Mere Dharkano Ko Qarar dO<<<sujal kashsih - Page 4

   Mere Dharkano ko Qarar do

Mahrukh aur sehar university se wapis aa rahi hoti hain and they r walking towards their house
Mahrukh: tauba kis kadar sardii hai subah jab main uthi to sardi ke mare mere daant bajne lage the aur aaj to suraj bhi nahi nikla (mahrukh ne sir utha kar aasman par suraj ko dhoondne ki koshsih ki thi)
Sehar: mahrukh! Jaldi chalo na tum kiya reeng reeng kar chal rahi ho (stop se ghar tak ka rasta 5 min ka tha jo un ko kise azaab se kam nahi lag raha tha)
Atlast woh ghar pohach jati hain sehar ne dabao daal kar gate kholne ki koshish ki lekin woh ander se lock tha
Sehar: lo aaj gate band hai (sehar ne ghusse se bell par ungli rakhi aur phir uthana bhool gai)
Mahrukh: are sehar mere pass keys hain (lekin mahrukh ke keys nikalne se pehle hi salman door khool chukka tha)
Salman: yeh kiya tareeqa tumhara bell bajane ka sari tameez university bhool ai ho kiya (salman kehte huwe teeze se ander mur giya tameez ke es lecture par dono ne ek doosre ko sawalia nazron se dekha aur ander chali gain lekin lounge amin enter hote saath hi un ko salman ke lecture ki waja samajh main aa gai jahan sufian ke parents behte huwe the mahrukh ne sehar k itaraf dekha jis ke chehre par ek rang aa raha tha aur ek jar aha tha mahrukh un ko salam kar ke upper sone chali gai shaam ko woh fresh ho kar kitchen main ai tic hai peene ke baad us ka sehar ke saath do do haath karne ka program tha woh chai le kar rakshanda ke pass aa gain jo kise sooch main gum thin mahrukh k odekh kar woh muskarain)
Rakshanda: sufian ke parents baat pake kar gai hain ese saal shadii ka program bhi hai un ka
Mahrukh (muskarate huwe): yeh to khushi ki baat hai
Rakshanda: aacha yeh batao arooj ki shadii kab hai
Mahrukh: do teen months tak woh log tiyarion main masroof hain saman k ibhi do mah tak hai es saal to sari shaadiyan akhate aa rahi hain mera to aacha khaasa kharcha ho jae ga (muskara kar bolte hai)
Rakshanda: sab ke naseeb khul rahe hain pata nahi tumhare kab khule gen (rakshnada ke sard ahh barhne par mahrukh ne nazar utha kar unhe dekha)
Mahrukh: to es mein parshaan hone wali kon si baat hai ami jab naseeb main hoga ho jae gi (khari ho jati hai) main sehar ke pass jaa rahi hoon (woh jane lagti hai then)
Rakshanda: mere pass tumhare liye ek aur gud news hai (ek dam murti hai)
Mahrukh (khush hote huwe): kiya
Rakshanda: aaj shaam ko tahmoor aa raha hai (us ke honton se ek dam muskarahat gaib ho gai)
Mahrukh: aacha (wid expressionless voice)
Rakshanda: haan es liye to sehar ke liye haan ki hai us ke ane par engagement ho gi aaj subah hi us ka phone aya tha aaj shaam ko pohanch raha hai hum sab to heeran reh gai (apni khushi main unho ne us ke bhuje huwe chehre ko bhi nahi dekha woh uth kar apne kamre ki taraf jane lagi)
