Priya's motherly side - All Parts combined

Share
  • Page of 1 Go
Posted: 2012-03-31T11:35:43Z
For continuation sake, I am posting the first part too...hope all of you don't mind...

Its my imagination to show Priya's motherly side to Ram...

This scene happens after Ram realises the true colours of his step - family...

Part 1
Ram sits in a state of shock on his bed...he is still not able to beleive that his step-family was after his property only and not for him...this thought pains him to no end...Priya enters the room...she is aware of the fact that Ram had known about the truth of his family...but she remains silent as she wanted to know Ram's mind fully...

Priya: Aap itne disturbed kyu hai Mr. Kapoor?

Ram does not reply...

Priya: Mr. Kapoor...aap se hi pooch rahi hoon...

Ram: Haan bolo Priya...

Priya: Kahan kho gaye the aap?

Ram: Kuch nahi Priya...tum bolo

Priya: Aap ko aaj se pehle itne dukh mein nahi dekha...kya baat hai?

Ram: Mere saath hi aisa kyun ho raha hai?

Priya: Kya hua aap ke saath?

Ram: ( In a low voice )  Mujhe yakeen nahi ho raha hai ki mere gharwale sirf mere property aur paise ke liye mere saath rehte aaye hai aaj tak...I am not able to digest this truth Priya...maana ki main unka apna nahi hoon...lekin aaj tak  maine unke saath kabhi sautelapan nahi dikhaya...Siddhant ko sagi bhai ka pyaar diya, Natasha aur Ishika ko sagi behenon ka darja diya...Mama ji ko apna maana aur Maa ko bhi...main hamesha yeh galat faimi ke saath jee raha tha ki mere family mere liye sab kuch hai...Pita ji ke maut ke baad, main sochta tha ki yeh log hi mere liye sab kuch hai...lekin yeh sacchai to itna kadvi hai ki usse digest karne ke liye mujhe bahut waqt lagega...pata nahi ki is sacchai ko jaanne ke baad kis pe bharosa karoon aur kis pe na karoon...

Priya: Maa ki yaad aa rahi hai na aapko?

Ram: Nahi...us aurat ki baat mat karo tum...

Priya: Maan lijiye na Mr.Kapoor ki aap ko unki yaad sata rahi hai...

Ram: Agar tum aise hi baatein karti rahogi to main tumse baat nahi karunga...

Priya: teek hai to main so jaati hoon...good night...

Ram: Priya mujhe is tarah ki soch ke beech chodke tum so nahi sakti ho...main to aaj se pehle itna disturbed nahi hua...aur tum mujhe console karne ke bajay mere dukh ko aur bada rahi ho...its not fair.  zindagi mein late realisation hamesha bhuri baat hoti hai...aur yeh fact mere zindagi ki sacchai ban gayi Priya...tumne hi mujhe maa ki  yaad dilaya...kaash mere pita ji zinda hote mujhe sambhalne ke liye...mujhe rone ka mann kar raha hai...lekin main ek mard hoon...tumhare saamne roke tumhari nazron mein girna nahi chahta...

Priya: Yeh kya keh rahe hain aap?...aap meri nazron mein kabhi nahi gir sakte Mr.Kapoor...
 ab to aap maa ko yaad karte honge na?

Ram: Agar aisa kahunga to tu mujhe bhura mat maanegi na?

Priya: Arey maa ko yaad karna bhuri baat thodi hota hai ki main usse bhura maanoongi

Ram: Kaash mere bachpan ki sab sacchai mujhe pata hota to main aaj akhela nahi hota...meri maa mere saath hoti...

Priya: sacchi baat hai Mr. Kapoor

Ram: Jo hua usse to kabhi badla nahi jaa sakta na...

Priya: Kyon nahi...main hoon na...main aap dono ki rishte ko hamesha ke liye jod dungi...

Ram: Kya tum ab meri maa ban sakti ho?

Priya: Kyon nahi...aap dil se ek chote bacche hai...aur main aapko apna beta bhi maanti hoon..

Priya Ram ko apne godh mein le leti hai...aap so jaayiye ...main aapko sulati hoon...

