I start with my the most favourite scene of Ramayan
Vaali: Chhal. Chhal. Mai haaraa nahi. Mai chhal se maaraa gaya hun. Tune chhal kiya hai mere saath. Tu kulaangaar Sugreev. Bhiru. Kaayar. Nirlaj. Kya tu samajhta hai teri vijay hui hai? Paraadheen ho kar, paraaye shastra se tune mere upar prahaar kiya hai. Tu vijeta banta hai? Are paamar. Tune apni jaati ke saath vishwaasghaat kiya hai. Kuldroh kiya hai. Deshdroh kiya hai. Dhikkar hai tujh par.
(Ram, Lakshman & Hanuman arrive)
Aa gaye? To tumhi woh Ram ho. Hummm? Aaryakul shiromani Shri Ram! Dashrathnandan, Raghukulbhooshan!! Ha ha ha. Jiski kirti ka pataakaa, pure aaryaavart me phaila rahaa hai, tum wahi Ram ho?
Lakshman: Tumne thik pehechana kapivar. Yahi Maryada Purushottam Shri Ram hai.
Vaali: Pratham darshan ke uplaksh me Kishkindha pati Baali ka namaskaar swikaar karoge? (Sarcastic)
(Ram joins hands)
He dharmdhwajadhaari! Maryaada Purushottam Shri Ram! Mujhe keval itna bataa do. Kaun si maryaadaa ka tumne paalan kiya hai Ram? Aad se chhipkar tumne mere upar prahaar kiya hai. Is prakaar vaar karna veeron ka kaam nahi hai. Yeh to vyaadh ka kaam hai Ram. Is dushkarm se, kya apni veerta par kalank nahi lagaayaa hai Ram? Ram bolo..... Ram bolo....(Shouting) Uttar do Ram..... Uttar do.....
Yeh teer nikal jaay to mai teri.. teri.. teri jaan le lun mai. (lots of pain)
Ram: Hanuman, inka baan nikaal do. Inki peeda kam ho jaayegi.
(Hanuman obeys the order and Vaali somewhat relieved from pain)
Vaali: Badi dayaa dikha rahe ho Shri Ram. Ek baat ka uttar to do. Ladaai to hum do bhaaion me thi. Aise samay me chhup kar mera vadh karna, yahi aadarsh hai aap aaryon ka? Mujhe maar kar apne purushon ki sabha me ninda ka paatr nahi banoge? Mera aapka to koi bair nahi tha Ram. Phir kis kaaran yeh Sugreev itna pyaara ho gaya aur mai aapka shatru ho gaya???!!!
Dharmhetu avatareu gunsaai, maarehu mohi vyaadh ki naai;
Mai bairi, Sugreev piyaaraa, avagun kavan naath mohi maaraa, kaaran kavan naath mohi maaraa?
Ram, mai kyun aapka shatru ho gaya?
Ram: Mitr ka shatru, shatru hota hai. Sugreev hamaaraa mitr hai. Tumne uske prati jo anyaay kiya hai, tatha tumhare paapon ka dand dene ke liye, ham tumhara vadh karne ki pratigyaa le chuke hain. Raghuvanshi jab kisiko vachan dete hain, to praan jaane par bhi us vachan ko pura karte hain. Apne vachan ka paalan karnaa, unke liye sabse badaa dharm hai. Tatha uske liye unhe ninda ka paatr banna bhi swikaar hai.
Vaali: Raaaam. Sugreev se mitrata karne me, Ravan dwaara haran ki gayi apni stri ke uddhaar ka tumhaara swaarth nahi chhipa hai? Kintu yeh praano ke bhay se pahaadon ki kho me mu chhupaae pada rehenevala yeh kaayar, kya tumhari sahaayata karega bolo? Iske liye tum, Kishkindhapati, Baali ke paas aate, to dekhte, mai ab tak us duraatma ko baandh kar tumhaare charno me daal chuka hota. Sita ko usne saagar ki atal geheraaion me, aakaash me, ya paataal me, kahin par bhi chhupa rakkha ho; mai Sita maata ko tumhare hawaale kar deta. Jis prakaar,,,,,,,, krurta purvak tumne, Baali ka vadh kiya hai,, us, aniti ko, tum itihaas ki drishti me kabhi nyaayochit nahi thehera sakoge. Jo janam leta hai, woh avashya martaa hai. Isliye, mujhe marne ka shok nahi hai. Mere baad, Sugreev ko, raajya milega; woh bhi anuchit nahi hai. Anuchit itna hi hai ki tumne mujhe rannbhoomi me, mere saath veeron ki bhaanti yuddh karte hue mujhe nahi maara. Mujhe adharm poorvak maara hai tumne. Tumne meri nirapraadh hatyaa ki hai. Tumhare is paap ka praayashchitt, kabhi nahi hoga. (Shouting) Ram, kabhi nahi hoga.
