Shayri ( My Collection) - Page 2

First Previous

page

Next Last

Frequent Posters

Hussain

@.Hussain.

IF-Stunnerz

Posted: 11 years ago

Zindagi Jab Bhi Teri Bazm Main Lati Hai Hamein

Ye Zameen Chand Se Behtar Nazar Ati Hai Hamein

Surkh Phoolon Se Mehak Uthti Hain Dil Ki Raahein
Din Dhalay Yun Teri Awaz Bulati Hai Hamein
Yad Teri Kabhi Dastak Kabhi Sargoshi Se
Raat Ke Pichlay Pehar Roz Jagati Hai Hamein
Har Mulaqat Ka Anjaam Judayi Kyun Hai
Ab To Har Waqt Yahi Bat Satati Hai Hamein...!!!

Quote

Hussain

@.Hussain.

IF-Stunnerz

Posted: 11 years ago

Shola Tha Jal Bujha Hoon, Hawayein Mujhay Na Do

Main Kab Ka Ja Chuka Hoon Sadayein Mujhay Na Do

Jo Zehar Pi Chuka Hoon Tum Hi Ne Mujhay Diya
Ab Tum To Zindagi Ki Duayein Mujhay Na Do
Aisa Kabhi Na Ho Ke Palat Kar Na Aa Sakun
Har Bar Door Ja Ke Sadayein Mujhay Na Do
Kab Mujhko Aitraaf-E-Mohabbat Na Tha 'Faraz'
Kab Mainay Ye Kaha Tha Sazayein Mujhay Na Do...!!!

Quote

Hussain

@.Hussain.

IF-Stunnerz

Posted: 11 years ago

Ku-Ba-Ku Phail Gayi Bat Shanasayi Ki

Usnay Khushboo Ki Tarha Meri Pazirayi Ki

Kaisay Keh Doon Ke Mujhay Chor Diya Hai Usnay
Baat To Sach Hai Magar Baat Hai Ruswayi Ki
Wo Kaheen Bhi Gaya Lauta To Meray Pas Aya
Bas Yahi Baat Hai Acchi Meri Harjayi Ki
Tera Pehluu Teray Dil Ki Tarha Abaad Rahay
Tujh Pe Guzray Na Qayamat Shab-E-Tanhayi Ki
Usnay Jalti Hui Peshani Pe Jo Hath Rakha
Rooh Tak Aa Gayi Taseer Maseehayi Ki...!!!

Quote

Hussain

@.Hussain.

IF-Stunnerz

Posted: 11 years ago

Jab Bhi Ati Hai Teri Yad Kabhi Sham Ke Bad

Aur Barh Jati Hai Afsurdadili Sham Ke Bad

Ab Iradon Pe Bharosa Hai Na Tauba Pe Yaqeen
Mujhko Le Jaye Kahan Tashnalabi Sham Ke Bad
Yun To Har Lamha Teri Yad Ka Bojhal Guzra
Dil Ko Mehsoos Hui Teri Kami Sham Ke Bad
Yun To Kuch Sham Se Pehlay Bhi Udaasi Thi 'Adeeb'
Ab To Kuch Aur Barhi Dil Ki Lagi Sham Ke Bad...!!!

Quote

Hussain

@.Hussain.

IF-Stunnerz

Posted: 11 years ago

Dil Main Ik Leher Si Uthi Hai Abhi

Koi Taza Hawa Chali Hai Abhi

Shor Barpa Hai Khana-E-Dil Main
Koi Deewar Si Giri Hai Abhi
Kuch To Nazuk Mijaz Hain Hum Bhi
Aur Ye Chhot Bhi Nayi Hai Abhi
Bhari Duniya Main Jee Nahi Lagta
Janay Kis Bat Ki Kami Hai Abhi
Tu Shareek-E-Sukhan Nahi Hai To Kya
Ham-Sukhan Teri Khamoshi Hai Abhi
Yaad Ke Be-Nishan Jazeeron Se
Teri Aawaz Aa Rahi Hai Abhi
Shehr Ki Bechiraagh Galiyon Main
Zindagi Tujhko Dhoondti Hai Abhi
So Gaye Log Us Haveli Ke
Ek Khidki Magar Khuli Hai Abhi
Tum To Yaaro Abhi Se Uth Bethay
Shehr Main Rat Jagti Hai Abhi
Waqt Accha Bhi Ayega 'Nasir'
Gham Na Kar Zindagi Pari Hai Abhi...!!!

Quote

Hussain

@.Hussain.