Ram: Thank you for this Priya...

Priya: Ab main Priya nahi aap ki maa hoon...

Ram: Ek tum hi ho jo mere liye ho is duniya mein...

Priya apne ungli Ram ki hothon pe lagati hai aur Ram ki maathe ko chumman deti hai...Ram apne dard ko bhool ke  ek bacche ki tarah Priya ki godh mein so jaata hai...


Part 2

Next morning

Ram chain ki neend so raha hai...Priya unke paas aati hai

Priya: Good Morning Mr. Kapoor

Ram apni aankhen kholta hai...

Ram: Good Morning Priya...

Priya: Bahut din ke baad kal raat aap ne chain ki neend soya...mujhe bahut khushi hui is baat ko leke...

Ram: Iski wajah tum ho Priya...agar tumne mujhe apne godh mein na liya hota to yeh chain ki neend mere naseeb mein nahi hota...tumhari godh mein mujhe jannat dikhayi di...

Priya: Sach mein?

Ram: Haan...agar tumhe aitraaz na ho to roz  mujhe is tarah sula sakti ho kya?

Priya: Kyon nahi...zaroor sula sakti hoon...mere liye isse zyada khushi ki baat kya ho sakti hai ki mere pati mujhe unka maa bhi maante hain...

Ram gets emotional...unke aankhon mein aansoo aa jaata hai...

Priya: Bahut dukh ho raha hai na aapko...agar aapko itna dukh ho raha hai to phir is baat par bhi sochiye ki aapki maa ko kitna dukh ho raha hoga aapko chodke jaane ke waqt...

Ram: Haan...sach hai...

Priya apne haathon se Ram ki aansoo pochti hai...main aapko tootne nahi doongi Mr. Kapoor.. jab main biwi banke aap ki khushiyan share kar sakti hoon to maa banke aap ki gham bhi share karungi...aur mera yeh vaada hai aap se ki aap aur maa ki rishte ko phir se jod dungi...lekin mujhe iske liye aapka saath chahiye...aap mere saath denge na?

Ram: Kya karna padega mujhko?

Priya: Mujhpe bharosa rakhna hoga...aur yeh baat dil ko samjhana hoga ki jo Priya keh rahi hai woh mere bhalai ke liye keh rahi hai...

Ram: Ok Priya...aisa hi karunga...

Priya: Aap jaake taiyaar ho jaayiye...main aapke liye nashta laati hoon...

Ram: Kya tum ready ho gayi ho kya?

Priya: Haan...Aaj mere classes jaldi shuru hone wali hai...

Ram taiyaar ho jata hai...aur Priya ke saath apne hi kamre mein nashta kar raha hai...

Ram: Kya main jaan sakta hoon ki tum mujhe aur maa ko kaise milaogi?

Priya: Yeh kaam itna aasaan nahi hai Mr. Kapoor...mujhe ek aur insaan ki zarurat hogi is kaam karne ke liye...aur waise bhi jo ghaav itne saalon se hai maa ke mann mein  woh itna jald kaise bhar sakta hai?...It takes time to heal...

Ram: Haan sach hai...mujhe bhi unhe accept karne mein  waqt lagega...lekin main is baat ko accept karta hoon ki meri maa nirdosh hai...

Priya: That's good...

Ram: Mujhe to apne step-family pe itna gussa aa raha hai ki sab ko goli maar doon aur jail chala jaaoon...itne saalon se jo zeher bhara hai unhone mere mann mein maa ke khilaaf...uske liye main unhe kabhi maaf nahi karunga...

Priya: us zeher ko kam karne ke liye hi mera pyaar aur support hamesha aapke saath rahega..

Ram Priya ko gale lagta hai...

Ram: Is support ke liye main hamesha tarasta aaya hoon Priya...thank you so much...

Priya Ram ke gaal ko pyaar se kheenchti hai aur kehti hai ki 'that's like my good boy'

Priya: Time to work Mr. Kapoor...

Dono ek doosre ke haath thaamkar neeche aa jaate hai...Niharika aur Mamaji ko shock lagta hai isse dekh ke...Ram aur Priya dono ko ignore karke gaadi ki taraf chalte hai...

