Zindagi ki raah mein aage chalte jana har pal,
mur ke na dekh beete hue pal
jo nahin tha tera tujhe nahin mila,
jo milgaya uske sath guzaar apna har pal
"Maine kabhi nahi chaha tha Naina ki kabhi bhi waqt mujhe
tum se door karega? Mai nahi chahta tha ki mere jaane k baad, kabhi tum mujhe
apne aap se juda nahi kar paaogi. Yahi ek vajah thi ki mai kabhi bhi tum se
nahi keh paaya ki kitna chahta hoon mai tumhe. Kyounki mai nahi chahta tha ki
kabhi bhi meri vajah se tumhari aakhon me ansoon aaye, mai nahi chahta tha ki
jo dard mujhe hua hai tum se door jaane ka vo tum bhi saho. Par shayad mai
bhool gaya tha ki mere dil, mere jajbaaton aur mere ehsaason me bus chuki ho
tum mera vo khawab jo adhoora reh gaya. Vo khawahish jo poori hi nahi ho saki
kabhi. Na mai tum ko bhula paaya na tum mujhe bhul paayi. Aur aaj chah kar bhi
mai apni adhoori tamanna poori nahi kar sakta kyounki mai aaj tum se itna door
hoon ki shayad maine kabhi socha hi nahi tha ki ek hi jhatke me sab kuch is
tarah bikhar jaayega aur sab kuch aise badal jaayega."
Kabhi ro ke muskuraye , kabhi muskura
ke roye,
Jab bhi teri yaad aayi tujhe bhula ke roye,
ek tera hi to naam tha jise hazar bar likha,
Jitna likh ke khush hue us se jayada mita ke roye.
Tute Khwabo Ko Sajana Aata Hai,
Ruthe Dil Ko Manana Aata Hai,
Aap Humare Gam Ko Dekhkar Pareshan Na Hona,
Hame To Dard Me Bhi Muskurana Aata Hai !!
"Kahan hai aap Rajveer, pata nahi kyoun humesha ye ehsaas
raha hai ki aap saath me ho mere. Chahe kahin bhi ho aap par humesha mere saath
ho aur mere pass ho. Door jaane k bare me socha bhi kaise aap ne mujh se? Aap
ne to vaada kiya tha na Captain ki aap
apni cadet k saah humesha rahenge. Cadet Naina ah Singh k saath. To aaj kahan
chale gaye aap mujhe chod kar? Har vo pal yaad hai mujhe jab hum pehli baar
mile the..........jab pehli baar aap ko apne saamne dekh kar maine gabhrahat me apna
naam galat nahi shayad harbadhat me bata diya tha."
"Haan Naina mujhe bhi yaad hai vo pal jab pehli baar mila
tha mai tum se aur usi din maine tumhari aakhon me ek ajeeb se baat dekhi thi
jo mujhe aaj tak yaad hai. Vo aakhein, un ko mai kabhi nahi bhool sakta Naina
ko mere dil me basi hue hain."
"Phir vo pal jab mai kitne udaas thi par ek aap hi the na
Rajveer jis ne mujhe us udaasi me bhi humesha muskurana sikhaya hai."
Na Hi Dil Me Armaan Koi Rakna,
Duniya Ki Bhid Me Pahchan Koi Rakna,
Achhi Nahi Lagti Jab Rahti Ho Udas,
Hotho Pe Sada Muskan Wahi Rakna !!
"Aur vo pal kaise bhool sakti hoon mai jab mai apne drill me
fail ho gayi thi aur fir bhi aap ne mujhe jo support kiya tha
ye keh kar believe in
yourself because I believe in cadet Naina ah singh
"Vo din vo pal bhi yaad hai mujhe acche se jab mai tum se
kuch chipna chahte hue bhi chipa nahi paa raha tha. Kuch baatein tab aise thi na
jo shayad mai jaante hue bhi bata nahi sakta tha ya tab share nahi kar paa raha
tha."
