Chapter 19

Saxena: your honor! Main apne ek gavah ko bulana chahta hun jo is waqt courtroom ke baahar khada hai

Judge: ijazat hai...

Defence ka vakil object karne ke liye full plan mein hai lekin ruk jaata hai kyunki pichli sunwayi mein Judge ne unka unregistered sabut allow kiya tha toh fir ab kaise mana kare?

Judge ki permission milte hi ek admi jo darwaaze ke paas khada tha woh andar aata hai. uske haath mein kuch cheezein hai. Sakshi ke pairon tale zameen khisak jaati hai. woh Saxena ko ghurne lagti hai.

Sakshi: Saxena!!! Ye Sab...

Judge (hammer tap karke): order! Order! Witness ko bulaya jaayiye. Miss Sakshi maryada mein rahe.

Sakshi ko hyper dekh sab confuse hote hai. ETF Arjun ki taraf dekhte hai ye soch kar ki shayad usne kuch kiya ho lekin Arjun negatively nod karta hai.

Sakshi witness box se utarkar baahar khadi hoti hai. woh admi witness box mein aata hai.

Saxena: adalat ko apna naam aur pesha bataiye

Admi: ji...mera naam Suraj hai aur main...main ek actor hun.

Saxena: 14 February ko kya hua tha?

Suraj: woh...(Sakshi ki taraf point karke) ye madam humare paas aayi thi aur unhone mujhe kaha ki agar maine unka chota kaam kiya toh woh mujhe uske liye 1 lakh rupay degi

Defence: ek laakh! Kya kaam karna tha tumhe?

Suraj: inhone mujhe...(woh apne saath layi hui bag mein se ek mask aur ek chota sa device nikalta hai) kaha ki ye mask aur ye device lagakar jo woh kahe waisa karu.

Defence: kya aap adalaat ke saamne ek namuna pesh kar sakte hai?

Sakshi ke paseene chutne lagte hai.

Suraj: ji

Woh pehle use device ko apne gale ke paas fit karta hai aur fir us par mask pehanta hai. aur puri adalat ki zameen khisak jaati hai.

And of course Sameer firse chillata hai: WHAT THE BLOODY HELL! DO- DO ARJUN!!!

Judge ka dimag already kharaab ho gaya hai ab Sameer ke chillane se zyaada kharaab ho jaata hai.

Judge (tapping the hammer): order! Order! Aap adalaat se baahar jaiye. Woh ek constable ko Sameer ko baahar le jaana ka ishara karta hai

Constable Sameer ka haath pakad kar use baahar lead karta hai. Ayesha disbelief mein sar hilati hai.

Sameer: lekin sir! Ye do-do Arjun kaha se aaye??

Tabhi sabki nazar jaati hai ki Suraj ki body almost Arjun jaisi hai aur ek chehre ke saath undono mein difference bata paana almost na mumkin hai.

Judge(sternly): inhe baahar lekar jaiye

Constable Sameer ko almost ghasit kar baahar le jaata hai. us confusion aur seriousness mein bhi Sameer ki haalat dekh kar Arjun ki hasi nikalti hai par woh kisi tarah control kar leta hai.

Defence: fir aapne kya kiya?

Suraj: fir inhone mujhe jo line di thi woh maine boli aur jaise unhone kaha waise acting ki

Sabko ek aur jhatka lagta hai kyunki us device ki wajahse Suraj ki awaaz bhi Arjun jaisi ho gayi thi.

Suraj: aur fir woh mujhe ek office mein le gayi waha humne ek chota sa scene khela aur fir unhone mujhe paise diye aur main chala gaya

Defence: your honor! Ye toh mere client ke khilaaf ek sochi samjhi saazish hai! unki reputation bigadne ke liye, ek well executed plan hai jo ab nakaam ho chuka hai.

Saxena: I'm afraid to say your honor, par unfortunately sachayi ko dekhne mein main bhi nakamyaab raha.

Sakshi interrupt karti hai: Nahi!! Nahi!!! Ye sab jhut hai!!! (firse aansu laate hue) ye sab...ye sab Arjun ki saazish hai!! ye sab Arjun mujhe fasaane ke liye kar raha hai!!! ye jhut hai!!! isne mere vakil ko bhi kharid liya hai!!!

Arjun(bored): Sakshi mein sarkar ki tankhwa par jeeta hun, mere paas koi  khazaana nahi hai jo mein raah chalte logon ko khareed saku...Suraj! Tumhe paise kaise mile?

Suraj: mere bank account mein inhone transfer kar diye the

Arjun: fir toh trace bhi ho jaayega...pata chal jaayega na ki woh sach bol raha hai ya jhut (apna focus shift karke) your honor! Agar aapki ijazat ho toh mere paas ek sabut aur hai lekin uske liye computer use karna padega...agar aap allow kare

Judge: ijazat hai

Arjun: thank you,

Woh Shree ko dekhta hai Shree nod karke apna laptop lekar aage aata hai.

