Kalma FF : Laut Aao (A Tujhse Hai Raabta fanfiction) : Chapter 2

Share
Posted: 12 days ago

Chapter 2

_____________________________________________________________________________________________________________

Ahilya Nivas… Jaha har roz chahal pahal lagi rahti thi aaj wo ahilya nivas shaant hai. Aisa nahi hai ki ghar pe koi nahi hai. Ghar pe sab hai. Leken iss ghar ki jaan khamosh hai. Jo iss ghar me jaan daalne wali thi who to hai hi nahi. To ghar bhi bas ek makaan ban ke rah gaya. Aisa lagta hai ki ghar bhi mayus hai. Ghar ki har sadasya ki tarah yeh ghar bhi kisiki kami mehsoo karti hai. Isliye itni khamosh hai.

Ek kaali rang ki gaari Ahilya nivas ke saamne rukti hai. Gaari me se kaka aur Malhar nikalte hain. Malhar ka chehra utra hua hai. Uss vakt ghar ke andar se kuch girne ki Awaaz aati hai aur Atharv bhaagta hua aata hai andar se chillate chillate,

"Baba Aii ko le kar aagaye, Baba Aii ko le kar aa Gaye, yaaaayyyy!"

Wo bahar aakar gari ke andar dekhta hai, aur pichle chhe mahino ke har Din ki tarah Aaj bhi Atharv Niraash ho jata hai. Kuch Kehta nahi hai. Bas mayuusi bhari chehre ko leekar ghar wapas jaa raha hota hai tabhi Moksh bhi bahar aa Jata hai.

"Athu Bhaiya Aai ayi kya?"

" Nahi Bhadu…" phir ruk ke ek pyari si muskan deke bolta hai "leken tu chinta mat kar bhadu, Baba hai na… Baba duniya ke best policewala hai, Superman hai Superman! Tu dekhna Ek din wo aai ko dhundke zaroor layenge… tu tension mat le… Chal kanche khel te hai"

Moksh aur Atharv isi umeed ke saath andar chale jaate hai. Leken unki umeed aur vishwas dekh kar Pas khare huye Malhar ji roo dete hai…

"Kya Karu mai Kaka? Kitni Umeed hai in dono ko mujhpar… Kalyani ki tarah… leken ek main hu jo kisiki bhi umeed pe khara nahi utar paa raha hoo…"

Kaka Malhar ke kandhe par hat rakhte hai, dil unka bhi dukh raha hai

" Sab Theek ho jayega Malhar, sab theek ho jayega"

Phir mann hi mann bolte hai "Kash Kalyani yaha hoti".

Kitni ajeeb baat hain na. Zindagi kaise ek pal me badal se jaati hai. Kuch to iss badalti hawaa ke saath badal jaate hai, zindagi me aage bar jaate hai. Leken uch logo ki zindagi wohi tham si jaati hai. Shayad jo badlav aaya hai wo unhe manzoor hi nahi tha. Uski sachhai manne se bhi wo katrate hai. Malhar aur baaki sabka ek hi haal tha. Aaj bhi subha uthke malhar ji apni bistar ke dayne taraf murkar Aankhen khol te hai... Subha sabse pehle kalyani ka chehra jo dekhte the. Aaj kaise bhul jaate. Leken farak sirf itna hai tanhai ki siva aur kuch nazar nahi aata..

Uss din bhi Malhar ji ne dayne taraf murkar aankh kholi thi, Kalyani ka chehra dekhkar apni din ki shuruaat ki thi. Kalyani Bohot khubsoorat lag rahi thi. Chehre pe ek sukoon tha. Khush thi wo. Malhar ji bhi kush the. Kash ussdin lamha wohi tham jaata. Kash kuch aur der malhar ji wohi par ruk jaate... Use dekhte... usse thora aur pyar karte... Ahat mahsoos karte apne... apne hone vale bachhe ki. Pachwa mahina chal raha tha. Ek guriya aane vaali thi. Naam bhi socha tha... Gudiya. Gudiya ki aane ki khushi me pura ghar saja hua tha... Khushiyon ki ek kiran thi gudiya... Moksh aur atharv bohot excited the. Aree behen ka bhai banne vaale the. Wo dono to gudiya ka kamra bhi saja rahe the... ek umeed thi khushiyon ki Gudiya... Leken uss din ka wo hadsaa saree umeed saari khushi chheen ke le gaya.

Malhar ka seena jal ne lagta hai aur aankhe nam hone lagta hai. Uss din jeene ki ek nahi, do do vaja kho di thi Malhar ne. Ek apna bepannah Mohabbat, dusra wo jo paida hone se pehle hi unki duniya ban gayi thi.

