Hum Chaltey they Sath Sath,
Manzil Humari hoti thi Pass Pass,
Phir Bhi Dono Bahut Waqt letey,
Manzil Pe pahunchne sey jyada
Safar Key Sath Ko Sanjotey,
Aisa Lagta Maanoo
Chalo kehdey Sarey,
Dil Key Jazbaat,
Lekin Hichkichahat Aur Ghabhrahat,
Nahi Deta Laboo ko
Woh Sarey Sabdd Khass'.
Pyaar Hai Kahein, I love you boley,
Ya to Shayari kehdey,
Kuch taufaa dey, Likhdey Ya Gaa dey,
In Prashnoo mey ulajhtaa tha DIL'
Dimaag Kosta , jab kuch bhi nahi karpata tha Dil,
Samay beet jataa , Saath jhutt jaata,
Akeley mey Mayoos Ho chid jata thaa DIl'
Ladkaa Hun to Mujhey Hi pehal kar Pyaar Jataana Hoga,
Dimaag Yeh kehkey Dhamkata THA..,
Dil to kahin woh Naa to nahi kahegi,
Kahin kahaa nahi to juda to naa hojayegi..
Keh darata THA'
Dono Ek hi Mohaley mey rehtey hain,
Ek hi Bus pakad kar kaam pey jaatey hain,
Kaam pey jaaney Aaney ka waqt
kuch Adha Ghanta idhar udhar hai,
Lekin Hum Dono hi ek dusrey ka Saath paney ke liye
ruktey hai, Saath hi chaltey harbaar hai..
Kahin Main jaanta hun
woh Mujhey Pasand karti hai,
Kahin Woh bhi yeh samajhti hai
ki mere dil mey uskeliye chahat hai,
Dono Ghar ki, Bahar Ki, Duniya Ki Baatein kar
Saath Safar kartey hain,
Dono key Dil key ander Ki baatein Ankhen
Shabdo Ki khamoshiyon mey Bayaan kartey hain'
Maine Uphaar Deney Ka Kai Baar Socha,
Lekin himmat tutee sochkar
Kahin Aswikaar kiya to sehnaa paunga,
Jaantaa hun Sirf Apney andar key Pyaar ka bayaan karna hai,
Lekin Dil mey Bhavnaoo Ki Aisee Umad hai,
Dil har ek taar Ko usey dikhana chahta hai,
Uskey dil ke har taar ko bhi chuuna chahta hai'
Kaee Baar Uska Naam lekar,
Usey Rukakar, Kuch kehnaa hai yeh jatakar,
Lavzz Ki ladi Mann mey baandhi thi,
Tab ussey Muskuratey dekh,
Dil ki dhadkaney Badhii Hi tezii sey baddd jati thi,
Wah Sharmatii , Kahiye kehti Sunnkar Main , Hum , Tum, Phir kabhi
Itna hi batlaa Pata tha,
Naa janey kyun uski muskurahat , sharmati palkein dekh
mere muh pe lagjata taala tha'
Jaanta Woh kabhi Hasti, Kabhi pareshna ho uthati,
Aur Kabhi Rooth jaati thi,
Main Jaanta hun Woh Mere Poochney Kaa,
Mere Pyaar ko bayaan karney ka Intezaar karti rahti thi,
Main Kyun Itna Samay leraha hoon,
Iss baat sey Khafaa Khafaa thi'
Kuch Din Baad Main Uskeliye Ek Pyaara Taufaa Kharid laya,
Kuch phool chuney aur kagaz pe dil ka haal bayaan kardiya sara tha,
Jaanta tha Yehi woh Din, Wah Pal , Wah Samay hai
jab sari Hichkichahat Door hojayegi,
Bass ek baar main keh doo to
Woh jarur Ab Mujhe Bhi Apna Kahegii'
Uss Din Woh Nahi ayeee, Naa aya uska koii paigaam,
Main Khabrata Kahin Dil hamesha ke liye Naa toot jaye mera ,
Nahi chahta tha Mere Dil ka Ho Aisa Anjaam,
Ek Din, Do Din, Kuch Aur Haftey Guzrey,
Mera Dil Thamm Sa Gaya,
Manoo dard sey hojaatey iskey kaeee tukdey'
Asha, Nirasha, Sey Jyada Khud par Badaa Gussa Aaraha tha,
Pyaar karneka Jab Jasbaa hai to,
Pyaar Ko Bayaan karneka Hoslaa bhi ho Yeh Soch
Mera Gurur Damm todd raha tha'
Bas Ab Dil Aur Dard Naa Sehsakta tha,
Anjaam Ki Naaa sochkar Pehli Baar,
Dil key Hathon Majburr ho
Uskey Gharr Jaa Pahunch Gaya tha,
Darwaja Uskey Bhai Ne Khola,
Kaun chahiye Poochkar Usney Mujhe Roka,
Kya Hua Kaun Ayaa hai Poochtey Poochtey,
Uskey Pitaji Baahar Aye,
Uskey Chachaji Apney Kamrey sey Mujhey Takkey,
Chachi Aur Maa Rasoooeeghar sey Lagey jhaankney'
Sabki Nazrein Meri Orr tikki thi,
Bhai ka Bhari sharer Meri nazar sey Naa chuki thi,
Pitaji Ka teekha rukh Mujhsey dekhta,
Kya Kahun Ab mujhey tha tay karlena'.