Arjun: us din ki CCTV footage nikalo

Shree confuse hota hai: lekin sir us din ki aapke cabin ki saari footage toh delete ho chuki hai

Arjun: ha Shree footage mere cabin ki nahi hai lekin baakhi saare cameras ki toh haina? Mere cabin ke baahar waale camera ki footage nikalo

Sabki dimag ki tubelight jalti hai. ye toh kisine socha hi nahi...kitna hungama hua tha. baahar ke camera mein kuch na kuch toh aaya hi hoga.

Shree(excitedly): yes sir!!!

Woh apna system kholta hai aur footage retrieve karta hai. woh apne laptop ki court ke projector se connect karta hai. court ki lights off hoti hai. the screen flashed to life. Saare CCTV's ki footages bade screen par simultaneously dikhayi de rahi hai.

Arjun: forward karo Shree! Humare waapis aane ke baad

Shree waisa karta hai. woh ETF ke building mein enter karne ke baad se footage dikhata hai. Arjun aakar seedhe apne cabin mein chala jaata hai.

Conference room mein sab kaam karte hue simultaneously baatein kar rahe hai. Chotu complain karta hai Shree taana maarta hai. Sakshi ke phone mein message aata hai. woh khush hokar Arjun ke cabin ki taraf jaati hai. uske peeche sab confusion mein hai lekin ignore karte hai. Rathore bhi aata hai.

Dusre camera mein Sakshi Arjun ke cabin ke andar jaati hui dikhayi deti hai. kuch hi palon mein Arjun aur Sakshi dono ke chillane ki awaazein aate hai. ye sunkar baakhi ki team bhi waha pahunchti hai. camera mein cabin ke andar toh nahi dikh raha hai lekin Arjun aur Sakshi ki awaazein aur team darwaaze ke paas khadi hai ye dikhayi deta hai. Rathore bhi intervene karne ki koshish karta hai lekin Sakshi usse bhi rudely baat karti hai aur uska Arjun ko dhamkana bhi sabko sunayi deta hai. aur woh gusse mein wahase chali jaati hai.

Shree feed ko band karta hai.

Arjun: waise ise dekhkar lagta toh nahi hai Sakshi ki tum upset thi, mujhe toh sirf gussa hi nazar aa raha hai, (mock karte hue) haina?

Sakshi use glare karti hai

Arjun: your honor! Aap iski forensic jaanch bhi karwa sakte hai lekin meri request hai ki woh aaj hi ho jaaye taaki authenticity maintain ho

Judge sigh karta hai: ye adalaat police ko aadesh deti hai ki Suraj ke account mein daale gaye paison ko trace kare aur is footage ki forensic jaanch aaj hi karwayi jaaye. Dono ke nateeje aane tak Mr. Arjun Rawte aur Miss Sakshi Anand dono ko solitary confinement mein rakha jaaye aur dono ke phone confiscate kar diye jaaye. The court is (tapping the hammer) adjourned till further notice.

Judge uthkar chala jaata hai. Arjun aur Sakshi dono ko police waale alag-alag kamro mein le jaate hai. Saxena ko kisi ko jawab na dena pade isliye chup-chap patli gali se sarak jaata hai aur Suraj ko bhi le jaata hai.

Shree: maine bola tha na...humare chief court room se baahar zaroor jaayenge.

Ayesha(irritated): paagal hai woh!

Woh log bhi room ke baahar jaate hai. Sameer baahar besabri se unka intezaar kar raha tha.

Sameer: Finally! Kaha the tum log? Jaldi nahi aa sakte the? Aur Ye Arjun aur Sakshi dono ko kyun police lekar gayi? Maine Arjun se baat karne ki bhi koshish ki lekin us inspector ne baat hi nahi karne di!

Ayesha(gusse mein): toh kisne bola tha aapko ghadi-ghadi uthkar chillane ke liye...us Judge ne aapko do baar warning di fir bhi aap shanti se nahi baith sakte the?

Sameer: are mera dost katgare mein khada tha aur main shaant rahu?

Chotu: sir, Arjun sir achese toh sambhal rahe the fir aapko tension lene ki kya zaroorat thi?

Shree: tension kaha le rahe tha sir? Woh toh bas Arjun sir ki batting dekh kar unhe stands se cheer kar rahe the, haina sir?

Dono haskar hi-fi lete hai. Sameer muh-banakar baith jaata hai.

Sameer: ab batao bhi ki kya hua?

Shree aur Chotu hasne mein busy hai. Ayesha abhi bhi gusse mein hai. ye dekhkar Liza hi use sab kuch explain karti hai.

