BR Chopra's Mahabharat Chat Club # 1| Pg. 78,79(Page 81)

Share
Posted: 2010-09-22T23:53:18Z
@Shivang Bhaiya.. thnks for the dialogues... really awesome scene it was ..
loved the whole sequence of Subhadra haran ... specially when Krishna ji gives the justification to Dau bhaiya nd other Yadav warriors... just very apt !! Smile
 
 
3 Likes this
Posted: 2010-09-22T23:55:39Z

hey frnds .... made a Shree Krishna siggy after a veryyyy long time ..

hope u like it .. free to use ... WinkEmbarrassed
 
 
 
 
 
Please dont use my work on any other website !!
Smile
please feel free to drop comments/criticisms on
D CREATIONS LOUNGE @ www.dpka1415.wordpress.com
 
for posting any request on my lounge please visit ... : http://dpka1415.wordpress.com/2010/03/26/348/
 
JAI SHREE RAM !!

5 Likes this
Posted: 2010-09-23T10:43:48Z
Yes Deepika. My pleasure sister. Yeah. That entire sequence is just too good.

"Ab in sab prashno ke uttar to keval Subhadra hi de sakti hai na Dau."Big smile

Bigadi baat samvaaranaa, Saanvariya ki reet.

I will come up with more dialogs soon. Keep it up with your brilliant work. Nitish Bharadwaj siggies are always eye catching aur us par yours perfect touch.Clap

Regarding what you wanted to catch from the previous pages, I had posted on or around the same page from where you left answering you on your topic of Gandhari. Then that debate went on with Debipriya and Lola. Bahut maza aayaa tha. Let's catch up here once again each other in discussions.
Edited by ShivangBuch - 2010-09-24T00:47:37Z
2 Likes this
Posted: 2010-09-23T11:29:37Z

 
Woooooooooooooooooow Deeps, this siggie is just so beautiful!!!!!Day Dreaming Loving it soooooooo much, will def use soon! :D
 
I have another req for you.....can you please make a siggie from the Bhagawad Gita pics I posted whenever you find the time, and make the size 500*300 please?
2 Likes this
Posted: 2010-09-27T11:15:28Z

A scene from Udhyog parva - shaanti mantranaa episodes - when Krishna is about to arrive at Hastinapur as peace messanger


Bhishma: Vaasudev Shri Krishna ka shanti doot ban kar aana, koi saadhaaran ghatna nahi hai putra. We Kampilya ke rajpurohit nahi hain. We Vaasudev hain. We sanaatan dharma hain. Isliye, unke saamne apni mahatvakaanksha ko muh na kholne dena putra. We tula hain. Us tula par, yadi tum khare na utare, to tumhare paas na koi vartamaan hai, na hi bhavishya. Aur yeh baat bhi yaad rakhna, ki woh Duryodhan ke pitaashree ke paas, ya Pandavon ke jyeshth pitaashree ke paas nahi aa rahe hain shaantidoot ban kar. We Hastinapur ke naresh ke paas aa rahe hain. We raja Kuru aur maharaj Bharat ke uttaraadhikaari ke paas aa rahe hain. Unka shantiprastaav sunkar jo kuchh bhi tum unko kahoge, usi par Hastinapur ka bhavishya nirbhar hai putra.

Dhritaraashtra: Itne dino ke pashchaat, aapne mujhe putra kaha hai taatshree. Aapke muh se yeh sunne ke liye mere kaan taras gaye the.

Bhishma: Tumne putra kehne ka avsar hi nahi diya. Tum sabse naata todkar, apni mahatvakaanksha ke hokar reh gaye ho putra. Jab mai tumhe putra kehta, to mera naad, tumhari mahatvaakaanksha ki chattan se takra kar laut aataa. He putra. Duryodhan ko bahut chaah chuke. Ab tanik Hastinapur ko chaah kar dekho.

Dhritaraashtra: Mai kshama chaahta hun taatshree. Vaasudev ke swaagat ka kaaryabhaar aap hi sambhaaliye.

Bhishma: Nahi putra. Yeh kaarya to Vidur aur Duryodhan ko karna chaahiye. Kintu he Duryodhan. Dhyaan rahe. Vaasudev Shri Krishna, sampurna satya hain. Unhe apne abhimaan ke kaante se mat chhuna. Satya ka apmaan sambhav nahi. Parantu satya ke apmaan ka parinaam, shubh nahi hota.


Then Dhritaraashtra declares to give gifts of many servants and materials to please Krishna. Vidur questions this decision saying "Maharaaj, in sab mithyaachaar se kya laabh?"