"Aap ko pata hai na
ki aap apni Naina se kuch bhi nahi chupa sakte hain to bekaar me koshish bhi
kyoun ki thi us din. Pata hai aap ka chehra dekh kar mai samajh gayi thi tabhi
to maine aap ko thread game me pakad bhi liya par humesha jaise aap fir se bina
kuch bataye chale gaye."
"Mere zindagi k behtareen lamhon me se ek lamha jab maine us
khaali mess me tum ko dance karte hue dekha aur tab mere dil ne mujh se kaha ki
shayad mujhe aaj tumhe dance sikha k tumhari help karni chahiye. Vo saare moves
vo saare rhythm jo music na hone par bhi humare dilon ne ek doosre k liye
mehsoos kiye. Jin shabdon ki jabaan na hote hue bhi unhe hum ne mehsoos kiya
hai."
"Aap ne us dance class k bahane bahut anmol yaadein di hain
mujhe Rajveer, mai kabhi nahi bhool sakti har us pal ko. Jis tarah se aap ne
mujhe us din dance sikhaya hai shyad vo din mere zindagi k sab se behtareen
palon me se hai."
"Naina vo din mujhe abhi bhi nahi bhoolta jab hum dono mentorship
camp me rasta bhatak gaye the aur anjaane me ek keeched a ghaade me gir gaye the. Us din tum ko dekh kar pehli
baar ye ehsaas hua mujhe ki shayad mai tum ko ek cadet se jyada samajhne laga
hoon apne liye."
"Kitna hasi thi na mai sir, jab aap vahan gire the aur tab
jab aap ne bhi mujhe vahan keech liya to kuch der baad hum dono ek jaise lagne
lage. Shayad tab bhi mujhe ehsaas nahi tha ki aap mere liye ek mentor se jyada
kuch ban chuke hain."
"Naina tumhare ye Nain
na humesha bahut kuch kehte the mujh se, ek ajeeb sa ehsaas karate the mujhe
humesha jab bhi tum mujhe dekhti thi aisa lagta tha ki meri aatma tak dekh sakti
ho tum."
"Phir vo drill jab mujhe apne mentor ko bachana tha tab ek
pal k liye ye ehsaas hua jaise mai apni zindagi ko hi bachane jaa rahi hoon aap
k roop me."
"Jab tum us drill me participate karne aayi thi Naina tabhi
mujhe ye ehsaas ho gaya tha ki mujhe bacha logi tum. Chahe tum ko apne par
yakeen nahi tha par mujhe yakeen that um par aur humesha rahega."
"Aap ka hi yakeen tha
ki ek baar ladhakaanae k baad mere kadam kabhi bhi nahi ladkhadaye the. Maine
apne aap ko samhaalna seekh liya tha."
"Tum ko yaad hai Naina ek baar mai jab bimaar tha kitna
khayal rakha hai tab tum ne mera. Pehli baar mujhe ye ehsaas hua tha ki koi hai
yahan bhi mera khayal humesha rakhne k liye. Mujhe jis emotional help ki
jaroorat thi vo mil gayi hai. "
"Jab aap ne bhaiya k baare me mujhe bataya tha aur mujhe ye
bhi ehsaas hua ki shayad meri hi tarah aap bhi kitna jyada miss karte hain
bhaiya ko. Shayad har baar aap apna dard mere dard k saamne chupa le jaate hain
na. Par us din aap apna dard mujh se nahi chupa paaye na sir."
"Aur jab maine KMA k vice principal k liye tum ko aur
tumhare trust ko test kiya tha apne liye. Us me haar k bawjood bhi mujhe poori
tarah se ye ehsaas ho chuka tha ki tumhara vishwaas mujh par shayad ab kabhi
koi nahi badal sakta hai. Jis bharose se tumhari aakhein chamak rahi thi Naina
us ko dekhne k baad mujhe apne aap par aur jyada garv ho raha tha."
"Us k baad mere paas aa kar jis tarah se tumne mujh se
poocha ki mai haar kyoun gaya, us pal maine jo bhi kaha tum se tum ne aakhein
moond kar us par yakeen kar liya na Naina."
"Aur tumhari zid ki
point 1857 pe jaana hai. Kitna mana kiya tha maine koshish bhi ki ek baar mana
kar do but tum na Naina bilkul apne bhai ki tarah ho zid me."
