Chapter 3
_________________________________________________________________________________________________________________
Kaka: "Malhar, chalo aao nashta karlo…"
Malhar: "Aap log shuru kar dijiye… mera mann nahi hai or vaise bhi mujhe nayi lead mili hai shivam ke khilaaf… uss ko pakar lu to shayad Kalyani ka pata lag jaaye…"
Kaka ke chehre pe maayusi cchha jaati hai. Khudko sambhalna har din unke liye mushkil ho raha hai. Anupriya aur Malhar ki haalat dekhi nahi jaati unse. Dono ne ek aisi ummeed bandh ke rakhi hai, jisko haqeeqat me badalna shayaad namumkin hai. Leken khudko sambhal na parega unhe. Apni patni aur apne bete se bhi barkar bhatije ke liye. Ek gahri saas lekar wo malhar ke paas jaate hai aur uske kandhe par haat rakhte hai,
"Malhar… shayad kalyani…"
"Nahi kaka! WO.. Zinda .. HAI….Meri biwi zinda hai.."
"Leken Malhar kaise?... Dekho Malhar mai jaanta hu tumpe kya beet rahi hai… Mai khud itne din iss sacchai se mu pher raha tha… Leken Malhar ek na ek din to hume iss sacchai ka saamna karna parega na… ki Kalyani ab iss duniya me nahi…"
Malhar ekdum se cheekh uthta hai
"BAS KAKA! Aaj bol diya aapne, aage mat boliyega…"
Kuch der baad dono haat jorke Saarthak ke saamne bolta hai
" Mujhe maaf Kar dijiye Kaka… mujhe pata hai ki aap mere bhale ke liye bol rahe hai… leken mai aapko kaise samjhaau… Chahe jitne gava jitne saboot kehde ki kalyani ab… mera dil… mera dil kehta hai ki uske saasein abhi bhi chaal rahi hai. Wo zinda hai, bas mera intezaar kar rahi haiki mai usse kab dhoond lunga or usse ghar vapas le aayunga… humara raabta hi kuch aisa hai… Mujhe mahsoos hoti hai uski dharkan… wo chahein jaha pe ho… leken zinda hai, aur uss tak pohchayega mujhe Rajhu ka bhai Shivam."
"Leken Malhar maine apni khudki aankhon se usse uss din Raghu pandit ki ghar ke andar jaate huye dekha… aur agle hi pal wo ghar jal ke raakh ho gaya tha… samajh ne ki koshish karo malhar.."
"Aap samajh ne ki koshish kijiye kaka, agar kalyani uss aag me phas jaati to uski laash milti hume waha… kuch to milta… Chhe mahino uss jaga ki har cheez ki lab me DNA test karwa raha hoon… Itne dino kuch nahi mila… Aaj final sample ki report aane vaali hai… aur mujhe pura bharosa hai ki ussme bhi kuch nahi milega….
Meri Kalyani zinda hai…"
______________________________________________________________________________________________________
Next Chapter: Chapter 4 : Post 2 page 1
comment:
p_commentcount