Maine Sirf Yeh Sochaa Woh Kahan hai,
Ek Jhalak uski nahi maine dekhi hai,
Kahin dikh nahi rahi, Khafaa hai Yaa
Gharwaloo ko kisii aur ke liye usney Haan Kar diya hai'
Maine Seedhey Shabdoo mey Unki putri sey Milna chahta hun,
Issiii Mohley mey rehta hun,
Unkii putrid key saath Ek hi bus mey main Kaam pe jaataaa Hoon kahan,
Unhooney beithney Tak Ko nahi kaha,
Seedhey Sawaal kiya,
"Milna Kyun hai? Samay Ka tumhey andazaa Bhi nahi hai,
Parichay hai to kya Ghar tak chaley Aaoogey?
Milkar kya kehna hai Hum badey hai humey zara batlaoogey?
Baas Aur Kya tha, Mainey Apney ander key dard ko sulgaya
Aur Kehdiya, "Kyunki unki putri Ki jhalak dekhey Begaair
Main nahi reh saktaa tha,
Kaha , Ussey Mera Parichay huaa,
Aur yeh Parichay Pyaar mey badla tha,
Mere Dil Ko Aur Meri Bhavnaoo Ko agar Aap Sachaa Samjhey to,
Parichay Pyaar Aur Pyaar mey Premi ban
Premika Ko AnpaKar Parivaar mey Shamil karna chahta hun'
Bass Aur Kya tha Saari Nazrein Pareshaan hue,
Kuch Kadam Kuch Haath Meri Orr hueey,
Kuch Kadam Kuch Haath Unhey Rokey Khadey they,
Inn Sabhi sey Main nahi khabraya,
Kyunki Dil iss baat mey chintit tha,
Woh mera Pyaar
nazar key samney abtak nahi tha'
Kuch hi Paloo mey Ander , Bahar, Mohala,
Sab ek Gheremey they,
Mera Parivaar wahan Aaa pahunchaa,
Mujhe samjhaa rahey they,
Main to Sirff Unn Do nazrooo Ko Dhundh raha tha,
Jisss mey Meri Duniya basi thi,
Itna Sab Kuch Ho gaya,
Aisa Nahi ho sakta key
ussey Iss baat ki bhanak Bhi naa Huee thi'
Gussaa, Ankhein Naammm Huee,
Bhadkey Shareer Naraam padey,
Haath , Kadam Ab dheemey they,
Nazroo mey Apnaaapan Shaamil huaa,
Sabney Mujhey Ek Orr Dhakelaa,
Aur main kuch gumsaaa gaya tha,
Samney Thi wah beithi hueee,
Peir Fracture mey uska bandhaa tha'.