"Point 1857 yaad hai sir aap ko, jahan mere jaane ki zid se
aap majboor ho gaye the mujhe le jaane k liye. Varna shayad nahi le jaate.
Raaste me bhi vapas laut jaane k liye kehte rahe par maine ek nahi maani aap
ki. Kitne surprise hue the vahan aap mujhe dekh kar."
"Sab kuch bataya aap ne vahan mujhe sab samjhaya bhi ki
kyoun ye jagah itne famous hai."
On point 1857
Naina:-" It's so beautiful."
Raj:-" Haan Yahi hai Naina vo eithihasic Point 1857. Lekin
maine kaha tha na tum se ki yahan aise koi bhi baat nahi hai jis k liye hume
itne mehnat karni pade."
Naina:- "Aaa Lekin bhaiya ki note book me to is jagah ka
jikr barbaar hai. Fir aise kya khaas baat hai is jagah me?"
Raj:- "Hai, Point 1857 boys cadets k liye bahut hi special
jagah hai. Ye vo jagah hai jahan par faculity ki najron se door KMA k boys cadets apni girlfriends ko le kar aaya karte the."
Naina:- " fir 1857 hi kyoun, kya pyaar k liye revolt karna
jaroori hota hai?"
Raj:- " Oh no tum bhi dhokha kha gayi na haan. Naina Point
1857 ka kranti se koi lena dena nahi hai. Ye sirf ek count hai un couples ko jo
kabhi yahan aaye the aur yahan pe aa k kuch haseen lamhe ek saath gujare the
aur KMA se pass out hone k baad shaadi k bandhan me humesha k liye bandh gaye.
This is point 1857, aur tum vo dekh rahi ho, yahan aao. Ye hai vo wishing
pillar.
Raj:- "Jaanti ho Naina cadets k yahan par aane ki ek khaas
vajah ye wishing pillar thi. Aisa kaha jaata hai ki agar yahan koi sacche dil
se koi poori shraddha k saath mannat maange ya phir kuch bhi wish kare to vo
poori ho jaati hai. Tum kuch maangna chahti ho? (she nodded in yes) to fir der
kis baat ki chalo." (And he seated on his knees and signaled her to sit besides
him.)
N wen Raj opened his eyes he saw her watching him intensly.
Jab Raj ne aakhein kholi tab Naina ne poocha, Naina:- "Kya
maanga sir?"
Raj:- "Naina wish humesha maanagne aur dene waale k beech me
hoti hai. Tum ne apne liye kuch nahi maanga." Aur us ne apni aakhein bund kar
li aur Rajveer thodi door pe jaa k khada ho gaya aur Naina ko dekhne laga. Aur
kuch hi palon me Naina ka duppatta uda aur us duppate ne Raj ko dhak liya.
Kuch der baad
Naina:- "Kitne beautiful jagah hai na ye, kitne shaant aur
sundar. Yahan se jaane ka man hi nahi karta." Jab Naina ne Rajveer ki taraf
dekha to us ne notice kiya ki vo to shayad Naina me hi khoya hua tha na. Dono
ki najrein mile par ek baar fir Rajveer ne apne aap ko samhaal liya.
Vo uth gaya vahan se.
Raj:- "Chalein Naina?"
Naina:- "Chalna to padega hi par jaane ka man nahi hai."
Raj:- "Vaise ek idea hai mere pass, jis se tumhare jaane k
baad bhi tumhara naam humesha k liye is jagah se jud sakta hai."
Naina:- "Vo kya hai sir?"
Raj:- "Chalo mere saath," aur Naina ko us ne pull kiya ek or
jahan jaa kar Rajveer ne Naina ka naam bulaya "Nainaaaaaaaaaaaa"
us ki awaaz us sannate me guujane lagi.
"Rajveerrrrrrrrrrrrrrrrrrrrr"
Ek baar fir dono ne kaha.
"Nainnnnaaaaaaaaaaaaaaaaaaa"
Rajveerrrrrrrrrrrrrrr".
