Chapter 22

Riya(bored): for some reason nahi, because of me!...

Arjun(surprised): matlab?

Riya uthkar dining table ki taraf jaati hai. Arjun use follow karta hai.

Riya(counter par se ek jar lekar): maine use dhamki di thi ki agar usne sach nahi bola toh main uske bhateeje ko maar dungi

Arjun(shocked): WHAT?!?!!?

Riya jar mein directly haath daal kar khaane lagti hai: toh aapko kya laga? Uske andar achanak Harishchandra ki aatma aa gayi? Jab aap kal apne informer se milne gaye the toh mein bhi chehra chup kar uske ghar gayi thi, use akela paa kar uski thodi pitayi ki, uske bhateeje ko chocolate dikha kar apne saath le gayi aur Rakesh ke saath use apne ghar mein rakha fir jab aap chut gaye toh Rakesh ne uske bhateeje ko firse uske ghar pahuncha diya

Arjun mv "ye is had tak crimes kar sakti hai? uska bas behosh hona baakhi tha.

Arjun(control karke): Riya you realize ki use kidnapping kehte hai?

Riya: so what? Aur maine kaunsa usse firauti ki maang ki? jo sach hai wahi kehne ko kaha na? aur waise bhi (cheerfully) uska bhateeja bahot cute hai, ek hi chocolate mein maan gaya mere saath aane ke liye...sweet boy! Aur kaunsa maine use torture kiya? Sirf Rakesh ke saath use kuch der tak apne ghar mein rakha woh bhi saari sukh-suvidha ke saath and don't worry! Saxena ne mera chehra nahi dekha.

Arjun bas aankhein faadkar use dekh raha hai.

Riya kuch notice nahi kar rahi hai, woh bas khaane par concentrate kar rahi hai: ek bar ye Raana gaya na uske baad na us Sakshi ko bhi dekh lungi...(sochte hue) ek thapad toh banta hai (finally Arjun ki taraf dekhkar) what's say?

Arjun(fearfully):...tumhe bhuk lagi haina? Main Pizza mangwata hun...tum fresh ho jao

Riya: good idea! Mera khaana banane ka bilcul mood nahi aur baahar toh jaa nahi sakti.

Arjun: hmm...woh call ke bahane waha se jaane lagta hai

Riya: are ha! capsicum mat dalwana! Aur jalapenos mat bhulna!!!

Arjun (bina mude): okay!

Uske jaane ke baad Riya soch mein pad jaati hai mv "kya karu? Arjun ko un teeno ke baare mein batau ? ya nahi? Par kaise kahu? Kaise kahu ki maine teen logon ka khoon kar diya hai? Agar woh naraaz ho gaye toh? Unhone pehle hi mujhe akele jaane se mana kiya tha par mere paas koi option bhi nahi tha, main karna bhi nahi chahti thi...oh God! Main kya karu? Mere kuch samaj mein nahi aa raha hai. Nahi..Nahi main Arjun ko nahi bata sakti. Atleast abhi nahi, ek kaam karti hun, ye kissa khatam ho jaye uske baad bata dungi...ha ye sahi rahega. Main sahi waqt aane par unhe sab bata dungi.

Rathore's house-

Sameer jab se ghar aaya hai ek hi jagah par baitha hai. Ayesha waha aati hai.

Ayesha: Sameer!

Sameer presence mein aata hai: ha? kya hua?

Ayesha: are kya, kya hua? Kya soch rahe hai aap kab se?

Sameer: kuch nahi...tumne Liza ka background prepare kar liya?

Ayesha: almost ho gaya

Sameer: hmm, theek se banana

Ayesha(sternly): mujhe apna kaam karna aata hai

Sameer(defensively): okay chill, main toh bas aise hi keh raha tha

Ayesha: acha Sameer (woh uske paas jaa kar baithti hai) woh main kya keh rahi thi (Sameer ka haath pakad kar) aap na bahot tension lete ho, mat lo (uske kandhe par sar rakh kar) aur Arjun sir ke baare mein sochna band kar dijiye

Sameer: par Ayesha...