At the end Sameer shock ho jaata hai: lekin ek baat samaj mein nahi aa rahi hai, ki Saxena humari madad kyun karne laga? Usne khud apni laayi hui footage kyun jhuti saabit ki? kya maksad ho sakta hai uske peeche?

Shree: par sir, Sakshi toh shock mein hi thi...aisa lagta nahi ki unki koi planning ho

Uski baat bhi sahi thi.

Sameer: khair, ab hume wait toh karna hi hai, lagta hai aaj nateeja aa jayega

Shree: of course aa jaayega sir, mujhe Arjun sir ki batting par pura bharosa hai, waise bhi Sakshi ki aadhi wickets down ho chuki hai aur sirf bowlers hi baakhi hai aur hum sab ye baat jaante hai ki bowlers (happily) tik nahi paate pitch par.

Dusri taraf-

Arjun ko ek room mein rakha hai. beech mein ek table aur chair hai. Arjun shaanti se baitha hai. do teen havaldaar us par nazar rakhe hai. uska phone un logon ne le liya hai par Arjun ko koi farak nahi padta, woh apne aap mein hi muskura raha hai.

Arjun mv "kaha tha na maine tumse Riya, aaj chut jaunga? Aur toh aur woh footage kaha se aayi woh bhi pata chal gaya. (woh time dekhta hai) ab pahunchne waali hogi na tum? Bas, tum bhi sahi-salamat waapis ghar aa jaana toh mera dahi shakar vasool ho jaayega. Thank goodness Sakshi ne kal raat ki baat nahi nikali warna fas sakta tha...nahi lekin call records nikaalte toh pata chal jaata ki usne mujhe phone kiya tha...naa ki maine use.

On the other hand-

Kushal Riya ko Pune pahunchata hai

Riya(impressed): maana padega aapki driving ko bhaiya, itni jaldi pahunch gaye

Kushal: woh sir kal hi bola tha ki aapko jaldi waapis le jau, ab jaldi jaane ke liye jaldi aana bhi padega na

Riya hasti hai: sahi hai...acha bhaiya Nanded ki taraf le lijiye waha kisi rickshaw stand ke paas rok dijiyega

Kushal: theek hai madam

Kushal uske instructions follow karta hai. woh nanded mein rickshaw stand se thodi dur par car park karta hai. Riya gehri saans leti hai aur fir apna scarf lekar use pehanti hai.

Riya: bhaiya, aap yahi rukiye. Main jitna ho sake utni jaldi waapis aaungi

Kushal: ji madam.

Riya darwaaza kholti hai: aur ha bhaiya, Arjun ko message kar dena

Kushal: ji madam, mujhe yaad hai.

Riya nod karke chali jaati hai. woh rickshaw stand se Chetan ke ghar ke liye rickshaw leti hai.

Kushal apna phone nikaal kar Arjun ko phone karta hai lekin koi uska phone receive nahi karta kyunki uska phone havaldaaron ke paas hai. Kushal ko lagta hai ki shayad woh busy hoga isliye ek message bhej deta hai. fir car se utarkar dickey kholta hai. koi aaspaas nahi hai ye dekhkar woh car ki number plates change kar deta hai. aur fir driver seat par baithkar Riya ka wait karta hai.

Riya Rakesh ke bataye hue address par pahunchti hai. woh driver ko paise dekar use chod deti hai. woh 14 number ke ghar ke paas jaati hai.

Riya mv "kaun kahega ki ye waiter ka ghar hai? kitne paise mile ise Harshit sir ko maarne ke liye?

Woh ghar ki steps par chadti hai aur apna scarf nikalkar pocket mein rakh deti hai. woh doorbell bajati hai. kuch pal baad ek admi darwaaza kholta hai.

Riya: Chetan?

Chetan: ji, aap kaun?

Riya ek fake ID dikhati hai: Income Tax Department! Aapse kuch baat karni hai.

Chetan apni ghabrahat control karne ki koshish karta hai: umm...ji...ayiye

Riya enter karti hai. woh sofa par baithti hai.

Riya: aap khade kyun hai? baithiye

Chetan: huh? Ji...main...woh...aap kuch lengi?

Riya: nahi, thank you

Chetan: o...okay.

Woh reluctantly Riya ke opposite side par baithta hai

Chetan: aapko...aapko mujhse kya baat karni hai?

Riya: ghabraiye mat, aap par koi raid nahi padne waali hai

Chetan nervously smile karta hai: uh...ji

Riya: Mr. Chetan kya haina ki humare paas Hotel Sea Castle ke maalik Mr. Oberoi ke khilaaf kuch proofs hai lekin woh kuch had tak circumstantial hai. isliye hum thode concrete proofs dhundh rahe hai taaki hum raid conduct kar sake.