Rakshanda: are tum to sehar ke pass jaa rahe the (heerat se mahrukh ko dekha)
Mahrukh: woh kal mera test hai mujhe us ki tiyaari karni hai (woh teeze se apne kamre main aa gai bed par beht kar us ne notes apne age phela liye kitne der tak woh be maqsad un ko ghoorti rahi es waqt us ka zehan bilkul khali tha achanak us ko bahir se sehar ki awaaz suanai dete hai)
Sehar: are chachi jaan aap abhi tak tiyaar nahi huwen aap ne mahrukh ko bataya ke aaj bahi aa rahe hain (us ki awaaz se hi us ki khushi ka andaza ho raha tha)
Rakshanda: ander hai
Sehar: aacha main use dekhte hoon (mahukh jaldi se notes haath mein pakar lete hai sehar ander kamre mein ati hai)
Sehar: mahrukh tumhein pata chala aaj tahmoor bahi aa rahe hain tum tiyaar nahi huwe abhi tak hamein airport jana hai salman ata hi hoga apni dost ki car le kar jaldi se utho (sehar ne use haath se pakar kar uthane ki koshsih ki)
Mahrukh: sehar plz yaar kal mera test hai tumhein to pata hai na sir ka relation halakoo khan ke khandaan se hai aur agar marks kam ayen ge to woh mere poori class ke saamne insult kar den ge
Sehar: mujhe kuch nahi pata jaldi se utho
Mahrukh: sehar plz main sach keh rahi hoon mere bilkul bhi tiyaari nahi hai aur wese bhi sab jaa rahen hain to jaga kahan nikle gi gari mein aur phir waapsi mein kiya karen ge tahmoor bahi ko kiya gari ki chat par bhitain gen tum sab jao main un se ghar par mil loon gi (sehar is still confused abu wat to do and wat not to do mahrukh see her face and say) its okay sehar tahmoor bahi ko ana to ghar par hi hai na main tab un se mil loon gi (sehar relaxed ho jati hai)
Sehar: wese mahrukh tum buhat badal gai ho es ka ehsaas aaj mujhe ho raha hai warna es waqt sab se pehle tum gari mein sawar hotin (mahrukh sir jhuka kar muskara de)
Mahrukh: aacha ab jao (us ne sehar ko bahir dhakela aur darwaza band kar diya)
Jab sehar bahir ati hai then rakshand aask her
Rakshanda: mahrukh nahi aa rahi
Sehar: nahi aap chalen main aap ko batati hoon
Kuch der baad awaazein ana band ho gain woh khieke ke pass aa kar bahir dekhne lagi jahan salman darwaza lock kar raha tha aur phir gari mein beht kar chala giya woh wapis bed par ati hai aur blanket le kar lait jati hia aur phir kitne hi aanson us ki aankhon se nikal kar us ka pillow bhigote rahe
Background music
Dil ka gham dil hi jane
Kiya kahoon main kise se
Maine aanson chupai
En labon ki hansi se
Dil ne to kuch chaha tha
Aur kuch ho giya hai
Mere palkon ka sapne
Ab kahiin kho giya hai
Mere aankhon main nami
OOOooooooo
Es mein ho gin a kami
Chahi chehre pe udaasi
Jis se ekrar huwa tha
Choota woh saathi
Thora sa pyaar huwa tha
Kuch nahi baqi