Part 3

Ram returns home from office that evening...he finds Priya in deep thought...he closes the door of their room slowly so that no one hears their conversation...their conversation goes like this

Ram: Good Evening Priya...tumhara din kaisa raha aaj?

Priya: Good Evening Mr.Kapoor...mera din accha raha...aur aapka?

Ram:  Mera bhi...lekin poore din maa ki yaad bahut sata rahi thi

Priya: Khush hoon ki aap  apne maa ko accept karne ki koshish kar rahe hain..

Ram: Tum itni gehri soch mein?...koi pareshani hai kya?

Priya: Nahi...koi pareshani nahi hai...lekin main to yeh soch rahi hoon ki aap aur Maa ko kaisi milaoon...aur subah maine ek aur insaan ki baat bhi ki jiska madad chahiye...

Ram: Lekin tumne uska naam to nahi liya...

Priya: Main Apeksha ki baare mein soch rahi thi...aur ek woh hi hai jo hum dono ko is maamle mein madad kar sakti hai...

Ram: Apeksha?... tumhe pata hai ki woh kahan rehti hai?

Priya: Woh Maa ke saath Australia mein hai...

Ram: Lekin Jab hum dono wahan gaye the to mujhe sirf Apeksha dikhayi di...maa dikhayi nahi di...haan...yaad aaya...tab woh yahan Mumbai mein thi...maine bhi us waqt tum pe chillaya tha jab tune mujhse unke baare mein poocha...

Priya: Jab maine aap ke past jaanne ki koshish ki maa se to unhone mana kar diya...aur usi waqt mujhe pata chala ki Apeksha kaun hai aur aapko unke saath kya rishta hai...uske baad woh maa ke saath Australia chali gayi thi

Ram: Maa ne Apeksha ko godh liya tha...

Priya: Haan...jaanti hoon...

Ram: Kya tumko lagta hai ki maa mujhe accept karegi?

Priya: zaroor karegi...main unhe accept karaungi...

Ram: To phir ab hum kya karein?

Priya:  Hume step by step jaana hoga - Pehle aap Sid aur mama ji ne jo ghotale kiye hai business mein - usse ek ek karke sab ki poori khabar lijiye...kaash Vikram aapke saath hota aapko madad karne ke liye...

Ram: Us Sid ki wajah se mujhe apne dost ko company se nikaalna pada...

Priya: yeh aap ke saath nahi hona chahiye tha...

Ram: Haan...aage kya karne ka iraada hai?

Priya: Pehle main Apeksha se baat karti hoon...aap mera saath denge naa yeh sab karne ke liye?

Ram: Arey yeh kya baat hui?...zaroor doonga...

Priya: teek hai...mujhe aur thoda waqt chahiye...

Ram: Jitna chahe waqt le lo...lekin kuch karo...varna sab kuch haath se nikal jaayega

Priya: Aap chinta mat kijiye...main hoon na..

Ram: Tumko free hand deta hoon...jo tum teek samjho karo...

Priya: Mujhe aap se yehi aasha thi Mr. Kapoor...aap ke sab se bada problem yeh hai ki aap bina proof ke kisi fact ko accept nahi karte...

Ram: Main aisa hi hoon aur aisa hi rahunga...

Priya: Hmmm...mera pehla kadam hai aap ko maa se baat karvana...uske liye  Apeksha hi  hum dono ki madad kar sakti hai...because she is very close to maa...maa unke koi baat ko nahi taalthi hai...

Ram: Agar tum kaho to sahi baat hai...

Yunhi baatein karte karte bahut dher ho jaata hai...dono khana khaate hain aur roz ki tarah Ram Priya ke godh mein so jaata hai...Priya Ram ke is badlaav ko leke bahut khush hoti hai...

Part 4

Subah ho jaata hai...Ram apne laptop pe kaam kar raha hai...Priya chain se so rahi hai...

