Date : March 3, 2016
To,
Shawar and Marcela,
Contestants,
"Power Couple"
Dear Shawar and Marcela,
Meri aapse koi personal dushmani nahin hai, lekin aap logon ne jo kaarnama pichle hafte kiya hai, us se mere jaise kuch fans ko behad gussa aya hai, aur isi wajah se main yeh letter aapko likhne ke liye majbooe hoon.
Main pehle hi clear kar deta hoon ki mera yeh letter likhne ka maqsad aap dono ke upar koi personal attack karne ka nahin hai. Balki aap logon ko aapki galti ka ehsaas dilana hai.
Main Power Couple regularly nahin dekhta hoon lekin pichle kuch episodes mein main yeh dekh raha hoon ki aap lagatar Aamir aur Sanjeeda se berukhi aur nafrat ka rawaiya apna rahe hai. Just because ki ek episode mein unhone ne aap logon ko baahar ka raasta dikhwaya tha, aur kyunki Sohail Khan ne aap logon ko bachaya, aapke andar Aamir ke liye nafrat paida ho gayi aur aapne unke khilaf game khelna shuru kar diya.
Ek episode mein to aap aur Aamir ek dusre se almost ladaai karne ke mood mein they, lekin ayen waqt mein Arbaaz beech mein aa gaye aur aap dono ko ladne se rok liya. Itna hi nahin, unhone aap donon ke beech sulah bhi karwa di. Maine bhi tab soch liya tha ki chalo theek hai, ab sab normal hai. Lekin mujhe kya pata tha ki aap ke man mein kuch aur hi chal raha tha! Aur mujhe iski dastak tab sunai di jab maine pichle hafte ka episode dekha.
Last episode mein couple test mein Aamir aur Sanjeeda fail rahe lekin aap dono pass ho gaye. Aur jaise hi Arbaaz ne aap logon ko kisi do couples ko safe karne ki zimmedari saunpi, to aap phir se apni purani badle ki bhawna taazi kar di. Aur usi badle ki bhawna se aapne Aaamir aur Sanjeeda Jaise ek deserving couple ko game se baahar nikal diya.
Mujhe pata nahin aapki is decision ke liye main aapke saath kya karoon. Aaapki tareef karoon ya tiraskar karoon. Lekin aapse poochoonga zaroor - ITNI BHI KYA DUSHMANI THI SHAWAR AAPKI AAMIR SE KI AAPNE BADLA LENE KA SOCHA? Sirf isliye kyunki ek episode mein unhone aapki jagah Vindu ko safe kiya? "Hisaab Barabar" karne ke liye aap itne neeche gir gaye ki sahi aur galat kaa farq hi bhool gaye aap? Aapko aazadi (ya kehna chahiye, privilege) mili thi to is tareeke se aap uska galat faayda uthaoge yeh maine expect nahin kiya tha.
Maana ki Aaamir ne galti kari hai. Par aapne kaunsa sahi kiya? Aap chahte to Aamir se baat kar sakte the, aur job hi galatfehmiyaan aap dono ke beech thi unhein clear kar sakte they. Lekin nahi, aapne ek pre-planned tareeke se unhein baahar nikala. This is totally unfair. Durbhagyapurn!
Main aapko itni hi salaah doonga (meri halanki aaukaat nahi aisa karne ki) ki allah kare agar aap jeete, to jeet ke jashn mein itna mashroof mat ho jaaiye ki doosron ko neecha dikhane ki naubat aa jaye. Ho sake to Aamir se baat kijiyega aur unse apni ore se sulah kar lijiyega. Aapko mili ek aazaadi ya privilege ka kabhi galt faayda uthakr doosron ko chot mat pahunchaiye. Warna ek din aapko bahut pachhtawa hoga, phir khuda bhi aapki madat nahi karegi.
Aaapki sadbuddhi ki kaamna karte huye,
Souwrit Ray,
Kolkata.
comment:
p_commentcount