coming up: tahmoor and mahrukh face to face after three years

do comment guyz

Edited by genious420 - 18 years ago

 Mere Dharkano ko Qarar do

Subah woh mamool se pehle ghar se nikal ai neeche mukamal tor par khamoshi ka raj tha university pohanch kar woh thiek tarah se koi lecture attend nahi kar pai
Raat ko woh log teen baje ghar pohanche the aur subah saat baje soe the woh bhi sari raat jagte rahe thi teen baje jab sehar use bulane ai to woh soote ban gai sari raat jagne ki wajah se us ki aankhen aur tabiyat dono bhojal ho rahe the
Sidra: mahrukh (sidra ke awaaz dene par woh chonki) kahan gum ho tum tabiyat thiek hai tumhari
Mahrukh: hun………..woh raat ko der se soi thi na es liye (phir woh mazeed khudh ko soochon se bachane ke liye un ke saath baton mei nmasroof ho gai woh khudh nahi janti thi woh chahti kiya hai bus stop se utar kar woh dheere dheere chalne lagi gate ke saamne khare ho kar woh kitne der soochti rahi ke woh bell de yaan na de……phir kise nateeje par pohanch kar us ne bag se keys nikalen us ki tawaqo ke mutabiq abhi sab soo rahe the upper aa kar us ne rakshanda ke kamre mein jhanka to woh bhi soo rahi thin woh apne kamre mein chali aa gai fresh hone ke baad woh kitchen mein aa gai jo ke bilkul saaf tha yaani khane ko kuch nahi paka tha kuch der woh khari kitchen ko ghoorti rahi phir fridge khol kar us mein se egg nikal kar boil kiya aur saath fresh orange juice glass mein nikal kar table par rakhne ke liye juhin mure to aankhon ke saath us ka wajood bhi sakit ho giya aamne saamne khare woh dono ek doosre ko yun dekh rahe the jaise abhi palken jhapkain to sab khatam ho jae ga teen saal baad woh chahra us ke saamne tha us ne jaldi se nazren jhuka len
Tahmoor: kaise ho mahi (teen saal baad woh us ki awaaz sun rai thi us k isamajh mein nah iaya ke woh kiya kahe)
Mahrukh: asalamoalaikum (us ki nazrein jhuki huwen thi)
Tahmoor: w salam (he smiles) tum raat ko bhi mujh se nahi milen subah bhi jab main upper aya to tum jaa chuki thi ab gate khulne ki awaaz par soocha khudh tum se mil loon (woh ab bhi chup rahi tahmoor ne gor se us ke jhuke sir ko dekha) tum airport kyun nahi ayen (woh ab bhi kuch na boli) mahi tum ne jawab nahi diya
Mahrukh: sab gae to the
Tahmoor: lekin sab mein aur tum mein buhat farq hai main tumhari baat kar raha hoon (ab ke mahrukh ne nazren utha kar us ke fresh chehre ko dekha en teen salon main us mein koi farq nahi para tha sawai es ke keh woh aur ziada handsome ho giya tha
Mahrukh (to herself): kuch log hote hai n jo doosron ka sakoon barbaad kar ke unhe toor kar khush rehte hain (tahmoor ne gor se us ke chehre ke badalte rang ko dekha aur muskarate huwe ander aa giya)
Tahmoor: naraz ho (mahrukh ne apne kareeb us ki awaaz sune wohi behlata huwa shafqat se bharpoor lehja en teen salon mein yaan to who us ki galti bhool chukka tha yaan maaf kar chuka tha lekin woh na to tahmoor ko aur na hi apne aap ko kabhi maaf kar sakti thi us ne kuch kehna hi chaha tha ke rakshanda ki awaaz ati hai)
Rakshanda: are tahmoor uth gae tum (khush hote huwe)
Tahmoor: jee chahchi jaan neeche sab soo rahe the to soocha mahi se mil aon (us ne muskara kar mahrukh ke ghazabnak tewar dekhe)
Rakshanda: aacha huwa tum aa kar mil liye warna abhi tahmoor bahi karte neeche pohanch jate (un ki baat par mahrukh ki bardaasht jawab de gai aur woh kitchen se bahir nikal ai)
Rakshanda: are mahrukh khana to kah lo
Mahrukh: mujhe bhook nahi hai
Woh teeze se kamre mein aa gai bed par beht kar woh kitni der khudh par kaboo pane ki koshsih karte rahi woh uth kar khirki ke pass aa gai aur khirke kholne par thandi hawa ne us ka istakbaal kiya tha lekin woh thandh se beniyaaz neeche dekhne lagi
Mahrukh (to herself): aap bhool sakte hain aap ne kiya kaha tha leki n main nahi bhool sakti aaj teen saal guzarne ke baad bhi aap ka lehja aap ka ek ek lafz muje aachi tarah yaad hai aap woh sab kuch bhool kar tahmoor ban sakte hain lekin main woh mahi nahi ban sakti woh mahi to tab hi mar gai thi jab aap ne us ka maan toora tha us ki mohabbat ko pagal pan kaha tha main mahrukh hoon woh mahrukh jo aap se nafrat karti hai main aap ko kabhi maaf nahi kar sakti kabhi nahi (ek aanson us ki aankh se nikal kar us ke ruksaar par lakeer banata huwa gum ho giya)   

coming up: family members feel mahrukh ignorance

do comment guys   wese yeh part thora bore ho giya (i feel that)

