Chapter 10

Dono ek dusre ko dekhte hai aur agle hi pal hasne lagte hai...

Riya: aap dono na, bas jhagadte raho, din bhar.

Arjun: are shuruwat humesha woh karta hai

Riya: aur khatam aap?

Arjun: ha toh? Obviously

Riya apna sar disbelief mein hilati hai: kuch nahi honewaala aap dono ka.

Arjun sofa par let kar, use apne upar kheenchta hai: are jaan, uska toh mujhe nahi pata lekin main nahi badalne waala ye tay hai, samjhi ya samjhau?

Riya: ha woh toh dikh hi raha hai, mujhe

Arjun: achi baat hai!

Woh uske cheek par kiss karke cuddle karta hai. Riya smile karti hai.

Riya: acha Arjun!

Arjun: hmm?

Riya: ab next date kab hai?

Arjun: kiski date jaan?

Riya: court ki

Arjun(sochte hue): dhyaan mein nahi hai

Riya use flat look deti hai: Arjun thoda toh khayal rakhiye

Arjun: are baba, puch lunga baadme. Waise bhi kal toh nahi hogi.

Riya: ha par aapko yaad haina ki aapko kya karna hai?

Arjun(confused): matlab?

Riya: oho! aapko apne aapko nirdosh saabit karna hai ki nahi?!?!

Arjun(tired): are ha woh bhi baakhi hai

Riya jhatke se seedhe baithti hai: Baakhi Hai Ka Kya Matlab Hai? What Is Wrong With You?

Arjun: are yaar, kuch nahi chodo na

Riya: nahi! Nahi chodungi main. Aapko pata hai woh footage maine khud check ki thi, aur Woh Sach Mein Asli Hai!!!

Arjun(disappointed): tumhe bhi mujh par shak ho raha hai

Riya ki irritation alag hi level par jaati hai. woh mutthi kas leti hai aur gusse mein apna Khanjar nikal kar seedhe Arjun ke gale par lagati hai

Riya: Arjun! Ek Aur Faltu Comment Maar Haina Aapne, Kasam Se!! Main Khud Aapka Murder Kar Dungi!!! SAMJHE YA SAMJHAU?!?!?

Arjun ke hosh ud jaate hai: sa...samaj...samaj gaya jaan...ma...main toh...si...sirf (chaku ko dekhkar) chaku hatao na please.

Riya bhi realize karti hai ki usne kya kiya. Woh embarrassed hokar chaku hatati hai: sorry

Arjun cautiously seedhe baithta hai mv "baap re! ye ladki do saal mein itna badal gayi hai ya fir maine kabhi us par dhyaan hi nahi diya?

Riya(irritated): ye sab aapki galti hai! maine kaha tha na bhaag jaate hai

Arjun : Riyu...sweet heart, agar main bhaag jaata toh unhe yakeen ho jaata na. hum policewale bhi toh isi basis par kitne gunehgaaron ko pakadte hai, haina?

Riya(sadly): par aap toh waise bhi fas gaye

Arjun smile karke use hug karta hai: mujhe kuch nahi hoga, Riya itni chinta mat karo

Riya: ise toh behtar aap bhaag jaate, fir ek sting operation kar lete toh kaam ho jaata na?

Arjun(taken aback): you know what? ( Riya use questioningly dekhti hai) you are absolutely right. Ye baat tumne mujhe pehle kyun nahi batayi? Main usi waqt tumhare saath bhaag jaata.

Riya use glare karti hai: aapko sabut dekhne ka itna shauk tha toh main kya karti?

Arjun(defensively): acha sorry, maine tumhari baat nahi maani par main tumse waada karta hun ki agli hearing mein chut jaunga, okay? Mv "agar nahi chuta, toh ETF Raana ka peecha kaise karegi?

Riya: pakka?

Arjun(smiling): pakka!

Riya smile karti hai.

ETF office-

Phone rakhne ke baad, Rathore aur baakhi sab conference room mein jaate hai. tabhi unhe waha Sakshi milti hai. woh samaj jaata hai ki shayad isi wajah se Arjun ne apni gun submit ki. Sab Sakshi se chide hue hai lekin use koi farak nahi pad raha. Woh sirf apna kaam kar rahi hai. sabki nazar mehsoos karke woh apna sar utathi hai.