Vidur: He Maharaj! Is mithyaachaar se kya laabh hoga?

Shakuni: Mahaamantri Vidur! Aap apne hi mahaaraaj ko, unhi ke kaksha me, mithyaachaari keh rahe hain? Hmm?

Vidur: He Gaandhaarnaresh! Mantriyon ka yahi kartavya hai ki woh apne naresh ke saamne sadaiv sach bolen. Aur jo apne naresh ke saamne sach nahi bol sakta use mantri hone ka koi adhikaar nahi hai. Koi adhikaar nahi hai. He Gaandhaarnaresh. Jab raajya ke mantri apne hi naresh se jhooth bolne lage to samajh lena chaahiye ki us raajya ka, Soorya asta honewaala hai. Mai is raajya ke Soorya ko asta hone se rokna chaahta hun. Aur isiliye sach bol raha hun. Mahaaraaj Vaasudev ko jo kuchh bhi bhent karna chaahte hain woh vaastav me bhent nahi, utkoch hai. Parantu he Maharaaj! (looking at Dhritaraashtra) Koi utkoch Vaasudev ko Arjun se alag nahi kar sakta. Arjun unka mitra nahi unka aataa jaataa shwaas hai, shwaas. Kripaya unhe yeh bhent dene ki bhool na kijiye mahaaraaj. Unke aane ka taatparya hi yeh hai ki we shaanti chaahte hain aur unke atirikt wahan shaanti chaahnewaala aur koi nahi hai. Unka aana, Pandavon se kai adhik, aapke hit me hai. Samast Hastinapur ke hit me hai. Isiliye mahaaraaj we jo bhi kuchh kahen, use maan lene ka prayatn kijiye. Prayatn kijiye mahaaraaj.

Duryodhan: Aaj mai pehli baar kaakaashree se sahmat ho raha hun pitashree. Yeh bhent dene ka uchit avsar nahi hai. Woh yeh bhi to soch sakta hai, ki hum sab usse darr gaye hain. (Now looking at Bhishma) Aur aap chaahe use kitna bhi prasann karne ka prayatn karen taatshree, parantu jis yuddh ki theher chuki hai, woh yuddh to hoga.

Bhishma: Tum unka swaagat karo na karo putra, Vaasudev to wahi karenge, jo karne ka nirnay we le chuke hain. Aur yeh na socho putra, ki yadi tumne unhe koi bhent nahi di ya unki pooja nahi ki to unka apmaan ho jaayega. Unka apmaan to ho hi nahi sakta. Kyunki we maan aur apmaan se pare hain putra. Aur yeh bhi na socho, ki Arjun unka mitra hai isliye we unka paksh lenge. We dharma ke atirikt aur kisike paksh me ho hi nahi sakte putra.

Duryodhan: To kya aap yeh kehna chaahte hain pitaamah, ki mai Pandavon ke jeevan kaal me samraat ho hi nahi sakta? Yadi aisa hai, to mai Vaasudev ko bandi bana lunga.

Dhritaraashtra: Aisa na kaho putra. Aisa na kaho. Yadi tum yeh bhul bhi jaao ki we kaun hain, to yeh avashya yaad rakhna ki we shaantidoot bankar aa rahe hain. Aur unki ore se hame koi kshati bhi nahi pohonchi hai. Tum unhe bandi banane ki soch bhi kaise sake?

Bhishma: Tumhari kroor soch sarvanaash ko aamantrit kar rahi hai vats. Apni soch ki disha badlo. He mahaaraaj. Mai aapke is pathbhrasht putra ki baaten ab aur nahi sun sakta. Parantu jaate jaate aapse yeh avashya keh dena chaahta hun ki yadi aapki sabha me, Vaasudev ka apmaan karne ka prayatn kiya gaya to apne is putra par rone ke liye, aapko aansunon ki bhi kami pad jaayegi.
3 Likes this
Posted: 2010-09-27T11:20:49Z

Just the next scene after the previous scene posted – Krishna meeting Kunti in Hastinapur just before the war and his official meeting for peace message in the Hastinapur rajdarbar

 

Kunti: Krishn. Krishn. Yeh aansu, barson se ruke hue the. Barson se ruke hue the.

Krishna: Achchha kiya bua jo in purane aansunon ko baha kar apni aankhen rikt kar di kyunki ab hum, aansunon ki seema me pravesh karnevaale hain.

Kunti: Yeh tumne kya kaha?