IF-Stunnerz

Posted: 11 years ago

Bhooli Bisri Chand Ummeedein, Chand Fasanay Yad Aye

Tum Yad Aye Aur Tumharay Sath Zamanay Yad Aye

Dil Ka Chaman Shadab Tha Phir Bhi Khaak Si Urti Rehti Thi
Kaisay Zamanay Aey Gham-E-Jana Teray Bahanay Yad Aye
Thandi Sard Hawa Ke Jhonkay Aag Laga Ke Chor Gaye
Phool Khilay Shakhon Pe Naye Aur Dard Puranay Yad Aye
Hansnay Walo Se Dartay Thay, Chup Chup Kar Ro Letay Thay
Gehri Gehri Soch Main Doobay Do Deewanay Yad Aye...!!!

Quote

Hussain

@.Hussain.

IF-Stunnerz

Posted: 11 years ago

Hijr Ki Shab Main Qaid Karay Ya Subha Visaal Main Rakkhay

Accha Mola Teri Marzi Tu Jis Haal Main Rakkhay

Khel Ye Kaisa Khel Rahi Hai Dil Se Teri Mohabbat
Ek Pal Sarshaari De Aur Dino Malaal Main Rakkhay
Mainay Saro Khusbooein Aanchal Se Baandh Ke Rakkhin
Shayad In Ka Zikr Tu Apnay Sawal Main Rakkhay
Kisi Se Teray Anay Ki Sargoshi Ko Suntay Hi
Mainay Kitnay Phool Chunay Aur Apni Shaal Main Rakkhay
Mushkil Ban Kar Toot Pari Hai Dil Par Ye Tanhayi
Ab Janay Ye Kab Tak Isko Apnay Jal Main Rakkhay...!!!

Quote

Hussain

@.Hussain.

IF-Stunnerz

Posted: 11 years ago

Tanhayi Ki Saughaat Aur Main

Yaadon Ki Baraat Aur Main

Rotay Hain Milkar Teray Bin
Saavan Ki Barsaat Aur Main
Teri Hi Maala Japtay Hain
Ye Kali Kali Rat Aur Main
Bhool Jata Hoon Us Pal Ye Duniya Sari
Jab Ho'n Teray Khayalat Aur Main
Mohabbat Main Aksar Bharak Uthtay Hain
Is Dil Ke Jazbaat Aur Main
Teray Bin Bilkul Adhuray Hain
Ye Meri Tanha Zaat Aur Main...!!!

Quote

Hussain

@.Hussain.

IF-Stunnerz

Posted: 11 years ago

Wo Kuch Sunta To Main Kehta, Mujhay Kuch Aur Kehna Tha

Wo Pal Bhar Ko Jo Ruk Jata, Mujhay Kuch Aur Kehna Tha

Ghalat Fehmi Ne Baaton Ko Barha Daala Yunhi Warna
Kaha Kuch Tha, Wo Kuch Samjha, Mujhay Kuch Aur Kehna Tha
Kamayi Zindagi Bhar Ki Usi Ke Naam Kyun Kar Di
Mujhay Kuch Aur Karna Tha, Mujhay Kuch Aur KehnaTha
Kahan Usnay Suni, Meri Suni Bhi An-Suni Kar Di
Usay Maloom Tha Itna, Mujhay Kuch Aur Kehna Tha
Meray Dil Main Jo Dar Aya, Koi Mujh Main Bhi Dar Aya
Waheen Ek Raabta Toota, Mujhay Kuch Aur
Kehna Tha
Rawaan Tha Pyar Nas Nas Main, Bahut Kurbat Thi Aapas Main
Usay Kuch Aur Sun'na Tha, Mujhay Kuch Aur Kehna Tha...!!!

Quote

Hussain

@.Hussain.

IF-Stunnerz

Posted: 11 years ago

Ma'arka Ab Ke Hua Bhi To Phir Aisa Hoga

Teray Dariya Pe Meri Pyas Ka Pehra Hoga

Uski Ankhein Teray Chehray Pe Bahut Bolti Hain
Usnay Palkon Se Tera Jism Tarasha Hoga
Kitnay Jugnoo Isi Khwahish Main Meray Sath Chalay
Koi Rasta Teray Ghar Ko Bhi Jata Hoga
Main Bhi Apnay Ko Bhulaye Hue Phirta Hoon Bahut
Aaiina Usnay Bhi Kuch Roz Na Dekha Hoga
Raat Jal Thal Meri Ankhon Main Utar Aya Tha
Soorat-E-Abr Koi Toot Ke Barsa Hoga
Ya Maseehayi Usay Bhool Gayi Hai 'Mohsin'
Ya Phir Aisa Hai Mera Zakhm Hi Gehra Hoga...!!!

Quote

1 2 3 4 5 ... 94

topics	author	replies	views	reply
Sad Shayari Collection in Hindi सैड शायरी - Shayari Skill Nishant0123 0 388	Nishant0123	0	388	6 months ago Nishant0123 >

Shayri ( My Collection) - Page 2

Related Topics