Edited by genious420 - 18 years ago

zillae dear ur story is justttttttttttttttttttttttttttttttttttttttttttttttttttttt
mindddddddddddddddddddddddddddddddddddddddddddddddddddddd
blowinggggggggggggggggggggggggggggggggggggggggggggggggggg
👏
plz jaldi se aage likho....... 😳

is your name zillae genious?... 👏 ..great story and its not boring....i love it.....aur jase sun le na dekha hai....tahmoor aur bhi acah lagne laga hai 👏

zillae plz continue soon...waiting to read the other parts very eagerly...ur a too good writer.. i really like ur writing... 👏
👏
👏
👏

hey yaar u didn't post the parts that u posted on "announcement kahi...", can u please post them here also...and even in the anouncement area i couldn't find one of the part when the niqah of tahmoor and mahi is being decided. i hope u will post these parts as soon as possible...i love ur fan-fic...keep up the good work.take care..comtinue soon

Mere Dharkano ko Qarar do     
Neeche se ati toor phoor ki awaaz par us ne ghusse se book ko table par pakha tahmoor ko ae huwe ek hafta huwa tha aur us ne ate hi ghar mein kaam shuru karwa diya tha mahrukh ne apna sir table par rakh diya aur wahiin so jati hai
Rakshanda: mahrukh (Rakshanda ke shoulder hilane par us ne table par rakha apna sir utha kar unhe dekha woh shahyad soo gai thi neeche se awaazein ana bhi ab band ho gai thin
Rakshanda: kiya huwa soo gai thin (unho ne us ke chehre par se balloon ko hatate huwa poocha)
Mahrukh: shahyad pata hi nahi chala
Rakshanda: aacha phir tiyaar ho jao neeche sab tumhara intezaar kar rahe hain
Mahrukh: kyun
Rakshanda: tahmoor ne nai car li hai aur woh sab ko treat de raha hai
Mahrukh: ami main nahi jaa sakti kal mera buhat zarrori test hiaaur wese bhi sardi ki wajah se mere sir mein dard ho raha hai (mahrukh ki baat sun kar Rakshanda ek pal ko chup ki chup rah gain phir unhi ne gor se apni bete ke chehre ko dekha)
Rakshanda: mahrukh kia baat hia main mehsoos kar rahi hoon jab se tahmoor aya hai tum na to neeche jati ho aur na hi tahmoor se baat karti ho tum dono mein koi narazgi hai kia
Mahrukh: nhai ami aise to koi baat nahi hai main kyun tahmoor bahi se naraz hone lagi bas test ki masroofiyat hain es liye jaise hi test khatam ho gen main sab se pehle tahmoor bahi se treat loon gi
Rakshanda: chalo thiek hai main un ke saath jaa rahi hoon hum gate bahir se lock kar ke jaen ge (woh neeche utarte huwe bolen to us ne ghera saans liya)        & nbsp; * * * * * * * * * * * * * * * * * * * * * * * *
subeh university jane ke liye mahrukh neeche lounge mein ati hai to she get surprised after seeing new decoration of house the house looks beautiful just then she sees sehar enters