Ayesha: dekhiye Sameer, ye baat toh tay hai ki Arjun sir kuch na kuch chupa rahe hai lekin ye baat bhi hum dono jaante hai ki jab tak woh nahi batana chahenge tab tak nahi batayenge toh fir kyun aap uske peeche apna time, energy, dimag sab waste kar rahe hai?

Sameer: par woh bata kyun nahi raha hai? tumne khud hi dhundha tha na? sab ko maar diya us Raana ne pichli baar

Ayesha: ha toh don't worry, humne kuch kam kaand nahi kiye hai. woh hum sab ko saath mein hi maarega

Sameer: seriously Ayesha? Tumhe mazaak suj raha hai?

Ayesha hasti hai: Sameer! Woh Arjun sir hai Arjun sir!

Sameer(taunt karke): ha tumhara favorite haina?

Ayesha: ha

Sameer: toh mujhse shaadi kyun ki?

Ayesha: unke aage number thodi lagne waala tha? aur aap utne bure bhi nahi hai...chal jaayega

Sameer: wah! Matlab biwi meri aur pyaar kisi aur se?

Ayesha use hug karti hai: jitna aapse karti hun usse kam hi karti hun unse

Sameer smile karta hai: chalo, kuch toh guarantee hai

Ayesha gusse hone ka naatak karti hai: kya Sameer you know I love you aur aap hai ki...huh!

Woh uthkar jaane waali hai tabhi Sameer uske haath pakadkar hug karta hai.

Sameer: are baba mazaak kar raha tha, I love you too!!

Ayesha smile karti hai. thodi silence ke baad.

Ayesha: acha Sameer, woh office mein aap log kis yaad ki baat kar rahe the? Aur aapne Arjun sir ko daanta aur unhone maafi bhi maangi aur ye bhi kaha ki unhone irresponsible statement kaha? Chakkar kya hai? kuch samaj mein nahi aaya

Sameer sigh karta hai: tumhe yaad hai jab tumne kaha thi Arjun Roshni ke ilawa aur kisi ladki ki taraf aankh utha kar bhi dekhta tab maine ek ladki ke baare mein kaha tha?

Ayesha(realize karke): ha! ha! yaad hai mujhe par uska kya?

Sameer: I told you he lost her as well? (Ayesha nod karti hai) darasal woh bhi ETF ka hissa thi and...woh duty ke waqt shaheed ho gayi thi. Shree aur Chotu dono usse close the. And us waqt sirf hum hi the na...chaar ladke aur woh akeli ladki but (cheerfully) shit! Logo ki kundali nikalke unke dosh aur haddiyan dono tod deti thi. And woh akeli ladki thi na toh main bhi use lekar thoda zyaada protective tha. kitni masti karte teeno milke ki pucho mat aur Arjun, puri team mein woh akeli thi jo uske gussa hone ke bavjud use baat karne ki himmat rakhti thi.

Ayesha: par achanak uski yaad kyun? As in...

Sameer: are woh tum log use batana bhul gaye the na? aur Shree ne bola, maine kaha tha na subah Xora ka doctor toh hum sabko uska aakhri din yaad aa gaya toh Arjun ke muh se taunt nikal gaya

Ayesha: oh aise

Sameer: ha aise

Ayesha: kaash main usse mil paati

Sameer: kyun?

Ayesha: dekhu na ki aisa kaun hai jo Arjun sir ke dil ko chu gaya

Sameer smile karta hai: ha kuch alag hi thi woh

Arjun's house-

Arjun aur Riya dono Pizza kha rahe hai but asal mein sirf Riya chain se kha rahi hai, Arjun toh baar-baar use dekh raha hai aur uski ki gayi kidnapping ke baare mein soch raha hai.

Arjun(mutter): pata nahi kis mitti se banaya hai bhagwan ne?

Riya (chili flakes sprinkle karte hue): dharti, agni, jal, vayu aur aakash

Arjun(confused): what?

Riya: abhi aapne puch  na ki kis mitti se banaya hai mujhe? Par duniya ki har cheez panch tatvo se hi banti haina

Arjun disbelief mein sar hilata hai: let's just forget about that aur ye batao ki tumhe woh sab karne ki kya zaroorat...

Riya: isse pehle ki aap mujhe emotional blackmail karke ye kehne lage ki mujhe aap par vishwas nahi hai and all that bullshit! Meri baat sun lijiye!

