Ok - So after a special request to write down feelings for Maan, I was in a dillemma because even though I utterly love Maan and at times feel as if I understand him more than Geet, but when it comes to expressing feelings ' I tend to lack the ability to voice it.
I would think this would be based around the time when Maan tells that he needs 1 hour to put all right and this is his "aakhri vada" to Geet!!!
Geet, ek awaaz joh mere kaaano mein goonj ti hai, jisne mujhe jeena sikhaya, jis ki wajah se main ek jaanwar se insaan bangaya ' jis ki wajah se maine sab se rishte chod diye aur sirf ek ko sab kuch hawale kar diya ' jis se main bohut ' bohut ' bohut pyar karta hoon ' jiske bina har pal jeena mushkil hojaye ga yeh maine kabhi nahi socha tha ' par Geet zindagi mein sab kuch ahsaan nahi hota aur yeh tumse behtar kaun jaanta hai ' itni si umaar mein itna kuch sehne ge baad tum phir bhi apne chulbulle pan ka saath nahi choda tumne ' par main yeh nahi kar sakta, main tumhare bina nahi jee sakta Geet , par main tumhare shak ke saath bhi nahi reh sakta is liye aaj maine HUMARE liye ek faisla liya hai ' jaanta hoon aj tak iss rishte main yeh haq sirf tumhara tha ' lekin jab baat haath se nikal jaati hai to koi na koi faisla karna hi padta hai ' aur aaj apne dil pe pathar rakhte hui ' tumhari khushi ke liye aur ache bhavishye ke liye yeh toh mujhe karna hi hoga.
Kuch ehsaas hote hi ehse hai , jitna rokh na chahain ' rukte hi nahi par iss se pehle ke voh humpe haafi hojain humko kuch ehsaason pe rokh lagani padti hai ' main tumhe batana chahta hoon un sab ehsaason ke baare main jo maine tumhare hone se mehsoos kiye hai ' shayad inn mein tumhe meri sachayi dikhayi ' itna toh haq hai tumhara mujhpe.
Kuch Ehsaas ' uske naam
Tumhare liye hai mere saanson ka chalna, tum nahi toh in saanson ka koi mahetva nahi. Meri har saans mein baasi ho sirf tum, kyunki tumse hi toh meri pehchaan hai, har pal mein tumhari yaad mujhe sataye. Har din main sirf tumhe dhoond ta hoon, har aks mein tumhein payoon, har koi mujhse pooche ke tum ho kaun aur main sirf yahi kahoon; tum ho mere har ang mein, mere har mord pe mere liye haath badhakar mujhe uss har dukh se bachate hue, apni bevakoofiyon se parishaan karte hue, apne paas kheech ti rehti ho.
Tum ho mere dil ki awaaz, woh awaaz jisse sunkar main madhosh ho jata hoon, apni har baat ko bhoolte hui peeche chod doon aur sirf tumhare saat apni poori zindagi ki chabbhi tumhare haaton mein rakhte hui apni jaan ko tumhare naam karte hui khud ko hi bhool jata hoon aur tumhare sang humesha ke liye sirf tumhara bankar reh jaoon.
Aise ehsaas ko kaise bayaan karoon? Kaise tumhe yakeen dilaaoon ke ye dil sirf tumhare liye bana hai aur sirf tumhare naam se hi chalna seekha hai aur dhadakta bhi sirf tumhare liye hai? jiss din ye dil bandh hoga, uss din main samajaoonga ke tum mere paas ho kyunki jiss din main aur tum HUM bankar milenge, uss din ye dil itni khushi shayad bardaasht na kar paye aur khushi khushi tumhari baahon mein apni himmat thod de - kyunki usse apni manzil mil jayegi.....tumhara apnapan aur pyar.
Uss din, humare pyar ki sahi maane mein jeet hogi kyunki log to apni poori zindagi sirf uss ek insaan ke saat rahene ki dua karte hai jisse woh pyar karte hai, par mujhe sirf uss din ka intezaar hai, jab tumhe ye ehsaas ho jaye ke humara milne koi ittefaq nahi balke upar se likha hua farmaan hai, humara sanjog hai, humare haaton ki har un likhiron mein, aur kismet mein saaf saaf likha hua hai. Shayad issiliye woh taviz har baar mujhe tumse jodta rehta hai - uss din humare pyar is shuruwat nahi, balke humare pyar ki amar kahaani ke ek sirha ka, ek panne ka aanth shuru hoga, par tum udhaas mat hona, mujhe yaad rakhna, kyunki agle janam mein - hum phir milenge, hamari kahaani phir se shuru hogi, vahin se jahaan pe kuch palon ke liye sab kuch thum sa gaya hai- shayad uss baar tumhe mere pyar par aur mujhe pe bharosa hoga. Humari kahaani phir se dohrayi jayegi lekin tub hamara saat rehna sirf iss baat pe nibhar rakhta hai, ke iss janam mein - kya tum mujhe maaf kar sakogi, na chahte hue bhi, kahin na kahin jo tumhare saat hua ' uss mein meri bhi glati hai ' agar maine uss waqt pyar ka raasta apnaaya hota apno ko sahi raaste pe laane ke liye toh shayad tumhari nazuk si zindagi mein woh toofan na aya hota 'par kahin na kahin uss bhayankar toofan ki vajah se humara milna chuda hua hai aur aaj jab tumhe meri sabse zaada zaroorat hai, main nahi reh sakte tumhare paas par kya tum mujhe maaf karogi tumhein aise mod pe chod kar jaane ke liye?
Jaane ka mann toh nahi hai, lekin humara saat shayad yaheen tak likha hai, par tum fikar mat karo, kabhi meri yaad aye, yaan kabhi meri kamii mehsoos ho aur meri zaroorat pare toh ek baar dil se mujhe pukar na....tumhare samne toh shayad na aa paoon, magar jab woh dil dhadakte hui tez hojaye toh samajh jaana ke tumhare dil ke saat meri neeshanni - mera dil bhi shamil hai.
Main tumse kabhi bhi door nahi hosakta kyunki main sirf tumse hoon aur jab tak tum ho tab tak mera wajood hai - akhir mohabbat ki hai tumse, kaise bataoon, in saanson mein baasi ho sirf tum aur kissi ke liye koi jagah nahi. Tum se hai meri jaan, tumhare naam se hai mere saanse aur is dil ka dhadkhna, tum nahi toh kuch bhi nahi
Mujhe Galat mat samajna Geet ' maine kabhi tumhe dukhi karne liye kuch nahi kiya ' main toh tumhare saat har kadam par tumhare saat chalna chahta tha ' uss har mushkil ka saamna karna chahta tha jo tumhe choohne ki koshish kare ' tumhari khushi ke liye main kuch bhi kar sakta hoon- aur ab jab humari kahani is mod pe aake atak gayi hai, mujhe ehsaas hua ke itne dinon se jo baat main apna zubaan pe lane se katra raha tha, woh shayad mujhe tumhe pehle hi bata deni chahiye thi:
Geet, tumhe meri madat ki zaroorat nahi ' balke mujhe tumhari zaroorat hai har mod pe humesha!
Do comment and press "like" if you feel I deserve it!!!
And yess for those who want to read Geet ke dil ka haal; the link is here:
comment:
p_commentcount