Krishna: Aap chinta na kare bua. Aapke PAANCH putra avashya surakshit rahenge.

Kunti: Paan...ch. Idhar jo bhi hain, wo bhi to mere putra hi hain Devkinandan.

Krishna: (Testing the emotional stability, justice and knowledge of dharma of Kunti) To kya aap Duryodhan aur Dushasan jaison ko, Laakshagruh durghatana, dhyutkreeda, Draupadi vastraharan, Paandavon ka vanvaas aur agyaatvaas ki peedaaon ke liye kshama kar dengi bua. Prashn yeh nahi hai ki kaun putra hai aur kaun putra nahi hai. Prashn hai dharma aur adharma ka. Bua mai Pandavon ke paksh me isliye nahi hun, ki we meri Kunti bua ke putra hain. Mai unke paksh me keval isliye hun ki aaj dharma unke paksh me hai. Meri nishtha dharma ke prati hai. Mai dharma ki raksha kar raha hun. Isliye bua. Aap mujhe yeh bataaiye, ki laut kar aapke putron ko mai aapki ore se kya sandesh dun?

Kunti: (Giving message to appropriate son who is unwilling for the war always) Yudhishthir se kehna ki jis din ke liye kshatraaniyan, putra utpann karti hain, woh din aa gaya hai.

Krishna (After getting confirmation from Kunti's reply that she also ready for war): To kya aap mere saath wahan chalna nahi chaahengi? 

Kunti: Nahi vats. Meri karmbhoomi to, yeh Hastinapur hai. Mai taatshree Bhishma, jyeshthshree, aur didi Gandhaari ko to nahi chhod sakti. Mujhe dekh kar, in sabon ko, yeh yaad to rehta hoga, ki in logon ne mere putron ke saath, kaise kaise anyaay kiye hain. Mai keval is raaj parivaar ki kulvadhu hi nahin hun vats. Mai in sab ka antarvivek bhi hun. He shaantidoot. Mujhe keval itna bata do, ki yuddh hoga, ki nahi hoga? 

Krishna: Mai to keval shaantidoot hun na bua. Isliye yuddh ka nirnay to mai nahi le sakta. Yeh nirnay to Hastinapurnaresh ke haath me hai. Yadi unhone nyaay karne ka saahas kiya, to yuddh nahi hoga. Kadapi nahi hoga. Parantu yadi unhone phir anyaay hi karna chaaha, to yuddh avashya hoga. Aur sach puchhiye to bua yeh nirnay unke haath me bhi nahi hai. Duryodhan ke haath me hai.

Kunti: Tab to yeh yuddh hoga Devkinandan. Tab to yeh yuddh hoga.

2 Likes this
Posted: 2010-09-27T11:28:07Z

Continuing the same sequence of scenes – just before the song Sabsaun oonchi prem sagaai

 

 

Shakuni: Dhairya se kaam lo, dhairya se. Hame to keval yeh dekhna hai ki Pandavon ne is maayaavee Krishna ko kya prastaav de kar bheja hai.

Duryodhan: We hamara kuchh nahi bigaad sakte maamaashree.

(Then Krishna enters the room)

Duryodhan: Aaiye, aaiye Vaasudev.

Shakuni: Hi hi hi Pranaam Madhusudan. Aaiye viraajeeye. Hi hi hi.Big smile

Duryodhan: Mujhe sadaiv is baat ka dukh rahega Vaasudev, ki aapne bhojan ke liye mere prastaav ko swikaar nahi kiya.

Krishna: SADAIV. Smile Sadaiv bahut faila hua shabd hai yuvraj. (Your time of death is very near now). Aur phir mai to ek shantidoot hun. To jab tak sandhi na ho jaay, aapki kripaen kaise swikaar kar sakta hun? Isliye he jyeshth Gandhariputra, aaiye pehle hum ekmat to ho len. Smile

Shakuni: He he he. He Keshav! Aapki yeh abhivrutti to meri samajh me bilkul nahi aa rahi. Vaad vivaad ki safltaa ya asafaltaa ka, atithi ya aatitheya ki maryaadaa se bhala kya sambandh hai? He he he.

Karna: Kyunki aapse to hamari koi ladaai hai nahi. Isliye yeh baat meri samajh me nahi aa rahi Vaasudev, ki aap jaise maryaadit purush, apne aatitheya ka apmaan kaise kar sakte hain?

Krishna: He Angraaj. Mai kisibhi sthiti me dharma ko tyaag nahi sakta. Koi kisike saath tab bhojan karta hai, jab aapas me sneh ho, ya phir woh bhukha ho. Smile Aur mai bhraata Duryodhan ka priya bhi nahi hun, aur bhukha bhi nahi hun.

