*OS Pehli Barish*
15th july 2013..
Pehli barish... iske apnapan ka ehsaas ... dil ko sakun dene wala ehsaas sabse alag hota hai...
Pehli barish... iski mitti ki khusbu ka ehsaas... usme bheegne ka ehsaas..sabse alag hota hai..
Pehli barish... ka ehsaas... kuch khaas hota hai... zindagi mein ek nayapan lata hai...
Pehli barish-iski bundo ka ehsaas apni saanso mein... kuch alag hota hai...
Aisa ehsaas jisse zindagi bhar ke liye har koi thamna chahta hai...
Kuch aisa hi ehsaas mehsus hua tha.. jab usse pehli baar dekha tha...
Vo saal ki pehli barish thi.. usse pehli baar dekha tha... barish mein bheegte hue..
Kuch aisa hi mehsus hua tha...
Uss ehsaas ko zindagi bhar ke liye thamna chahta tha.. chahta tha ki hamesha uske sath rahu...
Uski aankho ki chamak... barish ki bundo ki tarah thi.. jis mein dubna chahta hu...
Uski khusbhu uss gili mitti ki tarah thi.. jise apne mein basana chahta hu...
Uski hassi ki khanak uss tarah jaise tez barish ki aawaz... usse hamesha sunna chahta hu..
Kuch aisi hi kashish thi usme jo mujhe uski aur khiche ja rahi thi...
pata nahi kyu nahi rok paya apne aap ko uske kareeb jane se...
Uss ehsaas ko aaj bhi mehsus karta hu...
Uss ehsaas ki khusbu aaj bhi mehsus karta hu..
Uss ehsaas ke apnepan ko aaj bhi mehsus karta hu...