Par is baar
Nainaaaaaaaaaaaaaaaa saath me hi Rajeevvvvvvvvvvvvv aur dono
ek doosre ko dekh kar smile kar rahe the.
(Flashback end)
"Aur jis din tumne
saari pehni thi pehli baar us din to tum ko dekh k lag raha tha ...................kaash aaj
waqt humesha k liye yahin tham jaaye aur tum humesha k liye meri najron k
saamne yu hi raho aur mai bus aise hi dekhta rahoon. Mai tum ko dekh k soch bhi
nahi paa raha tha kuch aur samajh bhi nahi paa raha tha kya kahoon aur kya
reaction doon. Mere dekhne se tumhare aakhon me jo sharam thi vo mujhe andar
tak mehsoos hue."
"Aap ne jis tarah se us din mujhe dekha tha, pata nahi kyoun
par mere man meye ehsaas palne laga ki aap shayad mujhe pasand karne lage hain.
Aap ki najrein aisa lag raha tha ki mujhe andar tak choo gayi hain aaj. Tabhi
apne aap se aur aap se itne sharam aa rahi thi."
"Fir aap ne bhi to
kuch nahi kaha na, pata nahi kahan kahan ki baatein batane lage mujhe. "
"Kuch tha hi nahi mere pass kehne k liye us pal. Shabd nahi
mil rahe the, shayad vahan se chale hi jaana behtar tha. Bus itna hi soch aur
keh paaya mai ki "Kamaal ki shart lagyi hai cadet Huda ne."
"Jaante hain na aap sir, jab hum last drill pe jaa rahe the
aur us din pata nahi kyoun ye khayal aa raha tha ki aaj aap ko jaa k mil loon
jaane fir kab mil paaon aap se ya dekh paaon? Acahnak se aap ki jeep k saamne
aa gayi thi mai aur aap bus ye poochte rahe ki kuch poochna chahti hoon mai ya
kuch jaana chahti hoon mai aap se."
"Tumhara har pagalpan yaad hai mujhe Naina, mujhe vo rumaal
de kar tum yu bhaag rahi thi ki mai tum ko rok na loon par mai shayad tumhare
har ishaare samjh raha tha aur samajhte hue ignore kar raha tha. Phir bhi us
pal rok nahi paaya apne aap ko aur tum ko vo watch di thi."
"Yaad hai sir jab aap ne kaha tha Apna aur apne waqt ka khayal
rakhna Naina." Maine to rakha na
khayal par shayad aap ye karna bhool gaye." Aur ek baar fir Naina ki aakhon me
ansoon the. Vo saare pal yaad kar k jab trail me Raj ko is sach ka saamna karna
hi pada tha ki vo Naina se pyaar karta hai.
"Aur us k baad vo aakhiri pal jab aap mujh se humesha k liye
alag ho gaye. Meri aakhon se door ho gaye, mere dil se door ho gaye aur meri
saanson se door ho gaye humesha k liye Rajveer Sir."
"Kabhi suna hai Naina jism kabhi apni rooh se alag hua ho.
Mai bhi tum se kabhi juda nahi ho paaya tha. Tum to sab se brave ho Naina to
fir aaj kya hua hai jab mere alawa koi bhi khayal nahi aa raha hai tumhare
jehan me. Tum ne mujhe bachaya tha na un terrorists se. Tum to vo ho na Naina
jis ko mai kabhi wrong judge nahi kar sakta hoon."
"Vo mera hausla nahi tha Rajveer sir, vo himmat tab aap ne
hi di thi mujhe aur aaj us himmat k sahare mai aap k sapne ko jaroor poora kar
paayi hoon par ye jaroor khalish reh gayi kahin ki shayad aaj aap nahi hain
mere saath. Jis ne mujhe is kabil banaya aaj vo insaan nahi hai mere saath mere
zindagi me."
"Har vo pal jab aap
the mere pass maine apne aap ko bahut strong paaya hai sir aur aaj mujhe lagta
hai mere jeene k liye aap ki yaadein hi kaafi hain aur aap bhi to humesha hain
na mere saath.Humesha mere mushkilon me mera saath dene waale mere Rajveer sir
kahan chale gaye hain aap. Aap ko pata hai na ki aap meri takat hain aur shayad
aap k bina meri zindagi adhoori hai."