Ram( Apne aap se ) Yeh Priya ko kya ho gaya hai?...roz mujhse pehle uth jaati hai aaj mere utne ke baad bhi nahi uthi...kahin isse classes ke liye dher na ho jaye...chalo Ram ab tumko isse uthana padega...

Ram: Utho Priya...tumhe classes ke liye dher ho rahi hogi na?

Priya ( Aadhi neend mein ): Main aaj kaam pe jaane wali nahi hoon Mr. Kapoor

Ram: lekin kyun? tumhari tabiyat to teek hai na?

Priya: Meri tabiyat to teek hai...lekin mujhe aaj woh khaas kaam karna hai jis pe hum dono ne kal raat baat ki thi...

Ram: Kis kaam ki baat kar rahe the hum?

Priya: Aap aur Maa ki baatchit karwane ki...

Ram: Haan...lekin itni jaldi...tumne to kaha tha ki tumhe kuch waqt chahiye us kaam ke liye...aur tum yeh bhi keh rahi thi ki tumhe kuch sochna padega uske liye...

Priya: Maine soch liya hai Mr.Kapoor...Ab aap taiyaar ho jaayiye...aapko office jaane ke liye dher ho rahi hogi...

Ram: Matlab jab tum Apeksha se baat karogi to main yahan nahi reh sakta kya?

Priya: Haan...agar aap rahenge to Niharika aur uske kamina bhai Shiney ko aap pe shak ho jayega...

Ram( Surprise hoke  ): Arey itne mahinon mein tumne mujhe naam se nahi pukara...aaj Maa aur Mamaji ko naam se pukaar rahi ho?

Priya: Agar aapko naam se nahi pukara to woh aapke liye meri izzat aur pyaar convey karti hai...unko naam se pukarna unke liye meri beizzati aur nafrat ko convey karti hai...samajh gaye na aap...

Ram( Haste hue ): Samajh gaya madam...

Priya: Aap Maa Krishu ji ko hi  bolenge...aur  Niharika aur uske bhai se baat nahi karenge...Wajah chahe jo bhi ho...

Ram: Teek hai...lekin tum apne aap ko kisi musibat mein mat daalna...jo bhi karna hai bahut gupt roop se karna hoga...

Priya: Aap fikar mat kijiye...main sab sambhalungi

Ram: Aisi behave karna jaisa ki kuch hua hi nahi...kisi bhi sadasya ko tum pe shak nahi hona chahiye...be careful and all the best...mera support hamesha rahega tere saath...

Priya: First of all, main yahan woh baat karne wali nahi hoon...maine Apeksha ki flat ki chaabi unse le li hai jab woh Australia jaa rahi thi...mere institute ke paas hi hai woh...kaam pe jaane ke bahane main wahan jaake saari baatein kar lungi...

Ram: that's good...roz tumhare saath kaam pe jaane ki aadat ho gayi hai...aaj tumhe chodke jaane ka mann nahi kar raha hai Priya...

Priya: Haan mujhe bhi aaj pehli baar aap se alag hoke bahar jaana pad raha hai...agar hum dono saath mein jaayenge to yeh baat baaki logon ki mann mein shak paida kar sakti hai...please bear with me for this Mr. Kapoor

Ram Priya ko gale lagta hai aur unke maathe ko chumman deta hai...

Priya: Yehi pyaar mujhe aap ke liye bahut kuch karne ki himmat aur confidence deti hai Mr. Kapoor

Ram ( Haste hue ): Tum meri jaan ho Priya...har insaan ko apni jaan bahut pyaara hoti hai

Priya Ram ke baal ko pyaar se niharthi hai...

Ram: Aaj se hum roz ki tarah ek saath neeche nahi jayenge...we have to take turns...Aaj tumhari baari hai...tum jaldi taiyaar ho jaao aur kisi ki nazar lagne se pehle bahar chali jaao...

Priya: teek hai Mr. Kapoor...aap sach kehte hain

Priya washroom chali jaati hai taiyaar hone ke liye aur Ram apne bistar pe baithe hue akhbaar pad raha hai...

Kuch dher baad...

Priya: Mujhe jaana hoga Mr. Kapoor...bye...aap naashta kha ke hi bahar jaayiyega...