Aaj chhe mahine gyara din huye hai... ek ek din saalo ki barabar kata hai. Sirf Malhar ke liye nahi, sab ke liye. Moksh ke liye, Mai ke liye, atharv ke liye, kaka ke liye, … sab ke liye. Agar ye sab nahi hote to shayad Malhar jo jeene ki himmat nahi hoti Kalyani ke bina. Haa, itna pyar karta hai wo. Apni jaan se bhi zyada. Leken shayad sahi se jataya nahi, varna aaj kalyani yaha pe hoti.

Malhar ji ne shayad kabhi socha nahi hoga ki wo saat saal pehle mitti se dhaki hui badtameez satara saal ki larki unki zindagi ki vajood bann jayegi. Kitna sab kuch ho gaya na tab se le kar aaj tak. Pehle sampada ne dhoka dia. Uss dhoke ne malhar ji ko andar se tod diya tha… zindagi se insaano se aur khaas kar ke aurato se vishwaas uth gaya tha. Ausaheb ke kahne par, moksh ki chinta karke aur Gussa aur badle ki aar me aaki Malhar ji ne Kalyani se shaadi karli. Samjhote ka bandhan Galatfalmike aag me roz jhulaz ta tha. Leken Kalyani ne puri imaandari se rishta nibhaya, Malhar ji ki gile shikwe bhi mitne lage. Ek dusre ko samajh ne lage. Aur pyar hone laga. Leken musafir abhi bhi manzilse door tha. Raste me bohot rukawate aayii. Leken har pariksha paar karke in dono ka rishta aur mazboot ho gaya. Malhar ji phirse muskurane lage, khush rahne lage the. Viswaas karne lage. Kalyani unki dard bhari zindagi ko phoolo ka sej bana dia. Ek dusre ko himmat dete the, ek dusre ki taqat ban gaye the. Malhar ji ne uske baad zindagi me bohot dhoke khaayi, leken unki har dard ka marham banke kalyani humesha unke paas khari rahi. Khas kar jab Malhar ji ka khud ka paarivaar jo saalo baad lauta tha khushiyon ki bhes me unhe dhoka de rahi thi. Har mushkil me humesha ek dusre ke dhaal ban ke rahe sirf ... uss din malhar ji se chuk ho gayi... aur kho dia apni Kalyani ko...

__________________________________________________________________________________________________________

Edited by Angelspearl_thr - 12 days ago
Posted: 12 days ago

Nice

You can post second chapter in the first chapter post only below first chapter as reply 

so FF will be intact and at one place

you can make index also

Just a suggestion 

Posted: 12 days ago

I was thinking about individually posting each chapter and then making an index post... is it a bad idea?

oh, wait.... how about I make an index on every post like you said... I'm honestly confused

Posted: 12 days ago

Originally posted by Angelspearl_thr


I was thinking about individually posting each chapter and then making an index post... is it a bad idea?

oh, wait.... how about I make an index on every post like you said... I'm honestly confused

As you wish

generally we all post chapters in one post only

and index on first page of FF

This way all chapters are at one place

but if you want to post it individually 

you can

Posted: 12 days ago

I just realized i cant put links since Im a newbie ... is there anyhow else i can create indexes?

Posted: 12 days ago

Originally posted by Angelspearl_thr


I just realized i cant put links since Im a newbie ... is there anyhow else i can create indexes?

Just write

Post 1 - chapter 1 page 1

Post 3 - chapter 2 page 1

like this

https://www.indiaforums.com/forum/post/150066397

check this as example how to construct FF on IF

Posted: 12 days ago

I assume the page numbers are of my posts dashboard

So basically I have to keep updating it as I go?

Posted: 12 days ago

Originally posted by Angelspearl_thr


I assume the page numbers are of my posts dashboard

So basically I have to keep updating it as I go?

Yes

page nos of your post only

yes you have to keep updating

and once you are groupbie

you can put links


Sehban Azim Reem Sheikh Tujhse Hai Raabta 


Related Topics

Topics Author Replies Views Last Post Reply
Angelspearl_thr 7 257 11 days ago Angelspearl_thr
Angelspearl_thr 14 393 9 days ago Priyapriyu
altgr 333 14604 6 hours ago sas79
SehZaan ka Raabta!! 💕

asmitasb   35   3196

asmitasb 35 3196 4 days ago Bacillusbadius
Tujhse Hai Raabta Frustration Thread

linakusharberry   430   26672

linakusharberry 430 26672 8 days ago Hasnuhh19

Topic Info

  • 10 Replies
  • 246Views

Topic started by Angelspearl_thr

Last replied by Angelspearl_thr

FORUM QUICK JUMP

TOP