"Nahi Naina tum kabhi bhi mere bina adhoori nahi reh sakti
ho pata hai, tum meri zindagi ka hi ek hissa ho jo mujh se kabhi door nahi jaa
sakta mai har pal humesha hoon tumhare saath."
Akela sa mehsus karo jab tanhai me,
Yaad meri aye jab judai me,
Mehsus karna tumhare karib hu me,
Jab chahe dekh lena apni hi parchai me.
"Kitne khoobsurat yaadein hain na Naina har us pal ki jo hum
ne ek saath bitaayein hain. Kaise bhool sakta hoon tum ko Naina tum to meri
dhadkan ban chuki ho na, jaane anjaane me jitna bhi maine tum ko hurt kiya hai
us k liye mujhe maaf karna Naina. Kabhi keh nahi paaya tum se ki kitna chahta
hoon, jab tum saamne hoti thi tab keh nahi paaya aur aaj jab tum pass nahi ho
to har us lamhe k liye tarasta hoon jo maine bitya hai kabhi tumhare saath."
Kaise
Batayein,
Kyu Tujh ko Chahe,
Yaara bata na Paaye
Baatein
dil o ki,
Dekho Jo Baaki,
Aankhein tujhe Samjhaye
Tu
Jaane Na, Tu Jaane Na,
Tu Jaane Na, Tu Jaane Na
mil ke
bhi, Hum na Mile,
tumse na jaane Kyu, Milo ke hai Fansle..
Tumse
Na jaane kyu, Anjaane Hai SilSile,
Tum Se Na Jaane Kyu, Sapno hai Palko Tale,
Tum Se Na Jaane Kyu,
Kaise
Batayein,
Kyu Tujh ko Chahe,
Yaara bata na Paaye
Baatein
dil o ki,
Dekho Jo Baaki,
Aankhein tujhe Samjhaye
Tu
Jaane Na, Tu Jaane Na,
Tu Jaane Na, Tu Jaane Na
Nigahon
mein dekho, jo hai bas gaya,
woh hai milta tumse, hu ba hu..
Jaane
teri Aankhein thi, ya baatein thi,
Wajah.. hue tum jo,
dil ki aarzoo
hum
pass ho ke bhi,
tum aas ho ke bhi,
ehsaas ho ke bhi'
apne nahi..
aise hai hum ko gileh..
tumse najaane kyu..
meelo
ke hai fansle
tum se na jaane kyu..
tu jaane na..
tu jaane na..
tu jaane na..
ohh
jaane na.
jaane na, jaane na
tu jaane na..
Khyalon
mein laakohn baatein,
yu toh keh gaya,
bola kuch na tere sahmney..
hue na
begaane bhi tum hoke,
aur dekho tum mere hi na bane..
afsos hota hai,
dil bhi yeh rota hai
Sapne
sanjota hoa..
pagla hua,
soche yeh..
hum the mile
tume se na jaane kyu,
meelo
ke hai fansle
tum se na jaane kyu..
anjaane hai silsile,
tumse najaane kyu,
sapne hai palko tale,
tumse najaane kyu..
Kaise
Batayein,
Kyu Tujh ko Chahe,
Yaara bata na Paaye
Baatein
dil o ki,
Dekho Jo Baaki,
Aankhein tujhe Samjhaye
Tu
Jaane Na,
Tu Jaane Na,
"Aap ne jo mujhe diya hai shayad vo mai apne aap ko kabhi
nahi de sakti thi. Par vo tamanna to shayad adhoori hone k liye hi bani thi na."
Yahi thi shayad Raj aur Naina k dilon me basi hue vo Tamanna
jo poori na ho saki par hum ab bhi us sapne ko poora kar sakte hain na apne Fan
Fictions se jis se dono humesha k liye mil paayein aur ek ho jaayein. Is baar
na hi koi Lala aur na hi kuch aur dono ko koi alag nahi ksar sakta hai na.
Edited by Mahak Sinha - 13 years ago
comment:
p_commentcount