Ram: Vaanarraaj,,,, aaj maranonmukh avastha me pohunch kar, tum jis dharm, satkarm, aur niti ki duhaai de rahe ho; apne jeevan kaal me, usi dharm, satkarm, nyaay aur niti ka vichaar, tumne sapne me bhi nahi kiya. Dharm, arth, kaam aur laukik sadaachaar tum swayam hi nahi jaante. Aachaaron dwaara dharm ke swaroop ko thik thik jaane bina hi, aaj tum mujhe dharm ka updesh dena chaahte ho? Meri ninda karte samay tum mujhe ek abodh baalak ke samaan dikhaai dete ho. π Tum swayam chapal ho. Aur chanchal chittvale ajeetaatma vaanar tumhare mantri hain. Jis tarah ek andha dusre andhe ko raastaa dikhae; waise hi tumhare chapal mantri tumhe paraamarsh dete hain. Phir tum dharm ka vichaar kaise kar sakte ho? Dharm ke sookshm swaroop ko kaise samajh sakte ho? Dharm ki baat to door rahi, apne aparimit bal ke mad me choor ho kar, tumne to saamaanya laukik aachaar vyavahaar ka vichaar bhi kabhi nahi kiya. Bada bhai, pita tatha Guru; teeno ek samaan pujneey maane gaye hain. Usi prakaar, chhota bhai, putra tatha shishya, teeno ek samaan maane gaye hain. Putr ki vadhu, anuj ki bhaaryaa tatha bhagini ke saath apni kanyaa ke samaan pavitra sambandh rakhna paarivaarik, saamaajik tatha naitik dharm hai. Parantu tumne kabhi kisi maryaadaa ka koi paalan nahi kiya. Apne chhote bhai Sugreev ke saath anyaay karke, bina kisi dosh ke use nishkaasit kar diya. Aur jeeteji uski patni Ruma ko adharm aur aniti se apne aadhin rakha. Aise purush (Note that he is treated as monkey man and not just monkey) ka vadh karna hi uske liye upyukt dand maanaa gaya hai.
Anujvadhu bhagini sutnaari, sunu shath kanyaa sam ehi chaari;
Inahi kudrishti bilokai joi, taahe vadhe kachhu paap na hoi, taahe vadhe kachhu paap na hoi.
Vaali: Yadi yeh mera paap bhi tha, to dand dene ka adhikaar keval raaja ko hota hai. Tumhe kya adhikaar tha, nyaay ka bhaar apne haat me lene ka?
Ram: Ahankaari vaanar. Tumhe yeh vidit hona chaahie ke parvaton, van aur kaananon se bani prithvi ham Ikshuvaku vansh ke raajaaon ki hai. Is samay Ikshuvaku vansh ke raaja Bharat hai (What a great modesty - actually he had given his kingdom only as deposit for 14 years just as his technical ownership still virtually Ram only was the king). Unhi ki aagyaa ka paalan karnevala, aur pavitr Ikshuwaaku vansh ka vanshdhar hone ke naate; yahan ke pashu, pakshi, nar, vaanar; sabke prati dayaa ka bhaav rakhne, athvaa unhe dand dene ka adhikaar mujhe praapt hai.
Dharmaatma raaja Bharat is prithvi ka paalan karte hain. Unke rehete koi bhi praani dharm ke viruddh aacharan nahi kar saktaa. Atah ham sab, unhi ki aagyaa se shreshth dharm me sthir reh kar, tum jaise dharmbhrasht purushon ko vidhivat dand dete hain. Vaali. Satpurushon ka dharm ati sookshm hota hai. Use samajhna bahut kathin hota hai. Itna samajh lo, ki yadi raaja, paapi ko dand de, to paapi us dand ko bhog kar nishpaap ho jaata hai. Parantu yadi raaja, paapi ko uchit dand na de; to us dand ka phal, raaja ko swayam bhugatna padta hai. Manusmriti me, Manu mahaaraaj ne bhi yahi kaha hai.
Raajbhihi krit dandaastu, kritva paapaani maanavaaha;
Nirmalaaswargamaayaanti, santah sukrutinopatha.