Sakshi: are tum log kaha the? Subah-subah kaha gayab ho gaye the?

Rathore(angrily): yaha par sab kaam karne ke liye aate hai Miss Anand tumhari tarah jhoote ilzaam lagane ke liye nahi.

Sakshi ka bahot man hua ki use sunaye lekin agar usne kuch bhi ulta seedha kaha aur court mein uske khilaaf istemaal ho gaya toh? Isliye woh naatak karti hai.

Sakshi: Sameer, maine koyi jhoota ilzaam nahi lagaya (rone ka naatak karte hue) tum toh ETF ke chief ho, agar tum apni hi team member ko insaaf nahi dilaoge toh kaise chalega?

Ayesha: Apne Magarmach Ke Aansu Band Karo! Hum Sab Jaante Hai Ki Us Din Kya Hua Tha!! Agar Arjun Sir Ki Jagah Main Hoti Na Toh Usi Din Tumhari Khabar Le Leti. Yaha Aayi Ho Toh Chup Chap Ek Kone Mein Baithkar Kaam Karo Warna Dafa Ho Jao Samjhi!!!

Sab uske outburst se shock hote hai. Ayesha us par bhadak kar baahar chali jaati hai. ek-ek karke sab use follow karte hai. Ayesha Sameer ke cabin mein chali jaati hai aur usiki seat par baith jaati hai. Baakhi sab enter karte hai aur use Sameer ke chair par baitha hua dekhkar choukte hai including Sameer. Upar se Ayesha itni gusse mein hai, ki Sameer use kuch keh bhi nahi sakta isliye baakhi teeno ke saath chup-chap khada rehta hai.

Sameer: Ayesha relax!

Ayesha use glare karti hai. Sameer chup ho jaata hai.

Shree Liza aur Chotu ko whisper karta hai: dekh liya Lizard, pata chal gaya ki ghar par boss kaun hai.

Dono giggle karte hai. Sameer unhe dekh kar ghurta hai. teeno chup ho jaate hai.

Ayesha: unhe ghurna band kijiye aur us Sakshi ko yaha se nikaliye!!

Sameer sigh karta hai: agar aisa ho sakta toh Arjun ke use baahar nikaalne ke baad woh waapis office mein nahi aayi hoti Ayesha, Arjun ke nikalne ke agle hi din woh waapis ETF aa gayi thi

Ayesha(irritated): kisi kaam ke nahi hai aap!!

Rathore use offended look deta hai. teeno apni hasi chupane ki koshish karte hai lekin Ayesha sabko ignore kar rahi hai.

Ayesha: Shree! Chotu! Us Jayant aur uske chamcho ko seedha karo! Pata karo ki unka boss kaun hai, kaha hai, aur kya karta hai! Liza! Un saari laashon mein se drugs nikalo aur estimate batao, Sameer! Aap aur main jaakar Arjun sir ko unki gun dekar aayenge.

Rathore(taken aback): what? Ayesha tum sabko is tarah orders kya de rahi ho tum...

Ayesha: aapke paas better option hain? (Sameer kuch bole usse pehle hi) nahi na? toh jaisa kehti hun waisa kijiye! (teeno ko dekhkar) tum log kya khade ho? Jao jaakar kaam karo!!

Teeno hadbadahat mein cabin se bhaag jaate hai. Ayesha Sameer ki chair se uthti hai.

Ayesha: chaliye!

Rathore uska haath pakadkar use apni taraf kheenchta hai: Ayesha ye sab kya hai?

Ayesha: Sameer aapko ek hi baat baar-baar kyun samjhani padti hai mujhe? Maine kaha na ek baar. Ab chaliye Arjun sir ko unki gun dekar aate hai.

Sameer: lekin...

Ayesha: chalo! Aur nikal jaati hai

Sameer aur confuse hota hai: yaar chal kya raha hai iske dimag mein? Ye dono devar-bhabhi kahi Kumbh ke mele mein bichde hue bhai-behen toh nahi? Aur ye ek gun dene ke liye do logon ko jaane ki kya zaroorat hai?