Duryodhan: Yeh aap kaise keh sakte hain ki aap mujhe priya nahi hain? 

Krishna: Kyunki yadi mai aapko priya raha hota bhraataa Duryodhan, to Dwarika me aap Paarth se jhagad pade hote, ki aapko meri Naaraayani sena nahi, yeh nihattha Vaasudev Krishna chaahiye.

 

Shakuni: Hi hi hi. Parantu he Madhusudan. Isse to kuchh siddh nahi hota. Kuntiputra Arjun to aapse aapko maang hi chuke the. To aap to unke pehle hi ho chuke the. 

KrishnaBig smileBig smileBig smile To jab mai pehle hi Kuntiputra Arjun ka ho chuka hun Gandhaarnaresh, to yuvraaj Duryodhan ki kripaayen kaise swikaar kar sakta hun?Smile Jo Pandavon ka mitra nahi hai Gandhaarnaresh, woh mera mitra kadaapi nahi ho sakta. Kyunki dharma Paandavon ki shibir me hai. Aur jahan dharma hai, wahin mai hun. Aur mai yahan keval Pandavon ka doot ban kar nahi aayaa hun. Mai dharmdoot bhi hun. Yadi mai aapka bhojan karta bhraataa Duryodhan, to woh dharma ki maryaadaa ka ullanghan ho jaata.

Krodh me na aao jyeshth Gandharinandan. Krodh ka kavach namrata ke vaano ko rok nahi sakta. Aur aaj mai tumse yahi baat karne aayaa hun; ki tumse meri koi ladaai nahi hai. Isliye meri baat dhyaan se suno. Shaanti ka maarg pragati ka maarg hai. Unnati ka maarg hai. Aur yuddh ka maarg sidha samshaan ki ore jaata hai.

Duryodhan: Bhojan ka samay hai Vaasudev. (Krishna laughs) Mai aapse phir se yeh nivedan karunga ki yadi aap mere saath bhojan karen, to mai use aashirvaad samajhunga.

Krishna (Now becoming very strong and strict): Tum yadi sachmuch mujhe bhojan karvana hi chaahte yuvraj Duryodhan, to ab tak mera shaanti prastaav maan chuke hote. Bhojan to mai Vidurji ke ghar hi karunga.

 

(And he leaves the room).

Duryodhan: Yeeeaaaaaaah. AngryAngryAngry Yeh gwaalaa apne aap ko samajhta kya hai? Mai to ise apne saath bhojan karva ke, is gwaale ko maan dena chaahta tha. Parantu yeh gwaalaa to isi yogya hai, us daasiputra ke ghar jaa kar saag roti khaay. Maamaashree. Mai aapko vachan deta hun, ki yadi kal raajsabha me isne koi atpati baat kahi, to mai use ussi samay bandi bana lunga. AngryAngryAngry


Jab buddhi viparit ho, sachmuch kaal vinash;
Lagta hai Kuruvansh ka, nash, nash, bas nash.

2 Likes this
Posted: 2010-09-27T11:43:46Z
@Lalitha (with reference to your post in Ramayan-Shri Krishna CC5 lovely post)Hug

Thank you so much sister for your great encouraging compliments. As always. I am also missing to be part of that great conversation going on in the other CC but as Debipriya said, I have saved the contents of all Hinduism posts. All of them were so nice. I will try to be part of that CC soon. At the moment, it is going very rapidly. I joined the previous CC - CC4 around the 40th page number after a quite a bit of gap. But this CC has already reached near to 40th page.ShockedSmileClap Many congratulations to all the members of that CC. Once I will post my first post, I will address all the members to reply them individually.
Edited by ShivangBuch - 2010-10-02T06:59:43Z
2 Likes this

Related Topics

Topics Author Replies Views Last Post Reply
MeervanSJ 14 590 2017-12-28T20:53:51Z MeervanSJ
-AppleOfMaEye- 668 19876 2017-11-14T05:15:22Z maha2012
-AppleOfMaEye- 1128 28814 2015-07-10T03:24:29Z BeYourself
-AppleOfMaEye- 1125 36971 2015-01-07T09:35:49Z treasure11
--Bubble007-- 1086 36834 2014-12-10T03:12:38Z shreya11mehra

Topic Info

  • 756 Replies
  • 254660Views

Topic started by RamKiSeeta

Last replied by radhikarani

FORUM QUICK JUMP

TOP