Dekh Main Samajh gaya
Kyun woh Mujhey Itney din dikhi nahi,
Uski Muskurahat kehgayi Kuch Bhi Badlaa nahi,
Pyaar utna hi Dono Dilloo mey tha,
Sirf Pyaar ka Izhaar khuleaam kiya ,
Yeh baat dono key dil ko sukun pahuncha raha tha'
Maine Kaha Dekho Tumhey Dekh Kuch kehtey Kaisey khabrajata thaa,
Dil ka haal Bayaan karna sach much mushkil hojata tha,
Tumharii ankhen jo jheel si hain wah kardeti mujhe bechain,
Kaisey batla pata, ankhey chuujati udjatey hosh aisey tumhare yeh naien'
Wah hasss padii aur kaha theek hai Aisa hai To ,
ab sey saaree pyaar bhar baatein mere gharwaloo sey hi karna,
Main bhi hass padaa kahaa Aisa kuch nahi hai,
Ek dusrey ko jab sab kehdengey to bechaini ko hoga bhagna,
Maine poocha Yeh Fracture kaisey huaa hai?
Kya dard jyada hai Kuch deir araam karna hai?
Main phikr mey tha, kyunki kuch kamzoor wah dikh rahi thi,
Wah muskurai meri fikr ussey bohat meethi lag rahi thi'.
Wah kehney lagii, "Bus sey jaatey samay
Hum dono key ticket ke paise aap detey ,
Lekin dono ticket Mere haath mey hi raktey,
Unn Mulakaton ki yaadein Ban
wah Ek ek Ticket ko Sambhalkar,
Unn lamho ko Maine Sanjoyaa hai,
Har Din Unhey sambhalkar rakhti
unnkey peechey uss din ki yaad ko likh diya hai,
Ab wah ek Diary ya Ek Album bankey
Mere Pyaar Ki gehrayee ko bayaan karta hai,
Yeh wahi cheez hai jo mujhey
apney Pyaar ki sunder tasveer dikhaya karta hai'.
Paagloo jaisaa Mann Inhey baar Baar dekhta,
Saath guzaarey Paloo Ko simat leta,
Akhri baar Jab hum miley usdin ka ticket
Udd kar baahar chala gaya tha,
Daudi Bhagi, usey hatth mey thama,
Aaur peechey mudi to paya, Bada Tile peir par gir gaya hai,
Dard Bohat huaa Lekin Yaadoo ka Albumm Adhura naa chutaa hai,
Dekhoo Takdeer ka taufaa,
Uss 'Tile' key girney ka dard Aaj Khushi mey badal Sukunn degaya hai"'
Meri Ankhen chalak uthi,
Uskey Nainoo sey Aasu bhi beh rahey they,
Hum ek dusrey ko kitna chahtey hain,
Khamoshi yeh baat Cheekh cheekh kar keh rahi hai'
Maine Ussey Bahoo Mey Uthaya,
Aur Jhoola kar kaha,
Pyaar Tum Ho,
Pyaar Tumhi Ho,
Humrah Tumho,
Humsafar Tumhi Ho'
Pyaar Tumhi sey,
Pyaar Tumhi pey,
Har Baat Kehdu aaj,
Har BHav jatladu aaj'
Pyaar Tumhare liye,
Pyaar Sirf tumhara,
Har Ghav Bhardu aaj,
Har Chah Bhardu Aaj'
Pyaar ka har lavz Tumhara,
Pyaar ka har kann tumhara,
Jeevan Tum,
Jigar Tumhi Ho'
Pyaar Ki Shuruwat Tum,
Pyaar ka Na koi Aanth sanam,
Hai Tumhi sey Mujhey Pyaar,
Hai Iss Pyaar pe garv Hazaar'
Pyaar Naa Pooja Naa dharm,
Pyaar Jeevan Amrit Sargam,
Hai Jeevan Saath humey Sang Chalna,
Jeevan Saathi Bann Humey Sang Rehna'
Meri Bahein Yunhi Tumhey
Pyaar mey Jhulaye,
Meri Saansein Tumhare liye
Mere Pyaar Ki Sakshi Banjaye,
Pyaar Tum Ho,
Pyaar Tumhi Ho,
Humrah Tum ho,
Humsafar Tumhi Ho'.
***************************************************************
😃Thanks to all my readers and friends for ur support and kinds words of encouragement.😃
Edited by bhoomikauttam - 14 years ago