Ram: Lekin tumhari naashta?

Priya: Main bahar kuch kha lungi...

Ram: Ok...but please avoid unhygenic food...take care

Priya Ram ke paas aake unke maathe ko chumman deti hai...

Priya: Don't worry Mr. Kapoor...main apna khayal rakhungi ...

Ram longingly looks at Priya leaving...he slowly gets up from his bed to get ready for office...

Part 5

Priya kisi ki nazar lagne se pehle Kapoor Mansion se chali jaati hai...thodi dher ke baad Ram taiyaar hoke nashte ke liye neeche aata  hai...wahan Dadi aur Rishabh bhi baithe hue hain...

Dadi: Arey Golu, Priya kahin dikhayi nahi de rahi hai?

Ram: Dadi...usko kuch zaroori Kaam hai ... isliye woh jaldi taiyaar hoke chali gayi

Dadi: Achanak aisi kya kaam aa gayi usse ki woh tumhe chod ke akheli chali gayi?

Ram ( Apne aap se ): Ajeeb musibat mein phas gaya yaar...is baat dadi ko kaise samjhaoon?

Rishabh: Dadi...bhabi ko shayad kuch khareedna hoga market se...isliye woh jaldi nikal gayi...hai na bhai?

Ram: Haan Rishabh aisa hi hai...

Dadi: Teek hai Golu, tu khana khaa le aur office chala jaa...tujhe dher ho rahi hogi...

Ram: Teek hai Dadi...

Ram jaldi se nashta khatam karta hai aur office ke liye nikalta hai...uske saamne Niharika aur Mama ji aate hain...

Niharika: Good Morning Ram...

Ram kuch bolta nahi aur bahar chala jaata hai...

Mama ji: Oye Sweety, is Ram ko kya ho gaya aaj?...na kuch bol raha hai...na kuch sun raha hai

Niharika: Rehne dijiye bhaiya...isse baad mein handle karte hain...

Priya Apeksha ki flat pahunch jaati hai...andar aate hi usse purani baatein yaad aati hai...aankhon se do boond aansoo nikalte hain...Krishu ji ki baatein kaano mein goonjti hai...
Ram ko tumhe hi sambhalna hoga Priya...

Priya ( Apne aap se ): Mr.Kapoor ko jis pyaar se itne saalon door rehna pada main unhe us pyaar aur mamta zaroor wapas dilaungi...

Ram office pahunch jaata hai aur Lala ji ke murthi ko pranam karta hai...

Ram: Bapu ji aap ne jis parivaar ko mujhe saupa...woh to aap ke pyaar ke kaabil nahi rahe...aur aap ne chaha tha ki main unhe aapka pyaar doon...yeh mere saath nainsaafi hui na?...yeh kehte waqt unke aankhon mein aansoo aa jaata hai...aansoo pochke apne seat par baithe laptop kholta hai...

Priya Apeksha ko phone lagati hai...Krishu ji phone ko uthathi hai...

Priya: Maa...kaise hain aap?...

Krishu ji: Main teek hoon Priya...tum kaisi ho? achanak phone kaise  kiya?

Priya: Baat kuch aisa hi hai Maa...Aap Apeksha ko bhula sakti ho?

Krishu ji: Kya tum woh baat mujhse share nahi kar sakti ho kya?

Priya: Woh baat nahi hai maa...lekin accha hoga agar Apeksha pehle woh baat sun leti hai aur phir aap...

Krishu ji: Teek hai...

Apeksha aati hai aur Krishu ji unhe phone deti hai...

Apeksha: Hi Priya...kaisi ho tum?...kuch khaas wajah phone karne ke liye?

Priya: Haan Apeksha...yeh baat bahut important hai...tumhe Mr. Kapoor ke baare mein maa se baat karna hoga...

Apeksha: Lekin achanak yeh baatein maa ko kyun kahun main?