Chetan: par...par isme main aapki kya madad kar sakta hun?

Riya: humare records ke mutabik aap waha kaam karte the

Chetan: ji...lekin...lekin maine toh woh Hotel chod...chod chuka hun, kaafi time ho gaya hai. yahi kuch do-dhai saal ho gaye honge

Riya: hume pata hai lekin aapne kaafi waqt tak waha kaam kiya isliye hume laga ki shayad aapke paas koi information hogi. aapne waha kuch ajeeb notice kiya ho ya fir koi aisa admi jo insignificant hone ke bavjud Mr. Oberoi ke kareeb ho?

Chetan(sochte hue): actually mujhe itna dhyaan nahi hai, main to sirf waiter tha

Riya: ha lekin iska matlab ye bhi hai ki aapko us jagah ke baare mein sab kuch pata hai. kabhi koyi unknown parcels ya kuch?

Chetan: nahi aisa toh kuch nahi hai.

Riya: theek se yaad kijiye, aapki koi bhi choti baat humari bahot badi madad kar sakti hai

Chetan sochne ki koshish karta hai.

Riya: Mr. Chetan, Oberoi ek bada khatarnaak admi hai. woh apne power aur paison ke dam par kuch bhi kar sakte hai. shayad aapko yaad hoga ki aapke hotel mein ek (uske expressions padhte hue) ACP ki maut ho gayi thi

Chetan ke paseene chutne lagte hai: ha...yaad hai

Riya: yaad toh hoga hi, woh ek bahot imandaar officer the, woh bhi Mr. Oberoi ke ek scandal investigate kar rahe the aur usi dauran unki maut ho gayi woh bhi usi Hotel mein jo us Oberoi ka hai.

Chetan: now that you mention it...I think mere paas, ek admi ki information hai.

Riya: kaun?

Chetan: woh admi...actually woh ek tempo driver tha. Hotel ke kitchen ke liye saaman laaya karta tha lekin...ek-do baar maine use Mr. Oberoi ke saath baat karte hue dekha tha

Riya: great! Kya aap mujhe de sakte hai?

Chetan: ji woh mere phone mein hai, main lekar aata hun

Riya nod karti hai. Chetan apna phone lene ke liye andar room mein chala jaata hai. Riya apna Khanjar nikalti hai. Harshit ke baare mein sunte hi uske chehre ke tote ud gaye the. Use pura yakeen ho gaya tha ki usine ACP Harshit ki jaan li hai. woh Chetan ke baahar aane ka wait karti hai lekin achanak main door khulta hai. woh swiftly turn hoti hai...Do gunde andar aate hai

Riya(shocked): kaun ho tum log?

Ek: hum toh aapse milne aaye hai madam

Isse pehle ki Riya kuch samaj paaye Chetan ek gun lekar baahar aata hai.

Chetan: Miss Riya Mukherjee (Riya ke hosh ud jaate hai) aapko kya laga ki main ek mamuli waiter hun jisne Raana ke liye ek ACP ki jaan li? (uski taraf badhte hue) nahi Riya, nahi...kya haina? Situation thodi ulti hai, Raana ke liye uske ek admi ne waiter ki naukri ki.

Riya apne Khanjar par grip tight karti hai: mujhe toh lag raha tha ki tumse kisi aur admi tak pahunchi par tum toh seedhe Raana ke bande nikle...itna bataya hai toh ye bhi bata do ki woh hai kaha

Chetan: kya akad hai tumhari...ye jaante hue ki tumhare upar pehle 10 laakh ka aur ab tumhare Imperial ko band karne ke baad 25 laakh ka inaam hai fir bhi maut ke muh mein chali aayi? Aur yaha khadi hokar mujhse zubaan lada rahi ho

Riya: 25 laakh? Itni keemat toh tumhe 4 ladkiyon ko bechkar bhi nahi milti hogi na?

Chetan: afsos, ha...nahi milta. Ladkiyon ki quality nahi hoti na aaj kal...par tum toh (haskar) tumhe saunp kar 25 laakh toh milenge hi upar se tumhari keemat...

Riya: I'm going to stop you over there, tumhe yaad hona chahiye ki us red light ko maine hi band karwaaya tha, tumhare us doctor ko bhi maine hi chakma diya tha, tumhare gunde hone ke bavjud main waha se bhaag gayi aur ETF ko tumhare peeche bhi maine hi lagaya hai, main yaha tak pahunch gayi fir bhi tum meri kabiliyat par shak kar rahe ho?

Chetan(sternly): main un namardon mein se nahi hu jo ek ladki se bhi zyaada bevkuf ho.

Ab tak baakhi dono bhi ne bhi Riya ko Peechese surround kar diya hai. Chetan uske aage hai...