jo hai woh kehkar to dekhiye..............Dii apne pyaar ki tamnna ko dil me dabochna aapko mar dega.............dii ple kuch keh dijiye.......

Kashish: haa mehek tu jo keh rahi hai woh sach hai lekin ab is sach ko bahar tak nahi pata lagna chahiye.....hume is sach ko chupana hi hoga.....tu samaj rahi hai na...........

jab maya aati hai........

Maya: kashish......bahar chalo......woh log wapas ja rahe hai........

Kashish: chaliye Mama..........

Kashish maya ke saath chali jati hai........

Mehek: main aapse vaada karti hoon ki aapko aapka pyaar zaroor milke rahega............i promise you Dii......main aapko aapke pyaar se milwaungi............

************************************************************ ****************************

Dusri aur Sujal aur Preet office se laut rahe the............

Preet: Bhai........muje bahot bhukh lagi hai........

Sujal: Preet........hum bas thodi dair me ghar pahonch jayenge......

Preet: nahi bhai.....abhi ek ghante se jyada ho jayega ....traffic kitna hai...........muje kuch khana hai abhi........

Sujal samne ek gol gappe ki lari ke pass apni car rokta hai..........

Preet: bhai..........aapko to yeh jagah bilkul pasand nahi........aap hi to kehte ho ki yeh khana sehat ke liye achcha nahi to.........aur aaj aap khud muje yaha leke aaye......

Sujal: tu baatein bahot karti hai ab bahar chal.........kyunki aaj muje bhi khana hai.......

Sujal aur Preet dono Gol gappe khake baatein kar rahe the........

Preet: bhai.....yeh jagah Kashish ko achchi lagti hai na.....jooth mat boliyega mujse.........

Sujal: din bhar din ...tum bahot samajdar hoti ja rahi ho..........

Preet: Bhai...........agar aap unse itna hi pyaar karte hai to aapko koi hakk nahi banta unhe is tarah taklif dene ka......aap khud apne dil ko tod sakte ho lekin aapko koi hakk nahi unke dil ko is tarah todne ka..........

Sujal: muje koi hakk nahi hai Kashish ko dukh pahochane ka....lekin sabse bada dard to woh bhi seh rahi hogi..........

Preet: kya matlab.......

Sujal: uski sagai ho chuki hai aur woh bahot jald shaadi bhi karnewali hai...........

Preet: aapne itna bada sach mujse chupaya.......iska ek hi matlab hai ki do shaadi se char logo ki zindagi tabah honewali hai...............aapko Papa se baat karni hi hogi.........

Sujal: Main agar papa se baat bhi kar loon to woh sabse pehle us ladki dekhna chahenge.......hum kaha Kashish ko dhndhte phirenge.........main Kashish ek bar mila hoon........main uske naam ke alawa aur khuch bhi to nahi janta.......

Preet: dhundhne pe to bhagwan bhi mil jate hai..........aur aapne pehli bar kisi se sachcha pyaar kiya hai aur Sacha pyaar bahot hi kam logo ko naseeb hota hai........aur jo log sacha pyaar karte hai woh Bhagwan ke farishtey hote hai..........

Sujal; bas kar Preet.........hum aaj hi abhi yeh kissa hamesha ke liye khatam kar dete hai........main apne dil se nikal dunga ki main kabhi kisi ladki se mila tha.....

Preet: main chup ho jaungi..........aap is duniya ko chup kar sakte ho...lekin apne dil se uski yaadoin ko nikal sakte hai aap.......kya aap usko mehsoos karna rok sakte hai..............

Sujal: main tere koi sawaal ka jawab nahi de sakta...........lekin is waqt ghar pe Mama hamara intzaar kar rahi hogi to chale..........

Sujal aur Preet bhi apne ghar chale jate hai..............