Mahrukh: ghar buhat khhobsoorat ho giya hai (sehar doesn't answer) kiya baat hia sehar tum mujh se baat nahi kar rahen
Sehar: kyun ke main tum se naraaz hoon
Mahrukh: kyun (pareshaan hote huwe)
Sehar: es liye ke main tum ko samajh nahi paa rahi tumhein ho kiya giya hai jab se tahmoor bhai aye hain tum ne neeche ana choor diya hai sare ghar ka furnisher badla tha tum ne apne kamre ka change karwane se inkaar kar diya tumhein pata hai tahmoor bahi ne kitne pyaar se tumhare kamre ka furnisher pasand kiya tha tumhein bahir jane ke liye bulain to tum inkaar kar deti ho tahmoor bahi ne nai car le tum woh dekhne tak neeche nahin utren kiya main yeh samjhon ke tum hamein apna nahi samajhtin hamari khusiyan tumhein hum sab ki nahi sirf hamari lagti hain
Mahrukh: sehar (us ne bare dukh se kaha) tum mujhe aisa samajhti ho (us ki aankhon aanson se barh jati hain sehar gets embarrass)
Sehar: I am sorry mahrukh lekin tum janti ho na tahmoor bahi hamare liye kiya ehmiyat rakhte hain unho ne hamari khushiyon ki khatir kabhi apni khushiyon ki parwah nahi ki main tahmoor bahi se buhat pyaar karti hoon agar un ko koi takleef hoti hia to un se ziada takleef mujhe hoti hai tumhare behaviour se un ko buhat takleef hoti hai mahruk woh kuch kehte nah ito kiya huwa main aachi tarah janti hoon mian to es baat par heeran hoon ke hum sab se zida tum tahmoor bahi se kareeb thin phir ab kiya huwa (sehar ne ulajh kar kaha) kahiin tum tahmoor bahi se naraz to nahi
Mahrukh jo age hi sehar ki baton se pareshaan thi yeh baat sun kar aur bhi pareshaan ho gai
Mahrukh: aise koi baat nahi hai sehar main tahmoor bahi se naraaz nahi hoon aur jahan tak neeche na ane ka sawal hai to aaj kal mere test ho rahe hain es liya aaj mere test khatam ho jaen ge to main sara din neeche hi rahoon gi aur jahan tak furnisher ki baat hai to mujhe lagta hai ke itne saalon mein main apne bed aur cheezon ki es kadar adi ho gai hoon ke mujhe lagta hai ke shahyad es ke begair mujhe neend na aye aur paint tum janti ho ke es ki boo se mere tabiyat kis kadarkharab hoti hia (woh normal lehje mein baatein kar ke sehar ka dehaan batane mein kamayab ho gai lekin university pohanch kar us ka sara etmenan ruksat ho giya lecture ke dooran bhi us ka dehaan baar baar sehar ki baton ki taraf mur jata)
Mahrukh (to herself): agar sehar aur ami ne yeh baat mehsoos ki hai to baqiyon ne bhi mehsoos ki ho gi (us ne pareshaani se soocha) es tarah karne se to sab baar baar wajah poochen ge to mian kiya bataon gi jab tahmoor bahi sab bhool chuke hain to mujhe es se koi sarokaar nahi to main kyun khudh ko halkaan kar rahi hoon aur saath saath dosron ko bhi naraz kar rahi hoon mujhe neeche jana chahiye kise ke hone yaan na hone se kiya farq parta hai (then she sees her friend coming to him so after that shez busy i ntalking to her)
coming up: tahmoor and mahrukh again face to face but this time all family members iz also there
do comments
Edited by genious420 - 18 years ago