Par woh bhi kya kar sakta hai? chup-chap Ayesha ko follow karta hai. Ayesha gaadi ke paas wait kar rahi hai. use dekhkar passenger seat par baithti hai. Rathore sigh karke driver seat par baithta hai aur drive karna shuru karta hai.

Rathore: Ayesh, ye sab kya hai? kuch toh batao

Ayesha: jitna kaha utna kijiye na, kitne sawaal kar rahe hai aap?

Rathore use glare karta hai: aur tum ek ka bhi jawab nahi de rahi ho!!!

Ayesha: jab ho jaayega toh saare jawab apne aap hi mil jaayenge, ab shaanti se gaadi chalaiye aur Arjun sir ke ghar chaliye

Rathore disbelief mein sar hilata hai: waha jaakar kuch nahi hoga

Ayesha: kyun?

Rathore: kyunki Arjun mujhe apne ghar mein ghusne bhi nahi deta

Ayesha: ha toh aapki hi galti hai, kya zaroorat thi aapko emotionally hyper hokar unki hi biwi ka katl ka ilzaam un par lagane ki? Tumhari laparwahi ki wajah se Roshni ki jaan gayi hai...my foot! Kabhi dekha unhe laparwah hote? Aur aap hai ki...huh!

Rathore(low voice): main usse hazar baar maafi maang chuka hun

Ayesha calmly explain karti hai: 5 saal ke zakhm 5 mahine mein nahi bhare jaate Sameer, sirf aapke maafi mangne se kuch nahi hoga, sochiye us waqt un par kya beeti hogi? unka aapke ilawa aur koi nahi tha. Jitna dukh parayo ke ghaav se nahi hota usse kayi zyaada apno ke muh ferne se hota hai. aapko sirf unse maafi nahi maangni unhe firse ehsaas dilana hoga ki aap dono ki dosti abhi bhi baakhi hai. aur waise bhi woh bhale hi aapko na ghusne de lekin mujhe kabhi mana nahi karenge.

Rathore sigh karke driving par concentrate karta hai. woh aur koyi sawaal nahi karta hai Ayesha ke kahe hue shabd uske dimag mein ghum rahe hai. kuch der baad woh Arjun ke ghar par pahunchte hai.

Andar-

Arjun ka sar Riya ki god mein hai. usne dono haathon se Riya ka haath pakda hua hai aur uski ungliyon ke saath khel raha hai. dono chain se baithkar baatein kar rahe hai. tabhi doorbell bajti hai aur dono ko irritate karti hai.

Riya: Arjun, kisi sarkari daftar mein itni arziyaan bhi nahi aati hongi jitni aapke ghar mein ghanti bajti hai

Arjun: main bhi wahi soch raha hun...(darwaaze ko dekhkar)shit yaar! Uthna padega?

Riya: obviously, main toh darwaaza khol nahi sakti na?

Arjun: hmm...woh uske haath ko hug karta hai, chodo na. waise bhi koi kaam ka nahi hoga...jaane do

Riya(amused): Arjun darwaaza toh kholiye

Arjun: umm...nahi. Uske liye mujhe tumhe chodna padega. Aur uske palm ko kiss karta hai.

Baahar-

Sameer aur Ayesha confuse hote hai. Sameer firse bell bajata hai.

Andar-

Riya: dekhiye firse baji

Arjun: bajne do! Kab tak bajayega? Thak kar chala jaayega.

Riya disbelief mein sar hilati hai. tabhi Arjun ka phone bajne lagta hai.

Riya: ab phone toh uthaiye

Arjun free haath se table par pada phone utatha mv "kya musibat hai?

Arjun(surprised): Ayesha? (call pick karke) ha Ayesha bolo

Ayesha: sir aap kaha ho?

Arjun: ghar par bhabhi aur kaha?

Ayesha(confused): toh aap darwaaza kyun nahi khol rahe hai?

Arjun Riya ko choukate hue jhatke se seedhe baithta hai: tum? Tum ghar ke baahar ho?

Riya ki aankhein bhi badi hoti hai.

Ayesha: ha...kabse bell baja rahi hun par aap darwaaza nahi khol rahe

Arjun: ha woh main zara, washroom mein tha. Kholta hun.

Ayesha: ok

Call disconnect...