Arjun sigh karta hai: bolo

Riya: maine woh sab isliye kiya kyunki mujhe us chudail par bharosa nahi hai, aur sochiye aap bhale hi court mein nirdosh saabit ho jaate, lekin jab tak woh video jhuta saabit nahi hota tab tak sabki nazro mein aap hi doshi bane rehte. Aisa bhi ho sakta tha ki sabko ye lage ki aapne apni power ka istemaal karke sachayi chupayi isliye maine us vakil se hi sach ugalwaaya.

Arjun use ekdum se hug karta hai: thank you

Riya: your welcome...aur kuch?

Arjun: tumhe Chetan ke paas se koi aur information mili?

Riya apni ye eyes roll karti hai ye sochkar ki ghum ferkar woh firse uske paas hi pahunch gaya: ha, ek...ye tha.

Arjun: ye?

Riya(yaad karte hue): ha MLA, koi Shirke. Uske ghar mein uske kuch purane campaign pamphlets wagera the.

Arjun: Shirke? (apni memory check karke) naam suna hua toh nahi lagta hai? kaha ka hai? Pune?

Riya: nahi, Mumbai ka hi hai aur yaad thodi hoga? Pure desh mein kitne MLA, MP hai? sabke naam yaad karenge aap?

Arjun: nahi Riya waise nahi, corrupt hai toh suna hoga na

Riya: ha, main info nikalti hun uski dinner ke baad, office?

Arjun: ha, Raghu ne Rathore ke saamne bak diya ki ek ladka aur ladki aaye the (Riya aankhein faadkar use dekhne lagti hai) aur yeh ki ek ladki unki wanted list mein hai aur shayad woh wahi ladki hai jo us ladke ke saath aayi thi

Riya apna slice chod deti hai: Usne Aapko Dekha?!!?

Arjun: nahi! Paagal hu main ki uske saamne jaunga?

Riya(tensed): par unhe pata toh chal gaya ki main hun

Arjun: tum ho yeh nahi pata Riya, bas ek ladki hai yeh pata hai aur Ayesha ne toh tumhara waala case bhi dhundha tha, thankfully kisi aur ne file nahi dekhi aur Ayesha ne tumhe pehchaana nahi, maine apne paas rakh li hai

Riya: toh ab?

Arjun: ab ye, ki waqt aa gaya tumhare paas jo bhi sabut aur information hai mujhe de do, main use submit kar deta hun. Isse pehle ki Raana tum tak pahunche, hume us tak pahunchna hoga

Riya nod karti hai: ha main aapko de deti hun

Dinner ke baad Riya saari information (apne ko chodkar) ek pen drive mein daal kar Arjun de deti hai. Arjun use ek baar check kar leta aur Riya, Shirke ke baare mein pata lagane ki koshish karti hai.

Riya: ye Shirke toh kisi kaam ka nahi

Arjun uski taraf turn hokar: kyun?

Riya: 4 saal pehle drug dealing ke liye pakda gaya tha, encounter hua, goli lagi aur tabse lekar ab tak coma mein pada hai

Arjun: coma mein? Kaunsa hospital?

Riya: hospital nahi, apne ghar mein hi hai, kisi bungalow mein, neta haina. Uski beti ne power use karke use ghar par hi rakha hai

Arjun: coma mein hai bhi ya nahi?

Riya: ye toh waha jaa kar hi pata chalega aur officially bina thos sabut ke aap jaa nahi sakte toh main..

Arjun: nahi!

Riya whine karti hai: sir

Arjun: Riya nahi! Agar woh involved hoga toh investigation ke dauran pata chal jaayega. Tum aisa kuch nahi karogi.

Riya:Aapko yaad hai maine kaha tha ki mujhe ek doubt hai, actually jab ye gang shuru hua na usse thode time pehle hi bada gang band hua tha...aur jab maine details check ki toh pata chala ki us pehle wale gang ke kuch log ab is gang mein bhi kaam karte hai. aur woh pehla waala gang wahi gang hai jise chalane ke liye Shirke pakda gaya tha aur ab Chetan ke ghar main bhi Shirke ke campaign papers ka hona...