  Mere Dharkano ko Qarar do

Lounge main dakhil hote hi bachon ki chehkar se salman ko andaza ho giya ke tania aye huwe hai tamoor ne good mein areeba (tania's daughter) aue ek tang par sheryar (tania's son) ko bhetai ahista ahista us ke kaan mein kuch keh raha tha aur woh tahmoor ko beyaqeene se dekh raha tha phir achanak tahmoor ke pass se uth kar woh sehar ke pass aa giya
Sheryar: khala yeh mere mamu hain (pointing towards tahmoor sehar smiles)
Sehar: haan yeh tumhare mamu hain
Sheryar: lekin mere mamu to woh hain (poiting towards salman whoz sitting with tahmoor)
Sehar: haan yeh bhi mamu hain aur woh bhi (lekin sheryar sahab ab bhi tahmoor ko mashkook nazron se dekh rahe the us ke es tarah dekhne se tahmoor kheka laga kar hans para)
Tahmoor: Tania tumhare bete ko yaqeen kyun nahi ata ke main bhi es ka kuch lagta hoon
Tania just smile
Salman: bahi yeh khane ka rishtedaar hai aap abhi ese chocolate pakrain abhi aap es ke favourite mamu ban jae gen
Tahmoor: aacha aise baat hai (salman ke khene par us ne muskara kar sheryar ki taraf dekha jo ab mahrukh se baatein kar raha tha sheryar se hoti huwe us ki nazrein mahrukh ke muskarate chehre par tehr gaen)
Just then haleema enters
Haleema: chalo bahi khana lag giya hai (hearing his mom's voice he comz into reality)
On the dinning table they r still busy in chatting when mahrukh put curry in his plate tahmoor gives her a surprising look as he knew how much she hate vegetables salman feels tahmoor reaction after seeing mahrukh he smiles and say
Salman: bahi heeran hone ki zaroorat nhai hai mohtarma kafi badal chuki hain ab yeh sherni nahi balke hirni ban chuki hai (salman ke kehne par sab muskara diye woh jante thi ke us ke bare mein baat ho rahi hai lekin us ne sir utha kar kise ki taraf nahi dekha)
Tahmoor: haan woh to mian dekh hi raha hoon (tahmoor ne gor se us ke jhuke huwe sir ko dekha0
Salman: bahi aap dono ek doosre se naraz hain (salman ke poochne par jahan ek muskarahat tahmoor ke chehre par ai wahin mahrukh ne ghusse se pahlo badla)
Tahmoor: main to bilkul bhi naraz nahi lekin lagta hai mahi mujh se naraz hai (woh shararat se muskaraya to mahrukh ne kha jane wali nazron se use ghoora)
Haleema: aacha main bhi kahoon mahrukh neeche kyun nahi ati kyun beta tum tahmoor se kis baat par naraz ho (haleema ke poochne par woh pareshaan ho gai ab sab ki nazrein us par jami thin us (mahrukh) ko phansa kar woh (tahmoor) bare maze se khana khane mein masroof ho giya)
Mahrukh: nahi to mumma main to naraz nahi hoon mere test ho rahe the es liye neeche nahi aa saki sab ko bata chuki hoon koi yaqeen hi nahi karta