Shaasanad vapi mokshaad va, istenah paapaad pramuchyate;
Raajaatu shaasan paapasya, tadvaapanoti kilbisham.
He vaanarraj, tumne jo paap kiya hai, uske anusaar, tumhara vadh, sarvatha dharm ke anusaar uchit maana jaayega.
Vaali: (Joining both hands and tears in eyes) He divya swaroop narottam! Dushtaattam aur ahankar ke pat meri aankhon ke aage se hat gaye. Meri aatma ke antahchakshu khul rahe hain. Maano aatma ne paramaatmaa ko pehechaan liya hai. Aapke amogh baan ki peeda ke pramaad me, agyaan ke aavesh me mere, mukh se aapke prati anuchit vaakya nikal gaye hain. Uske liye kshama karen Prabhu. Aap to paramaarth tatva ke yathaarth gyaata hai; aur mai dharmbhrasht praanion me, agraganya hun. He Kripasindhu! Mera ant mujhe achet kar denevala hai. Usse pahele apni charanraj de kar, mujhe praayaashchitt kar lene dijiye Prabhu.
(Ram sits near and takes his hands in his hands)
Prabhu.
Ram: He vaanarraaj. Praayashchitt to tumhara dand paane se hi ho gaya. Manu ne kaha hai ki Raaja se dand paa kar,manushya phir se paaphin aur pavitra ho jaata hai. So he raajan, tum ab nishpaap ho. Isliye adheer na ho. Apne mann se mrityu ka bhay santaap nikaal do. Ham sab tumhari deerghaayu ki mangalkaamna ke saath, tumhari seva aur uchit upchaar karke, tumhare praano ki raksha karenge.
Vaali: Prabhu. Ab raksha kisliye? Jeevan to baar baar mil jaayega. Parantu, phir in haathon se maran paa kar, moksha to nahi milega. He Ram. Aisi mrityu phir nahi milegi. Prabhu. Phir nahi milegi.
(I hereby write the choupaai sung here in the serial in bold and along with that will write line by line meaning with as much accuracy as possible.)
Janam janam muni jatanu karaahi, ant Ram kahi aavat naahi
Vali says to Ram "Saints toil hard birth after birth, still they don't die saying the word 'Ram'"
Jasu naam bal Sankar Kaasi det sabahi sam gati avinaashi
"With the power of that name, lord Shiv gives moksh - avinashi gati - to people dieing in Kaashi city"
Mam lochan gochar soi aava
"He himself has come in front of my eyes"
Bahuri ki Prabhu as banihi banaava (2)
"Is it possible that such fortune, God would give often - bahuri - baar baar?"
Ab naath kari karuna bilokahu, deu jou var maangau
"Now lord, looking at you with kind request, give me the boon which I ask"
Jehi joni janamo karm bas, tahan Ram pad anuraagau
"Whichever yoni I take birth next as per my Karmphal, I love lotus feet of Ram (yours)"
And greatness of the scene is its climax along with this choupaai and music and performance of Shyaam Sundar Kaalaani as Vaali is mind blowing. If short length characters and long length characters are compared parallel, then I may even perhaps put him ahead of acting of Hanuman, Lakshman, Ram, Ravan and Meghnad. Also his own acting as Vaali is far superior than his acting as Sugreev also along with dubbing voice chosen for Vaali. This scene covers everything. Logical arguments also and devotion also. It is the great defense about Lord Ram's act of killing Vaali through answering of his questions only as if if critics of Shri Ram are questioning and Dr Sagar is answering. And this climax justifies Geeta's verses - Api chedasi paapebhyah sarvebhyah paapkrutaamah; sarv gnyaanaplavenaiva vrujinam santarishyasi - Api chetsu duraachaaro bhajate maam ananyabhaak, saadhureva sa mantavya, samyak vyavasito hi sah.
Epic links for the reference
http://www.valmikiramayan.net/kishkindha/sarga17/kishkindha_17_frame.htm
http://www.valmikiramayan.net/kishkindha/sarga18/kishkindha_18_frame.htm
http://hindi.webdunia.com/religion/religion/hindu/ramcharitmanas/KishkindhaKand/5.htm
Youtube links
http://www.youtube.com/watch?v=5HfXKNvTg5A (from 08:45)
http://www.youtube.com/watch?v=H4DcFf2VC94
http://www.youtube.com/watch?v=6uQvNjKPl4gEdited by ShivangBuch - 14 years ago
comment:
p_commentcount