Arjun: Riya tumne hi toh kaha ki kuch log us gang se is gang mein aaye hai, Chetan bhi unhi mein se hoga. Tum us sab ke baare mein zyaada mat socho. Waise bhi gang ka leader toh Raana hai, toh hume pyaadon se kya matlab? Waise bhi ab is case ka the end jaldi hoga, tum please musibat ko mat dhundho

Riya(dis-heartened): theek hai, nahi jaungi.

Arjun: thank you

Next day, ETF office-

Arjun ke ilawa sab maujud hai. Ayesha Liza ko uska background deti hai.

Ayesha: ise ratta maar lo! Ek bhi line idhar ki udhar nahi honi chahiye

Liza nod karte hue file leti hai aur fir use kholti hai: itna saara?

Ayesha: ha

Liza: par...

Tabhi Arjun enter karta hai: Rathore!

Rathore uski taraf turn hota hai

Liza: sir main do din mein ready ho jaungi

Arjun: plan cancel...chuhe billi ka khel chod, Shree!

Woh use pen drive pass karta hai.

Rathore(confused): hold on! Plan cancel matlab? Aur isme kya hai?

Arjun: sabar ka fal meetha hota hai Rathore, Shree

Shree nod karta hai aur pen drive apne system mein daal kar projector se connect karta hai. the screen flashes to life. Riya ki ikatha ki hui saari information ek ke baad ek project hoti hai. Raana, uske woh gang members jo Riya ne dekhe the, aur woh saare adde jaha-jaha Riya gayi thi, gang kaise operate karti hai, kahase operate karti hai, system mein kaunse log unki madad karte hai, sab kuch.

Us saari information ko dekhkar ETF ki aankhein fati ki fati reh jaati hai.

Rathore: ye sab tumhe kaha se mila?

Arjun: tumhe kya lagta hai Rathore, itne din ghar par baithkar main bhajan gaa raha tha?

Rathore: pehle bhagwan par toh vishwas kar lo baad mein bhajan gaana

Arjun: tum insaano par vishwas kar lo, bhagwan par apne aap hi ho jayega

Rathore guilty mehsoos karke chup ho jaata hai.

Ayesha: sir, itni saari information aapne ek hi hafte mein nikal di? Is sabko dekhkar toh aisa lagta hai jaise mahino mehnat ho

Arjun: tumhe Google se matlab hai ya uske CEO se?

Ayesha: Google se

Arjun: toh chalo sab kaam par lag jao!

Rathore: main commissioner sir ko bhi inform kar deta hun.

Puri ETF action mein aa jaati hai aur pure police department ko bhi action mein le aati hai. Raana ka saara dhandha chaupat ho jaata hai. Mumbai mein jitna ho sake utna ETF hi raids handle kar rahi hai. Pure operation mein karodo ke drugs baraamad hote hai. Brothels ka saara trafficking dhandha band ho jaata hai. laakhon ladkiyan aur bache bikte-bikte bach jaate hai. ETF ke paas saans lene ki bhi fursat nahi hai. but for some reason ab tak unhe Altaf ya Raana ke baare mein pata nahi chala.

aise hi  chouthe din ek raid se free hokar jab woh log waapis aate hai tab...

sab conference room mein hai, aadhe neend mein. Waise 4 baj gaye the, upar se itne dino se sirf kaam ke chakkar mein na theekse kha rahe the na pee rahe the, sabki battery down ho gayi thi. Chotu aur Shree toh energy ke liye canteen se chappan bhog mangwa lete hai. Rathore aur Liza dono coffee se kaam chala raha hai aur Ayesha Shree ke plate mein se hi borrow karti hai. Arjun chai peene ke bahane side par jaata hai. use ghar jaane ka mauka hi nahi mila, upar se Riya akeli woh bhi bina phone ke. Isliye usne Kushal ko kaam par lagaya tha taaki woh har do ghante mein ghar jaakar Riya par check kare. Woh use phone karne hi waala hai ki...Sheetal ek police officer ke saath aati hai. us officer ke haath mein ek file hai.

Sheetal: sir?

Arjun mudta hai: ha?

Sheetal: sir ye Pune se Inspector Deshmukh aaye hai. aapse aur Rathore sir se milna chahte hai...