Tania: woh thiek to keh rahi hai mumma aap khudh soochen bhala tahmoor aur mahrukh ek doosre se kaise naraz ho sakte hain (Tania ki baat par tahmoor ne naazrein utha kar mahrukh ki taraf dekha jis ka chehra ghusse se red ho raha tha woh muskara kar dobara khane mein masroof ho giya khane ke baad sab ek dafa phir longe mein aa gae to majbooran use bhi ana para pehle hi neeche na ane ki wajah se woh achi khasi pareshaan huwe thi woh mazeed unhe koi mauqa nahi dena chahti thi dheer sare chocolates sheryar ko dene ke baad akhir kaar sheryar ne tahmoor ko apna mamu maan hi liya
Haleema (while seeing areeba and sheryar): bachon ke ane se ghar mein kitni ronaq ho jati hai
Tania: to mumma aap tahmoor shadi kar den take yahan bhi ronaq ho jae
Haleema: lo tum se ziada mujhe jaldi hai mera bas chale to mian kal ki bajae aaj kar doon par yeh mane to (haleema ne tahmoor ki taraf dekha to Tania ne bhi apna rukh tahmoor ki taraf moor liya)
Tania: kyun tahmoor ab kiya problem hai teen saal se tum yeh keh kar taal rahe the main aa nahi sakta mera kaam set nahi lekin ab to aisa koi masla nahi
Tahmoor: haan to main kab mana kar raha hoon
Sehar: to es ka matlab hai aap tiyaar hain (sehar ne beyaqeene se poocha to tahmoor muskara diya wahan par behte sab logon ke chehre khil uthe sawai mahrukh ke jo cushion par behti magazine dekh rahi thi)
Tania: mumma bas aap tiyaari karen ek larki miane dekh rakhi hai hamare neighbors main nai aye hain
Salman: api pehle bahi se to pooch len yeh na ho ke unho ne pehle hi koi larki pasand kar rakhi ho yaan london mein hi kise ko dil de behte hoon (tahmoor just smiles)
Tania: kyun tahmoor? (tania ke poochne par tahmoor jo sofa ki back se take lagai sab ki baatein enjoy kar raha tha ek dam seedha hote huwe kadre age ko jhuka)
Tahmoor: shadii to kise aachi larki se karni chahiye kyun mahi? (us ki baat par mahrukh chonki us ne sir utha kar tahmoor ko ekha jo use goor se dekh raha tha)
Haleema: are use kiya pata woh to bachi hai (haleema ke kehne par bhi us ne mahrukh ke chehre se apni nazrein nahi hatai thin)
Tahmoor: mumma mahi bhi aachi larki hai es liye us se pooch raha hoon (mahrukh ka dil sookhe pate (leaf) ki tarah laraz utha jatata huwa andaaz pichle baat ka hawala us ki beyaqeen aankhen aanson se bharne lagin thin us ne kabhi nahi soocha tha ke tahmoor kabhi sar-e-mehfil use yeh baat jata sakta hai)
Salman: bahi baat ghumane ki koshish kar rahe hain (salman uth kar us ke karee baa giya to tahmoor ne apni nazren mahrukh ke dhuwan dhuwan hote chehre se hata len aur khul kar muskaraya)
Mahrukh khamoshi se uth kar wahan se aa gai
Mahrukh: es shaks (person) se kiya koi aaci umeed rakhi jaa sakti hia (seeriyan (stairs) charte huwe us ne khudh se kaha) lekin agar unho ne sab ko bata diya to (woh teeze se seeriyan chahrne lagi aur apne kamre mein chale gai and tears roll down from her eyes)
Background Music
Kis dagar jaon jane
Kuch samajh mein na aye
Mere dil ki beecheni
Aur barhti hi jae
Bujh gae sare diye
OOOOOOoooooo
Apni palkon ke tale
Sare umeeden piyaasi
Thora sa pyaar huwa tha
kuch nahi baqi
Thora sa pyaar huwa tha
Kuch nahi baqi
coming up: talha iz back hez trying to flirt wid mahrukh