Priya: Mr. Kapoor ko Nihairka aur baaki logon  ke asli roop ka pata chal gaya hai...aur woh us baat ko leke bahut dukhi hai...main unhe apne pyaar se us dard se bahar nikaal rahi hoon...aur maine unhe is baat ka bhi ehsaas dilaya ki maa kabhi galat nahi ho sakti...aur pata nahi ki yeh mere pyaar ka chamatkar hai unpe ki woh us baat ko maan gaye...uske baad woh roz maa ko yaad karte hain...aur main maa banke unhe roz woh pyaar deti hoon jo unhe itne saalon se nahi mila...main unhe apne godh mein le leti hoon aur sulati hoon...

Apeksha ki aankhon mein khushi ki aansoo barasti hai...

Apeksha:  Yeh baat sunke main bahut khush hoon Priya...lekin Ram ko unki asliyat ka pata kaise chala?

Priya: Yeh baat main tumhe baad mein batati hoon... filhaal main maa aur bete ko ek dusre ke saath baat karvana chahti hoon...tum mujhe is maamle mein madad kar sakti ho kya?

Apeksha: Sure Priya...tumhare liye yeh kaam zaroor karungi...Ram bahut lucky hai jisko tum jaisi biwi mili...

Priya: Main bhi lucky hoon Apeksha...meri shaadi ek aisa insaan se hui hai jo mere pyaar ko poori tarah deserve karta hai...aur mujhe bhi unse itna  pyaar mila hai jo kisi ne mujhe aaj tak nahi diya hai...

Apeksha: Teek hai Priya...main maa se baat karke tumhe phone karti hoon...agli baar tum mujhe woh baat zaroor batana ki Ram ko sach ka pata kaise chala...

Priya: Zaroor...Mr. Kapoor ko kuch baatein nazar aayi hogi...maine unse kuch nahi kaha...

Apeksha : Teek hai...hum baad mein baat karenge...bye

Priya: Bye...apna aur maa ka khayal rakhna

Apeksha : Sure Priya...

Priya phone cut karti hai aur apne aap  sochti hai ki aada sach ko jaane woh kuch nahi kar sakti...us din Mr. Kapoor ne unhe sirf aada sach bataya tha...lekin yeh baat to unhe convince nahi kiya hoga na...kyonki Mr. Kapoor bina proof ke kisi fact pe vishwaas nahi karte...zaroor kuch baat unhe nazar aaya hoga jisse leke unke behaviour mein yeh badlaav aaya hai...tumhe woh baat unke mooh se nikaalni hogi Priya...chalo ghar chalte hai...












Edited by TVserialfreak - 2012-03-31T23:44:40Z
7 Likes this
Posted: 2012-03-31T11:55:56Z
Thanks for compilling them all in one topic.
And u should now put all your upcoming parts in this topic only.
2 Likes this
Posted: 2012-03-31T14:40:59Z
wow main ne yeh abhi dehka aur read kiya so nice yaar all parts good  i wait 4 more updates
2 Likes this
Posted: 2012-03-31T15:40:30Z
thanks for combining it.its awesome...
2 Likes this
Posted: 2012-03-31T19:02:07Z
Great imagination yaar. Wish the creatives would have read your post and we could have got to see such good scenes..Clap
2 Likes this
Posted: 2012-04-01T00:31:37Z
thanks 4 combining all parts...
superb , awesome post...


i'm waiting 4 next part eagerly...

1 Likes this
Posted: 2012-04-01T19:36:15Z
very nice. plz. cont. soon. thanks
2 Likes this
  • Page of 1 Go

Related Topics

Topics Author Replies Views Last Post Reply
rosinagoor 65 5262 2015-01-09T22:13:10Z leena04
hayyyeeee...priya hi priya(love her)

iluvusakshi   2   896

iluvusakshi 2 896 2014-03-27T06:31:29Z RaShi4ever
paaji54 19 2657 2014-03-25T01:35:22Z Tanzuh
priya u are not my priya! ???????

raya50-50   2   661

raya50-50 2 661 2014-02-11T21:08:38Z raya50-50
veena23 39 9529 2013-01-03T23:18:27Z priya555

Topic Info

  • 6 Replies
  • 1709Views

Topic started by TVserialfreak

Last replied by anizor

FORUM QUICK JUMP

TOP