Edited by genious420 - 18 years ago

Mere Dharkano ko Qarar do
Sadia (to be saas of sehar): bas haleema ab baat pakki samjho es Friday ko sehar aur sufian ki engagement kar dete hain aur do mah tak shadii hamari taraf se to sari arrangements complete hain aur tumhare liye do mah kafi hain hamien kuch bhi nahi chahiye Allah ka fazal hai bas sehar beti hamein de do
Haleema (smile): behen jee! sehar aap hi ki bete hai mujhe bas tahmoor ka intezaar hai aaj kal us ne apne dost ke saath mil kar factory shuru ki hai es silsile mein bagh door kar raha hai abhi bhi teen din se Islamabad giya huwa hai woh aa jae to inshallah yeh kaam bhi ho jae ga
Sadia: haan to abhi Friday ane mein poore saat din baqi hain tab taq sab intezaam ho jaen ge bas ab mein aur kuch nahi suno gen
Haleema (smiles at her decision): jaisa aap behtar samjhen
Mahrukh jab neeche aye to kafi khush gawar mahool mein chai pee jaa rahi thi woh sab se milne ke baad sehar ko dhhondte huwe lawn mein nikal aye saamne chairs par sehar ke saath koi aur bi behta tha woh abhi sooch hi rahi thi jab sehar ne use dekh kar pukar liya sehar ke pukarne par woh shaks (person) teeze se palta tha aur us shaks ko dekh kar mahrukh heeran reh gai
Person: Assalam-o-alaikum (mahrukh ke karee bane par us ne khare ho kar salam kiya)
Mahrukh: w salam
Sehar: mahrukh yeh talha hain pehchana (ok so that person is none other than tahmoor (sujal) saut talha (piyush) lolz) (mahrukh just ods her head in yes) aur talha yeh mahrukh hai
Talha: en ko kon bhool sakta hai (talha ne es andaaz mein kaha ke sehar hans pari jab ke mahrukh confuse ho gai)
Sehar (to mahrukh): tum ab tak kahan thi
Mahrukh: soo rahi thi (mahrukh ke kehne par talha ne goor se us ka chehra dekha jahan aankhon mein ab bhi neend ka khumar baqi tha)
Sehar: aacha tum talha ko company do main bas do minute mein aye (us ne kehne ke saath hi mahrukh ka baazo pakar kar us ko chair ke kareeb khara kar diya aur khudh teeze se ander ki taraf barh gai)
Talha: aap behten (talha ke kehne par woh jhijakte huwe beht gai kuch lamhe khamoshi ki nazar ho gai talha musalsal use ki taraf dekh raha tha jo nazrein jhukai grass ko dekh rahe thi akhrt talha ne es khamoshi ko toora)
Talha: aap koi baat nahi karen gi
Mahrukh: main kiya baat karoon
Talha: kuch bhi (mahrukh kuch der ruki phir us ki taraf dekh kar bole)
Mahrukh: aap aaj kal kiya kar rahe hain (woh jo buhat goor se use dekh raha tha khul kar muskaraya)
Talha: darasal pehle main pagal tha lekin rank mein azafe ke saath mere pagal pan mein bhi azafa ho giya hai (us ki awaaz ke saath saath us ke chehre par bhi shararat thi pichle mulaqat ki yaad mahrukh ke damagh mein roshan huwe to woh khul kar hans pari talha ne bare dilchaspi se us ke chehre ko dekha)
Mahrukh: aap ko ab bhi yaad hai (muskara ke us ko dekhti hai)
Talha: aji hum to kuch bhi nahi bhoole (woh ghera saans le kar bola phir jaldi se sanmbhal giya) aap kiya kar rahe hain
Mahrukh: main psychology main MSC kar rahi hoon
Talha: that's nice
Mahrukh: aap aaj kal yahan Lahore main hote hain (kuch der khamoshi ke baad mahrukh ne baat age barhane ko bola)
Talha: jee aaj kal to Lahore mein hi hoon pichle teen saal se mere posting Peshawar mein thi (us ne muskarate huwe kaha) wese mahrukh aap buhat badal gai hain(talha ke kehne par us ne chounk kar us ki taraf dekhne lagi tabhi us ke nazar sehar par pare jo un ki taraf aa rahi thi mahrukh ki khamosi par talha muskaraya) dekha agar aap na badle hoten to abhi mujhe bara zabardast jawab milta (us ne phir pichle baat ka hawala diya to mahrukh mutmaen (relax) ho kar muskara di tabhi horn ki awaaz par sehar wapis palti) ek baat kahoon aap se (mahrukh sehar ko dekh rahe thi ek dam chounki) aap ka woh roop bhi zabardast tha lekin yeh roop dil fareb hai
Mahrukh ki muskarahat gaib ho gae us ke lehje mein aisa kuch tha ke us ki dharkan ek dam teez ho gai us ne ghabra kar gate se ander dakhil hone wali tahmoor ki car ko dekha us ne bhi unhe dekh liya tha tahmoor ko dekhte hi mahrukh ke chehre ka rang badla us ne nazren ghuma kar talha ki taraf dekha jo gheri nazron se use dekh raha tha sirf ek pal laga tha aur mahrukh talha ko dekh kar muskara di aur us ki muskarahat par jese woh khil giya itne mein tahmoor bhi un tak pohanch giya
Talha: are tahmoor kaise hain aap? (tahmoor ko dekhte hi woh uth kar us ke gale laga talha ke gale lagte huwe tahmoor ne gaur se mahrukh ki shakal dekhi mahrukh ne nazrein utha kar tahmoor ko dekha aur ander jane ke liye kadam barha diye)

coming up: talha propose mahrukh........par guys kiya mahrukh talha ko haan keh de gi........aur jab tahmoor ko pata chale ga to us ka reaction kia hoga.........kiya woh apne dil mein basi mahrukh ki mohabbat ko jaan pae ga.........yaan us ne kabhi mahrukh ko mohababt ki hi nahi......kiya mahrukh ke dil mein tahmoor ke liye basi huwe nafrat mit pae gi....just wait and read😉

do comment guyz

Edited by genious420 - 18 years ago

hey guyz i hope itne kafi hain i'll post others soon
and sont forget to comment plzzzzzz